Wanajeshi walinda amani wa Tanzania wajeruhiwa katika mapigano na M23 DRC

Moja kwa moja

1. 9 Juni 2022Habari za hivi punde, Waingereza wawili na Mmorocco waliokamatwa na jeshi la Urusi wahukumiwa kifo

   Waingereza wawili na mwanamume mmoja wa Morocco waliokamatwa na vikosi vya Urusi nchini Ukraine wamehukumiwa kifo, shirika la habari linalomilikiwa na Urusi RIA Novosti linaripoti.

   Aiden Aslin, 28, kutoka Nottinghamshire, Shaun Pinner, 48, kutoka Bedfordshire, na mtu wa tatu, raia wa Morocco Saaudun Brahim, walifikishwa katika mahakama ya Jamhuri ya Watu wa Donetsk, ambayo inashikiliwa na waasi wanaoiunga mkono Urusi.

   Mahakama hiyo haitambuliki kimataifa.

   Wanaripotiwa kushtakiwa kwa kuwa mamluki.

   Lakini familia za wanaume wa Uingereza wanasema walikuwa katika jeshi la Ukraine.

   Wanaume wote wa Uingereza wanahudumia wanajeshi wa Ukraine na Uingereza imeweka wazi kuwa ni wafungwa wa vita wanaostahili kinga na hawapaswi kufunguliwa mashtaka kwa kushiriki katika mapigano.

   Telegram RIA News ilisema: ‘’Mahakama Kuu ya DPR ilitoa hukumu ya kwanza kwa mamluki- Mwingereza Aiden Aslin na Sean Pinner na Mmorocco Saadun Brahim walihukumiwa kifo, mwandishi wa RIA Novosti anaripoti kutoka chumba cha mahakama.’’

2. 9 Juni 2022Morocco yaripoti kisa cha kwanza cha ugonjwa wa Monkeypox

   Morocco imeripoti kisa chake cha kwanza cha ugonjwa wa monkeypox kilichothibitishwa, nchi ya kwanza isiyo na ugonjwa huo barani Afrika kufanya hivyo.

   Mtu aliyeambukizwa ana historia ya kusafiri kwenda Ufaransa na ametengwa, kulingana na Kituo cha Afrika cha Kudhibiti na Kuzuia Magonjwa (CDC).

   Mwishoni mwa Mei, kituo cha CDC Afrika kilisema wale ambao walipima virusi vya ugonjwa huo katika bara hilo hawakujulikana kuwa walisafiri nje ya nchi kabla ya kuambukizwa.

   Kunganisha usafiri hadi Ufaransa kuna hitaji uchunguzi wa kina zaidi na mpangilio katika bara hilo.

   Wakati wa mkutano wake wa kila wiki, Dk Ahmed Ogwell, kaimu mkuu wa Afrika CDC, alisema kuwa ingawa ugonjwa wa monkeypox unaenea kimataifa, uingiliaji kati wowote, na mipango yoyote ya kudhibiti virusi vya ugonjwa huo, inapaswa kuanza barani Afrika.

   ‘’Mahali pa kuanzia chanjo inapaswa kuwa Afrika na sio kwingineko,’’ alisema.

   Soma zaidi:

   Ufahamu ugonjwa hatari wa Monkeypox

   Monkeypox: Ugonjwa huu unaweza kuwa janga?

3. 9 Juni 2022Wakazi wa Afrika Kusini waambiwa ‘wasihofu’ juu ya harufu ya mayai yaliyooza mjini

   Mamlaka katika mji wa Johannesburg nchini Afrika Kusini imewaambia wakazi wasiwe na hofu kuhusu harufu mbaya ambayo imekuwa ikienea katika baadhi ya maeneo katika siku chache zilizopita.

   Harufu mbaya inayofananishwa na mayai yaliyooza, imechunguzwa na ripoti ikawasilishwa, diwani wa Johannesburg Michael Sun, ilituma ujumbe kwenye mtandao wa Twitter ambaye pia anawakilisha Idara ya Mazingira na Huduma za Miundombinu ya eneo hilo (EISD) kwenye kamati ya meya.

   ‘Harufu hiyo ilienea katika jiji lote lakini hilo halijumuishi uwezekano wa chanzo kuwa mjini Johannesburg,’’ tovuti ya The Citizen ya Afrika Kusini inamnukuu akisema.

   ‘’Katika hatua hii ninawaomba watu wa Johannesburg wasiwe na hofu. Ilihitimishwa na wachunguzi wa EISD kwamba jiji linaweza kushughulika na chanzo cha uchafuzi wa mazingira,’’ nukuu iliendelea.

   Bw Sun pia alisema harufu mbaya huenda ni tukio la ‘’muda mfupi’’ kulingana na hali ya hewa na ‘’kwamba ubora wa hewa huko Johannesburg unasalia katika viwango vinavyokubalika.’’

   Watu mtandaoni wamekuwa wakilalamika sana kuhusu harufu hiyo, wakiita ‘’mbaya sana’’, na ya ‘’ajabu’’.

4. 9 Juni 2022Habari za hivi punde, Urusi kuidhibiti miji ya Donbas na Lohansk hivi karibuni - Mjumbe wa Urusi UN

   Urusi itaidhibiti maeneo ya Donetsk na Luhansk nchini Ukraine hivi karibuni, balozi wa Moscow wa Umoja wa Mataifa Vassily Nebenzia ameambia kipindi cha Hardtalk cha BBC.

   Kama tulivyoripoti hapo awali, anasema Urusi inapiga hatua katika kanda hizo mbili, ambazo zinajumuisha Donbas.

5. 9 Juni 2022Silaha za masafa marefu ‘zinaweza kusaidia Ukraine kurudisha wanajeshi nyuma Severodonetsk’

   Mapigano yameongezeka huko Severodonetsk na Rais wa Ukraine Volodymyr Zelensky amesema vita katika mji huo vitaamua mustakabali wa eneo la Donbas.

   Serhiy Haidai, gavana wa eneo la Luhansk, alisema ikiwa nchi za Magharibi zitatoa silaha za masafa marefu, Ukraine itakuwa na nguvu inayohitaji kurudisha nyuma vikosi vya Urusi.

   Alisema ikiwa Ukraine itapata silaha za masafa marefu za Magharibi, Urusi ‘itapoteza kwa Magharibi, na watetezi wetu wataweza kusafisha Severodonetsk katika siku mbili hadi tatu’.

   Haidai aliongeza kuwa ‘kimya huko Severodonetsk hudumu tu wakati bunduki zinapakiwa tena’ na uhamishaji kutoka jiji ‘bado hauwezekani.’

   Soma zaidi:

   Je, Urusi inaiba nafaka kutoka Ukraine?

   Mamia ya miili yapatikana kwenye vifusi Mariupol

6. 9 Juni 2022Je, Urusi inaiba nafaka kutoka Ukraine?

   Tumekuwa tukiripoti kuhusu mgogoro wa nafaka uliosababishwa na vita nchini Ukraine katika siku chache zilizopita, ikiwa ni pamoja na madai kwamba Urusi imekuwa ikiiba - na kuuza nje - baadhi ya bidhaa.

   Moscow imekanusha madai hayo, lakini tatizo ni kwamba yalitoka kwa maafisa walioteuliwa na Urusi katika eneo la kusini mwa Ukraine linalokaliwa kwa mabavu.

   Hii ni juu ya madai - ambayo BBC haijaweza kuyathibitisha - na maafisa wa Ukraine ambao wameishutumu Urusi kwa kuiba takriban tani 600,000 za nafaka zake na kuuza nje baadhi yake.

   Yevgeny Balitsky, anayesimamia maeneo yanayoshikiliwa na Urusi katika eneo la Zaporizhzhia nchini Ukraine, alisema nafaka zimeondoka eneo hilo kwa treni za mizigo zikielekea Crimea - ambayo Urusi iliiteka mwaka 2014 - na, kutoka huko, Mashariki ya Kati.

   Soma zaidi:

   Mapigano ya Severodonetsk yataamua matokeo ya vita mashariki mwa Ukraine- Zelensky

   Mamia ya miili yapatikana kwenye vifusi Mariupol

7. 9 Juni 2022Mamia ya miili yapatikana kwenye vifusi Mariupol

   Mamia ya miili imepatikana kwenye vifusi vya majengo yaliyoharibiwa huko Mariupol, kulingana na mshauri wa meya wa jiji hilo.

   Petro Andryushchenko alizungumza kwenye ujumbe wa Telegramu kuhusu ‘’msafara usioisha wa vifo’’ katika jiji la bandari linalokaliwa, ambapo miili kati ya 50 na 100 kwa kila eneo la orofa inachukuliwa kutoka chini ya vifusi na kusafirishwa hadi kwenye vyumba vya kuhifadhia maiti au - kulingana na mahali miili hiyo iko. - kutupa taka.

   Katika chapisho hilo, lililochapishwa jana, alisema majengo takriban thuluthi mbili yamekaguliwa na wanajeshi waliovamia hadi sasa.

   Mwezi uliopita, mkuu wa Jamhuri ya Watu wa Donetsk kama inavyojiita alisema kuwa 60% ya majengo huko Mariupol yameharibiwa, ambayo 20% yao hayawezi kujengwa tena.

   Lakini katika chapisho la kufuatilia asubuhi ya leo, Andryuschenko anasema utafutaji katika wilaya ya Ukingo wa Kushoto imesitishwa, akisema: ‘’Wavamizi hatimaye wameanza kubomoa majumba na kukataa kutafuta miili ya waliouawa chini ya vifusi.’’

   Anasema haijajulikana kamwe ni wakazi wangapi wa Mariupol walikufa na bado wako chini ya vifusi - na watazikwa pamoja na takataka.

   ‘’Hakuna maneno. Hasira tu,’’ anasema.

   Soma zaidi:

   Mapigano ya Severodonetsk yataamua matokeo ya vita mashariki mwa Ukraine- Zelensky

   Vita vya Ukraine Jukumu la NATO katika vita vya Ukraine ni nini?

8. 9 Juni 2022Nigeria sasa yathibitisha watu 40 walifariki katika shambulio la kanisa Nigeria

   Takriban watu 40 waliuawa katika shambulio la Jumapili huko Owo katika jimbo la Ondo nchini Nigeria, gavana wa eneo Oluwarotimi Akeredolu sasa anasema.

   Hapo awali mamlaka ilikuwa imesema watu 22 walikufa.

   Katika taarifa yake, gavana huyo alisema kuwa watu 61 kwa sasa wamelazwa katika hospitali za karibu kwa matibabu na 26 wameruhusiwa. Kulikuwa na watu 127 kanisani wakati shambulio hilo lilipotokea, alisema.

   Aliongeza kuwa serikali itaanzisha uwanja wa kumbukumbu kuwakumbuka wahasiriwa wa shambulio hilo.

9. 9 Juni 2022Ukaguzi wa Kenya wapata watu 250,000 waliofariki kwenye sajili ya wapiga kura

   Tume ya Huru ya Uchaguzi Mipaka nchini Kenya (IEBC) inasema ukaguzi unaoendelea wa daftari la wapiga kura umepata majina ya karibu wapiga kura 250,000waliofariki kwenye sajili hiyo.

   Takriban wapiga kura nusu milioni walipatikana kuwa na rekodi mbili na zaidi ya watu 226,000 walisajiliwa kwa kutumia stakabadhi ambazo si zao.

   Wengine walikuwa wamejiandikisha na hati batili,

   Kwenye taarifa tume hiyo ya imesema hitilafu hizo zinazoathiri zaidi ya watu milioni moja.

   Mwenyekiti wa IEBC Wafula Chebukati alisema kutokana na hilo "utekelezaji wa matokeo ya awali ya ukaguzi" tume itachelewa kuidhinisha sajili ya mwisho ya wapiga kura..

   Awali tume hiyo ilisema ingechapisha sajili ya wapiga kura kabla ya Juni 9 lakini imesogeza mbele mpango huo hadi Juni 20 inapojaribu kushughulikia matokeo ya KPMG, kampuni iliyopewa kandarasi ya kufanya ukaguzi huo.

   Hitilafu ya uchaguzi katika chaguzi zilizopita nchini Kenya yamesababisha ghasia mbaya.

   Uchaguzi wa mwaka huu utafanyika tarehe 9 Agosti. Wagombea wanne wa urais wameidhinishwa kushiriki uchaguzi huo - David Mwaure, George Wajackoyah, Raila Odinga na William Ruto.

10. 9 Juni 2022Somalia: Usalama waimarishwa huku rais akitarajiwa kuapishwa

    Hali ya usalama imeimarishwa katika mji mkuu wa Somalia na maeneo yanayozingira Uwanja wa ndege wa Aden Adde , kabla ya kuapishwa kwa Rais wa Somalia Hassan Sheikh Mohamud siku ya Alhamisi.

    Barabara kuu mjini Mogadishu zimefungwa Jumatano huku polisi wakisambazwa kwa wingi na magari ya kijeshi yameoneka mitaani yakielekea katika kasri la rais.

    Mji ulikuwa chini ya amri ya kutotoka nje usiku.

    Viongozi wa Ethiopia, Kenya na Djibouti wanatarajiw akuhudhuria sherehe za kuapishwa kwa Rais Hassan Sheikh Mohamud.

    Kiongozi wa Djibouti Ismail Omar Guelleh na Rais wa Kenya Uhuru Kenyatta – ambaye uhusiano wa serikali yake na Somalia uliingia dosari wakati wa utawala wa rais anayeondoka madarakani Mohamed Abdullahi Farmajo – sasa anatarajia kurejesha uhusiano mpya na utawala mpya wa Somalia.

11. 9 Juni 2022Mshambuliaji wa Arsenal Lacazette ajiunga na Lyon

    Mshambulizi wa Arsenal Alexandre Lacazette amesajiliwa tena Lyon kwa uhamisho wa bila malipo - miaka mitano baada ya kuondoka na kujiunga na The Gunners kwa rekodi ya klabu wakati huo ya £46.5m.

    Lacazette anarejea katika klabu hiyo ya Ufaransa kwa mkataba wa miaka mitatu hadi Juni 2025.

    Mshambuliaji huyo wa Ufaransa alifunga mabao 54 katika mechi 158 za Ligi ya Primia akiwa na Arsenal na kusaidia The Gunners kushinda fainali ya Kombe la FA 2020.

    Akizungumza na Canal Plus mwezi Aprili, Lacazette alisema "hajawahi kukata mawasiliano" na klabu ya nyumbani ya Lyon.

    Lyon walisema "walijivunia sana na wana furaha sana" kutangaza kurejea kwa Lacazette katika klabu aliyojiunga nayo akiwa na umri wa miaka 12, na kuongeza kuwa mkataba "umekuwa kipaumbele cha klabu kwa miezi kadhaa".

    Lacazette, 31, alipanda timu za vijana huko Lyon na kufunga mabao 129 katika mechi 275 katika mashindano yote baada ya kuingia kwenye kikosi cha kwanza katika kampeni za 2009-10.

    Alisajiliwa na Arsene Wenger mwaka wa 2017 kwa mkataba huo - hadi £52.6m na nyongeza - kupita £42.4m Arsenal ililipa Real Madrid kwa Mesut Ozil mwaka 2013.

12. 9 Juni 2022Mtume Mohammad: Al-Qaeda yazungumza kwa mara ya kwanza kuhusu kutusiwa Mtume India

    Kikundi cha Al-Qaeda katika Asia Kusini kimetishia kufanya mashambulio dhidi ya India na kupiga mabomu. Kikundi hicho kimesema kitamlipua au kumuua yeyote anayemtusi Mtume Mohammad.

    Al-Qaeda imetoa tisho hilo kujibu matamshi yenye utata yaliyotolewa namsemaji wa zamani wa chama tawala cha India Bharatiya Janata Party (BJP) Bi Nupur Sharma na maafisa wengine wa ngazi ya juu kumuhusu Mtume Muhammad.

    Taarifa ya Al-Qaeda

    Al-Qaeda imetoa taarifa yake katika lugha za Urdu na Kiingereza, ambayo imetumwa kwenye intaneti, pamoja na mitandao ya kijamii kama vile , RocketChat and ChirpWire.

    Taarifa hiyo imewalenga watu wanaomtusi Mtume Mohammad na mke wake Aisha waliozungumza kwenye televisheni ya India.

    Imeandikwa : "Tutawauwa wale wanaozungumza dhidi yao, kama vile kuwatusi, hususan magaidi wanaounga mkono Wahindu wanaotawala India. Tutawaonesha kuwa wale ‘’wanaomtukana Mtume Mohammad hawatawahi kuonyeshwa " huruma. "Hawapaswi kutukanwa, wanaofanya hivyo watashugulikiwa vibaya. Mwisho wa ugaidi katika Mumbai, Delhi, Uttar Pradeshna Gujarat ni dhahiri. Hawatakuwa salama katika nyumba zao."

    Kikundi hicho kimejaribu kujieleza kama Waislam wanaoishi nchini India na walinzi wa Uislamu.

    Unaweza pia kusoma:

    • Mtume Muhammad: Mfahamu mwanamke wa India aliyemtusi Mtume Muhammad
    • Nabii Muhammad: Putin atuma ujumbe kwa India baada ya kumtusi Mtume Mohammad

13. 9 Juni 2022Wanajeshi walinda amani wa Tanzania wajeruhiwa katika mapigano na M23 DRC

    Jeshi la Jamuhuri ya Kidemokrasi ya Congo, FARDC, limetangaza kuwa wanajeshi watatu wa Tanzania wanaohudumu katika kikosi cha walinda amani cha Umoja wa Mataifa MONUSCO wamejeruhiwa wakati wapiganaji wa M23 waliposhambulia ngome yao iliyopo Rutshuru.

    MONUSCO imethibitisha kuwa wanajeshi wake watatu wamejeruhiwa na kupelekwa kutibiwa katika hospitali ya mjini Goma uliopo mashariki. Katika tangazo hilo jeshi la serikali ya Congo limesema mmoja wa wanajeshi hao amejeruhiwa vibaya.

    Kundi la M23 linasema kuwa majeshi ya FARDC na MONUSCO ndio waliokuwa wa kwanza kufanya mashambulizi dhidi yao katika ngome yao iliyopo katika eneo la Jomba Jumatatu.

    Hii inakuja wakati mapigano yakiendelea kwa siku ya nne mfulurizo kati ya pande hizo yaliyoibuka baada ya mapigano hayo kusitishwa kwa muda wa wiki mmoja- mapigano yanayoendelea katika eneo la Rutshuru katika eneo la Kivu ya Kaskazini.

    MONUSCO ilitangaza kuwa ipo katika mapigano ikilisaidia jeshi la Congo, FARDC linalopigana na wapiganaji wa M23.

    Tanzania ina wanajeshi zaidi ya 800 katika kikosi cha MONUSCO kinachohudumu Mashariki mwa DRC.

    Katika taarifa yake iliyotolewa Jumatano usiku, jeshi la DRC, FARDC linaishutumu Rwanda kutuma kikosi chake maalum cha wanajeshi 500 kuwasaidia wapiganaji wa M23, likisema kuwa walikuja wakiwa wamevalia mavazi yenye rangi ya kijani kibichi na nyeusi.

    Serikali ya Rwanda kwa upande wake imekuwa ikikana mara kwa mara kuwa inawasaidia M23, ikisisitiza kuwa tatizo lao liko ndani ya nchi yao wenyewe ya DRC.

    Kikundi cha M23 Jumatano pia kilitoa tangazo kikiishutumu serikali kwa ‘’kuchagua njia ya vita’’, kwa vikosi vyake kushirikiana na wanajeshi wa MONUSCO na wapiganaji wa kundi linaloshutumiwa na Rwanda kufanya mauaji ya kimbari ya mwaka 1994 la FDLR kuwashambulia.

    Tangazo hil la M23 linasema: “Kuchagua vita kwa serikali ya Congo badala ya kuchagua mazungumzo ya amani, ni tatizo katika kurejesha amani katika mashariki mwa DRC”.

    Wakati huo huo, jeshi la DRC- FARDC limetangaza kuwa maazimio ya kikao cha wakuu wa majeshi kilichofanyika Goma ya kubuni kikosi maalumu cha kupigana na makundi ya wanamgambo mashariki mwa Congo, yatawasilishwa mbele ya kikao cha wataalamu wa masuala ya kijeshi na wakuu wa majeshi kitakayofanyika kati ya tarehe 15 na 19 mwezi huu mjini Nairobi Kenya, kabla ya kuidhinishwa na marais wa Kanda.

    Unaweza pia kusoma:

    • Mzozo wa DRC na Rwanda : M23, majirani na bahati mbaya ya DRC
    • Rwanda: Hatuhusiki na mashambulizi ya M23 DRC
    • DR Congo: FARDC yaishtumu Rwanda kwa kuisaidia M23

14. 9 Juni 2022Bondia wa Afrika Kusini Simiso Buthelezi afariki katika pambano la ndondi

    Bondia wa Afrika Kusini Simiso Buthelezi amefariki dunia baada ya kuvuja damu kwenye ubongo kufuatia pambano la ndondi lililofanyika mwishoni mwa juma mjini Durban.

    Mchezaji huyo mwenye umri wa miaka 24 alipambana na mwenzake Siphesihle Mntungwa kuwania taji la WBF All Africa uzani mwepesi siku ya Jumapili, lakini pambano hilo la raundi 10 lilisitishwa na mwamuzi baada ya Buthelezi kuonekana kuwa kivuli cha mpinzani asiyeonekana.

    Picha za pambano hilo zilimuonyesha Mntungwa akianguka kupitia kamba na kisha, baada ya pambano hilo kuanza tena, Buthelezi alisonga mbele kuelekea kwenye kona tupu ambapo alianza kupiga ngumi.

    Mntungwa alitangazwa mshindi na baadaye Buthelezi alianguka na kukimbizwa hospitalini. Aliwekwa katika hali ya kukosa fahamu baada ya kugundulika alikuwa anavuja damu kwenye ubongo.

    Shirikisho la mchezo wa ndondi Afrika Kusini (BSA) lilithibitisha kuwa Buthelezi alifariki Jumanne jioni katika taarifa iliyotolewa kwa pamoja na familia ya bondia huyo.

    Buthelezi alitambuliwa kama "bondia mkubwa ambaye alikuwa mfano mzuri nje na ndani ya ulingo".

    BSA pia ilisema itafanya ukaguzi huru wa matibabu wa tukio hilo.

    "Katika hospitali Bw Buthelezi alipewa huduma bora zaidi lakini hata hivyo alifariki dunia," taarifa hiyo ilisema.

15. 9 Juni 2022Times: Vikosi vya NATO vinafanya zoezi kubwa zaidi la ulinzi wa anga

    Maelfu ya wanajeshi wa NATO wanashiriki katika zoezi kubwa kuwahi kutokea la kujaribu mifumo yao ya ulinzi wa anga na makombora huku kukiwa na hofu kwamba vita vya Ukraine vinaweza kuenea katika maeneo mengine, linaandika gazeti la Uingereza Times.

    Wakati ndege, zikichukua nafasi ya adui ndani ya mfumo wa mazoezi ya kijeshi, zilipokuwa zikiruka juu ya Poland na nchi za Baltic, mawaziri wa ulinzi wa NATO walijadili hali ya Ukraine huko Iceland.

    Akizungumza huko Reykjavik, Waziri wa Mambo ya Nje wa Iceland Thordis Gilfadottir aliwaambia wenzake kutoka nchi za Nordic, ikiwa ni pamoja na Uingereza, kwamba wanapaswa kuwa tayari kwa hali mbaya zaidi inapokuja suala la Urusi.

    Wanajeshi 3,000 wa NATO kutoka mataifa 17 Washirika wanashiriki katika zoezi la Urithi wa Ramstein nchini Poland, Lithuania, Latvia na Estonia kwa kutumia ndege, mifumo ya ulinzi wa makombora na mifumo ya vita vya kielektroniki.

    "Tishio la uvamizi wa kijeshi wa moja kwa moja dhidi ya nchi ya NATO haliwezi kupuuzwa tena," alisema.

    Jumla ya ndege 50 za kivita na ndege nyingine za kivita ziliruka kutoka kote Ulaya, na mifumo 17 ya ulinzi wa anga na makombora ya ardhini inahusika katika zoezi hilo.

    Maelezo zaidi:

    Vita vya Ukraine Jukumu la NATO katika vita vya Ukraine ni nini?

16. 9 Juni 2022Mapigano ya Severodonetsk yataamua matokeo ya vita mashariki mwa Ukraine- Zelensky

    Rais wa Ukraine Volodymyr Zelensky amesema kuwa mapigano katika mji wa Severodonetsk huenda yakaamua matokeo ya vita mashariki mwa nchi hiyo.

    "Kwa kila hali, hatima ya Donbas inaamuliwa huko," alisema wakati mapigano yakiendelea katika ukanda wa viwanda na vikosi vya Urusi na vile vya waasi wanaotaka kujitenga.

    Alisema wanajeshi wake wamewapatia hasara hasara kubwa kwa vikosi vya adui.

    Lakini vikosi vya Ukraine vimerudishwa nyuma hadi viungani, kulingana na afisa mkuu wa jimbo la Ukraine.

    Serhiy Haidai, gavana wa jimbo la Luhansk (ambalo linajumuisha Donbas na eneo Donetsk), amesema vikosi maalum vimerejea nyuma baada ya Urusi "kuanza kushambulia eneo hilo kwa makombora ya angani".

    "Vikosi [vyetu] sasa vimechukua tena udhibiti viungani mwa mji," aliambia vyombo vya habari vya ndani.

    "Lakini mapigano bado yanaendelea, [vikosi]vyetu vinalinda Severodonetsk."

    "Ni vigumu kusema kuwa Warusi wameudhibiti kabisa mji," aliongeza.

    Karibu raia 15,000 walisalia Severodonetsk na katika mji wa karibu wa Lysychansk, gavana alisema.

    Unaweza pia kusoma

    • YA MSINGI:Mzozo wa Ukraine: Kwanini Urusi inaivamia Ukraine na Putin anataka nini?
    • UFAFANUZI:Mzozo wa Ukraine: Swift ni nini na kwa nini kuipiga marufuku Urusi ni muhimu sana?
    • UCHAMBUZI:Mzozo wa Ukraine: Putin humsikiliza nani?
    • KWENYE RAMANI:Uvamizi wa Ukraine: Shambulio la Urusi kwenye ramani
    • ZELENSKY:Volodymyr Zelensky: Mfahamu rais wa Ukraine aliyeacha umaarufu wake wa TV na kuingia kwenye siasa
    • PUTIN:Vladimir Putin: Rais wa Urusi aliyeagiza shambulio Ukraine
    • SILAHA:Mzozo wa Ukraine:Makombora ya stinger na silaha nyingine kali zinazotumiwa Ukraine

17. 9 Juni 2022Karibu katika matangazo ya moja kwa moja leo Alhamisi 09.06.2022.