Iran yaapa kulipiza kisasi kufuatia mauaji ya kiongozi wa kisiasa wa Hamas Haniyeh

Moja kwa moja

Na Asha Juma ,Yusuf Jumah & Dinah Gahamanyi

1. 31 Julai 2024Maandamano yaendelea Venezuela huku hasira ikiongezeka kwa matokeo ya uchaguzi yenye utata

   Maandamano yaendelea katika mji mkuu wa Venezuela Caracas baada ya matokeo yenye utata ya uchaguzi wa rais nchini humo.

   Maelfu ya watu walikusanyika katikati mwa jiji ili kuonyesha upinzani wao dhidi ya madai ya ushindi wa Rais Nicolas Maduro.

   Wengi walisema hawatakoma hadi kuwe na serikali mpya, na wengine walisema hili litaafikiwa tu ikiwa vikosi vya usalama vitaungana na waandamanaji wa upinzani.

   Hata hivyo wanajeshi na polisi hadi sasa wamesalia watiifu kwa Bw Maduro na wamewafyatulia mabomu ya kutoa machozi na risasi za mpira baadhi ya waandamanaji.

   Maafisa wa eneo hilo wanasema karibu watu 750 wamekamatwa. Mashirika mawili maarufu yasiyo ya kiserikali nchini humo yanasema watu kadhaa wamefariki dunia na makumi ya wengine kujeruhiwa.

   Siku ya Jumanne waziri wa ulinzi wa Venezuela alielezea maandamano hayo kama "mapinduzi".

   Akiwa amezungukwa na wanajeshi wenye silaha, Jenerali Vladimir Padrino alisoma taarifa akisema kwamba "uaminifu" kwa Rais Nicolás Maduro uko imara "na uungwaji mkono usio na masharti" wa jeshi

   Mwanasheria mkuu wa Venezuela, ambaye ni mshirika wa karibu wa Bw Maduro, alisema mwanajeshi mmoja aliuawa katika maandamano ya kuipinga serikali.

   Kiongozi wa upinzani Maria Corina Machado alitaka maandamano yawe ya amani.

   "Lazima tuendelee kwa njia ya amani. Hatupaswi kutumbukia katika chokochoko ambazo serikali imetulenga. Wanataka kuwafanya Wavenezuela wakabiliane dhidi yao," alisema.

   "Mgombea wetu alipata 70% ya kura. Tuliunganisha nchi, Wavenezuela ambao wakati fulani walimwamini Maduro wako nasi leo."

   Mwandamanaji mmoja anayeipinga serikali ambaye hakutaka jina lake litajwe, aliambia BBC kwamba wameona ushahidi wa udanganyifu katika uchaguzi.

   Soma zaidi:

   Raia wa Venezuela wakabiliana na polisi baada ya matokeo ya uchaguzi yaliyokuwa na utata

   Nicolás Maduro: Kiongozi ambaye ameapa kushinda uchaguzi 'kwa njia yoyote ile'

   Maduro ashinda uchaguzi uliokumbwa na utata Venezuela

   Droni za kujihami: Iran yaisaidia Venezuela kumiliki silaha hizi

2. 31 Julai 2024Israel yadai kumuua kamanda mkuu wa Hezbollah katika shambulizi la Beirut

   Israeli inasema imemuua kamanda mkuu wa Hezbollah baada ya kufanya shambulizi katika kitongoji cha kusini mwa mji mkuu wa Lebanon, Beirut.

   Takriban mtu mmoja aliuawa na wengine kadhaa kujeruhiwa katika mlipuko uliotokea Dahiyeh, ngome ya kundi la waasi la Lebanon.

   Jeshi la Israeli linasema kuwa Fuad Shukr alikuwa akilengwa "kumalizwa kijasusi" na ndege za kivita.

   Maafisa wanasema alihusika na shambulio la roketi kwenye eneo la Milima ya Golan linalokaliwa na Israeli siku ya Jumamosi ambalo liliua watu 12, wengi wao wakiwa watoto. Hata hivyo, Hezbollah imekanusha kuhusika na shambulio hilo.

   Waziri Mkuu wa Lebanon Najib Mikati alilaani "uchokozi wa wazi wa Israel".

   Alieleza kuwa ni "kitendo cha uhalifu" katika "msururu wa operesheni kali zinazoua raia katika ukiukaji wa wazi wa sheria za kimataifa."

   Katika ujumbe uliwekwa kwenye mitandao ya kijamii baada ya shambulio hilo, Waziri wa Ulinzi wa Israel Yoav Gallant alisema: "Hezbollah ilivuka mstari mwekundu".

   Bado haijabainika iwapo Fuad Shukr aliuawa katika shambulio hilo. Vyanzo vya usalama mjini Beirut vinasema lengo lililokusudiwa halikuwa katika jengo hilo.

   Hezbollah bado haijatoa tamko lolote.

   Afisa mmoja wa Israeli ameithibitishia CBS News, mshirika wa BBC wa Marekani, kwamba Israeli ilitoa notisi kwa Marekani kuhusu shambulizi lake la Beirut.

   Tazama kilichotokea baada ya mlipuko

   Soma zaidi:

   Israel imethibitisha kufanya shambulizi la kulipiza kisasi nchini Lebanon

   Tazama video ya shambulio la Israel nchini Lebanon

   'Hezbollah ilivuka mstari mwekundu' - waziri wa ulinzi wa Israel

   Hezbollah ni nini huko Lebanon na itaingia vitani na Israeli?

   Tunachojua kuhusu kijiji cha Syria kinachoweza 'kuchochea vita kati ya Israel na Hezbollah'

3. 31 Julai 2024Bila shaka uko salama msomaji wetu, karibu katika matangazo yetu ya moja kwa moja ikiwa ni tarehe 31/07/2024