ኣብ ኤርትራ 5 ብኮሮናቫይረስ ተለኺፎም ዝነበሩ ሰባት ሓውዮም

ቀጥታዊ ሸፈነ

1. 23 ሚያዝያ 2020ኣብ ክልል ትግራይ ገለ ኣገልግሎት ዝህባ ትካላት ብኸፊል ክኽፈታ ተወሲኑ

   ክልላዊ መንግስቲ ትግራይ፡ ነቲ ኣንቢሩዎ ዝጸንሐ ዕጽዋ ብኸፊል ክዝልቖ ከም ዝወሰነ፡ ቢሮ ጉዳያት ኮሚኒኬሽን እቲ ክልል ሓቢሩ።

   በዚ መሰረት፡ እንዳቡን፣ እንዳካፌ፣ እንዳ ፅሟቕ፣ እንዳ ፀጉሪ ደቂ ተባዕትዮን ኣንስትዮን ኣገልግሎት ክህባ ክፍቀደለን እንከሎ፡ እንዳስዋ ኸኣ ተጠቀምቲ ገዚኦም ናብ ገዘኦም ክወስዱ ተፈቒዱ’ሎ።

   “ኣልኮል እውን እቶም መከፋፈልቲ ኣብ መኽዚን ዝሓዝወን ጥራሕ ክሸጡ” ተፈቒዱ ከም ዘሎ እቲ ሓበሬታ ጠቒሱ። “ትራንስፖርት ኣብ ክሊወረዳ ካብ ጣብያ ናብ ጣብያ ጥራሕ ክንቀሳቀሱ ተወሲኑ ከም ዝተወሰነ ዶ/ር ደብረፅዮን ኣፍሊጦም” ክብል እቲ ሓበሬታ ኣረዲኡ። ‘

   "እቶም ዝተፈቀደሎም ግልጋሎት ወሃብቲ መከላኸሊ ኮሮናቫይረስ ክጥቀሙን ኣካላዊ ምርሕሓቕ ብዘለዎ ኣገልግሎት ክህቡ ከምዘለዎም ዝገለፁ ዶ/ር ደብረፅዮን እንተዘይኮይኑ ግና እቲ ዝበሃል መከላኸሊ ሜላታት እንተዘይኣማሊኦም ግና ክዕፀዉ ከምዝኽእሉ ኣጠንቂቆም።”

   ዛጊት፡ ኣብቲ ክልል በቲ ቫይረስ ዝተታሕዘ ከምዘየለ ምክትል ርእሰምምሕዳር፡ ዶ/ር ደብረጽዮን ገብረሚካኤል ገሊጹ ክብል እቲ ጸብጻብ ጠቒሱ።

   

2. 23 ሚያዝያ 2020ኣብ ኤርትራ 5 ብኮሮናቫይረስ ተለኺፎም ዝነበሩ ሰባት ሓውዮም

   

   ምንጪ ስእሊ, Yemane G. Meskel/twitter

   ኣብ ኤርትራ 5 ብኮሮናቫይረስ ተለኺፎም ዝነበሩ ሰባት ምሉእ ብምሉእ ከምዝሓወዩ ሚኒስትሪ ጥዕና ኤርትራ ገሊጹ።

   ንሳቶም፡ ሎሚ ኣብ ሃገራዊ ላባራቶሪ ብዝተገብረሎም መርመራ እዩም ናጻ ኮይኖም ተረኺቦም። በዚ መሰረት፡ ኣብ ኤርትራ ቁጽሪ ካብ ኮሮናቫይረስ ዝሓወዩ ሰባት 11 በጺሑ’ሎ።

   ኣብታ ሃገር፡ ዛጊት 39 ሰባት እዮም ብኮሮናቫይረስ ተለኺፎም ዘለው።

3. 23 ሚያዝያ 2020ቀዳማይ ዲቪዢን ኩዕሶ እግሪ ጀርመን ' 9 ግንቦት ክቕጽል' ይኽእል’ዩ ተባሂሉ

   ብሰንኪ ለበዳ ኮሮናቫይረስ፡ ኩሎም ውድድራት ስፖርት ተቛሪጾም ኣብ ዝርከብሉ እዋን፡ ቡንዳስሊጋ ጀርመን ጸወታታት ኣብ ዝመጽእ 9 ግንቦት ክቕጽል ድልው ከም ዘሎ ገሊጹ።

   ብመሰረት እቲ ወጺኡ ዘሎ ውጥን፡ እቶም ዝካየዱ ግጥማት ብዘይ ደገፍቲ’ዮም ክካየዱ ።

   ጀርመን ብዝገበረቶ ልዑል ናይ መርመራ ጻዕርታት፡ ነቲ ለበዳ ብተዛማዲ ብዝወሓደ ቁጽሪ ሞት ክትምክቶ ኪኢላ’ላ።

   በዚ ዝተባብዐ ሊግ ኩዕሶ እግሪ ጀርመን፡ ናይ ቀዳማይን ካልይን ዲቪዢናት ናይዚ ዓመት’ዚ ውድድራት ክውድኡ ድሌት ከምዘለዎ ገሊጹ።

   ወከልቲ ናይ 36 ክለባት ሎሚ ኣብ ዘካየድዎ ኣኼባ’ዮም ነቲ ዝተቛረጸ ግጥማት ኣብ ዝመጽእ ወርሒ ክቕጽልዎ ከም ዝኽእሉ ተረዳዲኦም።

   

   ምንጪ ስእሊ, Getty Images

4. 23 ሚያዝያ 2020ኣንገላ መርከል፡ ቅልውላው ኮቪድ-19 'ንነዊሕ እዋን ምሳና ክጸንሕ'ዩ'

   

   ምንጪ ስእሊ, AFP

   መራሒት ጀርመን ኣንገላ መርከል፡ ቅልውላዉ ለበዳ ኮሮናቫይረስ “ይጅምር” እዩ ዘሎ እምበር ኣይተወደአን ክትብል ኣጠንቂቓ።

   ስለዚ ድማ ሃገራ፡ ነቲ ኩነታት “ብንቕሓትን ጥንቃቐን” ክትሪኦ ኣለዋ ኢላ።

   እቲ ቫይረስ “ንነዊሕ እዋን ምሳና ክጸንሕ’ዩ” ክትብል ንፓርላማ’ታ ሃገር ኣብ ዘስምዓቶ መደረ ገሊጻ።

   ኣብዚ ዝመጽእ መዓልታት መራሕቲ ሕብረት ኣውሮጳ ብመንገዲ ቪድዮ፡ ብዛዕባ’ቲ ለበዳ ዋዕላ ከካዪዱ ምዃኖም ተፈሊጡ።

   ቻንስለር መርከል፡ ኣብ መደረኣ፡ ኣብቲ ኣንጻር ናይቲ ለበዳ ዝካየድ ዘሎ መኸተ ሓድነት ኣውሮጳ ወሳኒ ምዃኑ ብምግላጽ፡ ጀርመን “ንባጀት ሕብረት ኣውሮጳ ዝለዓለ ኣበርክቶ” ክትገብር ክትዳሎ ኣለዋ ኢላ።

   እቲ ተወሳኺ ባጀት፡ ኣብ “መንፈስ ምሕዝነት” ዝነቅል ኮይኑ ንዝተወሰነ እዋን ዝጸንሕ ክኸውን ከምዘለዎ’ውን ጠቒሳ።

   እታ ካብ ጸለውቲ መራሕቲ ዓለም ሓንቲ ኮይና ዘላ ኣንገላ መርከል፡ ኣንጻር እቲ ለበዳ ኣብ ዝግበር ዘሎ ጻዕሪታት ዘርኣየቶ መሪሕነት ናእዳ ኣትሪፉላ’ዩ።

5. 23 ሚያዝያ 2020ካብ መወሸቢ ማእከል ዝሃደሙ ሰባት ኣብ ቤት መስተ ተታሒዞም

   

   ምንጪ ስእሊ, TWITTER/VARIOUS

   ክልተ ካብ መወሸቢ ማእከል ኬንያ ዝሃደሙ ሰባት ኣብ ሓደ ቤት መስተ እናሰተዩ እንከለዉ ተታሒዞም።

   ኣብዚ ቀረባ መዓልታት ብዓሰርተታት ዝቑጸሩ ሰባት ሓጹር ናይቲ ኣብ ርእሰከተማ ናይሮቢ ዝርከብ ማእከል ዘሊሎም ክወጹ ብቪድዮ ድሕሪ ምስኣሎም፡ ኣብ ህዝቢ ብርቱዕ ቁጠዐ ኣስዒቡ ነይሩ።

   እዞም ክልተ ኣብ ቀይዲ ዝኣተዉ ሰባት ድማ ካብኦም ምዃኖም ተፈሊጡ።

   ኣብ ኬንያ ንለበዳ ኮቪድ-19 ንምግታእ፡ ኩለን ኣብያተ መስተ (ባራት) ክዕጸዋ ተኣዚዘን’የን።

   እዞም ክሶምን ፍርዶምን ዝጽበዩ ዘለዉ ውልቀሰባት፡ ኣብቲ ማእከል ባዕሎም ገንዘብ እናኸፈሉ ክጸንሑ ከምዘይካሉ’ዮም ዘማርሩ።

   ኣብ መወሸቢ ማእከላት ንምጽናሕ፡ ንለይቲ ካብ 20 ዶላር ክሳብ 100 ዶላር ክኸፍሉ ይግደዱ- ዋጋታት ካብ ማእከል ንማእከል ይፈላለ’ዩ።

   ኣብ ኬንያ ልዕሊ 400 ሰባት ን14 መዓልታት ክውሸቡ ተገዲዶም ኣለዉ። ይኹን ‘ምበር፡ ኣብ ገለ ማእከላት ልዕሊ ክልተ ሰሙን ዝተወሸቡ ከምዘለዉ ጸብጻባት ይሕብሩ።

   እቶም ተወሸብቲ፡ ገሊኦም ካብ ወጻኢ ሃገራት ዝኣተዉ ክኾኑ እንከለዉ፡ ገለ ድማ ንሰዓታት እቶ እቶ ዝጠሓሱ’ዮም።

   ካብቲ ኣስታት 200 ሰባት ዝነበሩሉ ማእከል ጥራይ፡ 50 ሰባት ሃዲሞም ክኾኑ ከምዝኽእሉ ይግመት።

   ኣብ ጥቓ ናይቲ ቤት መስተ (ባር) ዘለዉ ነበርቲ፡ እቲ ትካል ተኸፊቱ ከምዘሎ ንፖሊስ ድሕሪ ምሕባሮም’ዩ እቶም ሰባት ኣብ ቀይዲ ክኣትዉ ኪኢሎም።

   Skip X post

   ንትሕዝቶ X ተፍቅድ ዶ?

   እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

   Accept and continue

   Warning: ቢቢሲ ኣብ ካልእ ገጻት ንዘሎ ሓበሬታ ሓላፍነት ኣይወስድን።

   End of X post

6. 23 ሚያዝያ 2020ኣብ ኢትዮጵያ ምርመራ ዝተገበረሎም 965 ሰባት ናጻ ኮይኖም ተረኺቦም

   ኢትዮጵያ ኣብ ዝሓለፉ 24 ሰዓታት ብኮሮናቫይረስ ዝተትሓዘ ሰብ ከምዘይረኸበት ገሊጻ።

   ሚኒስተር ጥዕና ኢትዮጵያ ዶክተር ሊያ ታደሰ ከምዘፍለጠቶ፡ ኢትዮጵያ ኣብ ዝሓለፉ 24 ሰዓታት 965 ምርመራታት ኣካይዳ ኩሎም ካብቲ ቫይረስ ናጻ ኮይኖም ተረኺቦም።

   እቲ ሚኒስትሪ ኣብ መግለጺኡ፡ እዚ ማለት ካብቶም ዝተመርመሩ ሰባት በቲ ቫይረስ ዝተለኸፈ ኣይተረኸበን ማለት ደኣ እምበር፡ ዝርገሐ ናይቲ ለበዳ ነክዩ’ሎ ማለት ስለዘይኮነ፡ ህዝቢ ግቡእ ጥንቃቐታት ክገብር ጸዊዑ።

   ኣብታ ሃገር፡ ብዝሒ ብኮሮናቫይረስ ዝተለኸፉ ሰባት 116 ኮይኑ፡ 21 ሰባት ድማ ካብቲ ቫይረስ ሓውዮም እዮም።

   ኣብ ኢትዮጵያ፡ ሰለስተ ሰባት ብኮሮናቫይረስ ሞይቶም እዮም።

   Skip X post

   ንትሕዝቶ X ተፍቅድ ዶ?

   እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

   Accept and continue

   Warning: ቢቢሲ ኣብ ካልእ ገጻት ንዘሎ ሓበሬታ ሓላፍነት ኣይወስድን።

   End of X post

7. 23 ሚያዝያ 2020ምንባብ መጻሕፍትን ዕጽዋን

   

   ምንጪ ስእሊ, Getty Images

   ኣብ ብሪጣንያ ዝተኻየደ ዳህሳሳዊ መጽናዕቲ፡ ኣብ ብሪጣንያ ኣብ ዕጽዋ ዘለዉ ሰባት፡ መጻሕፍቲ ናብ ምንባብ ገጾም ይመልሱ ከምዘለዉ ኣርእዩ።

   ብሰሉስ ዝወጸ ቁጽርታት ከምዘመልክቶ፡ ሲሶ ሰባት ኣብ እዋን ዕጽዋ ዝያዳ የንብቡ ኣለዉ። ካብ 18-24 ዝዕድሚኦም መናእሰይ ድማ 45 ዝያዳ የንብቡ ከምዘለዉ የርእይ።

   መብዛሕተኦም ድማ፡ ንርእሶም ኣብ ሓደ ነገር ንምጽማድን ግዜ ንምሕላፍን የንብቡ ከምዘለዉ እዮም ዝገልጹ።

8. 23 ሚያዝያ 2020ቅድሚ ሰዓታት ሞቱ፡ ዝተመርዓወ ተሓካሚ ኮሮናቫይረስ

   

   እዋኑ እዋን ፍርሕን ሞትን፡ እዋን ጽምዋን ምፍልላይን'ዩ ዝመስል፡ ወይለይ እዋን ዓቐን ዝሓለፎ ፍቅሪ ኸኣ'ባ።

   ሶፊ ብርይን ሚልስ ሓዳሽ ነርስ'ያ፡ ሰዓታት ስርሓ ናይ ለይቲ'ዩ።

   እትው ምስ በለት ከኣ፡ ሓደ ካብቶም ተኣለይቲ ሕሙማት፡ መንእሰይ ኮይኑ፡ ዝተሓላላኸ ኩነታት ጥዕና ዘለዎን ብኮቪድ-19 ዝጥርጠርን ምዃኑ ተገለጸላ፡ ተስፋ ዘለዎ'ኳ እንተዘይኮነ እኹል ምክትታል ክትገብረሉ ኸኣ ካብቲ ተረኛ ዝነበረ ዶክተር ተነገራ።

   ናብቲ ዝተበሃለቶ ዓራት ምስ ቀረብት ግን እቲ ኣብ ዓራት ተገምብዩ ዝነበረ፡ ሓደራ ዝተበሃለትሉ ሕሙም፡ ናይ 15 ዓመታት ሕጹያ ምዃኑ ምልላዩ ኣይጸገማን፡ ኣኹል ገንዘብ ስለዘየዋህለሉ'ዮም ዘይተመርዓዉ'ምበር ኣዝዮም እዮም ዝፋቐሩ።

   ሕጂ ኸኣ ሓካምን ተሓካምን ኮይኖም፡ ሞት ኣብ ሞንጎኦም ኮይኑ ሴፉ ይስሕል ኣሎ።

   ንሞት ዝስዕርሉ ሓሳብ ግን ኣብ ኣእምሮ ሶፊ ብልጭ በለ።

   ንምሉእ እቲ ዛንታ ኣብዚ ኣንብብዎ።

9. 23 ሚያዝያ 2020ካብ መወሸቢ ዝሃደሙ ኣብ እንዳ መስተ ተታሒዞም

   

   ምንጪ ስእሊ, Twitter

   ፖሊስ ኬንያ፡ ኣብ ከተማ ናይሮቢ ካብ ዝርከብ ማእከል መወሸቢ ኮሮናቫይረስ ዝሃደሙ ክልተ ሰባት ከምዝሓዘ ኣፍሊጡ።

   ካብቲ መወሸቢ ማእከል ዝሃደሙ ግን ንሳቶም ጥራይ ኣይኮኑን። ካልኦት ብዙሓት ‘ውን ኣለዉ።

   እቶም ሰባት ብሓጹር ዘሊሎም ክሃድሙ ዘርእይ ምስሊ ምስተዘርገሐ፡ ብዙሓት ንተግባራቶም ኮኒኖምዎ።

   እቶም ዝተኣሰሩ ክልተ ሰባት፡ ኣብ ሰሜናዊ ክፋል ናይሮቢ ኣብ እንዳ መስተ፡ እናሰተዩ እንከለዉ ዝተትሓዙ ኮይኖም፡ ናብቲ መወሸቢ ማእከል ተመሊሶም ተወሲዶም ኣለዉ።

   ካብቲ ማእከል ዝሃደሙሉ ምኽንያት ምርመራ ስለዘይተገበረሎም ምዃኑ ክተሓዙ እንከለዉ ተዛሪቦም።

   ካልእ ምኽንያቶም ድማ፡ ኣብቲ ብግድን ዝተወሸብሉ ማእከል እንትጸንሑ ወጻእታቶም ባዕሎም ክሽፍኑ ስለዝተኣዘዙ ምዃኑ ኣብሪሆም።

10. 23 ሚያዝያ 2020ኣብ ናይጄርያ 200 ሰባት ካብ ኮሮናቫይረስ ሓውዮም

    

    ምንጪ ስእሊ, AFP

    ናይጄሪያ ብኮሮናቫይረስ ዝተለኸፉ 91 ተወሰኽቲ ሰባት ረኺባ ኣላ። እዚ ድማ ብዝሒ ኣብታ ሃገር በቲ ቫይረስ ዝተለኸፉ ሰባት 873 ክበጽሕ ገይርዎ።

    ካብቶም ተወሰኽቲ 91 ሰባት፡ እቶም 71 ኣብ ንግዳዊት ከተማ ሌጎስ እዮም ተረኺቦም።

    ኣብታ ከተማ ልዕሊ 500 ሰባት ብኮሮናቫይረስ ተታሒዞም ዘለዉ ኮይኖም፡ ሌጎስ ማከእል ለበዳ ናይታ ሃገር ኮይና ኣላ።

    ኣብ ርእሰ ከተማ እታ ሃገር፡ ከተማ ኣቡጃ ድማ 119 ሰባት በቲ ቫይረስ ከምዝተለኸፉ ዝተረጋገጸ ክኸውን ከሎ፡ ካኖ ኣብ ዝበሃል ግዝኣት ድማ 73 ሰባት በቲ ቫይረስ ተታሒዞም ኣለዉ።

    ኣስታት 200 ሰባት ድማ ካብ ኮሮናቫይረስ ዝሓወዩ ኮይኖም፡ 28 ድማ በዚ ሕማም ሞይቶም እዮም።

11. 23 ሚያዝያ 2020ዩኒቨርሲቲ ሃርቫርድ መንግስቲ ዝሰልዓሉ ገንዘብ ከምዘይቅበል ገሊጹ

    

    ምንጪ ስእሊ, GETTY IMAGES

    እቲ ካብ ዓለምና ዝሃብተመ ዩኒቨርሲቲ ሃርቫርድ ብምኽንያት ኮሮናቫይረስ ንዝበጽሖ ሃሰያ ንምሕዋይ ካብ መንግስቲ ዝተሰለዓሉ ኣስታት 9 ሚልዮን ዶላር ከምዘይቕበል ኣፍሊጡ'።

    ዶናልድ ትራምፕ፡ ቀደሙ’ውን እቲ ዩንቨርሲቲ ገንዘብ ክወስድ ሕጉስ ኣይነበረን።

    ቅድም ክብል ፕረዚደንት ትራምፕ፡ እዚ ዩኒቨርሲቲ ሃብታም ምዃኑ ብምግላጽ ገንዘብ ክረክብ ከምዘይብሉ ገሊጹ ነይሩ።

    ሃርቫርድ ግን፡ ገንዘባዊ ብድሆታት ከምዘለውዎ ገሊጹ እዩ።

    ጸኒሑ ግን፡ እቲ ዩኒቨርሲቲ ነቲ ዝተብሃለ ገንዘብ ከምዘይወስድ ገሊጹ’ሎ።

    ዩኒቨርሲቲ ሃርቫርድ፡ ካብ ዓለምና እቲ ዝሃብተመ ዩኒቨርሲቲ ኮይኑ፡ ልዕሊ 40 ቢልዮን ዶላር ዝግመት ፈንድ ኣለዎ።

    ትራምፕ፡ ብኮሮናቫይረስ ንዝበጽሐ ሃሰያ መሕወዪ ኣብ ዝሓለፈ ወርሒ ብድምሩ 2.2 ትሪልዮን ገንዘብ ምስልዑ ዝዝከርእዩ።

12. 23 ሚያዝያ 2020ትራምፕ፡ ንወጻእተኛታት ቀዋሚ ናይ መንበሪ ፍቓድ ከይወሃብ ዝኽልክል ትእዛዝ ፈሪሙ

    

    ምንጪ ስእሊ, Getty Images

    ፕረዚደንት ኣመሪካ ዶናልድ ትራምፕ፡ ንወጻእተኛታት ቀዋሚ ናይ መንበሪ ፍቓድ (ግሪን ካርድ) ከይወሃብ ዝኽልክል ፕረዚደንታዊ ትእዛዝ ፈሪሙ።

    እዚ ውሳነ ንዝቕጽሉ 60 መዓልታት ዝጸንሕ እዩ።

    እቲ ክልከላ፡ በብዓመቱ 50 ሽሕ ሰባት ናብታ ሃገር ክጓዓዙን ክነብሩን ንዘፍቅድ ዲቪ ሎተሪ’ውን ዝሓውስ እዩ።

    ኣብ ኣመሪካ፡ በብወርሑ ብውሕዱ 20 ሽሕ ሰባት ቀዋሚ ፍቓድ መንበሪ (ግሪን ካርድ) ይረኽቡ ነይሮም።

    ግሪን ካርድ፡ ወጻእተኛታት ኣብ ኣመሪካ ክነብሩ ሕጋዊ ፍቓድ ዝህብ ኮይኑ፤ ጸኒሖም ድማ ዜግነት ኣመሪካ ንምርካብ ሕቶ ከቕርቡ ዘኽሎም እዩ።

    በብዓመቱ ኣመሪካ ኣስታት ሓደ ሚሊዮን ግሪን ካርድ ትህብ።

    እቲ ፕረዚደንት፡ ብምኽንያት ለበዳ ኮሮናቫይረስ፡ ሕቶ መንበሪ ፍቓድ ወጻእተኛታት ምቕባል ደው ከምዘብሎ ገሊጹ ነይሩ።

    ትራምፕ ነዚ ዝገብር ዘሎ፡ ዕድል ስራሕ ኣመሪካውያን ንምውሓስ ምዃኑ እዩ ዝገልጽ።

    ነቐፍቲ ፕረዚደንት ትራምፕ ግን፤ ኣብ ኣተኣላልያ ለበዳ ኮሮናቫይረስ ንዝርኣዮ ጉድለት ንምሽፋን ከም ትኹረት መቐየሪ እዩ ዝጥቀመሉ ዘሎ ይብሉ።

13. 23 ሚያዝያ 2020ኣብ ቻይና፡ ሰብ ብኮናቫይረስ ካብ ዘይመውት ሓደ ሰሙን ኣቑጺሩ

    

    ምንጪ ስእሊ, AFP

    ቻይና ንሽድሽተ ተኸታተልቲ መዓልታት ዋላ ሓደ ሰብ ብኮሮናቫይረስ ከይመውት ገይረ ትብል።

    እንተኾነ እታ ሃገር፡ ትማሊ ዓሰርተ ሓደሽቲ በቲ ቫይረስ ዝተለኸፉ ከምዝረኸበት ኣፍሊጣ ኣላ።

    እዚ ቑጽሪ ድማ ካብቲ ብቅድሚ ትማሊ ዝነበረ ብዝሒ በቲ ቫይረስ ዝተለኸፉ 30 ሰባት፡ ኣዝዩ ዝነከየ እዩ።

    ብዝሒ በቲ ቫይረስ ተለኺፎም ናብታ ሃገር ዝኣትዉ ሰባት’ውን ኣዝዩ ይንኪ ከምዘሎ እያ ትገልጽ።

14. 23 ሚያዝያ 2020ለበዳ ኮሮናቫይረስ ንቁጠባ ድኻ ሃገራት ንምንታይ ዝያዳ ይሃስዮ?

    

    ምንጪ ስእሊ, GETTY IMAGES

    ሰብ ሞያ ቁጠባ ዓለምና ከምዝብልዎ፡ ሳዕቤን ለበዳ ኮሮናቫይረስ ድሕሪ’ቲ ኣብ 1930ታት ዘጋጠመ ብ ‘ግሬት ዲፕረሽን’ ዝፍለጥ ቁጠባዊ ድስካለ፡ እቲ ዝኸፍአ ክኸውን ይኽእል እዩ።

    ዳርጋ ኩለን ሃገራት ዓለም፡ በዚ ለበዳ ይህሰያ’ኳ እንተሃለዋ፤ ዝያዳ ግን እተን ድኻ ሃገራት እየን ዝህሰያ ዘለዋ።

    ቁጠባ ድኻ ሃገራት ድማ በዞም ኣርባዕተ መገድታት እዩ ዝህሰ ዘሎ፡

    • ዋጋ ጥረ ኣቕሑ ይወድቕ፡ ነዞም ጥረ ኣቑሑ ሰደድ ዝገብራ ድማ ብዙሓት ድኻ ሃገራት እየን።

    • ዓለማዋዊ ወፍሪ (ኢንቨስትመንት) የንቆልቁል፡ ቅድም ክብል ገንዘባቶም ኣብ ድኻ ሃገራት ዘውፈሩ ሰብሃፍቲ’ውን ንገንዘቦም ክስሕቡ ይኽእሉ።

    • ዋጋ ባጤራ ድኻ ሃገራት ይጎድል፡ እዚ ድማ ብናይ ኣመሪካ ዶላር ዝተወሰደ ናይ ወጻኢ ዕዳ ንምኽፋል ከደድ ገይብሮ።

    • ኣብ ደገ ዝነብሩ ዜጋታት እዘን ሃገራት፡ ኣብዚ ናይ ለበዳ እዋን ዝረኽብዎ ኣታዊ ስለዝንኪ፡ ናብ ሃገሮም ዝሕውልዎ መጠን’ውን ብኡ ልክዕ ይንኪ።

    ንምአእ እቲ ዛንታ ኣብዚ ኣንብብዎ።

15. 23 ሚያዝያ 2020ከመይ ሓዲርኩም

    ንምዝኽኻር ዝኣክል ትማሊ ኣብ ቀጥታዊ ጸብጻብና፡

    ዶክተር ቴድሮስ ኣድሓኖም፡ ኮሮናቫይረስ ገና ብሕጂ'ውን ምሳና ክቕጽል'ዩ ከምዝበለ ጸብጺብና ኢና ተፈላሊና።

    እቲ ሓላፊ ውድብ ጥዕና ዓለም፡ ዋላ እኳ ኣብ ምዕራብ ኣውሮጳ ዝርግሐ እቲ ቫይረስ እንተጎደለን፡ ኣብ ኣፍሪቃ፡ ኣብ ማእከላይን ደቡብን ኣሜሪካ፡ ከምኡ'ውን ኣብ ምብራቕ ኣውሮጳ ዝርገሐ እቲ ቫይረስ ይብእስ ከምዘሎ ገሊጹ ነይሩ።

    *ኣየነይቲ ሃገር በቲ ለበዳ ሕሱም ከምዝተጎድኣት ዘብርህ ዛንታ ድማ ኣቕሪብና።

    *ከምኡውን ኣብ ጀርመን ገለ ኩባንያታት ኣፍረይቲ መድሃኒት፡ ክታበት ኮሮናቫይረስ ኣብ ሰብ ክፍትኑ ፋቓድ ከምዝረኸቡ ሓቢርና ነይርና።

    ብሩኽ መዓልቲ ክኾነልኩም እናተመነና፡ ናብ ናይ ሎሚ መዓልቲ ጸብጻብና ክንወስደኩም።