Je mataifa mengine yanaweza kuingilia vita vya Israel – Gaza? Tunajibu maswali yako

Moja kwa moja

1. 16 Oktoba 2023Nini kitatokea baada ya mapigano ya Gaza na watu wake?

   

   Chanzo cha picha, EPA

   Joyce kutoka Ghana anauliza: Je, uvamizi wa ardhini huko Gaza unaofanywa na Israel ni unyakuzi wa eneo hilo au ni vita vya kuwaondoa Hamas?

   Je, makaazi yatajengwa ili kuwahudumia Wagaza baada ya vita?

   Israel inasema inataka tu kuiondoa Hamas, na hakuna sababu ya kufikiri kwamba inataka kukalia tena eneo ililojiondoa karibu miaka 20 iliyopita.

   Wengine upande wa kulia wa Israeli wanaweza kutaka, lakini uvamizi kutoka 1967 hadi 2005 ulikuwa wa gharama kubwa na haukupendwa.Israel haitaki kurejea kuwa watawala wa kila siku wa Wapalestina zaidi ya milioni mbili wenye kinyongo.

   Bila shaka, maonyo ya Israel kwa Wapalestina kuondoka makwao bila shaka yanazua hofu katika Ukanda wa Gaza kwamba Israel ina ajenda iliyofichwa - na kwamba hii inaweza kuwa marudio ya "Naqba" ("janga") ya 1948, wakati mamia ya maelfu ya Wapalestina walikimbia au kufukuzwa kutoka kwa nyumba zao na vikosi vya Israeli.

   Kuhusu suluhu ya baada ya mzozo, hiyo inaonekana kuwa mbali kwa sasa.Afisa mmoja wa zamani wa jeshi la Israel alisema anatumai Israel, mataifa ya Ghuba na jumuiya ya kimataifa zitaungana ili kuijenga upya Gaza.

   Na kuna mazungumzo ya kuirejesha mamlakani Mamlaka ya Palestina yenye makao yake Ukingo wa Magharibi - ililazimika kuondoka baada ya makabiliano mafupi na ya umwagaji damu na Hamas mwaka 2007.

   Kwa kuzingatia uharibifu hadi sasa, kujenga upya Gaza itakuwa kazi kubwa.

2. 16 Oktoba 2023Je, vita hivi vinaweza kusababisha Vita vya tatu vya dunia iwapo Iran itaingilia?

   

   Chanzo cha picha, Reuters

   Craig Johnson huko Skelmersdale nchini Uingereza anauliza: Iwapo Iran itahusika moja kwa moja katika mzozo unaoendelea wa Israel na Hamas, je, hilo litaifanya Marekani na washirika wake kujiunga moja kwa moja katika vita hivyo?

   Na hii inaweza kusababisha vita vya tatu vya dunia visivyo vya kinyuklia?

   Alipoulizwa kuhusu uwezekano wa kuingilia kati kwa Iran au mshirika wake wa Lebanon Hezbollah, Joe Biden alisema: "Usijaribu.

   "Wamarekani wametuma vikundi viwili vya meli za kubeba ndege za kivita mashariki mwa Mediterania huku ikituma ujumbe mkali sana kwa Iran kukaa nje.Wanasema kwamba ikiwa mtu yeyote ataingilia kati, watakutana na uwezo wa kijeshi wa Marekani na sio tu wa Israeli.

   Mojawapo ya makosa makubwa katika Mashariki ya Kati ni kati ya Marekani na washirika wake, na Wairani na wao.

   Pande zote mbili zinafahamu hatari.

   Iwapo vita hivyo vinegtoka kwenye baridi hadi kwenye vita vya moto hali hiyo ingechochea Mashariki ya Kati yenye umuhimu wa kimataifa.

3. 16 Oktoba 2023Je, Hamas hujenga mahandaki ya kujificha chini ya hospitali na shule?

   Swali letu linalofuata linatoka kwa msomaji asiye na jina, ambaye anauliza: Tafadhali unaweza kufafanua yalipo mahandaki ya Hamas na iwapo yamejengwa chini ya hospitali na shule?

   Mahandaki katika eneo la Gaza yametapakaa kila mahali hivi kwamba jeshi la Israeli linaiita "Gaza Metro".

   Mahandaki hayo ni sehemu muhimu ya shughuli za Hamas.

   Mashimo hayo hutumika kusafirisha bidhaa na watu, kuhifadhi silaha na risasi, na vituo vya amri na udhibiti.

   Ni maeneo yalioimarishwa na zege na yana umeme. Yana kina kirefu, kama futi 100 (mita 30) hivi kwamba ni ngumu kusema kwa uhakika kabisa yalipo.

   Lakini mtandao mkubwa kama huo wa chinichini, kwenye eneo dogo kama hilo, unaonekana kuwa na uwezekano wa kutokeza katika vitongoji vilivyojaa nyumba, hospitali, na shule.

   Kumekuwa na ripoti kuwa baadhi ya milango ya mahandaki hayo ipo kwenye ghorofa za chini za nyumba, misikiti, shule na majengo mengine ya umma ili kuruhusu wanamgambo kukwepa kutambuliwa.

   Jeshi la Israel, IDF, limewashutumu Hamas mara kwa mara kwa kujificha ndani ya mahandaki haya na kuyatumia kama kinga.

   

4. 16 Oktoba 2023Je, Hezbollah inalinganishwa vipi na Hamas katika uwezo?

   

   Chanzo cha picha, EPA

   Kaskazini zaidi kutoka Ukanda wa Gaza, mvutano unaongezeka kati ya Lebanon na Israeli.

   Msomaji mmoja anataka kujua: Ikiwa Lebanon itahusika, Hezbollah ina nguvu kubwa kiasi gani ikilinganishwa na Hamas?

   Hezbollah - vuguvugu la kijeshi, kisiasa na kijamii la Lebanon - kwa muda mrefu imekuwa ikionekana na Israeli kama nguvu kubwa zaidi kuliko Hamas.

   Kundi hilo lenye silaha nyingi linaloungwa mkono na Iran lina takriban roketi na makombora 130,000, kulingana na Kituo cha Mafunzo ya Kimkakati na Kimataifa.

   Idadi kubwa ya silaha hizi ni roketi ndogo, za kubebeka na zile zinazoweza kurushwa kutoka eneo moja la ardhini hadi eneo jingine.

   Lakini pia inamiliki makombora ya kushambulia ndege na meli, pamoja na makombora yenye uwezo wa kushambulia ndani kabisa ya Israel.

   Silaha hizi ni nzito zaidi ya kile ambacho Hamas ina miliki.

   Kiongozi wa Hezbollah amedai kuwa na wapiganaji 100,000, ingawa makadirio huru yanatofautiana kati ya wapiganaji 20,000-50,000.

   Wengi wamefunzwa vyema na kuhudumu katika vita vikali, na wamepigana katika vita vya wenyewe kwa wenyewe vya Syria.

   Hamas, kwa kulinganisha, ina wastani wa wapiganaji 30,000, kulingana na Israel.

5. 16 Oktoba 2023Je Saudia inafadhili chochote Gaza?

   

   Chanzo cha picha, EPA

   Lili wa Marekani anajiuliza: Kwa nini Saudi Arabia haiwasaidii watu wa Gaza?

   Nadhani Wasaudi watapinga vikali madai haya.

   Wametoa wito hadharani kukomeshwa kwa mzingiro wa Israel wa Gaza, kuheshimiwa kwa sheria za kimataifa za kibinadamu, na kukataliwa kwa kulengwa kwa raia na uharibifu wa miundombinu ya Gaza.

   Saudi Arabia pia imesitisha mazungumzo yake juu ya kuhalalisha uhusiano na Israel.

   Ukiuliza kwa nini hawajapeleka misaada Gaza, ukweli ni kwamba Israel hairuhusu msaada wowote kwa sasa.

   Kuna msafara mkubwa wa malori ya misaada yayosubiri Rafah upande wa mpaka wa Misri.

   Ningetarajia kwamba mara tu ujenzi wa Gaza utakapoanza, Saudi Arabia na mataifa mengine ya Kiarabu ya Ghuba yatakuwa yanasaidia kufadhili.

6. 16 Oktoba 2023Eritrea yamjibu waziri mkuu wa Ethiopia kuhusu matamshi yake yenye utata

   

   Chanzo cha picha, Getty Images

   Mamlaka nchini Eritrea ilisema "haitavutiwa" katika mazungumzo kuhusu ufikiaji wa Ethiopia kwenye Bahari Nyekundu kufuatia maoni yenye utata kutoka Addis Ababa.

   Akiwahutubia wabunge, Waziri Mkuu wa Ethiopia Abiy Ahmed alisema kuifikia Bahari Nyekundu ni "suala la kuwepo" kwa nchi yake.

   "Bahari Nyekundu na Mto Nile zinaelezea Ethiopia; ndio msingi wa maendeleo ya Ethiopia au kuangamia kwake," Bw Abiy alisema, katika maelezo ambayo baadhi ya wachambuzi walisema yanaweza kusababisha msuguano na Eritrea.

   Ethiopia imekuwa nchi kubwa zaidi barani Afrika isiyo na bandari kufuatia Eritrea kujitenga nayo mwaka 1993.

   Tangu wakati huo imekuwa ikitegemea jirani yake mdogo Djibouti kwa zaidi ya 85% ya uagizaji na mauzo ya nje.

   Ethiopia hapo awali ilitangaza mpango wa kujenga upya jeshi lake la wanamaji miaka michache iliyopita.

   Bw Abiy aliorodhesha bandari nchini Eritrea, Djibouti na Somaliland kama vifaa vinavyoweza kupatikana kwa amani.

   Taarifa fupi ya Wizara ya Habari ya Eritrea siku ya Jumatatu ilisema "mazungumzo" kuhusu upatikanaji wa bahari na mada zinazohusiana "zilizoelewa katika siku za hivi karibuni" zilikuwa "zinapita mpaka" . Ilisema suala hilo "limewachanganya waangalizi wote wanaohusika".

   Eritrea imekuwa mshirika wa serikali ya Addis Ababa wakati wa vita vya kikatili hivi karibuni katika jimbo la Tigray nchini Ethiopia.

   Waziri Mkuu Abiy pia alifanya kazi na kiongozi wa Eritrea Isias Afeworki mnamo 2018 kumaliza vita vikali vya miongo miwili kati ya mataifa hayo mawili.

7. 16 Oktoba 2023Tazama video ya kuogofya: Jinsi wapiganaji wa Hamas walivyovunja na kuingia Kibbutz nchini Israel

8. 16 Oktoba 2023Zaidi ya watu 1,000 chini ya vifusi Gaza, anasema afisa

   

   Chanzo cha picha, EPA

   Zaidi ya 1,000 bado hawajulikani walipo chini ya nyumba na majengo yaliyoharibiwa katika mashambulizi ya anga ya Israel.

   Msemaji wa wizara ya mambo ya ndani inayoendeshwa na Hamas huko Gaza, pia alithibitisha kwamba idadi hii ya watu haikupatikana.

   Takriban Wapalestina 2,750 wameuawa na 9,700 wamejeruhiwa tangu Oktoba 7 huko Gaza, wizara ya afya ya Palestina imesema leo, na kuongeza kuwa 58 waliuawa na zaidi ya 1,250 wamejeruhiwa katika Ukingo wa Magharibi.

   Miongoni mwao, 11 walikuwa waandishi wa habari wa Kipalestina, kulingana na Chama cha Waandishi wa Habari wa Palestina.

9. 16 Oktoba 2023Mzozo wa Israeli na Palestina: Wanajeshi wa Israel waweka kambi Kfar Aza kibbutz

   Maelezo kuhusu taarifa

   • • 
     • Author, Jeremy Bowen
     • Nafasi, Mhariri wa kimataifa

   

   Kibbutz ya Kfar Aza iko mkabala na Gaza na ni mojawapo ya yale ambapo mauaji yalifanyika.

   Tulipoitembelea baada tu ya kukamatwa tena, ufyatulianaji wa risasi ulianza tulipoingia na bado walikuwa wakiondoa miili.

   Sasa, kumetulia zaidi na kuna mfululizo wa askari wanaokuja huku na huko, wakipanga malori, kusafisha nyumba, kuandaa chakula na silaha.

   Ni wazi kuwa ni msingi wa kusanidi machapisho ya usambazaji na amri na kuna hisia halisi wamejipanga - ambayo inanifanya nifikirie wako tayari.

10. 16 Oktoba 2023Tazama Video: Majengo yatandazwa na makombora ya Israel katika kambi ya wakimbizi Gaza

    Idadi kubwa ya majengo katika kambi ya wakimbizi kaskazini mwa Gaza yameharibiwa na mashambulio ya Israel.

    Raia walikuwa wameambiwa kuondoka eneo hilo na kuelekea kusini mwa Gaza kabla ya mashambulizi.Zaidi ya watu 1,400 nchini Israel waliuawa katika mashambulizi ya Hamas zaidi ya wiki moja iliyopita.

    Takriban watu 2,700 huko Gaza wameuawa katika mashambulizi ya kulipiza kisasi ya Israel.

    Katika picha zilizochukuliwa Jumamosi, watu wanaweza kuonekana wakitembea kwenye vifusi huko Jabalia.

11. 16 Oktoba 2023'Israel haitaki kuikalia Gaza'

    

    Chanzo cha picha, EPA

    Israeli inahitaji kuamua ni nini hasa majeshi yake yanafanya na wapi yanaenda wanapokuwa Gaza, na muhimu vile vile, nini kitatokea baadaye.

    Kuna zaidi ya watu milioni 2.4 huko Gaza na ikiwa Hamas itaondolewa - ni nani atakayechukua udhibiti na utawala wa eneo hilo?

    Kuna uvumi kwamba kundi hasimu la Palestina Fatah linaweza kuchukua mamlaka - lakini hilo lingekuwa chini ya ushawishi wa Israeli na kwa hivyo lingekosa uaminifu.

    Waisraeli hawataki kuikalia Gaza, lakini wanaweza kulazimishwa kwa muda ikiwa hakuna njia mbadala inayofaa.Kwa hivyo vita hivi havitakuwa safi na rahisi kwa maana yoyote.

12. 16 Oktoba 2023Pacha wa Davido: Mke wa msanii wa Nigeria Davido ajifungua Pacha mwaka mmoja baada ya kifo cha mwanawe wa kwanza

    

    Chanzo cha picha, Getty Images

    Mwanamuziki maarufu wa Nigeria Davido ameelezea kuwakaribisha mapacha mwaka mmoja baada ya kifo cha mwanawe wa miaka mitatu.

    Mke wa Davido, Chioma Rowland, alijifungua mvulana na msichana wiki hii, mwanamuziki huyo aliambia mkutano huko New York.

    Mtoto wao wa kwanza Ifeanyi Adeleke, alifariki Oktoba mwaka jana baada ya kuzama kwenye kidimbwi cha kuogelea.

    Siku ya Jumamosi, Davido alisema imani yake na wapendwa wake walimsaidia katika huzuni.Aliambia umati mkubwa katika hafla ya UnitedMasters SelectCon huko New York:

    Wakati Davido na mkewe - mpishi maarufu na mshawishi - walipogundua kuwa walikuwa na mapacha, "walikuwa wakitetemeka".

    "Na ilikuwa katika mwezi huo huo - mtoto wangu alifariki mwaka jana Oktoba, mke wangu alijifungua mwaka huu Oktoba - mambo yake," alisema.

    Davido, ambaye jina lake halisi ni David Adeleke, anachukuliwa kuwa mmoja wa mastaa wakubwa wa muziki barani Afrika.

    Ameshinda tuzo za muziki za MTV na BET na ameshirikiana na wasanii wa kimataifa akiwemo Chris Brown na Nicki Minaj.

    Kifo cha Ifeanyi mwaka jana kilizua hisia nyingi, huku mashabiki na wafanyakazi wenzake kutoka tasnia ya burudani wakituma salamu zao za rambirambi kwa wanandoa hao.

13. 16 Oktoba 2023George Weah na mpinzani wake mkuu wakaribiana katika matokeo ya uchaguzi

    

    Chanzo cha picha, Reuters

    Rais wa Liberia George Weah na mgombea wa upinzani Joseph Boakai wakabana shingo katika matokeo ya uchaguzi wa urais, huku karibu robo tatu ya kura zikiwa zimehesabiwa.

    Bw Weah anaongoza kwa asilimia 43.8 dhidi ya 43.5% ya Bw Boakai, ikiwa ni takriban 73% ya kura,

    Tume ya Kitaifa ya Uchaguzi nchini humo ilitangaza Jumapili.

    Kufikia Jumapili, tume hiyo ilikuwa imetangaza matokeo kutoka vituo 4,295 kati ya 5,890 vya kupigia kura nchini humo.

    Tangazo hilo lilikuja huku jumuiya ya kikanda ya Afrika Magharibi Ecowas ikionya dhidi ya kutangazwa kwa ushindi "wa mapema".

    Pia imezitaka pande zote kudumisha amani wakati zikisubiri matokeo, na kuongeza kuwa watawajibishwa kwa vitendo vyovyote vinavyoweza kusababisha vurugu na uvunjifu wa amani.

    Rais Weah anawania muhula wa pili madarakani.Bw Boakai, ambaye aliibuka wa pili katika uchaguzi uliopita, alikuwa naibu wa Ellen Johnson Sirleaf alipokuwa rais.Mshindi lazima apate angalau 50% ya kura ili kuepuka marudio ya uchaguzi.

    Raia wa Liberia walipiga kura tarehe 10 Oktoba kumchagua rais, wajumbe wa Baraza la Wawakilishi na nusu ya Seneti.

14. 16 Oktoba 2023Blinken arudi Israeli kwa majadiliano

    

    Chanzo cha picha, Reuters

    Waziri wa mambo ya nje wa Marekani, Antony Blinken, amerudi tena Israel siku nne tu baada ya ziara yake ya awali.

    Inatarajiwa atakutana na viongozi mjini Jerusalem kuendeleza majadiliano kuhusu vita vya Gaza.

    Blinken alizuru Tel Aviv siku ya Alhamisi kuonyesha uungaji mkono wa Marekani kwa Israel, kisha akasafiri hadi mataifa sita ya Kiarabu kuendelea na majadiliano ya kidiplomasia.

    Pia kuna uvumi kwamba Rais Biden atazuru Israel siku zijazo baada ya kupokea mwaliko kutoka kwa nchi hiyo.

15. 16 Oktoba 2023Kwa nini Israel inawahamisha wakaazi karibu na Lebanon?

    Jeshi la Israel linasema kuwa linapanga kuwahamisha wakaazi mbali na mpaka wa Lebanon kaskazini mwa nchi hiyo.

    Sababu ya mpaka huo kuonekana kuwa si salama ni kwa sababu, pamoja na Hamas huko Gaza, Israel pia inapambana na Hezbollah, kundi la wanamgambo linaloungwa mkono na Iran nchini Lebanon ambalo lina nia ya kuiangamiza Israel.

    Kama Hamas huko Gaza, Hezbollah imetajwa kuwa shirika la kigaidi na Uingereza, Marekani na nchi nyinginezo.

    Raia mmoja wa Israel aliuawa katika shambulio la kombora la Hezbollah kwenye kijiji siku ya Jumapili, na Israel imefanya mashambulizi ya usiku kucha huko Lebanon.

    Mwishoni mwa wiki, Israel ilitangaza kufungwa kwa eneo la hadi 4km kutoka mpaka.

16. 16 Oktoba 2023Habari za hivi punde kutoka Gaza na Israel

    Ikiwa unajiunga nasi tu au unahitaji muhtasari, haya ndio unayohitaji kujua:

    • Takriban Wapalestina milioni moja sasa wanaaminika kukimbilia kusini kutoka kaskazini mwa Gaza - kabla ya kile kinachotarajiwa kuwa mashambulizi makubwa ya ardhini ya Israel.
    • Jeshi la Israel linasema watu 199 wamechukuliwa matekana Hamas - ongezeko la 44 kutoka kwa takwimu iliyotolewa jana.
    • Waziri Mkuu wa Israel Benjamin Netanyahu na Hamas wamekanusha ripoti za awali kwamba kulikuwa na mapatano ili kuruhusu msaada kuingia katika mpaka wa Rafah na Misri.
    • Kivuko cha Rafah bado kimefungwa licha ya umati wa watu kukusanyika kwenye lango na kuongezeka kwa wito wa kutolewa kwa chakula, vifaa vya matibabu na mafuta kuruhusiwa kuingia Gaza.
    • Mwanadiplomasia mkuu wa Marekani Antony Blinken amewasili Tel Aviv kwa mikutano baada ya siku kadhaa za diplomasia, akisafiri kati ya mataifa ya Kiarabu.

    

17. 16 Oktoba 2023Watoto wanne wafariki baada ya kanisa kuporomoka Burundi

    

    Chanzo cha picha, Getty Images

    Watoto wanne wamefariki dunia nchini Burundi baada ya kanisa kuporomoka kutokana na dhoruba.

    Kwa mujibu wa vyombo vya habari vya serikali, wengine 15 walijeruhiwa katika tukio hilo mapema Jumapili.

    Eneno la kusini mwa nchi - ambapo kanisa hilo lilikuwa - lilikuwa limekumbwa na upepo mkali na mvua kubwa.

    Ukuta wa jengo hilo uliangukia watoto waliokuwa wakihudhuria elimu ya dini.

18. 16 Oktoba 2023Uganda na DR Congo zakubaliana kuhusu usafiri bila visa

    

    Chanzo cha picha, AFP

    Uganda na Jamhuri ya Kidemokrasia ya Kongo zimekubaliana kuondoa masharti ya visa ili kuwawezesha raia wa mataifa hayo mawili kusafiri bila visa.

    Makubaliano hayo yanalenga kurahisisha harakati za watu na kuimarisha biashara kati ya nchi hizo mbili.

    Makubaliano hayo yanafuatia mazungumzo ya hivi karibuni kati ya maafisa wa nchi hizo mbili katika mji mkuu wa DR Congo, Kinshasa.

    Rais wa Uganda Yoweri Museveni kwa miezi kadhaa amekuwa akitetea uingiaji wa visa bila malipo kati ya nchi hizo mbili.

    "Kuvuka katika Afrika Mashariki kunapaswa kuwa bila gharama. Unalipa visa unapoenda Marekani, au Ulaya, lakini visa ya DR Congo?! Hiyo ni takataka. Ikiwa ni hivyo, nimeiondoa,” Rais Museveni alisema Desemba mwaka jana alipozindua kituo cha mpakani cha Mpondwe kwenye mpaka wa Uganda na DR Congo.

    Mnamo Mei, alitoa wito kwa maafisa kutoka nchi zote mbili kuharakisha mchakato wa kuanzisha usafiri bila visa.

    Maraia wa Uganda na DR- Congo hapo awali wamelalamika kuhusu kulipa ada kubwa Ya visa katika vivuko vya mpakani.

19. 16 Oktoba 2023Kivuko cha Rafah ni nini?

    

    Chanzo cha picha, AFP

    Mpaka wa Rafah wa Misri ndio njia pekee ya kutokea Gaza isiyodhibitiwa na Israel.Sasa ndiyo njia pekee inayowezekana kutoka Gaza baada ya Israel kuziba njia nyingine zote za kutoka.

    Kivuko hicho kiko kusini mwa Gaza kwenye mpaka na peninsula ya Sinai ya Misri, eneo la jangwa lenye watu wachache.Miji ya pande zote mbili za mpaka inajulikana kama Rafah.

    Misri imeweka vikwazo vikali kufunguliwa kwa kivuko hicho kwani uhusiano kati ya Hamas na Misri umekuwa mbaya sana.

    Mwanahabari wetu Lyse Doucet aliripoti kutoka kwenye kivuko hicho Julai 2014. Kilifunguliwa mara kwa mara mwezi Julai na Agosti mwaka huo, huku kukiwa na mapigano kati ya Israel na wanamgambo wa Kipalestina - lakini kwa waliojeruhiwa, wagonjwa na wageni pekee.

    Mashambulizi ya hivi majuzi ya anga ya Israel pia yamegonga kivuko cha mpaka, kulingana na ripoti za vyombo vya habari wiki iliyopita.

    

    Mengi zaidi kuhusu mzozo wa Israel-Gaza

    Mauaji ya Kibbutz:Jinsi Hamas walivyofanya shambulio lisilofikirika

    Uchambuzi:Je, uvamizi wa ardhini wa Israel dhidi ya Gaza unaweza kuafikia malengo yake?

    Historia:Masuala muhimu unayopaswa kujua kuhusu mzozo kati ya Israel na Palestina

    Kiini cha mzozo:Fahamu chanzo cha uhasama kati ya Israel na Palestina

    Hamas:Lifahamu kundi la wapiganaji wa Palestina lililoivamia Israel kupitia angani, baharini na nchi kavu

    Mossad:Mbinu ,mikakati na kuwatumia wanawake katika shirika la ujasusi la Israel walipa ufanisi katika operesheni zake

20. 16 Oktoba 2023Ajali ya boti DR Congo: Watu 40 wafariki, 167 hawajulikani walipo

    

    Chanzo cha picha, AF

    Wafanyakazi wa uokoaji wanawatafuta watu 167 ambao bado hawajulikani walipo baada ya boti yao kuzama nchini Jamhuri ya Kidemokrasia ya Congo siku ya Ijumaa, maafisa wamesema.

    Zaidi ya miili 40 imeopolewa huku manusura 189 wakiokolewa baada ya boti hiyo kuzama katika mto Congo.

    Boti hiyo ilikuwa na zaidi ya abiria 300 na mizigo, kilisema kikundi cha kiraia kilichoshiriki katika juhudi za uokoaji na uokoaji.

    Boti ni njia ya kawaida ya usafiri nchini DR Congo kwa sababu ya hali mbaya ya barabara.

    Hata hivyo, ajali za boti hutokea mara kwa mara kutokana na mzigo mkubwa, ukosefu wa matengenezo na kusafiri usiku.

    Abiria wengi pia hawavai maboya ya usala. Maafisa wanasema kuwa boti hiyo ilikuwa ikisafiri usiku kinyume na kanuni za usalama zilizowekwa.