சூர்யகுமார் விஸ்வரூபம்: கிலியை ஏற்படுத்தும் மும்பை இந்தியன்ஸ்

ஐ.பி.எல். தொடரில் மும்பை இந்தியன்ஸ் அணி மீண்டும் ஒருமுறை 200 மற்றும் அதற்கு அதிகமான வெற்றி இலக்கை அநாயசமாக சேஸ் செய்து அசத்தியுள்ளது. ராயல் சேலஞ்சர்ஸ் பெங்களூருவின் சவாலை முறியடிக்க அந்த அணிக்கு சூர்யகுமாரின் ஆட்டம் பக்கபலமாக அமைந்தது. அடுத்தடுத்து 200 ரன்களை எளிதாக சேஸிங் செய்ததன் மூலம் மும்பை இந்தியன்ஸ் அணி எதிரணிகளுக்கு கிலியை ஏற்படுத்தியுள்ளது.

இதன் மூலம் புள்ளிகள் பட்டியலில் டாப் 4 இடங்களுக்குள் மும்பை இந்தியன்ஸ் அணி முன்னேறியுள்ளது. அதேநேரத்தில், இந்த தொடரை வெற்றிகரமாக தொடங்கிய ராயல் சேலஞ்சர்ஸ் பெங்களூர் அணி அடுத்தடுத்த தோல்விகளால் சிக்கலில் சிக்கியுள்ளது.

வான்கடே மைதானத்துக்கு வந்திருந்த ரசிகர்கள் டிக்கெட் காசுக்கு வானவேடிக்கை பார்த்துச் சென்றனர். இந்த ஆட்டத்தில் மட்டும் இரு அணிகளும் சேர்த்து 21 சிக்ஸர்கள், 37 பவுண்டரிகள் அடிக்கப்பட்டன.

மும்பை இந்தியன்ஸ் அணியின் SKY எனச் செல்லமாக அழைக்கப்படும் சூர்யகுமார் யாதவ், வதேரா கூட்டணி, “200 ரன்கள் எல்லாம் ஒரு ஸ்கோரா” என்று கேட்கும் அளவுக்கு அதிரடியாக ஆடி இலக்கை எளிதாக அடைய வைத்தனர்.

முழு விவரம் காணொளியில்..

சமூக ஊடகங்களில் பிபிசி தமிழ்: