Maanchister Siitiin galchii Haalaand lamaa fi Fooden lakkoofsisaniin 3-0 Kiristaal Paalaas dursaa jira

Haguuggii Tamsaasa Kallattii

1. 13 Muddee 2025Arnee Isloot waa'ee tapha Moo Saalaa har'aa maal dubbate?

   Hundi keenyayyuu gammanneerra. Saalaan taphattoota kaaniifis maal akka tahe argitaniittu jedheen yaada.

   Guyyaa sadii boqannee garee torban guutuu boqataa ture morkanne. Miidhamni jirachuu akka malu soda qabna ture garuu xiin-sammuu taphattootakoo baay’ee gaarii ture.

   Saalaan har’a adda ture. Kubba inni jalqaba tuqe Maak Alisteriif dabarsuun galchii tahuuf xiqqumatu hafe.

   Moo barbaannu har’a argineerra. Waan hunda keessa ture. Akkasitti isa arguukootti natti toleera. Garuu waan akka haaraatti na raajeffachiise miti. Moo Saalaa durayyuu Kanaan ol hojjetu waan beeknuuf.

   Kana booda waancaa Afrikaaf deema. Kana jechuun taphataan tokko dhabna jechuudha. Garuu taphattoonni lamaan tokko miidhamarraa ni fayyu jedhe.

   Waan anaaf Moo Saalaa mari'anne gidduu keenyatti hafa kan jedhe Isloot Saalaan achumaan kilebicha gadhiisamoo ni deebi'a kan jedhu irratti hin dubbanne. Garuu nuyi yeroo hundaa isa barbaanna jedhe.

   Warri bara kana haaraa dhufanis akka jabaataa jiran argaan jira. Qaamaanis xiin-sammuunis baay’ee fooyya’aniiru. Ekiitiikeen fakkeenya tahuu danda’a, jedhan leenjisaan Liiverpuul Arnee Isloot.

2. 13 Muddee 2025Huugoo Ekiitiikee waa’ee Mohaammad Saalaa waliin taphachuu maal jedhe?

   Ekiitiikeen galchii lama lakkoofsisee erga Biraayitan mo’atanii akkas jedhe. ‘’Injifannoo murteessaadha. Shaampiyoonsi Liigii keessattis gahumsa guddaa agarsiifne.

   Taphni Liidsi waliin qixa baanee deebine nuuf ulfaataa ture. Har’a injifannootti deebi’uun dirqama ture. Nuuf milkaa’eera.Baay’ee gammadeera,’’ jedhe.

   Liiverpuul keessa taphachuutti baay’ee gammadaan jira. Garee cimaa qaba. Deeggartoota ajaa’ibaa fi hojjettoota kilebichaa nu deeggaran qabna. Jaalala guddaa waan natti agarsiisaniif anis isaan gammachiisuun qaba.

   Inni guddaan galchii lakkoofsisuufi akka mo’annu gargaaruudha. Ani hojiikoo hojjechuufan as jira.

   Isaak wlaiinis tahe Filooriyaan Wiirz waliin taphadhes inni guddaan hojiikoo jabaadhee hojjechuu fi isaan galateeffachuudha.

   Mohaammad Saalaa taphataa piroofeshinaalaa jabaadha. Ani naan fakkeenya godhadhu keessaa inni tokko. Galchii fi kubba galchiif tahu mijeessee kennuu keessatti hagam akka qooda qbau ilaali. Inni asitti lejendii ykn taphataa seenaa hojjetedha.

   Isa waliin dirree tokko keessatti waliin taphachuun anaaf eebbadha. Inni taphataa akka nuyi tapha daawwachuuf hawwinu nu godhu keessaa tokko.

3. 13 Muddee 2025Liiverpuul 2-0 Biraayitan

   Liiverpuul dirree isaa irratti Biraayitaniin 2-0 mo'ate. Huugoo Ekitiikee taphataa galchii lamaan lakkoofsisedha.

   Moo Saalaan gahumsa gaarii jedhamu agarsiise. Carraa galchii argate garuu osoo itti hin fayyadamiin hafe.

   Liiverpuul injifannoo kanaan qabxii 26 qaba.

   Cheelsiin dirree isaa irratti Everteeniin galchii 2-0 mo'atee qabxii 28 gahe.Kool Paalmerii fi Guustoon galchii lakkoofsisaniiru.

4. 13 Muddee 2025Maanchister Yuunaayitid Piriimer Liigii keessaa waan ittiin tokkoffaa tahe

   Tapha Piriimer Liigii hunda irratti gidduugaleessaan carraa galchii uumuudhaan tokkoffaadha. Gidduugaleessaan 29.8 kan tahu uumaniiru.

   Gidduugaleessaan tapha hunda irratti yaaliin gara galchiitti taasisan 16 taha. Kanaanis tokkoffaadha.

   Yaalii gara galchiitti taasisanii kallattii isaa eeggate gidduugaleessaan kubba shan. Kanaanis tokkoffaadha.

   Ruuben Amoorim ittisa irraa kubba fuulduratti fudhatanii deemuun Liigicha dursaa jira.

   Rakkoo Maanchister kan tahe garuu carraa argatan baay’ee kana keessaa muraasa qofa lakkoofsisuu isaaniiti.

5. 13 Muddee 2025Mohaammad Saalaa yeroo jijjiiramee galu deeggartoonni Liiverpuul miira akkamii agarsiisan?

   Mohaammad Saalaa yeroo jijjiiramee galu deeggartoonni Liiverpuul miira akkamii agarsiisan?

   Mohaammad Saalaa daqiiqaa 26ffaa irratti jijjiiramee gale. Jooy Goomez bahuun dirree kan seene Saalaan torbee darbe Leenjisaa fi kileba isaa waliin wal dhabee ture.

   Garee Shaampiyoonsi Liigiin ala kan tahe Saalaan erga Isloot waliin kaleessa mari’atanii taphatti deebi’eera.

   Saalaan yeroo dirree galu deeggartoonni Liiverpuul kallattii arfanaiin jiran deeggarsaa fi jaalala isaaf qaban agarsiisaniiru.

   Saalaan Liiverpuuliif galchii 250 lakkoofsisuun dhaloota haaraa keessaa warra dursaa jiran jalqabaati.

6. 13 Muddee 2025Liverpuulii fi Cheelsiin galchii 2-0’n morkattoota isaanii dursaa jiru

   Cheelsiin galchii Kool Paalmerii fi Maaloo Gustoon dirree isaa irratti Everteeniin dursaa jira.

   Erga Arsenaal waliin qixa bahee Liidsi Yuunaayitidiin kan mo'ame Cheelsiin injifannootti deebi'aa jira.

   Kool Paalmer miidhamaan booda tapha jalqabaa isaa Piriimer Liigii irartti hiriire.

   Ekiitiikeen galchii lammaffaa Liiverpuuliif lakkoofsisuun 2-0 dursaa jiru.

7. 13 Muddee 2025Cheelsii 1-0 Everteen

   Cheelsiin galchii Kool Paalmeriin dursuu jalqabe.

   Paalmer miidhama irra turuun dhiyeenya deebi'e.

   Deevid Mooyes tapha dirreen ala Cheelsii waliin taasise 20 keessaa tokkoyyuu hin mo’anne.

   Taphoota 13 mo’amee torba ammo qixa baheera.

   Cheesliin dirree isaa irratti osoo dursuu qixa bahuun ykn mo’amuun qabxii baay’ee dhabuudhaan Piriimer Liigii keessaa tokkoffaadha. Bara kana jechuudha.

8. 13 Muddee 2025Liiverpuul maaliif Mohammad Saalaa barbaada?

   

   Madda suuraa, Getty Images

   Liivepuul taphoota darban lamaan walitti aansuun kan qixa ba'e fooyyeffachuun gara injifannootti deebi'uu baayyee barbaada.

   Kan har'a waliin taphatu, Biraayitan, ammoo kilaba salphaatti kana eeyyamuuf miti.

   Taphoota 420 Liiverpuuliif taphaterratti goolii 250 kan galche Mohammad Saalaan, taphoota Piriimer Liigii darban sadan irratti teessoo jijjiirraa irra ture, kilabichi taphoota kunneen irratti taphataa gameessa kanatti hin fayyadamne.

   Mudde 3 tapha Liiverpuul goolii 1 walqixa Sandarlaand waliin xumure irratti jijjiramee galeera.

   Yeroo dhumaaf jalqabarraa hiriiree kan taphe ammoo tapha Chaampiyoonsi Liigii PSV waliin Sadaasa 26 taphatanirratti.

   Amma Goodii Gaakpoo miidhameera, Aleksaandar Isaak goolii galchuun itti ulfaateera. Haala kanaan Liiverpuul tapha Sambata har'aaf taphataa goolii argamsiisuuf barbaada.

   ''Tapha Sandarlaand booda bakka bu'oota isaa fi kan keenya, akkasumas anaa fi isa gidduu marii dheeraan tureera,'' jedhe leenjisaan Liiverpuul Arni Isloot.

   Saalaan Wiixata dhufu tapha dorgommii Waancaa Biyyoota Afrikaaf imaluuf jedha.

   Yoo biyyi isaa, Masiriin, dorgommicha keessa hanga dhumaatti turte hanga tapha waancaa Amajjii 18 taphatamuutti turuu danda'a.

   Hanga kana tura taanaan ammoo dorgommii Marsiisaayid irratti argamuu dhiisuu danda'a.

   Masiriin yoo dhumuraaf kan geessu ta'e tapha Liiverpuul saddeet irraa hafuu danda'a.

   Saalaan bara kana taphoota Piriimer Liigii fi Chaampiyoonsi Liigii walumaagalatti 18 taphaterratti goolii shan qofa galche.

9. 13 Muddee 2025Paalaas 1-1 Maan Siitii, Arsenaal 3-0 Woolvis - tilmaama Piriimer Liigii torban 16ffaa

   

   Madda suuraa, Getty Images

   Taphoonni Piriimer Liigii torban 16ffaa Sanbata, Dilbataafi Wixata ni gaggeeffama.

   Taphoonni afur Sanbata, shan ammoo Dilbata kan gaggeeffaman yoo ta'u, tokko ammoo Wixata gaggeeffama.

   Mohaammad Saalaah atakaaroo itti uumaa kan jiru Liiverpuul, leenjisaan garee kanaa Arnee Siloot tapha kana dabalatee taphoota itti aanan mo'uun irraa eegama.

   Biraayiten garuu garee tilmaamamu miti.

   Liiverpuul gahumsa dhaabbataa ta'e agarsiisuun irraa eegama.

   Taphni kun wal qixaan xumurama.

   Xiinxalaan kubbaa miilaa BBC Kiriis Suutan taphoota kanneen kilaba kamitu goolii meeqaan akka mo'atu kaa'eera.

10. 13 Muddee 2025Mohammad Saalaa yeroo dheeraa booda tapha Biraayitan waliin qabanirratti jalqabarraa hiriiree taphachuufi

    

    Madda suuraa, Getty Images

    Taphataan sarara fuulduraa Liiverpuul Mohammad Saalaa Arni Isloot waliin Jimaata erga mari'atanii booda tapha Biraayitan waliin taphatan irratti akka hirmaatu barameera.

    Isloot kilabichaaf dhimmamanii tarkaanfii kana akka fudhatan ni hubatama. Keessattuu wayita kilabichi taphattoota miidhamaan dhabee jiru kanatti Saalaatti fayyadamuu barbaadaniiru.

    Ammallee atakaaroon Mohammad Saalaan walqabatee dhagahamaa ture furmaata hin argatin jira.

    Rakkoon sun yeroo taphataan kun dorgommii Waancaa Afrikaaf deemu Liiverpuul fi bakka bu'aa Saalaa waliin dubbii taasifamuun ni ilaalama jedhameera.

    Taphataan umrii waggaa 33 Mohammad Saalaa wayita Liiverpuul tapha dorgommii Chaampiyoonsi Liigiin Intar Miilaan einjifatu gareesaa waliin garas hin imalle.

    Saalaan leenjisaa isaa waliin hariiroon qabu akka adda citee fi inumaa akka darbatamee gatame himataa ture.

    Saalaan mufii isaa ifatti baasee kan dubbate tapha Liidsi waliin taphatan goolii sadi walqixa erga ba'aniiti.

    Tapha sanarratti Saalaan teessoo jijjiirraa irra ture.

    Gaaffii fi deebii tapha kana booda taasiseen Saalaan taphi har'aa kun Anfiilditti taphasaa isa dhumaa akka ta'u dubbateera.

    Kanaafis haadhasaa affeeruun akka taphasaa xumuraa daawwattu taasisuu ibse.

    Isloot ibsa Jimaata kenne keessatti ''wanti Saalaan Liiverpuul keessatti hin barbaadamneef hin jiru'' jedhe.

    Saalaan Ebla darbe kontiraata Liiverpuul waliin qabu waggaa lamaan dheeresseera.

11. 13 Muddee 2025Akkam ooltan?

    Tamsaasa kallattii kanaan taphoota Piriimer Liigii Ingilaand fi kaan jala jalaan isin biraan geenya.

    Nu faana bu'aa!