እዚ ውሑድ ዳታ ብምጥቃም፡ ጽሑፍ ጥራይ እተንብቡሉ መርበብ ሓበሬታ ቢቢሲ ትግርኛ እዩ። ምሉእ ኣሳእልን ቪድዮታትን ንምርኣይ ድማ ቀንዲ መርበብ ሓበሬታና ተጠቐሙ።
ኣብ ኣመሪካ ብሰንኪ እዚ ለበዳ 58 ሽሕ ሰባት ድማ ህይወቶም ስኢኖም። እዚ ቁጽሪ ኣብቲ ምስ ቬትናም ዝተኻየደ ኲናት ካብ ዝሞቱ ዝዛይድ እዩ። ኣብ ዓለም ድማ ዛጊድ ብቲ ቫይረስ ዝተትሓዙ ብዝሒ 3 ሚልዮን ሓሊፍ'ሎ፤ ልዕሊ 200 ሽሕ ህይወት ሓሊፉ። ኣብ ጉዳያት እቲ ቫይረስ ኣመልኪትና ናይዚ ዕለት ዓለማውን ኣህጉራውን ምዕባለታት ኣብዚ ብቐጥታ ክነቕርበልኩም ኢና፡ ተኸታተሉና።
ኣብ ሒደት ኣዋርሕ ጥራሕ ዝተመዝገበ እዚ ረኽሲ፡ ኣብ መላእ ዓለም ብኮሮናቫይረስ ካብ ዝተለኸፉ ጠቕላላ ብዝሒ፡ እዚ 1/3 እዩ።
ብኮቪድ-19 ዝሞቱ ኣሜሪካውያን ድማ፡ ልዕሊ ኣብ ኩናት ቬትናም ዝሞቱ ኣሜሪካውያን በፂሑ ኣሎ።
ኣብ ኩናት ቬትናም፡ ኣብ ዳርጋ ክልተ ዓሰርተ ዓመታት 58,220 ኣሜሪካውያን እዮም ሞይቶም።
ፕረዝደንት ዶናልድ ትራምፕ ግና፡ ሃገሮም ኣብ መዓልቲ 5 ሚልየን ምርመራታት ክተካይድ ምዃና ገሊፁ።
ኣብታ ኣስታት 330 ሚልየን ብዝሒ ህዝቢ ዘለዋ ኣሜሪካ፡ ኣብቶም ዝሓለፉ ክልተ ኣዋርሕ 5.7 ሚልየን ሰባት ጥራሕ እዮም፡ ምርመራ ኮሮናቫይረስ ተገይርሎም።
ይኹን’ምበር ትንቢቱ ትስፉው ከምዝኾነ እዮም፡ ፀብፃባት ዝገልፁ፤ ኣሜሪካ ኣብዚ ሕዚ ሰዓት ኣብ መዓልቲ 200 ሽሕ ሰባት እያ ትምርምር ዘላ እሞ።
ከመይ ትሓድሩ?
ትማሊ ሓደ ቢልዮን ህዝቢ ዓለም ብኮሮናቫይረስ ክተሓዝ ከምዝኽእል ዘመልክት ሓበሬታ ናባኹም ኣቢልና ተፈሊናኩም። ሎሚ ድማ ኣብ ዓለምና ኾነ ኣብ ከባቢና ዘሎ ምዕባለታት እዚ ለበዳ ኣብዚ ቀጥታዊ ጸብጻብና ሒዝናልኩም ክንቀርብ ኢና፡ ክትከታተሉና ንዕድም።
ቢቢሲ ትግርኛ ብሩኽ መዓልቲ ክኾነልኩም ይምነ!