Dhaddachi Mana Murtii Olaanaa UN, dhimma deeggarsi namoomaa Filisxeem akka dhaqabuuf Israa'el dirqisiisuu ilaaluu jaqlabe

Haguuggii Tamsaasa Kallattii

1. 30 Ebla 2025Rakkoon Arsenaal galgalaa dhabamuu Paarteen dhalatee?

   

   Madda suuraa, Getty Images

   PSG tapha dirree Emireetsitti 1-0n Arsenaaliin injifatee deebi'uuf kan isa gargaare keessaa tokko to'annoo kubbaa olaanaa qabaachuu ture. Arsenaal kubba aargate akka ta'utti walii kennuurratti qaawwa agarsiiseera.

   Deeggartootni gariin Toomaas Paartee addabbiidhaan hirmaachuu dhabuun gidduurratti Arsenaal laafee mul'achuusaaf sababa jedhu.

   Paarteen tapha isa torban har'a Paaris irratti ni deebi'a. Ittisni Arsenaal Johan Jooruu hiree Arsenaal darbuuf qabu kan murteessu Paarteen deebi'uu isaati jedhee amana.

   ''Gaheensaa guddaadha. Hangam takka barbaachisaa akka ta'e argaa turre...Dhugumatti dhabamuunsaa dhiibbaa uumeera.''

   Arsenaal PSG waliin wayita taphatu qindoominni isa hanqateera. Toomaas Paartee osoo jiraatee Odegaardiifi Raayis akka fedhanitti akka taphtan hiree kennaaf ture jedhe.

   Toomaas Paartee tapha isa marsaa lammataarratti deebi'uunsaa galtee guddaadhas jedheera.

2. 30 Ebla 2025Mesii waliin of hin dorgomsiisu jedhe Yamaal

   

   Madda suuraa, Getty Images

   Taphataan collee Baarselonaa ganna 17 Lamiin Yamaal Liyoonel Meesii waliin walfakkeffamuu isaa caala waggaa 10 ol booda xumura waancaa Shaampiyoonsi Liigiirratti hirmaachuurratti akka xiyyeeffatu hime.

   ''Isa (Meesii) waliin of hin dorgomsiisu, sababnisaas nama kamuu waliin waanin ofi hin dorgomsiifneefi'' jedhe.

   Akkaadamii Baarselonaa Laa Meesiyaa kan Mesiin keessaa bahe irraa kan bahe Lamiin inni seenaa keessatti isa cimaadha'' jedhe.

   Baarseloonaan galgala kana morkii Shaampiyoonsi Liigiin Inter Miilaan wajjin yoo morkatu Yamaal tapha 100ffaa isaarratti hirmaata.

   Waggaa lama dura osoo ganna 15 jiruu leenjisaa Zhaavii jalatti yeroo duraaf Baarselonaaf hiriiruu kan argate Yamaal haala taphaa fi kubbaa gooliif mijeessee kennuun hedduu jajamaa jira.

3. 30 Ebla 2025Mootummaan isa miindaa hojjettootaa hir'isuuf jedhu keessa deebi'ee akka ilaalu gaafatame

   

   Madda suuraa, Addis Standard

   Konfedereeshiniin Yuuniyenii Daldaltoota Itoophiyaa (CETU) Guyyaa Dafqaan Bultootaa- May Day dursuun ibsa baaseen, mootummaan ''mindaa hojjettootaa hir'isuuf,'' karoora baafate keessa deebi'ee akka ilaalu akeekkachiisuu Addis Standard gabaaseera.

   Yeroo qaala'iinsi akkaan dabalee jirutti mindaa hojjettootaarraa kutuun ''dhala namaatti qormaata hammeessuudha,'' jedhe jaarmiyaan kun.

   Haala amma jiruun ''hojjettoonni hedduun ofii fi maatiisaanii bulchuuyyuu dadhabaniiru kan jedhu jaarmiyaan kun, mindaa hojjettootaa isheema jirturraa kutuun rakkoo hammeessa jechuun yaaddoo qabu ibse.

   Ibsi jaarmiyaan kun Ebla 29 Guyyaa Dafqaan Bultootaa kabajamuuf jedhu dursuun baase kun mindaa hojjettootaarraa kutuuf wiixinee dhihaate booda ba'e.

   Wiixineen akka hojjettoonni mindaasaaniirraa kutan dirqamsiisu gaafa Ebla 18 paarlmaa biyyattiitti dhihaateera.

   Maallaqi mindaa hojjettoota mootummaa fi dhuunfaarraa cituuf deemu kun jaarmiyaa Ittisa Yeroo Balaaf kan ooluudha jedhameera.

   Jaarmiyaan daldaltootaa Itoophiyaa kun mindaa hojjettootaa dirqamaan cituuf deemu kanarratti ibsa bal'aa hin kennine.

   Garuu hojjettoonni kaffaltii amma argataa jiraniin jireenyaan wal'aansoo qabaa jiraachuu fi yoo kanumarraa cite ammoo jireenyasaanii bulfachuu akka hin dandeenye jabeessee ibse.

   Jaarmiyaan kun mindaa ka'umsaarraa gibirri akka ka'uu fi namoota 10,900 fi isaa ol argataniif gibirri dhibbeentaa 35 ture akka hir'atu gaafateera.

4. 30 Ebla 2025Kaaba Keeniyaatti al-Shabaab hojjettoota shan ajjeesuufi kaan madeessuu poolisiin biyyattii hime

   

   Madda suuraa, AFP

   Akka gabaasa poolisiitti hojjettoonni ajjeefaman kanneen dhagaa baasanidha. Kanneen ajjeefaman shaniin alatti lama madaa'aniiru.

   Rooyitarsi gabaasa poolisii Keeniyaa wabeeffachuun akka gabaasetti, hidhattoonni al-Shabaab kunneen Kibxata kaleessaa kaaba baha Keeniyaatti konkolaataa hojjettoota dhagaa baasanirratti haleellaa raawwachuun miidhaa kana qaqqabsiisan.

   Hidhattoonni garee al-Qaeda Somaaliyaa keessa socho'u waliin hidhata qaban 10 ganama suubii naannoo sa'atii 12:00tti konkolaataa hojjettootaa ugguruun fudhatan.

   Kaawuntii Mandeeraa ollaa Bur Abor jedhamutti hojjettoota kunneen konkolaataarra buusanii ari'an jedha gabaasi poolisii.

   ''Waraqaa eenyummaa fi bilbila isaanii akka itti kennan ajajan. Wayita kana raawwatan dugdaan lafarra akka ciisan dirqamsiifaman. Achitti rasaasaan haleelaman,'' jedhe poolisiin Keeniyaa.

   Akka poolisiin ibsetti faanni hidhattoota kunneenii gara Somaaliyaatti qajeeluun achumaan bade.

   Namoonni 13 biroon yeroo taateen kun mudatu miliquun boodarra bosona keessaa argaman.

   Al-Shabaab erga bara 2007 mootummaa Somaaliyaarratti haleellaa raawwataa jira. Gareen kun kutaalee biyyattii hedduu keessa lo'ee seenuun haleellaa raawwata.

   Gareen kun daangaa ce'uun Keeniyaa keessattis haleellaa raawwataa tureera. Keeniyaan biyyoota ergama nagaa eegsisuu Gamtaa Afrikaa jalatti Somaaliyaaf loltoota hedduu gumaachuun beekaman keessatti.

5. 29 Ebla 2025Imbaasiin Itoophiyaa Jibuuti jiru lammiilee fedhiin gara biyyaa deebi'uu barbaadan galmeessa jiraa

   

   Madda suuraa, Imbaasiin Itoophiyaa Jibuuti jiru

   Mootummaan Jibuutii lammileen biyya alaa eeyyama malee biyyashee keessa jiran kamuu akka biyyasheeti bahan ajaja dabarsuu hordofee Imbaasiin Itoophiyaa Jibuuti jiru lammiilee fedhiin gara biyyaa deebi'uu barbaadan galmeessuu eegaleera.

   Guyyoota lamaan darban keessas Imbaasichi lammiilee Itoophiyaa eeyyama jireenya biyyaa Jibuutii hin qabne fedhii isaaniitiin Itoophiyaatti deebi'uu barbaadan heddu galmeessaa akka jiru ibseera.

   Guyyota itti aanaan muraasa keessas galmeen kun kan itti fufu fi hojiin gara biyyaa deebisuu kan eegalamu akka ta'ellee ermaaera.

   Imbaasiin Itoophiyaa Jibuuti jiru kun Lammileen Itoophiyaa eeyyama malee biyyatti keessa jiran heddu ta'uu ibsee, mootummaan Jibuutii yeroo itti lammileen kun biyyashgee keessaa bahuu qabu jette yoo xiqqaate baatii sadiif akka dheeratu gaafatullee mootummaan Jibuutii gaaffi kana kufaa godheera.

   Jibuutii lammiileen biyya alaa hayyama jireenyaa malee seeraaan ala daangaashee keessa jiraatan Ebla 3 hanga Caamsaa 2 biyyaashee gadhiisanii hin bahan yoo ta'e Poolisiidhaan qabdee akka biyyaa baafti beeksiftee ture.

   Ejjennoon Jibuutii maali?

6. 29 Ebla 2025Amnestii Internashinaal mormitoota ajjeefamaniif mootummaan keeniyaa akka itti gaafataman gaafate

   

   Madda suuraa, Getty Images

   Amnestii Internashinaal mormii guddaa bara darbe Keeniyaatti taasifame irratti humnoota nageenyaatiin mormitootni ajjeefamuu hordofuun mootummaan Keeniyaa akka itti gaafatamu gaafateera.

   Dhaabbanni mirga namoomaaf falmu kun Tajaajilli Poolisii Biyyaalessaa Keeniyaa fi Raayyaan Ittisaa Keeniyaa qorannoo BBC'n qondaaltota nageenyaa lama kanneen baatii Waxabajjjii 2024 keessa namoota sadii irratti kallattiin rasaasaan rukutamuu fi ajjeesuu keessatti hirmaatan jedhaman adda baasuu hordofee tarkaanfiiwwan fudhataman ifatti akka ibsan gaafateera.

   Barreeffamni qorannoo mata duree "Paarlaamaa Dhiigaa" jedhuun qophaa'e kun yeroo jalqabaaf qondaaltota nageenyaa mormitoota hiriira labsii faayinaansii falmisiisaa ta'e kana mormuun hiriira bahan irratti hirmaatan irratti dhukaasa bananiiru jedhaman eereera.

   Mormiin kun haleellaa gamoolee Mana Maree Biyyoolessaa Keeniyaa irratti raawwatameen xumurame.

   Ajjeechaan kun kan raawwatame yeroo Paarlaamaan seera baajata haaraa baaseen kan gibira dabalataa kaa'u raggasuuf jedhutti ture

   Jeequmsa kana gidduutti qondaaltonni nageenyaa dhukaasa banuun namoota meeshaa waraanaa hin qabne sadii ajjeesan

7. 29 Ebla 2025Enerikeen Arteettaa jaje

   

   Madda suuraa, Getty Images

   Lenjisaan PSG Liwuus Enerikee Artettaan hiree Arsenaa jijjiireera jedhe.

   Enirikeefi Arteettaan waggaa 14 walirraa fagaatu. Ammoo Baareloonaatti garee tokko keessa ta'uuf hiree argatanii ture.

   Jalqaba bara kanaa Enerikeen yaada kennee tureen ''leenjistoota ciccimoo yeroo ammaa keessaa tokko'' jedhe.

   ''Hiree Arsenaal jijiireera. Garee injifannoo malee imalaa ture addunyaarratti warra jaboo keessaa tokko kan waancaaf morkatu godheera'' jedhe.

8. 29 Ebla 2025'Arsenaal injifachuuf gahumsa qaba' - Arsen Wenger

   

   Madda suuraa, Getty Images

   Leenjisaan duraanii Arsenaal, Arsen Wenger yaada Sky Sport'f kennaniin Arsenaal gahumsa ittiin PSG injifatu qaba jedhan.

   ''Arsenaal dandeettii sana qaba jedheen amana. Dhugaadha PSGnis garee baayyee cimaadha. Hunduu hawwiin eegaa jira, mee abdiidhaan haa ilaallu.''

   Waayee tapha walakkaa xumuraa Shaampiyoonsi Liigii waliigalaarratti yaada kennaniin gareeleen arfanuu gahumsa addaa tokko qabu, inni guddaan guyyaa taphaa haala itti jiranidha, taphattoota ijoo dandeettiisaanii mul'isaniidha'' jedhan.

   Arsenaal wajjin walqabatee ittisa jabaa qaba jedheen yaada. Kunis tapha marsaa lamaaniirratti barbaachisaadha'' jedhan.

9. 28 Ebla 2025'Irra dibaa hin qabu barri kun nuuf gaarii miti' - Peep Gaardiyoolaa

   

   Madda suuraa, Getty Images

   Maanchister Siitiin bara dorgommi kana shaampiyoonaa ta'uu kan mirkaneesse Liiverpuulirraa qabxii 21n fagaatee sadarkaa arfaffaarra jira.

   Leenjisaa Peep Gaardiyoolaa yaada kenneen tarii FA Cup injifachuufi hirmaannaa Shaampiyoonsi Liigii bara dhuftuu argachuun milkaahina isaanii ta'uu gaafatamanaan tasa ''waliin hin dhoofnuu'' jedhe.

   Lakki. Balaansaa ni xiqqaata ta'a. Garuu barichi gaarii ture jennee waliin hin dhoofnu. Kilabichi murtee sirrii fudhachuu qaba, bara dhuftu bara gaarii akka qabaannu.''

   Gaardiyoolaan dabaluun ''qabxii miiliyona kuma hedduun Liivarpuul nurraa fagoo jira. Irra deddeebiin jedheera barichi gaarii fi gaarii kan hin taane jennee kan madaallu Piriimiyeer Liigiidhaani'' jedhan.

   Kana caala badaa ta'uurraa oluus dubbataniiru. Osoo hiree Shaampiyoonsi Liigii hin argannee Siitiif badaa ta'a ture.

10. 28 Ebla 2025Ispeeniifi Poorchugaalitti ibsaan bade rakkoo guddoo uume

    

    Madda suuraa, Getty Images

    Kutaalee Ispeeniifi Poorchugaal hedduu keessatti ibsaan baduun rakkoo guddoo uume.

    Sababiin isaa ammallee kan adda hin Banne yoo ta'u, biyyoota ollaa lamaan keessatti miliyoononni ifaa malee jiu. Intarneetiifi neetwoorkiin bilbilaa badeera.

    Imalli baaburaa adda citeera, ibsaan tiraafikaa hojiichuu waan dhaabeef magaalota keessa konkolaataan wal cinqeera.

    Haleellaa saayibarii ta'uu danda'aa yaada jedhu aanga'oonni Ispeen kufaa godhaniiru.

    Bakka muraasatti ibsaan deebi'aa jiraatus, guutummaatti deebisuun saa'aatiiwwanii hanga guyyootaa fudhachuu danda'a jedhamaa jira.

11. 28 Ebla 2025Putiin guyyaa sadiif dhukaasa akka dhaaban beeksisan

    

    Madda suuraa, Getty Images

    Pirezidant Vilaadimiir Putiin Caamsaa 8 hanga 11 guyyaa waraanni addunyaa lammaffaa xumurame bu'ura godhachuun dhukaasa akka dhaaban beeksisan.

    Oduu kana booda Ministirri Dhimma Alaa Yukireen Andiirii Siyiibihaa dhukaasni dhaabuu yoo xiqqaate guyyoota 30f turu akką labsamu waamicha godhan.

    Waayit Haawus gama isaan Pirezidant Tiraamp kan biyyoota lamaan gidduu dhukaasni akka dhaabatu hojjechaa jiran dhukaasa dhaabuun waaraan akka godhamu barbaadu jedheera.

    Kireemliin ayyaana Faasikaaf jecha dhukaasa dhaabuu sa'aatii 30f ture labsee ture. Booda lamaanuu waadaa kabajuu dhabuun wal himataniiru.

    Gama Yukireeniin yeroo 20 dhukaasa dhaabuuf yaalamee hunduu fashaleera. Gariin isaanii daqiiqaawwan muraasa qofa turuu danda'an.