US diroonii Iraan gara dooniishee xiyyaara baatutti balali'aa ture rukkutuu himte

Haguuggii Tamsaasa Kallattii

1. 3 Guraandhala 2026Biyyoota addunyaa saffisaan guddataa jiran kudhan keessaa shan Afrikaarraati - MM Abiy

   Humnaafi qabeenya jiru sirriitti faayidaarra oolchinaan Itoophiyaa dabalatee, Afrikaa keessatti carraan dinagdee saffisaan guddisuu jira jedhan Ministirri Muummee Abiy Ahimad.

   Afrikaan seenaa keessatti dinagdee guddaa Eeshiyaa caalu galmeessuu akka dandeessu IMF ibseera jechuunis himan.

   Bara kana guddina dinagdee % 9.2 galmeessina kan jedhu ture kan jedhan MM Abiy, raawwii ji'a ja'aa ilaaluun gara %10.2 milkeessuu dandeenya jedhan.

   Tilmaamni IMF guddina dinagdee Itoophiyaa ilaalchisee raagus kan mootummaan raagu waliin walitti dhiyeenya (wal fakkeenya) qaba jedhan.

   Kanaan dura garuu raagni mootummaafi IMF baayyee garaagarummaa qaba ture jechuun ibsani.

2. 3 Guraandhala 2026'Rifoormiin dinagdee hojjetamaa ture rakkoo bule furuufidha' - MM Abiy

   Rifoormiin dinagdee waggoota darban keessa taasifaman rokkoo dinagdee bule furuuf hojjetame kan jedhan MM Abiy, dinagdee qonnaan durfamu kan jedhu osoo hin taane hunda-qaleessa akka ta'u hojjetameera jedhan.

   Rakkoowwan ijoo dinagdee biyyattii keessa bubbulaniifi hundee gadi fageeffatan dhawaata dhawaataan hiikuun hojiin qabatamaan bu'aa argamsiiseera jedhan.

   Rifoormii dinagdee Itoophiyaan amma hojjette keessatti hundumtuu mormituufi deeggaraa osoo hin jedhuun birmannaa taasisaniin jijjiiramni ol aanaan argameera.

   Muuxannoo rifoormii dinagdee biyyoota addunyaa akka fakkeenyaati kaasuun kan ibsan MM Abiy, Afrikaa keessattis jijjiiramni abdachiisaan ni jaarata jedhamee yaadamee rifoormiin jalqabame jedhan.

3. 3 Guraandhala 2026Afrikaan dhaloota humna hojii qabdi

   Afrika keessa dargaggoonni hojiif qophaa'an hedduu qabdi kan jedhan MM Abiy, carraa ardIttiin qabdu kana tekinooloojiiwwan akka AI Itoophiyaan adda durummaan irratti hojjechaa jirtuun faayidaarra oolchuun fala jechuun dubbatan.

   AI Yunivarsiitii banuurratti hojjechaa akka jirtu kaasuun, "akkuma abbootiin keenya kanan dura Humna Qilleensaafi Daandii Qilleensaa Afrikaarratti beekamu hundeessan, nutis AI Yunivarsiitii ardittiirratti jalqaba gurra guddaa qabu ijaarra," jedhan.

   Itoophiyaan barnoota bu'uurarraa foyyeessuuf da'imman gadiirratti hojjechaa jiraachuu kaasuun, Itoophiyaa keessatti daa'imman egeree biyyattii ta'an miliyoona afurii ol barnoota bu'uuraa sadarkaa isaa eeggate hordofaa jiraachuu ibsan.

4. 3 Guraandhala 2026Gaaffileen biroo ka'an:

   Raawwii hojii ji'a keessatti:

   Rakkoon bulchiinsa gaarii, malammaltummaa, tajaajila bifa si'oomina qabuun dhiyeessuun rakkoo qaba? Kanarratti maaltu hojjetama ajira?

   Dippilomasii Itoophiyaa biyyoota ollaaf dursa kennuu hordoftuun bu'aa akkamiitu argame?

   Gaffiin ulaa galaanaa waggoota lamaan darban ajandaa ta'e amma maalirratti argama?

   Keessumaa naannawaa keenyatti biyyoonni humna agarsiifataa jiru, waliigaltee hin malle taasisuu jiru. Akkasumas baandaawwan keessaan hojiin nageneya booressu gaggeeffama ajira. Itoophiyaan dhima kana akkamitti ilaalti? Deebii akkamii kenniti?

5. 3 Guraandhala 2026Maanni maree bakka bu'oota uummataa yaa'ii idilaa gaggeessaa jira

   Manni Maree Bakka Bu'oota Ummataa walga'iisaa idilee gaggeessaa jira.

   Ministirri Muummee Itoophiyaa Dooktar Abiy Ahimad gaaffii miseensonni mana-maree dhiyeessaniif deebii kennuuf dhiyaataniiru.

   Gaaffilee miseensonni mana-mare dhiyeessan keessaa:

   Waliigaltee Piritooriyaa booda haala naannoo Tigraay keessa jiruufi rakkoo TPLF uumaa jirurratti maaltu jira?

   Mariin Biyyaalessaa abdatame akka furmaata fiduuf maaltu eegama? Paartilee siyaasaafi warra hidhatanii qabsaa'aa jiran hirmaachisuuf mootummaan maal hojjecha ajira?

   Rakkoon nageenyaa naannolee Oromoo, Amaaraa keessa jiruuf mootummaan furmaata waaraa malaiif fiduu hanqate?

   Dagaggootaaf hojii uumuun dhaabbateera, carraan dargaggoonni hojii keessatti argachuu danda’an bal’achaa hin jiran. Maaltu ta’uu qaba.

   Rakkoo nageenya keessaa babla’ta awayita jirutti, saaxilamummaan rakkoo biyya alaarraa dhufu akkamiin dura dhaabbachuun danda’ama?

   Faayidaa biyyaalessaa irratti akkamiin wal tumsuun danda’ama?

   Rakkoo qaala'insa jireenyaa ammas itti fufee jiru furuuf maaltu hojjetamaa jira?

   Dinagdeen biyyattii yeroo ammaa kana malairratti argama?

   Filannoon waliigalaa marsaa 7ffaan rakkoo nageenyaan akka hin danqamneef gama mootummaan hojiilee hojjetamaa jiran maali?

   Rakkoo bulchiinsa gaarii sirna haqaa keessatti mu'atuufi ol aantummaa seeraa kabachiisuu dhabuu mul'atan?

6. 3 Guraandhala 2026YOOYYAA

   Akkam jirtu?

   Tamsaasa kallattii jalqabneerra.

   Gaaffii bakka bu'oota ummataarraa ka'uuf deebii MM Abiy Ahimad kennanirratti fuulleffanna.

   Nu hordofaa