اسرائیلی حملے کے بعد ایران میں شہران آئل ڈپو پر آگ لگنے کے مناظر

سوشل میڈیا پر شیئر کی جانے والی ویڈیوز اور بی بی سی ویریفائی کی تصدیق شدہ ویڈیوز میں ایران کے دارالحکومت تہران کے شمال مغرب میں تیل کے ایک ڈپو میں آگ لگی دیکھی جا سکتی ہے۔

بی بی سی ویریفائی نے جس ایک ویڈیو کی تصدیق کی، اس میں دو لوگ شہران آئل ڈپو میں لگی آگ کو دیکھ رہے ہیں۔

خبر رساں ایجنسی مہر کی ایک رپورٹ میں اس مقام پر بنائی گئی ویڈیو سے بھی اس بات کی تصدیق ہوتی ہے کہ شہران آئل ڈپو کو نشانہ بنایا گیا۔

ایران کی وزارت پیٹرولیم نے کہا ہے کہ صورتحال ’کنٹرول میں ہے‘ لیکن ایرانی میڈیا نے لوگوں کو ’آئل ڈپو سے دور رہنے‘ کی ہدایت کی ہے۔