కేజ్రీవాల్: దిల్లీలో కోవిడ్19 రోగుల‌కు ఆక్సీమీట‌ర్లు ఎందుకు ఇస్తున్నారు? అస‌లు ఇవి ఎలా ప‌నిచేస్తాయి?

దిల్లీలో స్వ‌ల్ప ల‌క్షణాల‌తో ఇంట్లో క్వారంటైన్ అయిన క‌రోనావైర‌స్ రోగుల‌కు ప‌ల్స్‌ ఆక్సీమీట‌ర్లు ఇవ్వ‌బోతున్న‌ట్లు ముఖ్యమంత్రి కేజ్రీవాల్ తెలిపారు.

అస‌లు ఈ ప‌ల్స్ ఆక్సీమీట‌ర్ ఎలా ప‌నిచేస్తుంది? దీనితో కోవిడ్‌-19 చికిత్స‌కు సంబంధం ఏమిటి? దీన్ని ఎలా ఉప‌యోగిస్తారు? లాంటి ప్ర‌శ్న‌ల‌కు ఇప్పుడు స‌మాధానాలు చూద్దాం.

దీన్ని ఎందుకు ఉప‌యోగిస్తారు?

ప్ర‌పంచ ఆరోగ్య సంస్థ (డ‌బ్ల్యూహెచ్‌వో) వివ‌రాల ప్ర‌కారం.. క్లిప్‌లా క‌నిపించే ఈ ప‌రిక‌రాన్ని ఎక్కువ‌గా చూపుడు వేలికి అమ‌రుస్తుంటారు. కొన్నిసార్లు మిగ‌తా చేతి వేళ్ల‌తోపాటు, కాలి వేళ్లు, చెవికి కూడా అమ‌రుస్తుంటారు. దీన్నే ప‌ల్స్ ఆక్సీమీట‌ర్ అంటారు.

మ‌న శ‌రీరంలోని వివిధ భాగాల‌కు ఆక్సీజ‌న్‌ను గుండె ఎలా స‌ర‌ఫ‌రా చేస్తుందో ఈ ఆక్సీమీట‌ర్‌తో తెలుసుకోవ‌చ్చు. ర‌క్తంలోని ఆక్సీజ‌న్ స్థాయిలు త‌గ్గే వ్యాధుల‌తో బాధ‌ప‌డే రోగుల‌ ఆరోగ్యాన్ని ప‌ర్య‌వేక్షించేందుకు దీన్ని ఎక్కువ‌గా ఉప‌యోగిస్తుంటారు. క్రోనిక్ అబ్‌స్ట్ర‌క్టివ్ ప‌ల్మ‌న‌రీ డిసీజ్ (సీవోపీడీ), ఆస్థ‌మా, న్యుమోనియా, ఊపిరితిత్తుల క్యాన్స‌ర్‌, ర‌క్త హీన‌త‌, గుండె జ‌బ్బుల చికిత్స‌లో దీని అవ‌స‌రం ఎక్కువ ఉంటుంది.

మ‌రోవైపు ఊపిరితిత్తుల వ్యాధుల చికిత్స‌లో భాగంగా ఇచ్చే ఔష‌ధాలు ఎలా ప‌నిచేస్తున్నాయి? కృత్రిమ శ్వాస ఏమైనా అవ‌స‌రం అవుతుందా? వెంటిలేట‌ర్ ఎలా ప‌నిచేస్తుంది? శ‌స్త్ర‌చికిత్స‌ల స‌మ‌యంలో మ‌త్తుమందులు ఇచ్చిన అనంత‌రం ర‌క్తంలో ఆక్సీజ‌న్ స్థాయిలు ఎలా ఉన్నాయి? కృత్రిమ శ్వాస‌పై అందిస్తున్న చికిత్స‌లు ఎలా ప‌నిచేస్తున్నాయి? శారీర‌క ఒత్తిడిని రోగి ఎంత‌వ‌ర‌కు త‌ట్టుకుంటున్నాడు? నిద్ర పోయేట‌ప్పుడు శ్వాస‌లో వ‌చ్చే తేడాల ప‌ర్య‌వేక్ష‌ణ‌కూ దీన్ని ఉప‌యోగిస్తారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)