John Heche ataka Tundu Lissu aachiliwe bila masharti

Moja kwa moja

Mariam Mjahid & Rashid Abdallah

1. 9 Februari 2026Mshauri wa spika wa Iran:Trump na Netanyahu wanakutana kujadili kushambulia Iran, sio mazungumzo

   Wakati huo huo, Mshauri wa spika wa bunge la Iran anasema kuwa mada ya mkutano wa wiki hii kati ya Waziri Mkuu wa Israel na Rais wa Marekani itakuwa ni shambulizi dhidi ya Iran.

   Mehdi Mohammadi aliandika kwenye mtandao wa kijamii wa X: "Trump na Netanyahu watajadili "operesheni" na sio mazungumzo." Mshauri wa kimkakati Mohammad Baqer Qalibaf aliongeza kuwa "hakuna utata kuhusu hili."

   Ofisi ya Benjamin Netanyahu ilitangaza kwamba anapanga kukutana na Donald Trump huko Washington Jumatano ili kujadili mazungumzo na Iran.

   Wawakilishi wa Iran na Marekani walikutana tena mjini Muscat Ijumaa iliyopita, na upatanishi wa Oman, baada ya mapumziko ya miezi kadhaa.

   Awali Israel ilisema kuwa haina haja ya kufanya mazungumzo na utawala wa sasa wa Iran kwani nchi jirani zinataka mabadiliko ya uongozi.

   Soma pia:

   Iran ina nguvu kiasi gani?

   Kwa nini mazungumzo ya Iran na Marekani ni nyeti

   Je, mustakabali wa kiongozi wa Jamhuri ya Kiislamu ya Iran utakuwaje?

2. 9 Februari 2026Makubaliano yoyote kati ya Iran na Marekani hayana maana - Israel

   Waziri wa nishati wa Israel amesema kuwa makubaliano yanayoweza kufikiwa kati ya Washington na Tehran hayana maana yoyote.

   “Hakuna thamani yoyote katika kufanya makubaliano na utawala wa sasa. Mabadiliko ya utawala mjini Tehran yako katika maslahi ya nchi zote za Kiislamu zinazoizunguka Iran,” Eli Cohen aliliambia chombo cha habari cha Israel, Ynet, siku ya Jumapili.

   Bw. Cohen alisisitiza: “Hata kama makubaliano yatafikiwa, iwapo tishio litatokea dhidi ya Israel na tutalazimika kuchukua hatua, tutachukua hatua.”

   Wawakilishi wa Iran na Marekani walifanya mazungumzo yasiyo ya moja kwa moja mjini Muscat siku ya Ijumaa, yakisimamiwa na Oman.

   Muda na mahali pa mkutano unaofuata bado havijatangazwa.

   Baraza la mawaziri la usalama la Israel, ambalo Eli Cohen ni mjumbe wake, linatarajiwa kukutana leo.

   Waziri Mkuu wa Israel, Benjamin Netanyahu, anasafiri kwenda Washington siku ya Jumatano kwa ajili ya kuzungumza na Rais wa Marekani, Donald Trump, kuhusu mazungumzo na Iran.

   Soma zaidi:

   Khamenei amtaja Trump kuwa muongo kuhusu mradi wa nyuklia

   Mali za Iran zinazoshikiliwa katika nchi za Magharibi

3. 9 Februari 2026Hujambo na karibu katika matangazo yetu ya moja kwa moja ya tarehe 09/02/2026.