காணொளி: இறந்த மகளின் இதய துடிப்பை மீண்டும் கேட்ட யுக்ரேன் தாய்

யுக்ரேனில் வெற்றிகரமாக இதய மாற்று அறுவை சிகிச்சை செய்யப்பட்ட 12 வயது சிறுவன் நசாரை, இதயத்தை தானமாக வழங்கிய சிறுமியின் தாய் சந்தித்த காட்சி தான் இது.

அப்போது, தனது மகளின் இதயம் தற்போது அந்தச் சிறுவனின் மார்பில் துடிப்பதைக் கேட்ட சிறுமியின் தாய் நெகிழ்ச்சியடைந்தார்.

இதய மாற்று அறுவைச் சிகிச்சை பெற்ற நசார், கடந்த மூன்று ஆண்டுகளாக மிகவும் ஆபத்தான உடல்நிலையில் இருந்தார். முதலில் அவருக்கு ரத்தப் புற்றுநோய் ஏற்பட்டது. பின்னர் கடுமையான நிமோனியா தாக்கிய நிலையில் அதன் பிறகு அவருக்கு இதயச் செயலிழப்பும் ஏற்பட்டது.

இந்த நிலையில் உயிரிழந்த தங்கள் மகளின் உறுப்புகளை தானமாக வழங்க அவரது குடும்பம் எடுத்த முடிவால், நசாருக்கு ஆரோக்கியமான இதயம் கிடைத்து, இதய மாற்று அறுவைச் சிகிச்சை வெற்றிகரமாக மேற்கொள்ளப்பட்டது.

- இது, பிபிசிக்காக கலெக்டிவ் நியூஸ்ரூம் வெளியீடு