Lakkoofsi namoota Covid-19'n qabamanii miiliyooona 16 darbe

Haguuggii Tamsaasa Kallattii

1. 25 Adooleessa 2020Tamsaasa keenya kallattiitti deebineerra

   Ashamaa!

   Tamsaasni keenya kallattii eegaleera.

   Dhiyaadhaa!

2. 24 Adooleessa 2020Tamsaasni keenya har'aa xumurame

   Tamsaasni kallattii BBC Afaan Oromo Jimaataa xumurame.

   Sambata ganama walitti deebina.

   Gaaritti.

3. 24 Adooleessa 2020Namni hidda dhaloota Afrikaa qabu yeroo jalqabaaf gartuu seera baastu Hindiitti filataman

   Rogeessii siyaasaa Shantaram Siddii jedhamaniifi qomoo hidda dhaloota Afrikaa qaban hawaasa lakkoofsan muraasa keessaa yeroo jalqabaatiif mana maree bakka bu’oota biyyattiif filatame.

   Hawaasni Siddihi Shantaram Siddii keessa dhalate daldalaaf Afrikaarraa gara Hindiitti ce’an, kaan isaanimmoo jaarraa 17tti daldalaa garbaatiin biyyatti seenan.

   Hawaasni kun baay'innisaanii amma 500,000 ta’u.

   Hawaasa kana keessaa kan filatame Shantaram Siddii, hawaasa keessatti dhalate keessaa nama jalqaba koolleejj seenee baratee eebbifamedha.

   Kutaa bulchiinsa Karnatakaa jedhamutti kan filatame yoo ta’u, mirga qomoowwan Hindii keessa jiraataniif qabsa’uu ittin fufa jedheera.

   Muudamu isaatti gammaduu tajaajila oduu biyyatti Za Hindutti wayita dubbatu ''yeroon muudamuu koo dhaga’u, namni qoosaaf waan na gowwoomsu natti fakkaate ‘’jedhe.

4. 24 Adooleessa 2020Komishiniin mirga namoomaa garee dhiittaa mirgaa hordofu hundeessuusaa ibse

5. 24 Adooleessa 2020Saatalaayitii yaaluun meeshaa waraanaa shaakaluu miti-Raashiyaa

   Ameerikaa fi UK'n biyyi Raashiyaa meeshaa waraanaa farra saatalayitii dhukaaste jedhanii himaatan.

   Raashiyaan garuu himannichi 'dharaa’ jette.

   Ministirri Ittisa Raashiyaa akka himanitti,yaaliin Adooleessa 15 biyyisaanii shaakalte saatalaayiitii biyya kamittuu yaaddoo hin ta’u, seera idila-addunyaas kan cabsu miti jedhu.

   Saatalayitii Meeshalee qo’annoo hawaaf Raashiyaa itti fayyadamtu to’attu fi sakattaatu teeknoloojii haaraa fayyadamne shaakalle jechuun biyyattin kan beeksifte .

   Ameerikaa fi UK’n garuu gochi saatalaayitiin sun hawaa keessatti dalagde nu yaaddessa jedhani ibsan.

   UK’n himannaa akkasii Raashiyaa irratti dhiyeessuun kan jalqabaati.

6. 24 Adooleessa 2020Namni dhalchuu akka hin dandeenye sobee saal-qunnamtii raawwate gudeeddiidhaan himatame

7. 24 Adooleessa 2020Itoophiyatti lakkoofsi olaanaa namoota Covid-19 qabamani galmaa'e

   Itoophiyaan sa'aatii 24 darban namoota 7,264'f qorannoo koronaavaayirasii taasifte keessaa vaayirasichi namoota 760 irratti argamuu Ministeerri Fayyaa ibse.

   Qorannoo ji'a afur olif taasifame keessatti vaayirasichi namoota hammanaarratti yoo argamu kan jalqabaati.

   Qorannoo taasifameen namoonni 140 haaraa kan bayyanatan yoo ta'u kunis lakkoofsa namoota hamma ammaatti Covid-19 irraa bayyanatan 5,785'tti ol guddiseera.

   Gama kaaniin namoonni 3 du'un ibsameera.

   Eega vaayirasichi biyyattii keessatti mul'atee as namoonni 200 sababa Covid-19 lubbuusaanii dhabaniiru.

   Namoota haaraa 760 Covid-19 qabaman dabalatee hamma ammaatti namoonni 12,693 vaayirasichaan qabamaniiru.

8. 24 Adooleessa 2020Piriimeer Liigiin Ingiliiz Fulbaana 12 jalqabuuf

   Dorgommiin kubbaa miilaa Piriimeer Liigii Ingiliiz kan bara dorgommii 2020-21 Fulbaana 12 jalqabee Caamsa 23 xumurama jedhame.

   Dorgommiin bara kanaa sababa weerara koronaavaayiras ji'oota sadiif eega adda cite booda Dilbata kana ni xumurama.

   Piriimeer Liigichi Liigii Kubbaa Miilaa Ingilaaz waliin sagantaa dorgommii biyya keessaa irratti "marii ni taasisa" jedheera.

   Piriimeer Liigiin Ingiliiz asiin dura ji'a Hagayya keessa kan jalqabu yoo ta'u amma immoo ji'a tokkoon achi siiqeera.

   Dorgommii kubbaa miilaa Piriimeer Liigii Ingiliiz bara kanaa Liivar Puul injifachuunsaa ni yaadatama.

9. 24 Adooleessa 2020Xiyyaarri loltuu Ameerikaa xiyyaara imaltootaa Iraanirraan balaa gahuuf oole

10. 24 Adooleessa 2020Gaazixeessaa Zimbaabwee mootummaan jeequmsa kakaaste jedhee hidhuu UN qeeqe

    Dhaabbata Biyyoota Gamtoomaniitti komishinarri mirga namoomaa qondaaltonni mootummaa Zimbaabwee uggura weerara koronaavaayirasii to’achuuf labsame da’effachuun bilisummaa yaada ofii ibsachuu fi gurmaa’uu daangessaa jiru jechuun qeeqan.

    Gaazixeessaan Hoopweel jedhamuu jeequmsa kakaasuun shakkamte Wixata darbe hidhame.

    Gaazixeessaan kun malaammaltummaa fi kufaatii dinagdee namoota balaaleeffatan yaadasaanii deeggaree toora tiwitara gubbaatti barreessuu isaaf hidhame.

    Hoogganaa paartii mormituus jeequmsa kakaafte jedhameetu akkanumatti tibbana hidhame.

    Dubbi himtuun komishiinii mirga namoomaa Dhaabbata Biyyoota Gamtoomanii,poolisoonni ogeeyyii fayyaa kaffaltii gahaa argataa hin jirru jedhanii mormiif bahan labsii kana da’eeffatanii hidhuu fi humnaan bittimsuu qeeqaniiru.

11. 24 Adooleessa 2020Lammummaa US kan qaban Reduwaaniifi Yusuuf mirgi wabii eegameef

    Ajjeechaa Hacaaluu hordofee kanneen to’ataman keessaa lammummaa US kan qaban lama mirgi wabii eegamuuf manni murtii eeyyamuu abukaatoon isaanii himan.

    Kanneen har'a mana murtiitti dhihaachuun mirgi wabii eegameef Reduwaan Amaaniifi Yuusuuf Bashir jedhamu.

    Lamaan isaanii dhalootaan itoophiyaa ta'anis turtii biyya Ameerikaa booda yeroo MM Abiy aangotti dhufan biyyatti kan deebi'anidha.

    Manni murtii guyyaa har'aa dhimma isaanii ilaale poolisiif guyyaa dabalataa eeyyamuun Adoolessa 24 , 2012 xumuree akka dhihaatu murtesseera.

    Abukaatoon isaanii Obbo Kadir Bulloo BBC'tti akka himanitti kunneen wabiif birrii 6,000 akka kanfalan itti himameera.

    Haa ta'u malee, har'aafi boru keessaa jechuu malee guyyaan itti gadhiifaman hin baramne.

    Ajjeechaa Hacaaluu booda kanneen to'ataman keessaa sadii lammummaa US kan qabanidha.

    Komishinin mirga namoomaa ibsa har'a baasen sadanuu bakka tursiisa yeroo magaalaa Finfinnee bakka Inqulaal Faabrikaa jedhamu akka jiran ibseera.

    Sadan keessaa lama har'a mirgi wabii kan eegamef yoo ta'u tokko kan hafe teknishaana OMN Mishaa Cirriiti.

    Mishaan kana dura Imbaasii US qunnamu rakkachuu isaa mana murtiitti dhihaate dubbachuun isaa ni yadatama.

12. 24 Adooleessa 2020Veetinaam Covid-19’f namoota saaxilu jettee bineensota daggalaa daldaluu dhorkite

    Biyyattiin weerarri kronaavaayiras akka hin hammaanne to’achuuf, bineensota daggalaa biyya alarraa biyyattitti seensisuun hin akka gurguramne dhorkite.

    Daldalli bineensota daggalaa dhibeen addunyaa weerare kun sinbirroota halkaaniirraa gara namaatti akka darbeetu himama.

    Bineensoonni dhibee kana jalqaba namatti dabarsuun shakkaman keessatti pigoliinii, hantuuta, Sivitas bineentii jedhamtuufi biyyoota Eshiyaa baay'innaan jiraattu ni eeramu.

    Kanaaf,Veetinaam gabaa bineensotni daggalaa kunneen itti gurguramaa jiran dhorkiteetti.

13. 24 Adooleessa 2020Odeesaalee wayitaawoo koronaavaayiras guutuu addunyaarraa

    Addunyaarratti hamma ammaatti namoonni miiliyoona 15.5 ta'an koronaavaayirasiidhaan qabamaniiru. Namoonni 630,000 immoo eega weerarri koronaavaayiras jalqabee as du'aniiru.

    • Indiyaan lakkoofsa namoota haaraa Covid-19 qabamanii isa ol'aanaa galmeessite. Kanaanis namoonni 49,310 Covid-19 qabamaniiru.
    • Afriikaan Kibbaa tatamsa'ina koronaavaayiras ittisuuf jecha manneen barnootaa hawaasaa irra deebiin cufte.
    • Riippaabilik sagantaalee mana keessatti jiraatan irratti namoonni maaskii akka godhatan dirqama taasifte. Biyyattii keessatti namoonni 5,000 vaayirasichaan qabamaniiru.

    • Pirezedant Tiraamp marii Filooriidatti adeemsisuuf turan "koronaavaayirasii babal'isa" jechuun haqaniiru.
    • Booliviyaan filannoo Hagayya yookiin Fulbaanaa taasisuuf turte sodaa Covid-19 ni babal'ata jedhuun ji'a Onkololeessaa keessa filattu achi butte.

14. 24 Adooleessa 2020Dubbi himaan mootummaa Keeniyaa Covi-19 qabaman wal'aanama jiru

    Qondaala waraanaa duraanii fi dubbi himaan mootummaa Keeniyaa yeroo ammaa Kaayruus Ogunaa,gidduu galeessa addatti tursiifaman keessatti yaalamuu amanan.

    Guyyaa shan dura garuu ,mallattoon dhibichaas narratti argamee hin wal’aanamne jedhanii waakkataa turan.

    Hojiif magaalaa Naayiroobiin ala bahanii erga deebi’anii mallattoon dhibichaa irratti mul’achuu boodarra amanan.

    Maatiin isaanii ammatti fayyaa qabaachuu fi namoonni tuttuqaa wajjiin qabaniillee addaa baafamu himan.

15. 24 Adooleessa 2020Biyyi Afrikaa takkittiin Covid-19 irraa bilisa turte vaayirasichi argamuu himte

    Biyyi Afrikaa takkittin hanga ammaatti Covid-19 irraa bilisa turte Sahaaraan Lixaa vaayirasichi biyya ishee lixuu beeksifte.

    Saharaan Lixaa biyya ishee dhumaa Covid-19 keessatti argamuu mirkaneessite taateetti. Namoota afurtu vaayirasichaan qabamuun ibsame.

    Gamtaan Afrikaa biyya ardii kanaa 55 jechuun beekamtii kan kenneef ta'uus Morookoon garuu qaama kootii jechuun akka biyyatti si hin beeku jetti.

    Afrikaa keessatti hanga ammatti namootni 750,000 ol vaayirasii kanaan kan qabaman yoo ta'u akka Dhaabbatni Fayyaa Addunyaa jedhutti 15,000 kan ta'an ammoo du'aniiru.

16. 24 Adooleessa 2020Sudaan awwaalcha Jimlaa loltoota duraanii argadhe jette

    Sudaan awwaalcha Jimlaa loltoota duraanii argadhe jette

    Mootummaan Sudaan awwaalcha Jimlaa bara 1990 keessa gaggeeffame jedhe argachuu beeksise.

    Abbaan Alangaa waliigalaa biyyichaa kaleessa awwaalcha loltoota 28 kan bara sana yaalii fonqolcha mootummaa fashalaa’e keessatti hirmaatanii tahuu hin hafu jedhe argachuu hime.

    Abbaan Alangaa ''awwaalcha jimlaan kan bara 1990 keessa raawate argachuu koofa raga guutuun qaba. Hanga qorannoon xumuramuttis bakkichi ni eegama’’ jedha ibsi bahe.

    Mr Bashir human waraanaa yaalii fonqolchaa bulchiinsa isaa irratti gaggeessan fashaleessuun hedduun isaanii ammo ajjeefamaniiru jedhama.

    Omar al- Bashi bara 1989 humna waraanaan fonqolcha mootummaa gaggeessuun gara aangootti dhufuu isaaniin himatamaa jiru.

    Yoo ragaa guutuun argamee yakkamaa tahuun mirkanaa’e manguddoon waggoota 30’f Sudaaniin bulchan murtoo du’aan adabamuu danda’u.

    Akkasumas Mana Murtii Idil Adunyaa irratti yakka waraana uummata irratti gaggeessaniifi duguuggaa sanyii Lixa Daarfuritti raawwataniiru jedhamuun himatamaniiru.

    Bara darbe fincila Sudaanitti jaalattoota dimokiraasii dhoheen aangoo irraa kaafaman.

17. 24 Adooleessa 2020Liiverpul irraa Yoordaan Hendersan badhaasa waldaa barresitoota kubbaa miilaa mo'ate

    Dursaan taphaattootaa Liiverpuul Yoordaan Hendersan badhaasa waldaa Barreesitoota Kubbaa Miilaa bara kanaa mo’ate.

    Taphataan ganna 30 Hendersan Liiverpuul waggoota 30 booda waancaa kana akka injifatu gargaareera.

    ‘’Galata isiniif dhiyeessaa garuu badhaasa kana hojii ofiikoon qofan fudhadha miti.

    Namoota baay’eefan galata dhiyeessa garuu akka garee taphattoota keenyaa hojii ajaa’ibsiisaa hojjetaniitti kan galateeffamu hin jiru'' jedheera.

    Virjil Vaan Daayik fi Sadiyoo Maaneen akkasumas Maanchister Siitii irraa Keevin De Biruuniifi Taphataan Maanchister Yuunaayitid Maarkas Raashfoordi sadrkaa hanga shanii jiru qabachuun xumuran.

    Liiverpuul waancaa PL bara kanaa garaagarummaa qabxii guddaan Maanchister Siitii caalee fudhate.

18. 24 Adooleessa 2020Waldhabdee Naannoo Kibbaatti uumameen namoonni 17 lubbuu dhabanii kuma 21 ol buqqa'an

19. 24 Adooleessa 2020Namootni kudhan ta'anii dubartii tokko gudeedan adabaman

    Dhiirotni kudhan Jarman keessatti dubartii mana dhugaatii irraa baatee deemaa turte gudeedan adabbiin irratti murtaa’eera.

    Namoonni kunneen harki caalaan isaanii baqattoota Siiriyaadha.

    Yakki bara 2018tti Firiibargitti raawwate kun hiriira mormii godaantota balaaleffatu kaaseetu ture.

    Namni himatame inni jalqabaa hidhaa waggaa shaniifi walakkaan yoo adabamu,kan hafan torba ammoo hidhaa hanga waggaa afuriitu irratti murtaa’e.

    Namooti lama immoo murtoon isaanii achi akka darbu taheera, sababiinsaa gargaarsa barbaaachisaa hin arganne kan jedhuuni.

    Namni tokko bilisaan gadhiifameera.

    Shamarreen ganna 18 bosona keessatti gudeedamte miidhaan kun osoo irra hin gahiin dhugaatii dhugdee turte.

    Namoonni saddeet mana murtiitti dhiyaatan baqattoota Siiriyaati, kaan sadan lammiilee Iraaq, Afgaanistaan fi Jarmanii dha.

    Yakki biraa baqattootaan raawwatame imaammata Chaansilariin Jarmanii Angeelaa Meerkil godaantota deeggaru irratti mormii kaaseera.

    Meerkil imaammata ‘’karra banaa’’ jedhuun gama tokkoon yoo leellifaman gama biraan immoo qeeqatu irra gaha. Boodarra isaaniyyuu Jarman godaantota simachuuf haalaan qophii hin turre jedhaniitu turan.

20. 24 Adooleessa 2020'Koronaavaayirasiin ajandaa siyaasaati' jechuun namni of eeggachuu dhiiseera-Jiraattota