Balaa Xiyyaaraa ET302: gabaasa kallattii guyyoota lamaan jalqabaa

Haguuggii Tamsaasa Kallattii

1. 10 Bitooteessa 2019Xiyyaarrii har’a caccabe erga bitame reefu ji’a afuri, Balaliisaan xiyyaara balaan mudate Yaared Mulugeetaa jedhama.

   Hogganaan Olaanaa Daandii Xiyyaara Itoophiyaa Obbo Tawoldee G/Maariyaam xiyyaarri har’a caccabe erga harka isaanii seene ji’a afur ta’uu beeksisan.

   Lafa balaan mudate erga daawwatanii booda miidiyaaleef ibsa kennaa jiru.

   Balaliisaan xiyyaarichaa Yaared Mulugeetaa akka jedhamuufi lammummaa Itoophiyaafi Keeniyaa akka qabu ibsameera.

2. 10 Bitooteessa 2019Bakka xiyyaarri itti caccabe, Xiyyaarri gara Naayiroobii imala eegale daqiiqaa jaha booda kan kufe caccabe.

   Xiyyaarri Keeniyaati imala eegale Finfinneerraa osoo baa'ee hin fagaatin ganda baadiyyaa Aanaa Gimbichuutti caccabe.

   Balaa kanaan imaltoonni hunduu lubbuu dhabaniiru.

3. 10 Bitooteessa 2019‘Lammiileen Chaayinaa 8 xiyyaararra turan’, Lammiileen biyyoota 33 balaa kanaan miidhamu Daandiin Xiyyaara Itoophiyaa beeksise ture.

   Lammiileen Chaayinaa 8 xiyyaara Itoophiyaa kufe caccaberra akka turan miidiyaan mootummaa Chaayinaa gabaase.

   Duratti, imaltoonni 149 fi hojjettonni xiyyaarichaa 8 xiyyaararra akka turan akka amanamu kunneenis lammiilee biyyoota 33 akka ta’an ibsamee ture.

4. 10 Bitooteessa 2019Hogganaan Daandii Xayyaarichaa iddoo balaa daawwatan

   Hogganaa Olaanaan Daandii Xayyaaraa Itoophiyaa Tawoldee Gabramadin iddoo xayyaarri kufee caccabe deemuun daawwataniiru.

   Imaltoonni lubbuun hafan akka hinjirre mirkaneessaniiru. Gadda itti dhagahames ibsaniiru. Suuraanis asii ni mullata.

5. 10 Bitooteessa 2019Kan ijaan argan: 'Sagalee dhageenyee birmata dhaqne', Nami ijaan arge jedhan akka himanitti lafa balaan dhaqqabe qotameera.

   Jiraataan naannichaa Baqqalaa Guutamaa BBCtti waan himan,

   'Nuti kan achi geenye erga gubatee dhumee, adda adda bittinnaa'ee agarre,'' kan jedhan Obbo Baqqalaan ergasii poolisoonni bakkas dhufu himu.

   ''Oggaa kufu sagalee kennee, aaras agarreeti birmata dhaqne. Namni tokko lafatti hin hafne.''

   ''Waraqanni bibittinnaa'ee agarre. Guggubatee kanuma dhume agarre. Laftis gadi qotameera,'' jechuun BBC'tti himaniiru.

   Balaan xiyyaaraa kuni gandoota lama Aanaa Gimbichuu: gandoota Tulluu Barraafi Amaa irratti akka tahes nutti himaniiru.

6. 10 Bitooteessa 2019Keeniyaan qondaaltota Itoophiyaa ‘gargaaraa jirti’, Qondaalli Keeniyaa balaa mudateen walqabatee biyyattiin Itoophiyaa gargaaraa akka jirtu beeksisan.

   Mootummaan Keeniyaa balaa dhaqqabe irratti qondaaltota Itoophiyaa ‘’gargaaraa’’ akka jiru Ministirri Geejjibaa Keeniyaa beeksisan.

   Jeemis Waayinaanaa Maachaariyaa buufata xiyyaaraa Jomoo Keeniyaattaatti giddugalli gargaarsi taasisu qophaa’eera.

   Kanneen maatii ykn hiriyyoonni isaanii xiyyaaraarra jiraatu malaniif Keeniyaan lakkoofsa gargaarsa itti argatan qixeessiteetti.

   Lakkoofsi: (+254)733666066

7. 10 Bitooteessa 2019Balalinsi ET-302 'Haqameera', Buufata xayyaaraa Naayirobiirraa

   Iskiriiniin buufata Xayyaaraa Idil Addunyaa Joomoo Keeniyaattaa jiru kana agarsiisa.

8. 10 Bitooteessa 2019Kanneen maatii isaanii Naayiroobiitti eegaa turan, Maatiifi hiriyyoonni buufata xiyyaaraa Naayiroobiitti imaltoota eegaa turan.

   Kuni buufata xiyyaaraa Keeniyaa magaalaa Naayiroobii argamuuti. Namoonni maatii ykn hiriyyaan isaanii yaaddoo keessa ta'un eegaa turaniiti.

   Xiyyaarri Itoophiyaa silaa ganama 4:30'tti buufata xiyyaaraa Joomoo Keeniyaattaa Naayiroobii jiru qubata ture.

   Booda kana Daandiin Xiyyaara Itoophiyaa akka beeksisetti garuu namni lubbuun hafe hin jiru.

   Duratti imaltoonni 160'tti siqan imalarra akka turan akka amanamu ibsee ture.

   Dhaabbileen gargaarsa kennan hojiirra jiru.

9. 10 Bitooteessa 2019Amma nu gahe, 'Namni balaa kanaan lubbuun hafe hinjiru', Lammiileen biyyoota 33 xiyyaararra akka turanillee dhaabbatichi beeksiseera.

   Namoonni imala xiyyaara Itoophiyaa guyyaa har'aa balaan dhaqqaberra turan martuu lubbuu dhabu Daandiin Xiyyaara Itoophiyaa beeksise.

   Daarektarri Kominikeeshinii dhaabbatichaa Asraat Bagaashaaw EBC'tti akka himanitti imaltoonni lubbuu dhaban lammiilee biyyoota 33'ti.

   Balaan kuni Baha magaala Bishooftuutti dhaqqabe.

10. 10 Bitooteessa 2019Pireezidantiin Keeniyaa gadda itti dhagahame ibsan

    Pireezidantiin Keeniyaa, Uhuruu Keniyaattaa gadda itti dhagahame ibsan.

    Namoota maatii of biraa dhabanif jajjabina hawwa jedhaniiru.

11. 10 Bitooteessa 2019BBC Afaan Oromoo gadda itti dhagahame ibsa

    Balaa xayyaaraa lakkoofsa balaliinsaa ET-302 Finfinnneerraa Naayiroobiitti imalaa ture, kufee caccabuun warra lubbuu dhabaniif, BBC Afaan Oromoo gadda itti dhagahame ibsa.Maatii fi firoottan warra lubbuu dhabaniif jajjabina hawwina.

12. 10 Bitooteessa 2019Jiraattonni naannichaa waan BBCtti himan

    BBC'n gara naannichaa bilbilee waan odeeffate:

    Iddoo balaa kun itti uumame mandara Roob Gabaa Doobbiiti.

    Kunis kiloomeetira 10- 15 magaalaa Bishooftuurraa fagaata.

    Jiraattonni dabalanii waan jedhan, ambuulaansonni fi warri ibidda to'atan gara naannichaa imalaa jiru.

13. 10 Bitooteessa 2019Teessoo maatiin Daandii xiyyaaraa itti argatan ifa ta'e, Namoonni maatiin isaanii imalara turani teessoowwan kanaan Daandi Xiyyaara Itoophiyaa argachuu danda'u.

14. 10 Bitooteessa 2019Xiyyaara kana irratti namoonni 160'tti siqan imalarra turan, Xiyyaarri Itoophiyaa har'a naannoo magaalaa Bishooftuutti kufee caccabe gara Naayiroobii imalaa ture.

15. 10 Bitooteessa 2019Waajjira MM, Oduu kana dursee kan gabaase Waajjira MM'ti.

    Balaa kanaan kan lubbuu dhabanif guddaa akka gadde Waajjirri MM Itoophiyaa beeksiseera.