آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
تحریکِ انصاف کی حکومت کے وزیر حماد اظہر نے منگل کو 3137 ارب روپے خسارے کا بجٹ پیش کر دیا ہے جبکہ دفاعی بجٹ میں کوئی اضافہ نہیں کیا گیا ہے۔
ذیشان حیدر, حسن زیدی and عماد خالق
پاکستان کی قومی اسمبلی میں حزبِ اختلاف کی جماعتوں کے رہنماؤں کا اہم اجلاس بجٹ اجلاس سے قبل منعقد ہوا ہے۔
مسلم لیگ کی سیکریٹری اطلاعات مریم اورنگزیب کے مطابق اس اجلاس میں ’عوام دشمن‘ بجٹ کے حوالے سے مشترکہ حکمت عملی طے کی گئی ہے۔
رواں سال وزیر اعظم عمران خان کی جانب سے اعلان کردہ ٹیکس ایمنسٹی سکیم کو نہایت اہم سمجھا جا رہا ہے۔ وزیر اعظم نے بجٹ سے ایک دن پہلے ہی قوم سے خطاب میں کہا ہے کہ جن کا پیسہ باہر پڑا ہوا ہے وہ 30 جون تک اثاثے ظاہر کرنے کی سکیم میں شریک ہوں اور اس سے فائدہ اٹھائیں اس کے بعد انھیں موقع نہیں ملے گا۔
واضح رہے کہ اس سکیم کے تحت چار فیصد ٹیکس دے کر بلیک منی کو وائٹ کیا جاسکتا ہے۔ مشیر خارجہ کے مطابق ان افراد کے علاوہ جو عوامی عہدہ رکھتے ہیں کوئی بھی پاکستانی اس سکیم میں حصہ لے سکتا ہے۔
اس سکیم سے وہ افراد استفادہ حاصل نہیں کر سکتے جو عوامی عہدے رکھنے والوں کے زیر کفالت ہیں۔ حزب اختلاف اور ماہرین دونوں ہی اس سکیم کو ماضی میں لائی جانے والی ایمنسٹی سکیم جیسا ہی قرار دیتے رہے ہیں۔
رواں مالی سال میں اس شعبے میں ترقی کا ہدف 6.5 فیصد تھا لیکن یہ شرح ہدف سے 1.8 فیصد کم رہی
وزیراعظم کے مشیر خزانہ حفیظ شیخ نے پیر کو اسلام آباد میں جب معاشی سال 19-2018 کی اقتصادی جائزہ رپورٹ پیش کی تو کہیں کوئی مثبت چیز نظر نہیں آئی۔ رواں مالی سال معاشی ترقی کا ہدف 6.2 فیصد تھا لیکن معاشی ترقی کی شرح اس کا نصف یعنی 3.3 فیصد رہی۔
آئی ایم ایف کی شرائط کے مطابق تیار کردہ آئندہ مالی سال کے بجٹ میں ساڑھے سات سو ارب روپے کے نئے ٹیکس عائد کیے جانے کا امکان ہے جس سے مہنگائی بڑھنے کا خدشہ ہے۔
پاکستان کے وزیراعظم عمران خان کی صدارت میں منگل کی صبح منعقد ہونے والے اجلاس میں وفاقی کابینہ نے آئندہ مالی سال کے لیے بجٹ تجاویزکی منظوری دے دی ہے۔ اب یہ بجٹ دستاویز وزیرِ مملکت برائے خزانہ حماد اظہر پارلیمان میں پیش کریں گے۔
پاکستان تحریکِ انصاف کی حکومت اقتدار میں آنے کے دس ماہ بعد منگل کو اپنا پہلا باقاعدہ وفاقی بجٹ پیش کر رہی ہے۔ مالی سال 20-2019 کے اس بجٹ کا تخمنیہ اندازاً 68 کھرب روپے لگایا گیا ہے۔