گذشتہ ہفتے کا پاکستان

کم ڈیٹا استعمال کرنے کے لیے صرف تحریر پڑھیں

وقت اشاعت 21 جولائی 2019

گذشتہ ہفتے پاکستان میں پیش آنے والے چند اہم واقعات کی تصویری جھلکیاں

شاہد خاقان عباسی — ،تصویر کا کیپشنپاکستان میں احتساب کے قومی ادارے نے سابق وزیراعظم شاہد خاقان عباسی کو گرفتار کر لیا۔ نیب نے سابق وزیراعظم کو ایل این جی کی درآمد کے معاملے میں تحقیقات کے لیے نیب راولپنڈی نے جمعرات کو طلب بھی کیا ہوا تھا اور گرفتاری کے بعد انھیں اسلام آباد منتقل کر دیا گیا۔

مریم نواز — ،تصویر کا کیپشناسلام آباد کی احتساب عدالت نے سابق وزیر اعظم نواز شریف کی صاحبزادی اور پاکستان مسلم لیگ نواز کی نائب صدر مریم نواز کے خلاف نیب کی درخواست کو ناقابلِ سماعت قرار دیتے ہوئے اسے مسترد کر دیا۔ احتساب عدالت میں پیشی کے موقع مریم نواز نے اپنے والد کی تصویر والی قمیض زیبِ تن کر رکھی تھی

کوئٹہ کان حادثہ — ،تصویر کا کیپشنپاکستانی حکام کو کوئلے کی کان میں شارٹ سرکٹ سے لگنے والی آگ کے باعث ہلاک ہونے والے نو افراد کی لاشیں 16 جولائی کو مل گئیں۔ یہ واقعہ صوبہ بلوچستان میں پیش آیا۔

کلبھوشن جھادھو — ،تصویر کا کیپشنہالینڈ کے شہر دی ہیگ میں عالمی عدالت انصاف نے پاکستان میں پکڑے جانے والے مبینہ انڈین جاسوس کلبھوشن جادھو کے مقدمے کا فیصلہ سنایا اور بریت کی انڈین اپیل رد کر دی۔ پاکستان سے کہا گیا کہ وہ کلبھوشن کی سزائے موت پر نظر ثانی کرے اور انھیں قونصلر رسائی دے۔

قبائلی اضلاع میں انتخابات — ،تصویر کا کیپشن20 جولائی بروز سنیچر پاکستان کے صوبے خیبر پختونخوا میں ضم ہونے والے قبائلی اضلاع میں ملکی تاریخ کے پہلے صوبائی انتخابات میں پولنگ کا عمل سخت سکیورٹی میں جاری رہا اور بیشتر اضلاع میں غیر معمولی گہما گہمی دیکھنے میں آئی تاہم خواتین کے پولنگ سٹیشنوں پر بظاہر زیادہ جوش وخروش نظر نہیں آیا۔

پی آئی اے — ،تصویر کا کیپشنپاکستان انٹرنیشنل ایئر لائنز کا ایک اے ٹی آر طیارہ گلگت ہوائی اڈے پر لینڈنگ کے دوران پائلٹ سے بے قابو ہو کر رن وے پر نہ رکا اور رن وے سے آگے چلا گیا ہے۔ اس واقعے میں تمام مسافر محفوظ رہے اور انھیں باحفاظت طیارے سے نکال لیا گیا ہے۔ طیارہ اسلام آباد سے گلگت پرواز کر رہا تھا۔

Skip مختصر ویڈیوز and continue reading

مختصر ویڈیوز

اپ کی ڈیوائس پر پلے بیک سپورٹ دستیاب نہیں

End of مختصر ویڈیوز