Koronaavaayirasiin 'dhibee sammuu guutuu addunyaa qaqqabsiisaa jira'

Dhaabbanni Biyyoota Gamtoomanii (UN) weerarri koronaavaayirasii dhibee sammuu guutuu addunyaatti qaqqabsiisaa waan jiruuf biyyoonni deggarsa fayyaa sammuu qaama ittisa weerara kanaa isa ijoo godhachuun socho'uu qabu jedhe.

Haguuggii Tamsaasa Kallattii

13 Caamsaa 2020Mammaaksa guyyuu BBCrraa
Mammaaksi keenya har'aa kana jetti:
Isinillee hidhaa kana hordofuun, guca (form) dhumarra jiru guutaa - mammaaksa naannoo keessanitti mammaakaman nuuf ergaa.
https://bbc.com.im/afaanoromoo/oduu-52613918%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">
13 Caamsaa 2020Wuhaan jiraattoota miliyoona 11 qabdu hunda qorachuufi
13 Caamsaa 2020Amma nu gahe, COVID-19 ITOOPHIYAATTI, Itoophiyaatti lakkoofsi namoota Covid-19n qabamanii 263 gahe
Itoophiyaan sa'aa 24 dabre keessa namoota 2650f qorannoo Koroonaavaayiras kan taasiste yogguu tahu, namoota 2 irratti vaayirasichi argamuu Ministeerri Fayyaa biyyattii ya beeksise.
Namoonni qabamuun isaanii mirkanaa'e lamaan kun dhiiroota akka tahaniifi lammanuu seenaa imala biyya alaa kan qaban tahuu ragaan ministeerichaa ni mul'isa.
Namni tokko konkolaachisaa konkolaataa fee'umsaa Tigraay irraa yogguu tahu, kan biraa ammoo Jigjigaatti iddoo adda baafamanii turan keessaati.
Gama biraatiin, sa'aatii 24 dabre keessa namoonni lama Finfinneerraa vaayirasicharraa bayyanachuus beekameera - waliigalattis namoonni 108 irraa bayyanataniiru.
Lakkoofsi namoota waliigalaa biyyattiitti Covid-19n qabamaniis 263 taheera.
13 Caamsaa 2020Aanga’aan Eertiraa duraanii Covid-19n UKtti lubbuu dhaban
Dippiloomaatni Eertiraa duraanii Afawarqii Abrihaa Yunaayitid Kingidamitti Koroonaavaayirasiin lubbuu dhabuu maatiin isaanii BBCtti himan.
Maanguddoo ganna 71 ka turan namni kun, kutaa wal’aansa addaa (ICU) keessatti ji’a tokkoof gargaarsi godhamaafi tures jedhameera.
ALA bara 1196-2001tti UKtti dippiloomaata Eertiraa tahuun tajaajilaniiru.
Kana malees, namni kun wayita Itoophiyaa fi Eertiraan gargar goranitti, dippiloomaatii jalqabaallee tahuun tajaajilaa turan.
Adda Bilisummaa Eertiraattis ALA 1975tti Jarmaniirraa makamuun, loltuu tahuunis tajaajilaa turan Aabb Afawarqii. Waraanatti dabalamuu isaaniin dura gosa barnootaa faarmaasiin Raashiyaatti barataniiru.
Haati warraa isaaniifi waraana keessa loltuu ka turan Faatinaa Ahimaddin, balaa konkolaataa Landanitti mudateen, qaamni isaanii erga sosocho’uu dhabee bubbulaniiru.
Namni kun ganna 20 oliif haadha warraa isaanii balaan manatti hambise kana, ‘‘kunuunsaa, altokkollee biraa hin hafne,’’ jedhan maatiin.
Hiriyoonni nama kanaa, maatiisaaniif daran kan dhimmamaniifi jaalala addaa akka qaban BBCtti himaniiru.
13 Caamsaa 2020Kaampii buqqaatotaa Sudaan Kibbaa keessatti Covid-19 argame
Qondaalonni fayyaa Sudaan Kibbaa yeroo duraatiif kaampii buqqaatotaa keessatti koronaavaayirasiin argamuu gabaasan.
Namoonni lama vaayirasichaan kan qabaman yoo ta'u tokko kaampii magaalaa guddoo Jubaa keessa jiru, kan lammataa Kaaba biyyattii Beentuu keessatti.
Kaampiiwwan namoonni sababa waraanaan buqqa'an 200,000 ol ta'an walitti hedduummatani keessa jiraatan keessatti weerarri kun mudannaan miidhaa hamaatu gaha jechuun ogeeyyiin akeekkachiisaa turan.
Biyyattiin waraana waggoota dheeraaf irra turterraa kan ka'e Afrikaa keessaa biyya sirna fayyaa jabaa hin qabne kan jalqabaati.
Walumaagalatti Sudaan Kibbaatti amma yoona namootni 194 koronaavaayirasiin qabamuun isaanii mirkanaa'ee jira.
13 Caamsaa 2020Ispeenitti maanguddoon ganna 113 Covid-19 irraa bayyanatan
Ispeen keessatti maanguddoon umuriin isaanii waggaa 113 ta'e koronaavaayirasii irraa bayyanatan jedhan qondaaltonni mootummaa biyyattii.
Maanguddoon maqaan isaanii Maria Branya jedhmu kun yeroo ammaa Ispeen keessatti hangafa nama hundaati.
Maanguddoon kun Bitootessa darbe wayita biyyattiin sochii uummataa uggurte ture kan adda baafaman.
Amma mallattoo salphaa irraan kan hafe fayyummaansaanii haala gaariirra jira.
Maanguddoon kun taateewwan addunyaa rifaasisan kanneen kanaan dura turan akka 'Spanish flu(1918-19, Waraana waliinii Ispeen(1936-39) fi weerara koronaavaayirasii arganiiru jechuudha.
Bara 1907 Meeksikootti kan dhalatan maanguddoon kun ijoollee sadii fi akkawoo 11 qabu.
13 Caamsaa 2020'Hojii kiyya waanan hojjedheef qofan Covid-19'n shakkame'
13 Caamsaa 2020Eertiraan weerara koroonaavaayirasii irra aantee?
13 Caamsaa 2020Singaapoor hojjettoota lammii biyya alaa 323,000 qorachuufi
Lammileen biyyoota alaa Singaapoor keessa jiraatan 323,000 koronaavaayirasiif akka qorataman aanga'oonni biyyattii himan.
Weerara Covid-19 to'achuun leellifamaa kan turte Singaapoor boodana hojjettoota lammii biyyoota alaa irratti weerarichi hammaatuu gabaaste.
Kanaafi hojjettoota lammii biyyoota alaa hunda qorachuuf kan murteessite.
Hojjettoota baqaan garas godaananii achitti hojjetan kuma dhibba hedduun lakkaa'aman qabdi. Hedduun isaanii Kibba Eeshiyaa irraati.
Hojii ijaarsaa irratti kan bobba'an hojjettoonni hedduun iddoo tokkotti walitti heddummatanii jiraatu. Kutaa tokko keessa hanga nama 16.
Weerarichi kan itti hammaateef kanaafi jedhama.
Biyyattii keessatti amma dura namni 24,671 vaayirasichaan kan qabame yoo ta'u hunduu hojjettoota biyyoota kaaniti jechuun ni danda'ama.
Kanneen keessaa 21 du'aniiru.
13 Caamsaa 2020Niiw Ziilaand sirna awwaalchaarratti namoonni 50 argamuu danda'u jette
Mootummaan Niw Ziilaand namoonni 50 ta'an sirna awwaalchaarratti argamuu ni danda'u jedhe.
Suuqonni, manneen nyaataa, siinimaawwanii fi iddoowwan namoonni itti wal-gahan irra deebiidhaan akka banaman taasifamaniiru.
Biyyattiin karoora uggura kaasuu gulantaa gulantaadhaan kan itti adeemaa jirtu yoo ta'u, karoora gulantaa lammaffaarratti namoonni 100 ol wal gahuu danda'u turan - mootummaan garuu sirna awwaalchaarratti namoonni 10 qofti argamuu qabu jedhee ture.
Hogganaan mormituu Siimoon Biriijis murtee kana "namummaa kan hin qabne" jedheera.
"Gara jabummaa qofa osoo hin tanee miira namummaa hin qabu. Siinimaa keessatti namoonni 99 argamanii walirraa siqu yoo ta'e sirna awwaalchaarrattis gochuun ni danda'ama."
Sirni awwaalchaarrattis namoonni walirraa siiquu dabalatee of eeggannoo taasisuu qabu.
13 Caamsaa 2020Lammileen Naayijeeriyaa 23,000 hokkora dheeffa Nijeeritti baqatan
Yoo xiqqaate lammileen Naayijeeriyaa 23,000 ta'an hokkora Kaaba Baha biyyattii jiru dheeffuun torbanoota muraasa darban gara Nijeeritti baqachuu UNHCR beeksise.
Baqattoonni kun irra hedduun dubartootaafi daa'imman yoo ta'an sababa koronaavaayirasiin daangaan cufamaa ta'ullee Nijeeritti akka baqatan hayyamameefii jira.
Dhaabbanni Baqattoottaa Biyyoota Gamtoomanuu (UNHCR) akka jedhutti achuma Nijeer keessaayis namootni 19,000 hokkora daangaarra jiru baqachuun biyyuma isaanii keessatti qe'eerraa buqqa'anii jiru.
Namootni kunneen ajjeechaa, maallaqa barbaacha jecha ugguramuu fi saamicha hidhattootaan raawwatamu baqatan.
Lakkoofsi namoota sababa hokkora Kaaba Baha Naayijeeriyaa jiruun baqatanii dabalaa jiraachuu hima UNHCR.
13 Caamsaa 2020MM Leesootoo dullumaan aangoo gadi dhiisuufi
MM Leesootoo ganna 80 Toomaas Tabaanee "sababa dullumaan gaafa Roobii aangoo gadi dhiisuufi" jechuun AFP'tti himaniiru.
Ajjeechaa haadha warraasaanii duraaniin kan himataman yoo ta’u haati warraasaanii bara 2017 manasaaniin alatti si’a heddu rasaasaan dhahamanii du'an.
MM Tabaanee fi haati warraasaanii ammaa Ma’eesaahn ajjeecha kana keessaa harka qabaachuusaanii haalaniiru.
Himannaan haadha warraasaanii ammas mana murtiitiin hordofamaa jira.
MM aangoosaanii dhuma bara 2022 kan xumuran ta’us aangoorraa bu'anii soorama bahuun “hamma danda’ametti salphaa” akka ta’u barbaada jechuun AFP’tti bilbilaan himaniiru.
Isaanis mootii aadaa ‘King Letsie III’ jedhamutti fedhiisaaniitiin aangoorraa bu’aa akka jiran itti hima jedhan.
“Deemee akka aangoorraa bu’aaru itti hima. Innis ‘tole’ jedha,” jedhan.
Namoonni heddu MM Tabaaneen ji’oota hedduuf seera jalaa bahuuf hojjachaa turan jedhu.
Paartiinsaanii asiin dura ittisa seeraa hin argatan jedhee ture.
13 Caamsaa 2020Sudaan yaada waliigaltee hidha haaromsaa Itoophiyaa 'didde'
Sudaan dhimma Hidha Haaromsaa irratti yaada waliigaltee jalqabaa mallatteessuu Itoophiyaan dhiyeessite diddde.
MM Abdallaa Hamdook ibsa Kibxata kennaniin "yaada waliigaltee gulantaa jalqabaa mallatteessuu hin fudhadhu, sababni isaa ammoo ammallee dhimmootni teeknikaa fi seeraa furamuu qaban jiru" jedhan akka 'al Arabiyaan gabaasetti.
MM Abiy Sudaan waliigaltee jalqabaa kan Itoophiyaa hidhicha bishaan guutuu dandeessisu akka mallatteessitu MM Abdallaa gaafachuu gabaase.
MM Abdallaan "waliigaltee waa hunda hammaterra gahuuf qaamoleen marti maritti deebi'u qabu" jedhan.
Itoophiyaan waliigalyeerra gahamuu baatus hidha kana bishaan guutuu eegaluuf Adoolessa eegaa jirti.
Masrii fi Sudaan Hidhi Haaromsaa Itoophiyaan laga Abbayyaa irratti ijaaraa jirtu dhiyeessii bishaanii isaanii akka jalaa hin miine sodaa qabu.
Biyyoonni sadan marroo adda addaa mari'atanus waliigaluu hin dandeenye.
Sudaan mariiwwan amma duraatiin ejjennoo Itoophiyaa deeggaraa turte.
13 Caamsaa 2020'Twitter' hojjettoonni isaa 'barabaraan' akka manaa hojjetan iyyame
Kubbaaniyyaan miidiyaalee hawaasummaa jajjaboo keessaa tokko ta'ee fi magaalaa Saan Firaansiiskoo maadheffate 'twitter' hojjettoonni isaa yoo fedhan bara baraan akka manaa hojjetan hayyame.
Hojjettoonni dhaabbatichaa 5,000 ta'an erga weerarri koronaavaayirasii eegalee mana taa'anii hojjechaa turan, yooma vaayirasichi badellee manaa hojjechuu itti fufuu danda'u jedhe dhaabbatichi.
Hoogganaa Olaanaa kubbaaniyyaa kanaa kan ta'an Jack Dorsey, ji'oota darban wayita hojjettoonni manaa hojjetaa turanitti hojjechuun akka danda'amu waan mirkaneeffanneef itti fufuu dandeenya jedhan.
Kanaafuu hojjettoonni sadarkaa fi ga'een hojiisaanii iyyamuuf yoomiyyuu mana taa'anii yookiin fageenyarraa hojjechuu danda'u jedhan.
'Twitter' addunyaarratti waajjiraalee 35 qaba.
Kubbaaniyyaawwan biroon kanneen akka Facebook fi Google gamasaaniin hojjettoonni isaanii bara kana keessa ji'oota hafan fageenyarraa hojjechuu danda'u jedhaniiru.
13 Caamsaa 2020Yooyyaa!
Gabaasi kallattii dhimma Koronaavaayirasii fi taateewwan gurguddoo biyya keessaa fi alaa kan Caamsaa 13 bara 2020 asirraa eegala.
Gabaasaalee kallattii guyyoota darbanii asii argattu.
Lafa nagaa oolaa! Of eeggadha!