کلثوم نواز لندن میں انتقال کر گئیں

مسلم لیگ نواز کے قائد اور سابق وزیراعظم نواز شریف کی اہلیہ کلثوم نواز لندن کے ہسپتال میں طویل علالت کے بعد انتقال کر گئی ہیں۔ وہ کینسر کے مرض میں مبتلا تھیں۔

لائیو کوریج

11 ستمبر 2018شوہر اور چہیتی بیٹی جیل میں اور بیٹے مفرور
نامہ نگار آصف فاروقی کے مطابق بیگم کلثوم نواز کا انتقال ایسے وقت میں ہوا ہے جب ان کا خاندان مشکل ترین دور سے گزر رہا ہے۔
ان کےشوہر اور سب سے چہیتی بیٹی جیل میں ہیں اور دونوں بیٹے پاکستان میں قانونی طور پر مفرور قرار دیے جا چکے ہیں۔
سیاسی طور پر اس نا موافق صورتحال کے باعث ان کی آخری رسومات کے موقع ان کے خاندان کا اکٹھے ہونے کے امکانات بہت کم ہیں۔
اگر ان کی تدفین پاکستان میں ہوتی ہے تو حسن اور حسین مفرور ہونے کے باعث پاکستان نہیں آ سکیں گے اور اگر ان کی آخری رسومات لندن میں ہوتی ہیں تو ان میں جانے کے لیے نواز شریف اور مریم نواز کو اجازت ملنے کے امکانات کم ہیں۔
11 ستمبر 2018نواز شریف کی اپنی اہلیہ سے آخری ملاقات
13 جولائی کو پاکستان واپسی سے قبل سابق وزیر اعظم محمد نواز شریف ہسپتال میں اپنی اہلیہ سے آخری ملاقات کرتے ہوئے۔
11 ستمبر 2018آرمی چیف کی جانب سے بھی کلثوم نواز کی وفات پر اظہار افسوس
پاکستانی افواج کے شعبہ تعلقات عامہ کے سربراہ میجر جنرل آصف غفور نے ٹویٹ میں بتایا ہے کہ برّی فوج کے سربراہ جنرل قمر باجوہ نے بیگم کلثوم نواز کی وفات پر افسوس کا اظہار کیا ہے اور ان کی مغفرت کے لیے دعا کی ہے۔
11 ستمبر 2018’نواز شریف ان کی رائے کو خاص اہمیت دیتے تھے‘
سہیل وڑائچ نے بی بی سی کو بتایا تھا کہ 'میاں نواز شریف بھی ان کی باتیں بہت توجہ سے سنتے ہیں۔ میاں صاحب پر ان کا گہرا اثر رہا ہے۔ بہت سے لوگوں کے بارے میں ان کی رائے ہی غالب ہوتی ہے اور جب وہ درست ثابت ہو تو ظاہر ہے ان کی اہمیت اور بڑھ جاتی ہے۔'
11 ستمبر 2018’کلثوم نواز شریف خاندان میں ایک بائنڈنگ فورس تھیں‘
کچھ عرصہ قبل بی بی سی سے بات کرتے ہوئے تجزیہ کار سہیل وڑائچ کا کہنا تھا کہ کلثوم نواز شریف خاندان میں ایک بائنڈنگ فورس کی حیثیت رکھتی ہیں۔ اپنے بچوں کی شادیوں میں ان کا ہاتھ تھا، بچوں اور خاص طور پر مریم نواز کی ان کے ساتھ گہری قربت تھی۔ بیرونِ ملک کاروبار کے حوالے سے بھی پہلی بار انھوں نے فیصلہ کیا تھا کہ ان کا خاندان ملک سے باہر کاروبار کرے گا۔
11 ستمبر 2018بریکنگ, ’کلثوم نواز ایک بہادر خاتون تھیں‘, وزیر اعظم عمران خان کی جانب سے تعزیتی پیغام
پاکستان کے سرکاری ذرائع ابلاغ کے مطابق وزیراعظم عمران خان نے بیگم کلثوم نواز کی وفات پر تعزیتی پیغام جاری کرتے ہوئے انھیں ’بہادر خاتون‘ قرار دیا ہے۔ عمران خان کی جانب سے کہا گیا ہے کہ شریف خاندان اور ان کے سوگواران کو قانون کے مطابق تمام تر سہولیات فراہم کی جائیں گی۔
11 ستمبر 2018الیکشن تو جیتا مگر حلف نہیں اٹھایا
بیگم کلثوم نواز نے گذشتہ سال لاہور کے حلقے این اے 120 سے انتخابات میں کامیابی حاصل کی تھی لیکن اپنی طبیعت کی خرابی کی وجہ سے وہ انتخابی مہم نہیں چلا پائی تھیں بلکہ انھوں نے رکن قومی اسمبلی کی حیثیت سے حلف بھی نہیں اٹھایا تھا۔
11 ستمبر 2018حسن اور حسین کلثوم نواز کے ساتھ رہے ہیں
بیگم کلثوم نواز کے دونوں صاحبزادے حسن اور حسین اس کی علالت میں ان کے ساتھ رہے ہیں لیکن ان کے شوہر اور ان کے بیٹی مریم نواز پاکستان میں کرپشن کے مقدمات میں سزا کی وجہ سے فلحال جیل میں ہیں۔
11 ستمبر 2018’کلثوم نواز کا تعلق کشمیری خاندان سے تھا`
بیگم کلثوم نواز عمر میں نواز شریف سے ایک برس چھوٹی تھیں۔ ان کا خاندان کشمیر سے تعلق رکھتا ہے جبکہ ان کی پیدائش لاہور میں ہوئی۔ وہ مشہورِ زمانہ پہلوان گاما کی نواسی تھیں۔
11 ستمبر 2018’بہادر پاکستانی‘
لیگی رہنما خرم دستگیر نے بیگم کلثوم نواز کو اپنی ٹویٹ میں خراج تحسین پیش کرتے ہوئے ’بہادر پاکستانی‘ قرار دیا۔
11 ستمبر 2018صدر پاکستان مسلم لیگ شہباز شریف کی جانب سے تصدیق
صدر پاکستان مسلم لیگ شہباز شریف نے اپنی بھابی کلثوم نواز کی وفات کی تصدیق کی ٹویٹ کی ہے۔
11 ستمبر 2018گذشتہ سال کینسر کی تشخیص ہوئی
بیگم کلثوم نواز کو گذشتہ سال کینسر کے مرض کی تشخیص ہوئی تھی اور پچھلے ایک سال سے برطانیہ میں زیر علاج تھیں۔
11 ستمبر 2018بریکنگ,
کلثوم نواز کے سوگوران میں ان کے شوہر نواز شریف، بیٹیاں مریم صفدر اور اسما اور دو بیٹے حسن نواز اور حسین نواز شامل ہیں۔
11 ستمبر 2018بریکنگ,
مقامی ذرائع ابلاغ میں شریف خاندان کے ذرائع سے شائع ہونے والی خبروں کے مطابق بیگم کلثوم نواز جو سرطان کے مرض میں متبلا تھیں مرکزی لندن کے علاقے ہارلے سٹریٹ میں منگل کی صبح انتقال کر گئیں۔
11 ستمبر 2018بریکنگ, کلثوم نواز انتقال کر گئیں
پاکستان کے سابق وزیر اعظم نواز شریف کی اہلیہ بیگم کلثوم نواز طویل علالت کے بعد لندن کے ایک نجی ہسپتال میں زندگی کی جنگ ہار گئی ہیں۔

کلثوم نواز لندن میں انتقال کر گئیں

لائیو کوریج

11 ستمبر 2018شوہر اور چہیتی بیٹی جیل میں اور بیٹے مفرور

11 ستمبر 2018نواز شریف کی اپنی اہلیہ سے آخری ملاقات

11 ستمبر 2018آرمی چیف کی جانب سے بھی کلثوم نواز کی وفات پر اظہار افسوس

11 ستمبر 2018’نواز شریف ان کی رائے کو خاص اہمیت دیتے تھے‘

11 ستمبر 2018’کلثوم نواز شریف خاندان میں ایک بائنڈنگ فورس تھیں‘

11 ستمبر 2018بریکنگ, ’کلثوم نواز ایک بہادر خاتون تھیں‘, وزیر اعظم عمران خان کی جانب سے تعزیتی پیغام

11 ستمبر 2018الیکشن تو جیتا مگر حلف نہیں اٹھایا

11 ستمبر 2018حسن اور حسین کلثوم نواز کے ساتھ رہے ہیں

11 ستمبر 2018’کلثوم نواز کا تعلق کشمیری خاندان سے تھا`

11 ستمبر 2018’بہادر پاکستانی‘

11 ستمبر 2018صدر پاکستان مسلم لیگ شہباز شریف کی جانب سے تصدیق

11 ستمبر 2018گذشتہ سال کینسر کی تشخیص ہوئی

11 ستمبر 2018بریکنگ,

11 ستمبر 2018بریکنگ,

11 ستمبر 2018بریکنگ, کلثوم نواز انتقال کر گئیں