پاکستان کو 67 رنز سے شکست، انگلینڈ نے ٹی ٹوئنٹی سیریز جیت لی

لائیو کوریج

بلال کریم مغل

1. 2 اکتوبر 2022لائیو کوریج کا اختتام

   انگلینڈ بمقابلہ پاکستان سات میچز کی ٹی ٹوئنٹی سیریز انگلینڈ نے جیت لی ہے۔ ہماری آج کی لائیو کوریج یہاں پر ختم ہوتی ہے۔

   مزید خبروں کے لیے ہمارا لائیو پیج وزٹ کریں۔

2. 2 اکتوبر 2022ہیری بروک کے لیے پلیئر آف دی سیریز کا ایوارڈ

   انگلینڈ کے ہیری بروک پلیئر آف دی سیریز قرار پائے ہیں۔ اُنھوں نے اس سیریز کے سات میچز میں 238 رنز بنائے ہیں۔

3. 2 اکتوبر 2022ڈیوڈ ملان پلیئر آف دی میچ قرار

   انگلینڈ کے بیٹر ڈیوڈ ملان کو پلیئر آف دی میچ قرار دیا گیا ہے۔ اُنھوں نے 47 گیندوں پر 78 رنز کی ناقابلِ شکست اننگز کھیلی۔

4. 2 اکتوبر 2022بریکنگ, پاکستان کو 67 رنز سے شکست، انگلینڈ میچ اور سیریز کا فاتح

   انگلینڈ نے پاکستان کو 67 رنز سے شکست دے دی ہے۔ 210 رنز کے ہدف کے تعاقب میں پاکستان صرف 142 رنز بنا سکا اور اس نے آٹھ وکٹیں گنوائیں۔

5. 2 اکتوبر 2022محمد وسیم بھی آؤٹ، صرف پانچ رنز بنا سکے

   شان مسعود کے فوراً بعد ہی اگلی وکٹ محمد وسیم کی گری جو صرف پانچ رنز بنا کر پویلین لوٹ گئے۔

6. 2 اکتوبر 2022شان مسعود 56 رنز پر آؤٹ

   پاکستان کی جانب سے اب تک کا سب سے بڑا شان مسعود نے کیا جنھوں نے 56 رنز بنائے۔ وہ کرس ووکس کی گیند پر عادل رشید کے ہاتھوں کیچ آؤٹ ہو گئے۔

7. 2 اکتوبر 2022محمد نواز بھی نو گیندیں کھیلنے کے بعد آؤٹ ہو گئے

   پاکستانی ٹیم کے ایک اور بلے باز محمد نواز بھی آؤٹ ہو گئے ہیں۔ اُن کا کیچ سیم کرن کی گیند پر کرس ووکس نے پکڑا۔

8. 2 اکتوبر 2022آصف علی چھکا مارنے کی کوشش میں کیچ آؤٹ

   سات رنز بنا کر آصف علی بھی آؤٹ ہو گئے ہیں۔ اُنھوں نے مشکل وقت میں کرس ووکس کی گیند پر چھکا مارنے کی کوشش کی لیکن بالکل باؤنڈری کے قریب ریس ٹوپلی نے کیچ پکڑ لیا۔

9. 2 اکتوبر 2022خوشدل شاہ 25 گیندوں پر 27 رنز بنا کر آؤٹ

   خوشدل شاہ عادل رشید کی گیند پر وکٹ کیپر فل سالٹ کے ہاتھوں کیچ آؤٹ ہو گئے ہیں۔ پاکستانی بیٹرز کا یہ دوسرا کیچ ہے جو فل سالٹ نے پکڑا ہے۔

10. 2 اکتوبر 2022مطلوبہ رن ریٹ 14 سے تجاوز کر گیا

    پاکستان کو 61 گیندوں پر 144 رنز درکار ہیں جبکہ مطلوبہ رن ریٹ اب 14.16 ہے۔ پاکستان کا موجودہ رن ریٹ 6.80 ہے۔

11. 2 اکتوبر 2022پاکستان کو 78 گیندوں پر 169 رنز درکار

    سات اوورز کے اختتام پر پاکستان نے 41 رنز بنا لیے ہیں۔ پاکستان کو اب 78 گیندوں پر 169 رنز درکار ہیں جبکہ اس کے پاس سات وکٹیں باقی ہیں۔

12. 2 اکتوبر 2022افتخار احمد 19 رنز بنا کر آؤٹ

    ڈیوڈ ولی کی گیند پر افتخار احمد کیچ آؤٹ۔ وہ 16 گیندوں پر صرف 19 رنز بنا سکے۔

13. 2 اکتوبر 2022پاکستانی اننگز کا مشکلات بھرا آغاز، اوپنرز کے صرف پانچ رنز

    پاکستانی کپتان بابر اعظم اور وکٹ کیپر محمد رضوان نے اننگز کی شروعات کی مگر بابر اعظم صرف چار رنز بنا کر کیچ آؤٹ ہو گئے جبکہ محمد رضوان چار گیندوں پر صرف ایک رن بنا سکے۔

    بابر اعظم کا کیچ ہیری بروک نے ہی پکڑا جن کا کیچ وہ خود پاکستانی بولنگ کے دوران ڈراپ کر چکے تھے۔

    چار اوورز کے اختتام پر پاکستان نے دو وکٹوں کے نقصان پر 22 رنز بنا لیے ہیں۔

14. 2 اکتوبر 2022ہیری اور ملان کی 108 کی پارٹنرشپ، پاکستان کو جیت کے لیے 210 رنز درکار

    ڈیوڈ ملان اور ہیری بروک دونوں ہی کے آج کیچز ڈراپ ہوئے اور دونوں نے مل کر انگلینڈ کو 108 رنز فراہم کیے۔

    چنانچہ انگلینڈ نے پاکستان کو جیت کے لیے 210 رنز کا ہدف دے دیا ہے۔

    اس سیریز میں تیسری مرتبہ کسی ٹیم نے 200 یا زائد رنز بنائے ہیں۔

15. 2 اکتوبر 2022حارث رؤف کی بدقسمتی؟ ایک اور کیچ ڈراپ ہو گیا

    حارث رؤف کی گیند پر ڈیوڈ ملان نے ایک اونچا شاٹ کھیلا جسے وسیم جونیئر کیچ نہ کر سکے۔

    ڈیوڈ ملان اس میچ میں دوسری مرتبہ کیچ آوٹ ہونے سے بچے ہیں اور حارث رؤف کی گیند پر یہ اس میچ کا دوسرا ڈراپ کیچ ہے۔

16. 2 اکتوبر 2022بابر اعظم نے ایک اور کیچ ڈراپ کر دیا

    بابر اعظم کی جانب سے ڈیتھ اوورز کے بولر حارث رؤف کو موقع دیا گیا تاکہ ہیری بروک اور ڈیوڈ ملان کی پارٹنرشپ توڑ سکیں۔ حارث رؤف نے ہیری بروک کو بال کروائی اور کیچ آؤٹ کا موقع حاصل کیا مگر بابر نے ایک مرتبہ پھر کیچ ڈراپ کر دیا۔

    اب پاکستانی مداح سوشل میڈیا پر سوال کر رہے ہیں کہ 200 کا ہدف کون اور کیسے حاصل کرے گا۔

17. 2 اکتوبر 202215 اوورز مکمل، انگلینڈ کے 149 رنز

    انگلینڈ کی جانب سے ہیری بروک اور ڈیوڈ ملان کی بیٹنگ جاری ہے۔ اس نے تین وکٹوں کے نقصان پر اب تک 146 رنز بنا لیے ہیں۔

    انگلینڈ کا رن ریٹ اس وقت 9.93 ہے چنانچہ انگلینڈ کی نظریں اب پاکستان کو 200 رنز سے زیادہ کا ہدف دینے پر ہیں۔

18. 2 اکتوبر 2022بابر اعظم نے ڈیوڈ ملان کا کیچ ڈراپ کر دیا

    افتخار کی گیند پر ڈیوڈ ملان نے شاٹ کھیلا تو گیند کپتان بابر اعظم کی جانب گئی۔ ایک لحظے کو لگا کہ وہ کیچ پکڑ لیں گے مگر یہ کیچ ان سے ڈراپ ہو گیا۔

    دیکھنا یہ ہے کہ یہ ڈراپ کیچ پاکستان کے لیے کتنا نقصان دہ ثابت ہو گا۔

19. 2 اکتوبر 2022محمد رضوان نے بین ڈکیٹ کو سٹمپس آؤٹ کر دیا

    افتخار احمد نے بین ڈکیٹ کو بال کروائی تو وہ بولڈ تو نہیں ہوئے لیکن گیند محمد رضوان کے ہاتھ میں پہنچ گئی اور اُنھوں نے بجلی کی سی رفتار سے اُنھیں سٹمپ آؤٹ کر دیا۔

    وہ 19 گیندوں پر 30 رنز بنانے کے بعد پویلین لوٹ گئے۔

    انگلینڈ نے اب تک 10 اوورز میں تین وکٹوں پر 102 رنز بنا لیے ہیں۔

20. 2 اکتوبر 2022آٹھ اوورز کے اختتام پر انگلینڈ کے 77 رنز

    انگلینڈ نے دو وکٹوں کے نقصان پر آٹھ اوورز میں 77 رنز بنا لیے ہیں۔ کریز پر بین ڈکیٹ اور ڈیوڈ ملان موجود ہیں۔