بریکنگ, وزارت خزانہ نے عام انتخابات کے لیے مزید 17 ارب 40 کروڑ روپے کے فنڈز جاری کر دیے
وزارت خزانہ نے عام انتخابات کے لیے الیکشن کمیشن کو مزید فنڈز جاری کر دیے ہیں۔
وزارت خزانہ کی جانب سے جاری اعلامیے کے مطابق الیکشن کمیشن کو انتخابات کے لیے مختص فنڈز میں سے مزید 17 ارب 40 کروڑروپے جاری کردیے گئے ہیں۔
اعلامیے میں بتایا گیا ہےکہ وزارت خزانہ نے اس سے قبل 10 ارب روپے جاری کیے تھے اور اب مجموعی طور پر الیکشن کمیشن کو 27 ارب 40 کروڑ جاری کیے جا چکے۔
واضح رہے کہ بجٹ میں الیکشن کے لیے 42 ارب روپے مختص کیے گئے تھے۔
الیکشن کمیشن نے فنڈز کا اجرا نہ ہونے پر گزشتہ روز سیکرٹری خزانہ کو طلب کیا تھا۔
اعلامیے میں کہا گیا ہے کہ فنانس ڈویژن الیکشن کمیشن آف پاکستان کی ضرورت کے مطابق فنڈز کی فراہمی کے لیے پرعزم ہے۔