நேபாளத்தில் 18 பேரை பலி கொண்ட விமான விபத்திற்கு என்ன காரணம்? - காணொளி

நேபாளத்தின் தலைநகரமான காத்மாண்டுவில் உள்ள திரிபுவன் சர்வதேச விமான நிலையத்தில் விமானம் ஒன்று விபத்துக்குள்ளானது.

காத்மாண்டுவிலிருந்து பிரபல சுற்றுலா தளமான போகராவுக்கு செல்லவிருந்து செளர்யா விமான சேவை நிறுவனத்தின் அந்த விமானம் புறப்படும் சமயத்தில் விபத்துக்குள்ளானது

பராமரிப்பு பணிகளுக்காக எடுத்துச் செல்லப்பட்ட விமானத்தில், சவுர்யா ஏர்லைன்ஸ் நிறுவனத்தை சேர்ந்த 17 பேர் மற்றும் 2 விமானிகள் இருந்துள்ளனர்.

பிபிசி நேபாள சேவையிடம் பேசிய காத்மாண்டு காவல்துறை செய்தி தொடர்பாளர், தினேஷ் மைனலி, இந்த விபத்தில் சிக்கி 18 பேர் உயிரிழந்ததை உறுதி செய்துள்ளார். விமானி ஒருவர் மட்டும் சம்பவ இடத்திலிருந்து மீட்கப்பட்டு காயங்களுடன் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் அவர் தெரிவித்தார்.

உயிருடன் மீட்கப்பட்ட விமானிக்கு கண்கள் மற்றும் நெற்றியில் காயங்கள் ஏற்பட்டுள்ளதாகவும் உயிருக்கு ஆபத்து இல்லை என்றும் காவல்துறை செய்திதொடர்பாளர் டான் பஹதூர் கார்கி பிபிசி நேபாள சேவையிடம் தெரிவித்தார்.

விபத்துக்கான காரணம் என்ன?

பிபிசி நேபாள சேவையிடம் பேசிய திரிபுவன் விமான நிலையத்தின் தலைவர் ஜகநாத் நிரூவுலா, காத்மாண்டுவிலிருந்து போகாரா செல்லவிருந்த விமானம் தவறான திசையில் திரும்பியதாக தெரிவித்தார்.

டேக் ஆஃப் ஆனதும் அந்த விமானம் வலது பக்கம் திரும்பிவிட்டது. ஆனால் அது இடது பக்கம்தான் திரும்பியிருக்க வேண்டும். இருப்பினும் விபத்துக்கான காரணம் முழுமையான விசாரணைக்கு பிறகே தெரியவரும்.

விமான டேக் ஆஃப் ஆகி ஒரு நிமிடம் கூட நிறைவடையவில்லை அதற்குள் விபத்து நிகழ்ந்துவிட்டது என்று அவர் தெரிவித்தார்.

இதற்கு முன்பு நடந்த விபத்துக்கள்

நேபாளத்தில் கடந்த பத்து ஆண்டுகளில் மட்டும் பல்வேறு விமான விபத்துக்கள் நடந்தேறியுள்ளன. கணிக்க முடியாத வானிலை மற்றும் தளர்வான விதிமுறைகள் என பல்வேறு காரணங்கள் அதற்கு சொல்லப்படுகின்றன

(சமூக ஊடகங்களில் பிபிசி தமிழ் ஃபேஸ்புக், இன்ஸ்டாகிராம், எக்ஸ் (டிவிட்டர்) மற்றும் யூட்யூப் பக்கங்கள் மூலம் எங்களுடன் இணைந்திருங்கள்.)