వీడియో: ‘రోజుకు 4 గంట‌లే చ‌దువు.. మిగతా సమయంలో వ్యవసాయం, ఆటలు, క‌మ్యూనిటీ పనులు’

"మేం రోజుకు నాలుగు గంట‌లే చ‌దువుకు కేటాయిస్తాం. మిగిలిన స‌మ‌యమంతా ఆట‌ల్లో, వివిధ వ‌స్తువుల త‌యారీలో, వ్య‌వ‌సాయ ప‌నుల్లో, మా కమ్యూనిటీని ప‌రిశుభ్రంగా ఉంచుకోవ‌డంలో గడిపేస్తాం. అయినా మా చ‌దువులకేం ఢోకా లేదు. మేం ఆడుకుంటానే ప‌నులు చేస్తాం. ప‌నులు చేసుకుంటూనే చ‌దువుకుంటాం. చ‌దువుకోవ‌డంతోపాటు స‌మాజంలో ఎలా జీవించాలో తెలుసుకుంటాం" అని సుశాంత్ చెబుతున్నాడు.

కర్నూలు జిల్లా ఆదోనికి చెందిన సుశాంత్‌, 'జీవన వికాస విద్యావనం' అనే విభిన్నమైన పాఠశాలలో పదో తరగతి చదువుతున్నాడు.

విజ‌య‌వాడ-నూజివీడు ప్ర‌ధాన రహ‌దారిలో ఉండే అడ‌వి నెక్క‌లం స‌మీపాన ఈ పాఠశాల ఉంది. ఎవ‌రి ప‌ని వారే చేసుకుంటూ, అంద‌రి ప‌నులూ చేస్తూ, అంద‌రూ క‌లిసే సాగే ఇక్కడి విద్యావిధానం వ‌ర్త‌మాన బోధ‌నా విధానానికి పూర్తి భిన్నంగా ఉంది.

దీనిని 'స్కూల్' అన‌డం కంటే 'ఆధునిక ఆశ్ర‌మం' అనడం సరైనదని పూర్వ విద్యార్థులు అంటుంటారు.

పూర్తి కథనం చదివేందుకు ఈ లింక్‌పై క్లిక్ చేయండి.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)