ఇండోనేసియా: కూలిన విమానం శకలాల కోసం సముద్ర గర్భంలో సెర్చ్ ఆపరేషన్‌

సముద్రంలో కూలిపోయిన బోయింగ్ 737 విమానం బ్లాక్ బాక్స్‌‌లను తాము గుర్తించామని ఇండోనేసియా అధికారులు తెలిపారు.

విమానం కూలిన ప్రాంతంలో సముద్రంలో నావికాదళానికి చెందినవారు, ఇతర సిబ్బంది గాలింపు చర్యలు ముమ్మరం చేశారు. రెండు ఫ్లైట్ రికార్డర్లును కూడా వెలికితీయనున్నట్లు చెప్పారు.

శనివారం 62 మందితో ప్రయాణిస్తున్న శ్రీవిజయ ఎయిర్‌లైన్స్‌కు చెందిన ఈ విమానం జకార్తా నుంచి బయలుదేరిన కొద్దిసేపటికే కుప్పకూలింది.

విమానం కూలిన ప్రాంతానికి పది బోట్లలో గజ ఈతగాళ్లను పంపినట్లు అధికారులు తెలిపారు. ప్రస్తుతం విమానం భాగాలుగా భావిస్తున్న శిథిలాలను విశ్లేషిస్తున్నారు.

గాలింపు చర్యల బృందం రెండు బ్యాగులను తీసుకొచ్చిందని జకార్తా పోలీసుల అధికార ప్రతినిధి యుశ్రీ యూనస్ తెలిపారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)