விஜய்யின் 'தி கோட்' எப்படி இருக்கிறது? - ஊடக விமர்சனம்

நடிகர் விஜய் நடிப்பில் வெங்கட்பிரபு இயக்கத்தில் தயாரான தி கோட் (The Greatest of All Time - The GOAT) திரைப்படம் செப்டம்பர் 5, வியாழக்கிழமை அன்று வெளியானது.

இந்தப் படத்தில் நடிகர் விஜய்யுடன், நடிகர்கள் பிரசாந்த், பிரபுதேவா, மோகன், ஜெயராம், சினேகா, மீனாட்சி செளத்ரி, யோகிபாபு உள்ளிட்ட பெரிய நட்சத்திரங்கள் பலர் நடித்துள்ளனர். யுவன் ஷங்கர் ராஜா இந்தப் படத்துக்கு இசை அமைத்திருக்கிறார்.

தமிழ், தெலுங்கு, மற்றும் ஹிந்தி ஆகிய மொழிகளில் வெளியாகியிருக்கும் இப்படத்தில், மேம்பட்ட செயற்கை நுண்ணறிவு, மற்றும் டி-ஏஜிங் தொழில்நுட்பங்கள் பயன்படுத்தப்பட்டுள்ளன. விஜய் இரட்டை வேடங்களில் நடித்துள்ளார்.

சென்னை 600028, சரோஜா, மங்காத்தா, மாநாடு என தமிழ்த் திரையுலகில் கவனத்தை ஈர்த்த படங்களைக் கொடுத்த வெங்கட்பிரபுவுடன் முதல்முறையாக விஜய் இணைந்திருக்கிறார். அதோடு, விஜய்யின் அரசியல் பிரவேசம் காரணமாக அவர்மீது அதிகப்படியான கவனம் குவிந்திருக்கும் இச்சமயத்தில் இப்படம் வெளியாகியிருக்கிறது. அதுமட்டுமின்றி, 400 கோடி பட்ஜெட்டில் இப்படம் உருவாகியிருக்கிறது.

ஆகவே, 'தி கோட்' படத்தின் மீது மக்கள் மத்தியில் மிகப்பெரிய எதிர்பார்ப்பு நிலவி வந்தது. இந்நிலையில், படம் எப்படி இருக்கிறது? ஊடக விமர்சனங்கள் என்ன சொல்கின்றன? ஊடக விமர்சனங்கள் குறித்து விளக்குகிறது இந்த வீடியோ தொகுப்பு.

(சமூக ஊடகங்களில் பிபிசி தமிழ் ஃபேஸ்புக், இன்ஸ்டாகிராம், எக்ஸ்  (டிவிட்டர்) மற்றும் யூட்யூப் பக்கங்கள் மூலம் எங்களுடன் இணைந்திருங்கள்.)