Zitto Kabwe: 'Nitampigia Kura Tundu Lissu awe rais wa Tanzania'

Moja kwa moja

Dinah Gahamanyi

1. 16 Oktoba 2020Na mpaka hapo ndio tunafikia mwisho wa matangazo yetu ya moja kwa moja kwa leo. Tukutane tena Jumatatu 19.10.2020

2. 16 Oktoba 2020Zitto Kabwe: 'Nitampigia Kura Tundu Lissu awe rais wa Tanzania'

   Kiongozi wa chama cha upinzani cha ACT-wazalendo, Zitto Kabwe ametoa tamko kuwa kura yake itaenda kwa mgombea wa chama cha upinzani cha Chadema.

   Anasema kamati ya Uongozi ya Chama chake cha ACT imeshauriana na kuona kuwa huu ni mwaka wa kihistoria kwa Watanzania, mwaka wa kuamua hatma ya Maisha yao.

   "Kwa nafasi ya Rais wa Jamhuri ya Muungano wa Tanzania, Mimi Zitto Zuberi Ruyagwa Kabwe nitampigia kura kwa ndugu Tundu Antipas Mughwai Lissu. Huyu ndiye Mgombea wa Upinzani ambaye ana nguvu ya kumshinda mgombea wa chama tawala."

   Anasema hatua hii ya kumuunga mkono mgombea wa chama kingine imesukumwa na dhamira yake ya kuleta mabadiliko ya kumchagua Lissu.

   Kabwe ameyaeleza hayo katika hotuba yake ya kampeni Bangwe, Kigoma na kuwataka wafuasi wa chama hicho pia kumpigia kura Lissu.

   Mwezi Septemba Mwenyekiti wa ACT Maalim Seif Shariff Hamad, alitangaza kumuunga mkono Lissu kwenye kinyang'anyiro cha Urais.

   ACT katika kinyang'anyiro cha urais imemsimamisha aliyekuwa Waziri wa Mambo ya Nje wa Tanzania, Benard Membe, ambaye mpaka sasa hajajitokeza hadharani kumuunga mkono Lissu.

   Mara baada ya Maalim Seif kutangaza kumuunga mkono Lissu, Mmembe alisisitiza kuwa yeye ndiye mgombea halali wa ACT.

   Chadema kwa upande mwengine kimetangaza kumuunga mkono Maalim kwenye kinyang'anyiro cha urais wa Zanzibar.

   Hata hivyo, ofisi ya Msajili wa Vyama vya siasa vimeoynya juu ya ushirikiano wa vyama hivyo ikisema ni kinyume na sheria.

   Soma zaidi:

   https://bbc.com.im/swahili/53675022%3C/a%3E%3C/p%3E%3C/div%3E%3Cdiv dir="ltr" class="css-1k9op6x e17x9cvu0">

   https://bbc.com.im/swahili/habari-54250322%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   16 Oktoba 2020Sarkozy akabiliwa na mashitaka ya ‘kushirikiana na wahalifu’

   Mahakimu wa uchunguzi nchini Ufaransa wametangaza shitaka la nne dhidi ya rais wa zamani wa Ufaransa Nicolas Sarkozy kuhusu madai ya kukubali pesa za Libya kudhamini kampeni ya uchaguzi wa urais mwaka 2007.

   Anashutumiwa kuwa " mjumbe wa kikundi cha uhalifu", katika uchunguzi wa muda mrefu. Mashitaka hayo yanaweza kuwa kesi.

   Baada ya siku nne za maswali alikana mashitaka yote katika ujumbe alioutuma katika mtandao wa Facebook .Pia alihojiwa mwaka jana

   Katika uchunguzi nchini alishitakiwakwa ufisadi mwaka 2018, kuhusiana na ufadhili wa fedha wa kampeni na kunufaika kutokana na ubadhilifu wa mali ya umma.

3. 16 Oktoba 2020

   Ziwa Kivu ni moja ya maziwa ya ajabu sana Afrika.

   Yaliyomo kwenye ziwa hilo kisayansi yanalifanya liwe ama hatari au lenye manufaa kwa mamilioni ya wakaazi walio karibu.

   Ziwa la Kivu haliko kama maziwa mingine yenye kina kirefu.

   Kawaida maji ya juu ya ziwa yakiwa baridi - kwasababu ya hali joto ya baridi au mito inayobeba theluji iliyoyeyuka, kwa mfano, - maji hayo baridi ambayo ni mazito huzama na yale ambayo sio mazito hupanda juu ya ziwa. Bofya kiunganishi hiki kusoma taarifa hii zaidi..https://bbc.com.im/swahili/54568727%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   16 Oktoba 2020Mfanyabiashara haramu ya binadamu akamatwa Libya

   Maafisa katika mji mkuu wa Libya Tripoli , wamemkamata mwanaume mmoja anayesakwa na polisi ya kimataifa kwa kufanya bashara haramu ya binadamu.

   Serikali ya Libya kwa ushirikiano na polisi ya kimataifa wametangaza kuwa wamemkamata Abd al-Rahman al-Milad,anayefahamika zaidi kwa jina la Bija, siku ya Jumatano.

   Mwaka 2018, Baraza la usalama la Umoja wa Mataifa liliweka vikwazo dhidi ya Bw.Milad na watu wengine watano kwa kufanya biashara haramu ya usafirishaji wa watu.

4. 16 Oktoba 2020Polisi akamatwa kwa kuwashambulia waandamanaji Nigeria

   Maafisa katika mji wa kibiashara nchini Nigeria ambao wamewakamata polisi waliowashambulia waandamanaji wanaoendelea kuandamana dhidi ya ukatili wa polisi.

   Vyombo vya habari vimeripoti kuwa polisi walifyatua risasi katika kundi la waandamanaji katika eneo la Surulere mjini humo.

   Gavana wa jimbo la Lagos, Babajide Sanwo-Olu, aliwataja majina polisi hao wanne ambao amesema wanakabiliwa na kesi ya nidhamu:

   Gavana Sanwo-Olu pia amesema kwamba jimbo limetenga naira milioni 200 (dola 521,000) kwa ajili ya kufidia waathiriwa wa ukatili wa polisi.

   Serikali ya kitaifa imepiga marufuku maandamano katika mji mkuu, ili kutekeleza maadili ya kukabiliana na Covid-19.

   Maandamano dhidi ya ukatili wa polisi yamefanyika katika miji yote nchini Nigeria katika kipindi cha wiki iliyopita.

   Maandandamano yameendelea licha ya kuvunjwa kwa kikosi tatacha polisi kinachotuhumiwa kwa ukatili wa raia maarufu kama (Sars).

5. 16 Oktoba 2020Wakulima waadhimisha siku ya chakula Tanzania

   Wakulima waadhimisha siku ya chakula Tanzania ambapo wadau mbalimbali wakiwemo wakulima, wataalamu wa lishe bora, watafiti na maafisa ugani wamekutana leo jijini Dodoma katikati mwa Tanzania kwa lengo la kuangazia suala la upatikanaji wa chakula na lishe bora.

   Ingawa katika baadhi ya maeneo nchini Tanzania, licha ya chakula kupatikana kwa wingi lakini bado kuna tatizo la utapiamlo.

   Pelagia Gaudence ambae ni mkulima kutoka Arusha amesema tatizo kubwa la utapiamlo linasababishwa na ukosefu wa elimu katika jamii kuhusu lishe bora.

   Wakati huo huo, Elibarika Joseph ambae pia ni mkulima anasema kukosa elimu ya lishe bora kumemfanya amekuwa miongoni mwa waathirika wa lishe bora kutokana na ulaji wake kutozingatia virutubisho vinavyotakiwa.

   Maadhimisho haya pia yanaenda sambamba na miaka 75 ya shirika la chakula duniani FAO.

   Kwa mujibu wa Umoja wa mataifa zaidi ya nusu ya watu duniani hushiriki kuzalisha chakula, lakini chini ya nusu ya watu duniani hupata chakula bora.

6. 16 Oktoba 2020Yanga yamkaribisha Tanzania kocha Mrundi

   Timu ya soka nchini Tanzania Young Africans imemkaribisha kocha raia wa Burundi Kaze Cedric nchini Tanzania leo kwa ajili ya kuanza kuifunza timu hiyo.

   Young Africans imetoa taarifa hiyo kupitia ukurasa wa mtandao wake wa kijamii wa Twitter. Na Cedric Kaze alieleza kufurahishwa kwake na kazi mpya katika kikosi cha Yanga:

   Kaze anachukua nafasi ya mtangulizi wake Mserbia, Zlatko Krmpotic ambaye aliifunza timu hiyo kwa siku 37 pekee.

   Kaze anaanza kazi siku chache tu baada ya mchezaji wa Burundi Saido Ntibazonkiza kusajiriwa na timu ya Yanga wiki hii.

   Kaze mwenye umri wa miaka 40, ni miongoni mwa makocha Warundi wenye umri mdogo na ana kibali cha FIFA cha kuifunza timu ya daraja la kwanza.

   Zamani alikuwa mchezaji wa safu ya kati ya Prince Louis Rwagasore FC ya mjini Bujumbura, na baadaye akawa mkufunzi wake.

   Alionesha umahiri wa kazi hiyo alipokuwa mkufunzi wa Atletico Olympic FC iliyoshinda kombe la mashindano ya kitaifa ya soka nchini Burundi, na baadaye akawa kocha wa mwaka 2010/2011.

   Baadaye alikwenda nchini Rwanda ambako alikuwa mkufunzi wa timu ya Mukura VS (2013 - 2014) kabla ya kwenda kufundisha soka katika shule ya mpira wa miguu ya Canada Barcelone (FC Bescola Soccer School).

7. 16 Oktoba 2020Rusesabagina 'ameandika barua' kutoka jela

   Vincent Lurquin, wakili Mbelgiji amesema alipokuwa mjini Kigali alipata barua kutoka kwa Paul Rusesabagina inayosema kuwa mawakili anaowataka ni wawili , ambao ni miongoni mwa mawakili saba waliopangwa na familia yake.

   Mapema leo asubuhi ‘’shujaa huyo wa filamu ya Hoteli Rwanda’’ alikataliwa dhamana, na anashikiliwa katika gereza kuu la Kigali akisubiri kesi ya mashitaka ya ugaidi dhidi yake, ambayo hajayakubali bado.

   Bw Rusesabagina anasaidiwa na mawakili wawili wa Rwanda ambao waendesha mashitaka wa Rwandawalisema walichaguliwa na mshukiwa binafsi.

   Familia yake iliwakataa ikihoji uhuru wao.

   Katika kikao na waandishi wa habari kilichofanyika kwa njia ya video Alhamisi mawakili wawili kati ya saba waliopangwa na familia yake waliwaambia waandishi wa habari kuwa walipokuwa Kigali walizuiwa kumuona Bw Rusesabagina.

   Bw Lurquin alisema kuwa amekuwa wakili wa Bw Rusesabagina nchini Ubelgiji naalikuwa mjini Kigali kumuona mteja wake na kupata haki ya kumuwakilisha.

   “ Kwa miaka miwili iliyopitaUbelgiji imekuwa ikichunguza kesi dhidi ya Bw Rusesabagina, na nimekuwa wakili wake tangu wakati huo” - Bw Lurquin alisema.

   “Sioni ni kwanini Rwanda ilinizuwia kumuona na kumsaidia mteja wangu, raia wa Ubelgiji juu ya kesi ambayo ilianzia Ubelgiji.” Aliongeza.

   Wakati alipokuwa Kigali Bw Lurquin alisema kuwa alipata barua kutoka gerezani iliyoandikwa na Bw. Rusesabagina akiwakubali mawakili Gatera Gashabana, wakili anayeishi Rwanda Vincent Lurquin, kama mawakili aliowachagua binafsi kumuwakilisha katika kesi dhidi yake.

   Amesema kuwa katika kipindi cha wiki mbili atarejea Rwanda na timu ya mawakili kushinikiza haki ya kumuwakilisha mteja wake.

8. 16 Oktoba 2020Africa ‘haiwezi kuhimili’ wimbi la pili la virusi vya corona

   Shirika la afya duniani (WHO) limeonya kuwa Afrika haiwezi kuhimili wimbi la pili laCovid-19, likisema kuwa litakuwa na athari kubwa hususan za kiuchumi.

   Onyo hilo linatolewa wakati maambukizi yakiendelea kuongezeka katika nchi nyingi ambazo zililegeza sheria za kupambana na maambukizi hayo hivi karibuni.

   WHO linasema virusihavitaweza kudhibitiwakama mataifa ya Afrika yataendelea kufungua shughuli zakebila kuweka tahadhari za kuzuwia maambukizi ya virusi vya Corona.

   Imeonya pia juu ya kurejea kwa vipindi vya amri za kutotoka nje ambazo inasema Afrika haiwezi kuvihimili.

   Mkurugenzi wa Who kanda ya Afrika, Matshidiso Moeti, pia amesema hatua zimewekwa kuhakikisha bara hilo linapata sehemu yake ya ya chanjo yoyote inayotengenezwa.

   Afrika imeripoti zaidi yavisa milioni 1.6 vya virusi vya corona tangu mlipoko huo ulipoanza huku watu 39,000 wakifa kutokana na maradhi hayo.

9. 16 Oktoba 2020Maalim asimamishwa kufanya kampeni za urais Zanzibar

   Maelezo kuhusu taarifa

   • • Author, Aboubakar Famau
     • Nafasi, BBC News, Dar es Salaam

   Mgombea urais wa chama cha ACT Wazalendo kwa upande wa Zanzibar Maalim Seif Sharif Hamad amesimamishwa kufanya kampeni na Kamati ya maadili ya Tume ya Uchaguzi Zanzibar- ZEC kwa muda 5.

   Adhabu hiyo imetolewa jana jioni baada ya kamati hiyo kukaa na kusikiliza malalamiko yaliyo wasilishwa na Chama cha Demokrasia Makini ambapo imemtuhumu mwanasiasa huyo mkongwe kwa kuhamasisha watu kujitokeza na kupiga kura tarehe 27 ambayo kwa mujibu wa sheria imetengwa kwa watu maalumu.

   ACT Wazalendo kimeituhumu Tume ya uchaguzi ya Zanzibar kwa kuwa na upendeleo. Akizungumza na BBC Afisa wa habari na uenezi- Salim Bimani amesema:

   ‘’Tume ya uchaguzi ya Zanzibar ZEC inatumika na inatumika vibaya dhidi ya chama cha ACT Wazalendo, tuna ushahidi kwasababu masuala mengi ambayo tumekuwa tukiyadai, tukiyaeleza na kuyalalamikia tume hata siku moja haijapata kujibu, haijapata kutekeleza, taijapata kuwa wazi, kile kinachotakikana kwenye CCM ndicho wanachokifanya.

   Kuna mifano mingi kabisa kuwa ZEC imekuwa ikibeba upande mmoja na huu ndio ushahidi wa wazi.’’

   Matamko ambayo yanadaiwa kwenda kinyume na kanuni za uchaguzi za mwaka 2020.

   Hata hivyo, Mkurugenzi wa Uchaguzi Zanzibar Thabit Faina ameiambia BBC kwamba mgombea huyo wa ACT Wazalendo anaweza kukata rufaa.

   ACT Wazalendo wanafanya mkutano kujadili suala hilo leo

10. 16 Oktoba 2020Hujambo na karibu kwa matangazo yetu mubashara leo Ijumaa tarehe 16.10.2020