Mapigano yaripotiwa mashariki mwa Rafah huku Israel ikifungua tena kivuko cha msaada cha Kerem Shalom

Moja kwa moja

Asha Juma, Lizzy Masinga and Ambia Hirsi

1. 8 Mei 2024Vita vya Gaza: Wito waongezeka kwa Israeli kufungua vivuko vya mpaka ili kuruhusu misaada

   Katibu Mkuu wa Umoja wa Mataifa Antonio Guterres ameonya kwamba hali "inakwenda katika njia mbaya" huko Gaza kufuatia Israel kuivamia Rafah, kimbilio la mwisho la Wapalestina ambalo limekumbwa na mashambulizi makali ya kijeshi na ambayo maelfu wanakimbia.

   Mkuu wa sera za mambo ya nje wa Umoja wa Ulaya Josep Borrell amesema "licha ya maombi yote ya jumuiya ya kimataifa" kwa Waziri Mkuu wa Israel Benjamin Netanyahu kutoshambulia Rafah, shambulio hilo limeendelea.

   "Ninaogopa kwamba hii itasababisha, tena, majeruhi wengi," Borrell alisema.

   "Hakuna maeneo salama huko Gaza," aliongeza.

   Wakati huo huo Kamanda mkuu wa Kamandi Kuu ya Jeshi la Marekani (CENTCOM) ametembelea Misri, ambako alijadili usalama wa kikanda na "kupunguza mateso ya kibinadamu huko Gaza" na viongozi wa kijeshi wa nchi hiyo.

   Erik Kurilla alisema kuwa Misri imekuwa "chombo" katika kuwezesha "msaada wa kibinadamu kwa watu wa Gaza".

   "Mikutano kama ya leo ni muhimu katika kujenga uelewa wa kina wa changamoto za kikanda na kudumisha uhusiano unaohitajika ili kuboresha usalama," alisema.

   Soma zaidi:

   Israel yakosoa masharti ya kusitisha mapigano Gaza na Hamas lakini mazungumzo yanaendelea

   Jeshi la Israel linasema limechukua udhibiti wa upande wa Gaza wa kivuko cha Rafah

2. 8 Mei 2024Hujambo na karibu katika matangazo yetu mubashara ikiwa ni tarehe 08/05/2024