نواز شریف کو العزیزیہ ریفرینس میں سات برس قید: کب کیا ہوا؟

لائیو کوریج

1. 24 دسمبر 2018بریکنگ, نواز شریف احتساب عدالت کی جانب روانہ

   مسلم لیگ ن کے قائد نواز شریف العزیزیہ سٹیل مل اور فلیگ شپ انویسٹمنٹ ریفرینسز میں اپنے خلاف قومی احتساب بیورو کی جانب سے دائر کردہ مقدمات کا فیصلہ سننے کے لیے احتساب عدالت کی جانب روانہ ہو گئے ہیں۔

   نواز شریف کی اسلام آباد میں رکن اسمبلی عباس آفریدی کے فارم ہاؤس سے عدالت روانگی کے موقع پر مسلم لیگ ن کے کارکنوں نے نعرے بازی کی۔

   ذرائع کے مطابق ان کے ساتھ حمزہ شہباز، پرویز رشید، سابق گورنر سندھ محمد زبیر، ڈاکٹر طارق فضل چوہدری، رانا ثناء اللہ اور دیگر لیگی رہنما بھی ہیں۔

2. 24 دسمبر 2018عدالتی کارروائی کے آغاز کا انتظار جاری

3. 24 دسمبر 2018’انصاف کا ماحول اس عدالت میں آج بھی نہیں ہے‘

4. 24 دسمبر 2018نواز شریف کے سیاسی کریئر کی تصویری کہانی

   جب تک احتساب عدالت کے جج ارشد ملک نواز شریف کے خلاف دو ریفرنسز کا فیصلہ نہیں سناتے، ہمارے قارئین نواز شریف کے سیاسی کرئیر کو تصویری کہانی کے ذریعے دیکھ سکتے ہیں۔

5. 24 دسمبر 2018’فیصلہ آنے تک یہیں سستاتے ہیں‘

   احاطہ عدالت میں فیصلے کا منتظرایک پولیس اہلکار بکتر بند گاڑی کے ساتھ ٹیک لگا کر سستا رہا ہے

6. 24 دسمبر 2018ایون فیلڈ ریفرنس کا فیصلہ چھ بار ملتوی ہوا، آج کیا ہو گا؟, عابد حسین، بی بی سی اردو

   اس سال چھ جولائی کو جب احتساب عدالت کے جج محمد بشیر کو ایون فیلڈ ریفرنس کا فیصلہ صادر کرنا تھا تو آج کے مقابلے میں اُس دن عدالت میں ایسی گہما گہمی دیکھنے میں نہیں آئی تھی۔ نہ اس دن عدالت کے ارد گرد پولیس اور رینجرز کی بھاری نفری تھی اور نہ ہی اتنی بڑی تعداد میں لیگی رہنما عدالت میں موجود تھے۔

   واضح رہے کہ جج ممد بشیر نے وہ فیصلہ صبح دس بجے محفوظ کر لیا تھا لیکن اس کے بعد پہلے 12 بجے، پھر ڈھائی، پھر تین، پھر ساڑھے تین بجے، پھر چار بجے اسے بار بار ملتوی کیا گیا اور بالآخر شام ساڑھے چار بجے انھوں نے وہ تاریخی فیصلہ سنایا جس کے تحت محمد نواز شریف کو دس سال، ان کی بیٹی مریم نواز کو سات سال اور مریم نواز کے شوہر کیپٹن ریٹائرڈ صفدر کو ایک سال قید کی سزا سنائی گئی۔

7. 24 دسمبر 2018’یہاں عدالتوں کو تالے لگے ہوئے ہیں‘

   سابق گورنر خیبر پختونخوا اور لیگی رہنما مہتاب عباسی نے عدالت میں داخلے سے روکے جانے پر کہا کہ ’یہاں عدالتوں کو تالے لگے ہوئے ہیں اور انصاف بھی ہمیں تالے میں نظر آتا ہے۔ وہاں موجود لیگی رہنما مشاہد اللہ نے مزید کہا کہ ’ہم اندر جائیں یا نہ جائیں، ہم نواز شریف کے ساتھ ہی ہیں۔‘

8. 24 دسمبر 2018’نواز شریف ایک نا قابل تسخیر نظریے کی علامت بن چکا ہے‘

9. 24 دسمبر 2018’دروازہ بند کس نے کیا ہے، پہلے یہ فیصلہ کر لیں‘, فاران رفیع، بی بی سی

   لیگی رہنماؤں کو عدالت کے احاطے میں داخل ہونے سے روکے جانے پرسابق وزیر اعظم شاہد خاقان عباسی نے صحافیوں سے بات کرتے ہوئے تبصرہ کیا کہ ’ابھی تو یہاں یہ نہیں پتہ کہ دروازہ بند کس نے کیا ہے۔ نہ کمشنر جانتا ہے، نہ ڈی سی جانتا ہے، نہ ایس پی جانتا ہے۔ پہلے یہ فیصلہ کر لیں کہ دروازہ بند کس نے کیا ہے۔‘جب ان سے سوال کیا گیا کہ ان کا اور دیگر رہنماؤں کا نام داخل ہونے والی فہرست میں شامل ہے تو انھوں نے جواب میں کہا: ’یہاں یہ نہیں پتہ کہ دروازہ بند کس نے کیا ہے تو لسٹ کا کیا فائدہ؟‘

10. 24 دسمبر 2018احتساب عدالت کے باہر سے فیس بک لائیو, شہزاد ملک، بی بی سی اردو

11. 24 دسمبر 2018پولیس اہلکار اپنی پوزیشنز پر مستعد, فاران رفیع، بی بی سی

12. 24 دسمبر 2018عدالتی کارروائی کے آغاز کا انتظار, شہزاد ملک، بی بی سی اردو

    احتساب عدالت میں کارروائی کے آغاز کے مقررہ وقت سے ایک گھنٹہ زیادہ گزر جانے کے باوجود کارروائی شروع نہیں ہو سکی ہے۔ احسن اقبال اور راجا ظفرالحق سمیت مسلم لیگ ن کے رہنما اور کارکن عدالت کے احاطے میں کارروائی کے آغاز کے منتظر ہیں۔ واضح رہے کہ پارٹی کے تاحیات قائد اور تین مرتبہ وزیر اعظم کے عہدے پر فائز رہنے والے نواز شریف بھی ابھی تک اپنے مقدمے کا فیصلہ سننے کے لیے عدالت نہیں پہنچے ہیں۔

13. 24 دسمبر 2018بکتربند گاڑی عدالت کے احاطے میں پہنچا دی گئی, شہزاد ملک، بی بی سی اردو

14. 24 دسمبر 2018لیگی رہنما احتساب عدالت میں داخل ہونے سے قاصر, فاران رفیع، بی بی سی

    شاہد خاقان عباسی اور دیگر لیگی رہنما عدالت کی عمارت کے احاطے میں بھی داخل ہونے سے قاصر ہیں کیونکہ حکام نے مرکزی دروازے ابھی تک بند رکھے ہیں۔

15. 24 دسمبر 2018احتساب عدالت کے باہر سکیورٹی اور عدالت کی داخلی راستے پر دھکم پیل, فاران رفیع، بی بی سی

    فیصلے کے موقع پر احتساب عدالت کے اردگرد سکیورٹی کے سخت انتظامات کیے گئے ہیں اور علاقے میں ایک ہزار پولیس اہلکار تعینات ہیں جبکہ رینجرز کے اہلکار عدالت کے احاطے میں موجود ہیں۔ جوڈیشیل کمپلیکس کو سیل کر دیا گیا ہے اور عدالت جانے والی تمام سڑکیں بھی بند کر دی گئی ہیں۔

16. 24 دسمبر 2018مسلم لیگ کے مشاہد اللہ خان کی عدالت کے باہر میڈیا سے گفتگو, فاران رفیع، بی بی سی

17. 24 دسمبر 2018فیصلے سے قبل مریم نواز کی سوشل میڈیا پر واپسی

    ایون فیلڈ ریفرینس میں سزا کی معطلی کے بعد سے مسلم لیگ ن کے قائد نواز شریف کی بیٹی اور جماعت کی رہنما مریم نواز خاموش تھیں لیکن انھوں نے اپنی یہ خاموشی العزیزیہ اور فلیگ شپ ریفرینسز کے فیصلے سے ایک دن قبل توڑی اور ٹوئٹر پر اپنے والد اور والدہ کی تصاویر اس پیغام کے ساتھ شیئر کیں کہ انھوں نے آخری مرتبہ اپنے والد کو والدہ کے ساتھ ہی مسکراتے دیکھا تھا۔

18. 24 دسمبر 2018لیگی قائدین کی آمد کا سلسلہ شروع

    اسلام آباد کی احتساب عدالت کے باہر مسلم لیگ نون کے قائدین کی آمد کا سلسلہ شروع ہو گیا ہے۔ سردار مہتاب عباسی اور عبدالقادر بلوچ احتساب عدالت پہنچ چکے ہیں۔

    دیگر لیڈر بھی سوشل میڈیا کے ذریعے اپنی تصاویر شیئر کر رہے ہیں۔

19. 24 دسمبر 2018احتساب عدالت کے باہر کے مناظر

    پیر کی صبح سے ہی اسلام آباد کی احتساب عدالت کے داخلی راستے پر کافی رش ہے اور صحافیوں کے لیے بھی عدالت تک رسائی مشکل ہے۔

20. 24 دسمبر 2018فلیگ شپ ریفرینسز میں کب کیا ہوا؟, شہزاد ملک، بی بی سی اردو

    • فلیگ شپ انوسٹمنٹ ریفرنس میں 16 گواہوں نے اپنے بیانات ریکارڈ کروائے۔
    • اس ریفرینس میں بھی عدم حاضری پر حسن اور حسن نواز اشتہاری قرار دیے گئے
    • العزیزیہ کی طرح اس ریفرینس میں بھی پہلے 19 اکتوبر کو نواز شریف کی عدم موجودگی میں ان کے نمائندے ذریعے فرد جرم عائد کی گئی اور پھر آٹھ نومبر کو نواز شریف کی پانچویں پیشی کے موقع پر دوبارہ ان کی موجودگی میں فرد جرم عائد کی گئی تاہم ملزم نے صحت جرم سے انکار کیا۔
    • نواز شریف نے صحت جرم سے انکار کرتے ہوئے کہا کہ انھیں شفاف ٹرائل کے بنیادی آئینی حقوق سے محروم کیا گیا۔ ان کا کہنا تھا کہ ریفرنسز بدنیتی پر مبنی ہیں اور سیاسی انتقام کی بنیاد پر بنائے گئے۔
    • فرد جرم کے مطابق نواز شریف اپنے اثاثوں کی قانونی حیثیت ثابت کرنے میں ناکام رہے۔ وہ متعدد مواقع ملنے کے باوجود اثاثوں کے ذرائع ثابت نہیں کر سکے۔ انھوں نے بچوں کے نام پر جائیداد بنائی۔
    • 1996 سے 2001 تک حسن نواز کا کوئی ذرائع آمدن نہیں تھا۔ تعلیم مکمل کرتے ہی حسن نواز نے متعدد کمپنیاں بنالیں۔ فلیگ شپ انویسٹمنٹ کمپنی 2001 میں لندن میں بنائی اور اس کے ڈائریکٹر بنے۔ اسی برس متحدہ عرب امارات میں کیپیٹل ایف زیڈ ای کمپنی قائم کی گئی۔
    • ملزمان کے اثاثوں اور پیش کردہ شواہد میں تضاد پایا گیا۔ یہ اثاثے ظاہر کردہ آمدن سے مطابقت نہیں رکھتے۔ حسن نواز کی لندن میں 10 کمپنیاں، کئی مہنگی جائیدادیں ہیں۔
    • فرد جرم میں نوازشریف کے عوامی عہدوں پر فائز رہنے کی تفصیل اور نااہلی کی بنیاد بننے والی کیپیٹل ایف زیڈ ای کمپنی کا ذکر بھی کیا گیا ہے۔