سالٹ نے نواز کا چھکے سے استقبال کیا، اوور میں 10 رنز بنے!
بابر اعظم نے دوسرا اوور محمد نواز کو دیا ہے جنھیں سالٹ نے پہلی ہی گیند پر چھکا لگایا ہے۔ تاہم ان کے اوور کی باقی گیندوں پر صرف چار رنز بنے۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
بابر کی دھواں دار سینچری اور رضوان کے ساتھ ناقابلِ تسخیر شراکت، پاکستان کا 200 رنز کا کامیاب تعاقب
انگلینڈ اور پاکستان کے درمیان سات ٹی ٹوئنٹی میچوں کی سیریز کے دوسرے میچ میں آج پاکستان نے انگلینڈ کو 10 وکٹوں سے شکست دے کر سیریز ایک ایک سے برابر کر دی ہے۔ پاکستان کی جانب سے اوپنرز بابر اعظم اور محمد رضوان نے ناقابلِ تسخیر شراکت قائم کر کے پاکستان کو فتح سے ہمکنار کیا اور بابر اعظم نے دھواں دار اننگز کے ساتھ فارم میں واپسی کی ہے۔
لائیو کوریج
حسنین کا اچھا آغاز، پہلے اوور میں صرف تین رنز بنے
محمد حسنین جو آج نسیم شاہ کی جگہ ٹیم میں شامل ہوئے ہیں، نے پہلے اوور میں اچھا آغاز کرتے ہوئے صرف تین رنز دیے ہیں۔
’انگلینڈ کا ماننا ہے کہ پچ سلو ہو گی، اس لیے پہلے بیٹنگ کا فیصلہ کیا گیا ہے‘
’انگلینڈ کا خود کو پہلے بیٹنگ کرتے ہوئے ٹیسٹ کرنے کا فیصلہ‘
بریکنگ, انگلینڈ کا پاکستان کے خلاف ٹاس جیت کر پہلے بیٹنگ کا فیصلہ
انگلینڈ کے کپتان معین علی نے دوسرے ٹی ٹوئنٹی میچ میں ٹاس جیت کر پہلے بیٹنگ کا فیصلہ کیا ہے۔
معین علی نے ٹاس پر بات کرتے ہوئے کہا کہ یہ پچ گذشتہ میچ کی پچ کی طرح اچھی نہیں لگ رہی، اور اس میں کریکس بھی ہیں اور ہمارے پاس تین سپنر ہیں۔
ادھر بابر اعظم کا کہنا ہے کہ وہ چاہیں گے کہ مڈل آرڈر اس میچ میں بہتر کارکردگی دکھائے، اور اچھے آغاز کا بھرپور فائدہ اٹھائے۔
انگلینڈ کی جانب سے گلیسن کی جگہ سپنر ڈاسن کو ٹیم میں جگہ دی گئی ہے۔ دوسری جانب پاکستان نے فاسٹ بولر نسیم شاہ کی جگہ محمد حسنین کو ٹیم میں شامل کیا ہے۔
پاکستانی سپورٹ سٹاف کا کووڈ ٹیسٹ مثبت، میچ مقررہ وقت پر شروع ہو گا: پی سی بی
پاکستان کرکٹ بورڈ کے مطابق پاکستانی کرکٹ ٹیم کے سپورٹ سٹاف کے ایک ممبر کا کووڈ ٹیسٹ مثبت آ گیا ہے جس کے بعد انھیں ٹیم سے الگ کر دیا گیا ہے۔
نامہ نگار عبدالرشید شکور کے مطابق پاکستان کرکٹ بورڈ کا کہنا ہے کہ پاکستان اور انگلینڈ کے درمیان دوسرا ٹی ٹوئنٹی انٹرنیشنل مقررہ وقت پر شروع ہو گا۔
انگلش بولر رچرڈ گلیسن دوسرے ٹی ٹوئنٹی میچ میں معمولی انجری کے باعث دستیاب نہیں ہوں گے
بابر رضوان جوڑی سب سے زیادہ مجموعی رنز بنانے والی جوڑی کا نیا ریکارڈ بنانے کے قریب
بابراعظم اور محمد رضوان کو ٹی ٹوئنٹی انٹرنیشنل میں سب سے زیادہ مجموعی رنز بنانے والی جوڑی کا نیا ریکارڈ قائم کرنے کے لیے صرف 18 رنز درکار ہیں۔
نیشنل سٹیڈیم کراچی سے نامہ نگار عبدالرشید شکور کے مطابق اس وقت اس فارمیٹ میں سب سے زیادہ مجموعی رنز بنانے والی جوڑی انڈیا کے شکھر دھون اور روہت شرما کی ہے جنھوں نے ایک ساتھ 52 اننگز میں کھیلتے ہوئے 1743 رنز بنائے ہیں جن میں چار سنچری اور سات نصف سنچری پارٹنرشپ شامل ہیں۔
بابراعظم اور محمد رضوان کی جوڑی آج کے میچ سے قبل 35 ٹی ٹوئنٹی انٹرنیشنل اننگز میں 1726 رنز بنا چکی ہے جن میں چھ سنچری اورچھ نصف سنچری شراکتیں شامل ہیں۔
پہلے ٹی ٹوئنٹی کی طرح آج بھی کراچی میں شائقین کا جوش و خروش!
پہلے ٹی ٹوئنٹی میچ کی طرح آج بھی کراچی کے نینشل سٹیڈیم میں خاصا جوش خروش دیکھا جا رہا ہے اور شائقین کی بڑی تعداد میچ دیکھنے کے لیے گراؤنڈ کا رخ کر رہی ہے۔
پاکستان اور انگلینڈ کے درمیان دوسرے ٹی ٹوئنٹی میچ کی خصوصی لائیو کوریج میں خوش آمدید!
پاکستان اور انگلینڈ کے درمیان دوسرے ٹی ٹوئنٹی میچ پر بی بی سی اردو کے خصوصی لائیو پیج پر خوش آمدید۔
پہلے ٹی ٹوئنٹی میں انگلینڈ سے چھ وکٹوں سے شکست کے بعد تمام نظریں پاکستانی بیٹنگ پر ہیں، جو گذشتہ چند میچوں سے بیچ کے اوورز میں سست روی کا شکار ہے۔