چوتھا ٹی 20: انگلینڈ 163 پر آل آؤٹ، پاکستان نے آخری اوور میں سیریز برابر کر دی

لائیو کوریج

بلال کریم مغل

1. 25 ستمبر 202219 اوورز کے اختتام پر پاکستان کے 152 رنز

   پاکستان نے 18 اوورز کے اختتام پر 2 وکٹوں کے نقصان پر 152 رنز بنا لیے ہیں۔ پاکستان کی جانب سے محمد رضوان اور خوشدل شاہ کھیل رہے ہیں۔

   آخری وکٹ شان مسعود کی تھی جو ڈیوڈ ولی کی گیند پر آؤٹ ہوئے۔

2. 25 ستمبر 2022شان مسعود ایل بی ڈبلیو ہو گئے

   شان مسعود 18 گیندوں پر 21 رنز بنانے کے بعد پویلین لوٹ گئے ہیں۔ وہ ڈیوڈ ولی کی گیند پر ایل بی ڈبلیو آؤٹ ہوئے۔

3. 25 ستمبر 2022شان مسعود کا پہلا چوکا، پاکستان کے 18 اوورز میں 146 رنز

   پاکستان کی بیٹنگ مستحکم انداز میں جاری ہے تاہم اب بظاہر بیٹنگ لائن اپ انگلینڈ کے لیے کوئی مشکل ہدف نہیں دے پائے گی۔

   میچ کی آخری 30 گیندیں باقی ہیں۔

4. 25 ستمبر 2022پاکستان اپنی اننگز کے خاتمے کے قریب، 15 اوورز میں 120 رنز

   پاکستان نے 15 اوورز میں 120 رنز بنا لیے ہیں۔ اس وقت محمد رضوان اور شان مسعود کریز پر موجود ہیں۔

5. 25 ستمبر 2022بابر اعظم کیچ آؤٹ ہو گئے

   36 رنز بنانے کے بعد بابر اعظم کی اننگز ختم ہو گئی ہے۔ وہ لیام ڈاسن کی گیند پر بین ڈکیٹ کے ہاتھوں کیچ آؤٹ ہوئے۔

   بابر اعظم کی 28 گیندوں کی اننگز میں 18رنز سنگلز تھے اور 4 گیندیں ڈاٹ تھیں۔ اُنھوں نے تین چوکے مارے۔

6. 25 ستمبر 2022محمد رضوان کا چھکا، گیند باؤنڈری کے پار کیچ ہوئی

   محمد رضوان نے اس میچ کا پہلا چھکا مارا ہے۔ انگلینڈ کے عادل رشید کی گیند پر مارا گیا یہ شاٹ فیلڈر نے کیچ تو کیا مگر وہ باؤنڈری کے پار تھے۔ اس میچ میں پاکستان نے اب تک 11 اوورز کے اختتام پر 92 رنز بنا لیے ہیں۔

7. 25 ستمبر 2022محمد رضوان کی نصف سنچری مکمل

   محمد رضوان نے 38 گیندوں پر 50 رنز بنا لیے ہیں۔ وہ اب تک 66 میچز میں 2157 رنز بنا چکے ہیں۔ ٹی ٹوئنٹی فارمیٹ میں یہ ان کی 20 ویں نصف سنچری ہے۔

8. 25 ستمبر 2022آٹھ اوورز مکمل، پاکستانی اوپنرز 72 رنز بنانے میں کامیاب

   پاکستان کے اوپنرز کی بیٹنگ جاری ہے اور بظاہر گذشتہ میچ میں بیٹنگ لائن اپ بشمول اوپنرز اور مڈل آرڈر کی ناکامی کا بوجھ اس میچ میں نظر نہیں آ رہا ہے۔

   بابر اعظم اور محمد رضوان کی جانب سے محتاط مگر پراعتماد بیٹنگ کا مظاہرہ کرتے ہوئے اب تک 72 رنز بنا لیے گئے ہیں۔

9. 25 ستمبر 2022چھ اوورز کے اختتام پر پاکستان کے 52 رنز, عبدالرشید شکور، بی بی سی اردو، کراچی

   یہ اس سیریز میں تیسرا موقع ہے کہ پاکستان نے پاور پلے کے چھ اوور میں پچاس یا زائد رنز بنائے ہیں۔

   اس پاور پلے میں رضوان اور بابر نے مجموعی طور پر آٹھ چوکے مارے ہیں لیکن ایک بھی چھکا نہیں ہے۔

10. 25 ستمبر 2022بابر اعظم کا فری ہٹ پر شاٹ، کیچ پکڑے جانے کے باوجود آؤٹ سے بچ گئے

    اولی سٹون نے محمد رضوان کو نو بال کروائی جس کے بعد سٹرائیکرز اینڈ پر بابر اعظم آئے۔ ان کے حصے میں فری ہٹ آئی جس پر انھوں نے کھل کر شاٹ کھیلا جو لیام ڈاسن نے عین باؤنڈری کے پاس پکڑ لیا، تاہم وہ فری ہٹ ہونے کی وجہ سے آؤٹ ہونے سے بچ گئے۔

11. 25 ستمبر 2022پانچ اوورز کے اختتام پر پاکستان کے 42 رنز

    پاکستان کی اننگز جاری ہے اور ابھی تک اس نے کسی نقصان کے بغیر 42 رنز بنا لیے ہیں۔

12. 25 ستمبر 2022پاکستان کا 200 واں ٹی ٹوئنٹی میچ, عبدالرشید شکور، بی بی سی اردو، کراچی

    پاکستانی کرکٹ ٹیم آج اپنا 200 واں ٹی ٹوئنٹی انٹرنیشنل میچ کھیل رہی ہے۔ اب تک کھیلے گئے 199 میچوں میں اس نے121 میچ جیتے ہیں، 70 میں اسے شکست ہوئی ہے، پانچ نامکمل رہے ہیں اور تین کا کوئی نتیجہ برآمد نہیں ہوا۔

13. 25 ستمبر 2022پاکستان کا پراعتماد آغاز، دو اوورز میں 15 رنز

    دوسرے اوور کے اختتام تک پاکستان نے 15 رنز بنا لیے ہیں۔ اس وقت اس کا رن ریٹ 7.50 ہے اور اس نے کوئی وکٹ نہیں گنوائی ہے۔

14. 25 ستمبر 2022پاکستان کی جانب سے بابر اعظم اور محمد رضوان کریز پر

    پاکستان نے اپنی بیٹنگ کا آغاز کرتے ہوئے پہلے اوور میں سات رنز بنا لیے ہیں۔ اس وقت کریز پر اوپننگ بلے باز بابر اعظم اور محمد رضوان موجود ہیں۔

15. 25 ستمبر 2022کراچی میں سیریز کے آخری میچ کے لیے جوش و خروش, عبدالرشید شکور، بی بی سی اردو، کراچی

    شائقین کی بہت بڑی تعداد سٹیڈیم آ چکی ہے۔ چونکہ یہ کراچی میں اس سیریز کا آخری میچ ہے، لہٰذا شائقین میں کافی جوش وخروش پایا جاتا ہے کہ پاکستانی ٹیم سیریز برابر کر کے لاہور جائے۔

    پاکستان کرکٹ بورڈ کے مطابق مجموعی طور پر ایک لاکھ شائقین نیشنل سٹیڈیم میں تینوں میچ دیکھ چکے ہیں۔

16. 25 ستمبر 2022انگلینڈ کی ٹیم میں تین، پاکستانی ٹیم میں دو تبدیلیاں, عبدالرشید شکور، بی بی سی اردو، کراچی

    اس میچ کے لیے پاکستانی ٹیم میں دو تبدیلیاں کی گئی ہیں۔ شاہنواز دھانی کی جگہ محمد وسیم جونیئر اور حیدر علی کی جگہ آصف علی یہ میچ کھیل رہے ہیں۔

    انگلینڈ کی ٹیم میں تین تبدیلیاں کی گئی ہیں۔ الیکس ہیلز، ڈیوڈ ولی اور اولی سٹون یہ میچ ڈیوڈ ملان، سیم کرن اور مارک ووڈ کی جگہ کھیل رہے ہیں۔ اولی سٹون کا یہ پہلا ٹی 20 میچ ہو گا۔

17. 25 ستمبر 2022بابر اعظم 3000 رنز کے سنگِ میل سے صرف 97 رنز دور, عبدالرشید شکور، بی بی سی اردو، کراچی

    پاکستانی کرکٹ ٹیم کے کپتان بابر اعظم ٹی ٹوئنٹی انٹرنیشنل میں اب تک 2903 رنز بنا چکے ہیں۔ وہ تین ہزار رنز مکمل کرنے میں کامیاب ہوگئے تو وہ دنیا کے ایسے پانچویں بیٹسمین ہوں گے۔

    اس سے قبل انڈیا کے روہت شرما 3677، وراٹ کوہلی 3597، نیوزی لینڈ کے مارٹن گپٹل 3497، اور آئرلینڈ کے پال سٹرلنگ 3011 رنز بنا چکے ہیں۔

18. 25 ستمبر 2022انگلینڈ کی ٹاس جیت کر پاکستان کو بیٹنگ کی دعوت

    پاکستان اور انگلینڈ کے درمیان چوتھا ٹی 20 میچ آج کھیلا جا رہا ہے جس میں انگلینڈ نے ٹاس جیت کر پہلے بولنگ کا فیصلہ کیا ہے۔

    نیشنل سٹیڈیم کراچی میں پاکستانی کرکٹ ٹیم اب تک دس ٹی ٹوئنٹی انٹرنیشنل کھیل چکی ہے جن میں اس نے آٹھ جیتے ہیں۔ دو میچوں میں اسے شکست ہوئی ہے۔ یہ دونوں میچ اسی سیریز میں انگلینڈ کے خلاف ہیں۔