نیشنل ڈِزاسٹر مینیجمنٹ اتھارٹی کی جانب سے جاری کردہ الرٹ
قومی ڈیزاسٹر مینیجمنٹ اتھارٹی نے اپنے ماتحت صوبائی ڈیزاسٹر مینیجمنٹ اتھارٹیز کو ہر ممکنہ حفاظتی تدابیر لینے کے احکامات جاری کر دیے ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
میرپور زلزلہ: کب کیا ہوا؟
پاکستان کے زیرانتظام کشمیر اور دارالحکومت اسلام آباد اور پنجاب کے کئی علاقوں سمیت ملک کے بالائی حصوں میں زلزلے کے بعد حکام نے اب تک 20 افراد کی ہلاکت کی تصدیق کی ہے جبکہ 300 لوگ زخمی ہیں۔ زلزلے سے میرپور، بھمبر اور جاتلاں کے علاقے زیادہ متاثر ہوئے ہیں۔
لائیو کوریج
پاکستان کے زیر انتظام کشمیر کے شہری ایمرجنسی کی صورت میں ان نمبرز پر رابطہ کر سکتے ہیں
اس وقت پاکستان کے زیر انتظام کشمیر میں اگر آپ کو کسی قسم کی امداد کی ضرورت ہے یا آپ یہ جاننا چاہتے ہیں کہ کیسے محفوظ رہ سکتے ہیں تو ایسی صورت میں ان نمبرز پر رابطہ کر سکتے ہیں۔
مشتاق منہاس، پاکستان کے زیر انتظام کشمیر کے وزیر اطلاعات 03315450001
قیصر اورنگزیب، ڈی سی میرپور 03015035424
ڈاکٹر اعظم، ڈی سی کوٹلی 05826920763
محمد طیب، ڈویژنل کمشنر 03004106967
کرنل علاؤالدین، ڈائریکٹر ڈزاسٹر رسپونس 03311131313
کیپٹن سید عماد عابد، ایس ایس پی جہلم 03009521434
پولیس کنٹرول روم جہلم 05449270057
ڈی پی او آفس جہلم 05449270042
ڈی پی او دفتر گجرات 0539260026
زلزلے کا مرکز کہاں تھا؟
جاتلاں میں تباہی کے مناظر
میرپور: زلزلے میں زخمی ہونے والے بزرگ کی بی بی سی سے بات چیت
میجر جنرل آصف غفور کی ٹویٹ
پاکستانی فوج کے ترجمان میجر جنرل آصف غفور نے اپنی ٹویٹ میں کہا ہے کہ ’فوج کے سربراہ نے سول انتظامیہ کا ہاتھ بٹانے کے لیے امدادی کارروائیوں کا حکم دیا ہے۔ فضائی اور طبی سہولیات سے لیس فوجی دستوں کو روانہ کر دیا گیا ہے۔‘
چیئرمین این ڈی ایم اے: امدادی ٹیمیں میرپور پہنچ چکی ہے
چیئرمین نیشنل ڈزاسٹر مینیجمنٹ اتھارٹی (این ڈی ایم اے) لیفٹیننٹ جنرل محمد افضل نے بی بی سی سے بات کرتے ہوئے تصدیق کی ہے کہ میرپور میں چار افراد ہلاک ہوئے ہیں جبکہ 50 افراد زخمی ہوئے ہیں۔
انھوں نے بتایا کہ جہلم میں چار افراد زخمی ہوئے ہیں جبکہ پاکستان کے زیرِ انتظام کشمیر میں کم از کم تین افراد کے عمارتوں کے ملبے میں پھنسے ہوئے ہیں جبکہ گھروں کو نقصان پہنچا ہے۔
انھوں نے یہ بھی بتایا کہ اپر جہلم کینال میں شگاف پڑنے کی وجہ سے پانی قریبی دیہات میں داخل ہو گیا ہے۔ چیئرمین این ڈی ایم اے نے بتایا کہ منڈا پُل اور میرپور کو بھمبر سے منسلک کرنے والے پُل کو بھی نقصان پہنچا ہے۔
انھوں نے بتایا کہ منگلا ڈیم کے آپریشن تھوڑی دیر کے لیے معطل کیے گئے تھے مگر اب انھیں دوبارہ شروع کر دیا گیا ہے۔
نجی چینل جیو نیوز سے گفتگو کرتے ہوئے ان کا کہنا تھا کہ این ڈی ایم اے کی ٹیم میرپور پہنچ چکی ہے جبکہ ایک ٹیم جہلم پہنچ رہی ہے
زلزلہ آئے تو خود کو محفوظ رکھنے کے لیے کیا کریں؟
میرپور سے ہلاکتوں کی اطلاع
ایس ایس پی کوٹلی عرفان سلیم کے مطابق اب تک چار افراد ہلاک ہوئے ہیں جن میں ایک بچی شامل ہے۔ ان کے مطابق زخمیوں کے تعداد پچاس کے قریب ہے جس کے بڑھنے کا خدشہ ہے۔
پاکستان کے دارالحکومت اسلام آباد سمیت مختلف شہروں میں زلزلے کے شدید جھٹکے
پاکستان کے دارالحکومت اسلام آباد، لاہور، پشاور اور پاکستان کے زیر انتظام کشمیر سمیت پاکستان کے شمالی علاقوں میں منگل کی دوپہر کو زلزلے کے شدید جھٹکے محسوس کیے گئے ہیں۔
پاکستان کے زیر انتظام کشمیر کے علاقوں میرپور، بھمبر، کوٹلی، باغ، راولاکوٹ، ہٹیاں اور وادی نیلم میں زلزلے کے جھٹکے محسوس کیے گئے۔
امریکی زلزلہ پیما مرکز یونائیٹڈ سٹیٹس جیولاجیکل سروے اور پاکستان کے محکمہ موسمیات کے مطابق زلزلے کی شدت 5.8 تھی جبکہ اس کا مرکز پنجاب کے شہر جہلم سے 5 کلومیٹر دور تھا۔