گذشتہ ہفتے کی دنیا تصاویر میں

کم ڈیٹا استعمال کرنے کے لیے صرف تحریر پڑھیں

وقت اشاعت 28 ستمبر 2019

دنیا بھر سے منتخب کی جانے والی چند دلچپسپ تصاویر جو گذشتہ ہفتے کا خلاصہ پیش کرتی ہیں۔

ماحولیاتی تبدیلی، تھائی لینڈ — ،تصویر کا کیپشنتھائی لینڈ کے شہر بینکاک میں ایک لڑکی وزارتِ ماحولیات و قدرتی وسائل کے نزدیک بین الاقوامی ماحولیاتی ہڑتال میں شریک ہے۔ اس مظاہرے کا مطالبہ تھا کہ 'فوسل ایندھن کے دور کا خاتمہ کیا جائے اور ہر کسی کو ماحولیاتی انصاف مہیا کیا جائے'

برطانیہ، پارلیمنٹ — ،تصویر کا کیپشنبرطانیہ میں پارلیمنٹ کی معطلی کے خلاف مہم کی قیادت کرنے والی جینا ملر منگل کے روز لندن میں سپریم کورٹ کی جانب سے پارلیمنٹ کی معطلی غیر قانونی قرار دیے جانے کے بعد کھڑی ہیں۔ اس موقع پر ان کا کہنا تھا کہ ’وزیرِ اعظم کو کل پارلیمنٹ کے دروازے کھول دینے چاہییں، ارکانِ پارلیمنٹ کو واپس جا کر بہادری سے اس حکومت کا احتساب کرنا چاہیے۔‘ بدھ کے روز ارکان ِ پارلیمنٹ ایوان میں واپس آ گئے۔

اسرائیل، کچھوے — ،تصویر کا کیپشنایک بچہ اسرائیل کے دارالحکومت تل ابیب کے شمال میں مخموریت کے قریب ایک ساحل پر انڈے سے حال ہی میں نکلنے والے ایک سمندری کچھوے کو اٹھائے ہوئے ہے۔ یہ سائٹ اسرائیل کے سمندری کچھوؤں کے بچاؤ کے پروگرام کے تحت قائم کی گئی ہے۔

صدر ٹرمپ، امریکہ، یوکرین — ،تصویر کا کیپشنامریکی صدر ڈونلڈ ٹرمپ اور یوکرین کے صدر ولادیمیر زیلینسکی نیو یارک میں اقوامِ متحدہ کی جنرل اسمبلی میں ایک پریس کانفرنس کے دوران۔ صدر ٹرمپ اور صدر زیلینسکی کے درمیان ہونے والی ایک فون کال کے بارے میں امریکی انتظامیہ کے ایک عہدیدار نے الزام عائد کیا تھا کہ اس کال میں امریکی صدر نے اپنے یوکرینی ہم منصب سے ایک سیاسی مخالف کو بدنام کرنے کے لیے مدد طلب کی تھی۔

اٹلی، فٹ بال — ،تصویر کا کیپشنانٹر میلان فٹ بال کلب کے بیلجیئم سے تعلق رکھنے والے سٹرائیکر رومیلو لکاکو اے سی میلان اور انٹر میلان کے درمیان ہونے والے میچ کے دوران سکور کرنے کے بعد ٹی وی کیمرے کو چوم رہے ہیں۔

فرانس، یونان، ہوابازی — ،تصویر کا کیپشنفرانس کی فضائی کرتب باز ٹیم یونان کے شہر ایتھنز کے قریب تناگرا ایئر بیس پر آٹھویں ایتھنز فلائنگ ویک کے دوران پرفارم کر رہی ہے۔

گریٹا تھنبرگ، ماحولیاتی تبدیلی، سوئیڈن، اقوامِ متحدہ، نیویارک — ،تصویر کا کیپشنماحولیاتی تبدیلی کے خلاف سرگرم سوئیڈش کارکن گریٹا تھنبرگ نیویارک سٹی میں اقوامِ متحدہ کے ہیڈ کوارٹر میں ماحولیاتی تبدیلی کے خلاف ہونے والے سربراہی اجلاس 2019 یونائیٹڈ نیشنز کلائمیٹ ایکشن سمٹ میں خطاب کر رہی ہیں۔ انھوں نے کہا: 'مجھے یہاں نہیں بلکہ سمندر پار دنیا کے دوسرے کونے میں اپنے سکول میں ہونا چاہیے۔ آپ سب نے اپنے کھوکھلے الفاظ سے میرا بچپن اور میرے خواب چھین لیے ہیں۔ لوگ سسک رہے ہیں۔ لوگ مر رہے ہیں۔ پورا ماحولیاتی نظام برباد ہو رہا ہے'

پیرس، فیشن، — ،تصویر کا کیپشنایک ماڈل میرین سیرے کے ڈیزائن کردہ سپرنگ سمر کلیکشن 2020 سے ایک لباس پیرس میں ہونے والے ایک فیشن شو میں زیبِ تن کیے ہوئے ہیں۔

لندن، آرٹ، برطانوی پارلیمنٹ — ،تصویر کا کیپشنگیلری اسسٹنٹ برطانوی آرٹسٹ بینسکی کی بنائی گئی پینٹنگ ڈیوالوڈ پارلیمنٹ کے ساتھ لندن کے فرائیز آرٹ فیئر میں ہونے والی ایک نیلامی میں پوز کر رہے ہیں۔ یہ پینٹنگ 2009 میں تیار کی گئی تھی اور نیلام کنندہ کے مطابق یہ 15 لاکھ پاؤنڈ سے زیادہ میں نیلام ہو سکتی ہے۔

انڈیا، نوراتری، گجرات، احمد آباد، — ،تصویر کا کیپشنانڈیا کے شہر احمد آباد میں خواتین نوراتری کے میلے کی تیاری کے سلسلے میں ثقافتی رقص گربا کی مشق کرنے کے لیے روایتی کپڑوں میں ملبوس ہیں۔

تمام تصاویر متعلقہ فوٹوگرافرز کی ملکیت ہیں

Skip مختصر ویڈیوز and continue reading

مختصر ویڈیوز

اپ کی ڈیوائس پر پلے بیک سپورٹ دستیاب نہیں

End of مختصر ویڈیوز

شاہی شادی تصاویر میں
19 مئ 2018
سال 2017 میں فلکیات کی بہترین تصاویر
24 اگست 2017
جانوروں کی مزاحیہ تصاویر کے مقابلے کے فائنلسٹس
14 ستمبر 2019
کھیل کی دنیا تصاویر میں
2 اپريل 2019
’دل سے بنائی ہوئی تصویر‘
ننھے منے جانوروں کے جذبات کی عکاسی
22 دسمبر 2016

اہم خبریں

فیچر اور تجزیے