ورلڈ ٹی ٹوئنٹی: سری لنکا کی بنگلہ دیش کے خلاف پانچ وکٹوں سے فتح

لائیو کوریج

1. 24 اکتوبر 2021بنگلہ دیش کے 13 اوورز میں 96 رنز

   13 اوورز کے اختتام پر بنگلہ دیش نے دو وکٹوں کے نقصان پر 96 رنز بنائے ہیں۔ نعیم اپنی نصف سنچری کے قریب ہیں۔

2. 24 اکتوبر 2021مشفیق کا ایک مزید چھکا

   بنگلہ دیشی بلے باز مشفیق الرحیم اچھی فارم میں نظر آ رہے ہیں۔ انھوں نے بنورا کو چھکا لگایا ہے۔ محض 13 گیندوں پر وہ 20 رنز بنا چکے ہیں۔

3. 24 اکتوبر 2021بنگلہ دیش کی باری کا پہلا چھکا

   مشفیق الرحیم نے لیگ سپنر ہسرنگا کو سویپ شاٹ سے سکوئر لیگ کا چھکا لگایا ہے جو بنگلہ دیش کی باری کا پہلا ہے۔

4. 24 اکتوبر 2021’اس پچ پر ہدف کا تعاقب مشکل ہوگا‘

   نیوزی لینڈ کے بولر مچل مکلینیگن کہتے ہیں کہ ’پچ ابھی سے ایسے اشارے دے رہی ہے کہ یہاں ہدف کا تعاقب کرنا مشکل ہوگا۔‘

5. 24 اکتوبر 2021بنگلہ دیش کے 10 اوورز میں 72 رنز

   دس اوورز کے اختتام پر بنگلہ دیش نے دو وکٹوں کے نقصان کے ساتھ 72 رنز بنائے ہیں۔

   کریز پر محمد نعیم اور مشفیق الرحیم موجود ہیں۔

6. 24 اکتوبر 2021سری لنکا اور بنگلہ دیش کے کھلاڑیوں میں لفظی جنگ

   کمارا کے اوور میں سری لنکا کے فیلڈرز اور بنگلہ دیش کے بلے بازوں کے درمیان لفظوں کی جنگ ہوئی جب انھوں نے لیٹن داس کو کیچ آؤٹ کیا۔

   مگر جلد ہی کھلاڑیوں کو ایک دوسرے سے دور بھیج دیا گیا۔ بظاہر دونوں ٹیموں کے کرکٹر جارحانہ انداز میں یہ میچ کھیل رہے ہیں۔

7. 24 اکتوبر 2021شکیب کی وکٹ کارونارتنے کے نام!

   کارونارتنے نے آٹھویں اوور کے دوران شکیب کو سلو بال کرا کے بولڈ کر دیا ہے۔ شکیب نے سات گیندوں پر دو چوکوں کی مدد سے 10 رنز بنائے تھے۔

8. 24 اکتوبر 2021اسلانکا کے اوور میں تین چوکے!

   پاور پلے کے بعد سپنر اسلانکا کو اوور دیا گیا جس میں شکیب نے دو اور نعیم نے ایک چوکا لگایا۔

   سات اوورز کے اختتام پر بنگلہ دیش نے ایک وکٹ کے نقصان پر 55 رنز بنائے ہیں۔

9. 24 اکتوبر 2021پاور پلے کے اختتام پر بنگلہ دیش کے ایک وکٹ کے نقصان پر 41 رنز

   پاور پلے کے اختتام پر بنگلہ دیش نے ایک وکٹ کے نقصان پر 41 رنز بنائے ہیں۔ محمد نعیم نے 21 گیندوں پر 22 رنز بنائے ہیں۔

   سری لنکا کے کمارا نے داس کی وکٹ حاصل کی۔

10. 24 اکتوبر 2021سری لنکا نے لیٹن داس کی اہم وکٹ حاصل کر لی

    اوپنر لیٹن داس نے کمارا کی گیند پر مڈ آف کے اوپر سے جارحانہ شاٹ لگانے کی کوشش کی مگر وہ کیچ آؤٹ ہوگئے۔ انھوں نے 16 گیندوں پر 16 رنز بنائے۔

11. 24 اکتوبر 2021بنگلہ دیش کا بیٹنگ میں اچھا آغاز

    بنگلہ دیش کے اوپنرز نے سری لنکا کے خلاف اچھا آغاز کیا ہے۔ اب تک چار اوورز کے اختتام پر کسی وکٹ کے گِرے بغیر 29 رنز بن چکے ہیں۔

    پہلی وکٹ کی اس شراکت سے یقیناً سری لنکا کے بولرز پر دباؤ بڑھے گا۔

12. 24 اکتوبر 2021چمیرا کی دو عدد نو بالز

    سری لنکا کے فاسٹ بولر چمیر نے اپنے پہلے اوور میں دو نو بالز کرائی ہیں اور ایک چوکا لگنے کے بعد کل 12 رنز دیے ہیں۔

13. 24 اکتوبر 2021’سری لنکا اور بنگلہ دیش کا میچ انتہائی اہم‘

    کرکٹ کے تجزیہ کار ٹِم وگمور کہتے ہیں کہ ’سری لنکا اور بنگلہ دیش کا میچ انتہائی اہم ہے۔ فاتح ٹیم کے سیمی فائنل میں جگہ بنانے کے امکان بڑھ جائیں گے۔‘

    ’پہلا راؤنڈ کھیلنے کے بعد سپر 12 میں آنے سے فائدہ ہوسکتا ہے۔‘

14. 24 اکتوبر 2021بنگلہ دیش کی باری کا پہلا چوکا

    دوسرا اوور لمبے قد کے میڈیم فاسٹ بولر بنورا کو دیا گیا۔ پہلی تین گیندوں پر کوئی رن نہ بن سکا۔ چوتھی گیند پر لیٹن داس نے فائن لیگ کا چوکا لگایا۔

    بنگلہ دیش نے دو اوورز کے اختتام پر بغیر کسی وکٹ کے نقصان کے نو رنز بنائے ہیں۔

15. 24 اکتوبر 2021پہلے اوور کا اختتام، بنگلہ دیش کے بغیر کسی نقصان دو رنز

    کارونارتنے کے پہلے اوور میں صرف دو رنز بن سکے۔ تیسری گیند پر نعیم نے سنگل لیا جبکہ پانچویں گیند پر سنگل لے کر لیٹن نے اپنا کھاتا کھولا۔

16. 24 اکتوبر 2021میچ کا آغاز

    بنگلہ دیش کی طرف سے اوپنرز لیٹن داس اور محمد نعیم اننگز کا آغاز کر رہے ہیں۔ جبکہ سری لنکا کے فاسٹ بولر کارونارتنے کو پہلا اوور دیا گیا ہے۔

17. 24 اکتوبر 2021’سری لنکا کے پاس اضافی فاسٹ بولر‘

    ٹوئٹر پر صارف دیپو کا کہنا ہے کہ سری لنکا نے ایک مزید فاسٹ بولر بنورا کا انتخاب کیا ہے تاکہ شارجہ کی وکٹ پر باؤنس کا استعمال کیا جاسکے۔

    ’بنگلہ دیش نے شکیب کے علاوہ ایک مزید سپنر کو ٹیم میں رکھا ہے۔ سری لنکا کے پہلے پانچ بلے باز بائیں ہاتھ کے ہیں۔‘

18. 24 اکتوبر 2021تسکین کی جگہ نسیم کی شمولیت

    ٹاس کے موقع پر بنگلہ دیش کے کپتان محمد اللہ کہتے ہیں کہ ’ہم پہلے بیٹنگ ہی کرنا چاہتے تھے۔ ہمیں حالات کے مطابق خود کو ڈھالنا ہوگا۔ امید ہے کہ یہ بیٹنگ کے لیے اچھی وکٹ ثابت ہوگی۔‘

    ’ہمارے کھلاڑی پُرسکون ہیں۔ ٹیم میں تسکین احمد کی جگہ نسیم احمد کھیلیں گے۔‘

19. 24 اکتوبر 2021سری لنکا کا بنگلہ دیش کے خلاف ٹاس جیت کر بولنگ کا فیصلہ

20. 24 اکتوبر 2021دونوں ٹیموں کا سٹار کھلاڑی, بنگلہ دیش بمقابلہ سری لنکا

    سری لنکا کو آل راؤنڈر وانندو ہسرنگا سے امید ہو گی کہ وہ گیند اور بلے دونوں سے نمایاں کارکردگی دکھائیں گے۔ انھوں نے اب تک ٹورنامنٹ میں چھ وکٹیں حاصل کی ہیں اور ان کا اکانومی ریٹ 4.09 ہے۔ انھوں نے گذشتہ باریوں میں سے ایک میچ میں محض 47 گیندوں پر 71 رنز بنائے تھے۔

    بنگلہ دیش کے سب سے اہم کھلاڑی شاید شکیب الحسن ہیں جو اس اس وقت آئی سی سی آل راؤنڈرز رینکنگ میں سرفہرست ہیں۔ رنز کے اعتبار سے وہ اپنی ٹیم میں تیسرے جبکہ وکٹوں کے اعتبار سے پہلے نمبر پر ہیں۔