Hii ni tovuti ya maandishi pekee ambayo inatumia data kidogo. Tazama toleo kuu la tovuti likijumuisha picha na video zote.
Pata maelezo zaidi kuhusu toleo hili la linalotumia kiasi kidogo cha data
Maafisa wawili wa Marekani wamethibitisha shambulio la Israeil dhidi ya Iran kwa mshirika wa BBC wa Marekani CBS News huku milipuko ikiripotiwa karibu na Isfahan.
Ambia Hirsi, Abdalla Seif Dzungu and Dinah Gahamanyi
Idhaa ya Kiajemi ya BBC inaripoti kwamba imetumwa video kadhaa zilizochukuliwa na wakaazi wa mkoa wa Isfahan katikati mwa Iran usiku kucha, ambapo vyombo vya habari vya serikali ya Iran vinaripoti kuwa milipuko imesikika.
Katika video moja iliyowekwa kwenye akaunti ya Instagram ya BBC Persian, sauti za kile kinachoonekana kuwa bunduki za kukinga mashambulizi zinaweza kusikika.
Safari za ndege za kibiashara zimesitishwa katika miji mikuu ya Iran, ikiwa ni pamoja na Isfahan, Shirax na Tehran, vyombo vya habari vya nchi hiyo vinaripoti, kulingana na shirika la habari la Reuters.
Isfahan ni mji wa kati ambapo milipuko iliripotiwa na vyombo vya habari vya Iran.
Imeripotiwa pia kuwa wasafirishaji wa Mashariki ya Kati Emirates na Fly Dubai walianza kuelekeza safari zao za ndege magharibi mwa Iran mapema Ijumaa asubuhi, bila maelezo.
Kombora la Israel limeipiga Iran, maafisa wawili wa Marekani wameambia kitui cha habari cha CBS News.
Vyombo vya habari vya serikali ya Iran vinaripoti kwamba safari za ndege zimesitishwa katika miji kadhaa, kulingana na chombo cha habari cha Associated Press.
Iran imekuwa katika hali ya tahadhari baada ya Israel kusema kuwa itajibu mashambulizi dhidi yake Jumamosi usiku.