Mzozo wa Urusi: Ifahamu silaha hatari ya Harpoon inayotumwa na Denmark Ukraine

Ukraine inatumiwa silaha za hali ya juu zaidi ambazo zitaongeza nguvu yake ya mashambulizi kwa mara ya kwanza tangu vita hivyo kuanza, baada ya Denmark kuiahidi makombora ya kushambulia meli Harpoon yaliyotengenezwa na Marekani na mashine zaushia makombora

Silaha hizo zinaweza kutumika kusukuma jeshi la wanamaji la Urusi mbali na bandari za Bahari Nyeusi, ili kuruhusu mauzo ya nafaka na bidhaa za kilimo kuanza tena.

Ukraine imekuwa ikiomba silaha za hali ya juu zaidi kama vile ulinzi wa anga, makombora ya kukinga meli na roketi za masafa marefu, lakini hadi sasa misaada mingi imekuwa katika mifumo ya masafa mafupi kama vile silaha za kukabiliana na vifaru na mizinga.

Lakini Je Harpoon ni silaha ya aina gani?

Harpoon ni mojawapo ya silaha hatari ya kukabiliana na meli, yenye ufanisi mkubwa kuwahi kutengenezwa duniani.

Kulingana na mtandao wa Military Today, Kombora la kushambulia meli la Harpoon labda ndio silaha inayotumiwa sana Magharibi. Tangu ilipoanza kuundwa mwaka 1975, zaidi ya makombora 7,000 yamezalishwa kufikia sasa, yakiwekwa katika meli kote duniani. Mfumo huu wa silaha unaweza kutumika kwa kurushwa kutoka kwa ndege, lori, na nyambizi.

Ukweli usiojulikana sana juu ya kombora hili ni kwamba lilitengenezwa kama silaha dhidi ya manowari. Kwa uwezo wake wa kuteleza baharini , ilikusudiwa kuharibu boti za dizeli zinazochaji betri zao ardhini . Jina la mradi huo lilikuwa rejeleo la mpango huo, kwani manowari kwa kawaida huitwa "nyangumi" katika Jeshi la Wanamaji, na "Harpoon " hutumiwa kama kitenzi kuelezea kitendo cha kuzama.

Kwa nini Jeshi la Wanamaji la Marekani lilifikiri kuwa ni wazo halali, ni kitu kilichopotea katika historia, kwani karibu nyambizi zote za dizeli za USoviet wakati huo zilikuwa zikifanya kazi na wakati wote zilitumia snorkels kuchaji betri zao wakati wa vita kwa kusalia chini ya maji. Silaha hiyo ilitengenezwa hususan kutumika dhidi ya meli mara tu baada ya kuzamishwa kwa meli ya Istrael The destroyer Eilat na kombora la kukabilia ana meli la Urusi kwa jina termit 1967. Hatua hiyo iliishawishi Marekani kufikiria kwamba walihitaji kombora ambalo lingeshambulia meli.

Na ili kuokoa wakati na fedha , waliunda kombora la harpoon ili kulipatia jukumu hilo. Kombora hilo linauwezo wa kuteleza baharini na kulipuka kwa kiwango cha juu chini ya maji . Hutafuta machimbo yake kwa kutumia rada na punde linapofikia eneo lililolenga kushambulia hulipuka . Kombora hili linamiliki kichwa kizito chenye uzani wa kilo 691. Vilevile linaweza kusafiri kwa kasi ya kilomita 617 kwa saa mbali na urefu wa mila 4.6.

Harpoon imepitia hatua kadhaa za utengenezaji zinazojulikana kama Blocks. Muundo wa awali unajulikana kama Kitalu cha 1. Inapokaribia eneo la kushambulia, Vinusa vya Block 1 huongeza mwinuko kabla ya kupiga mbizi ghafla kwenye lengo lake. Block 1B iliondoa kipengele hiki, huku Block 1C iliifanya iwe ya hiari . Block 1D, ilikuwa na upeo ulioongezeka na uwezo wa kushambulia tena (yaani uwezo wa kushambulia tena ikiwa ulikosa mara ya kwanza).

Block 1G ni toleo lililoboreshwa la SLAM-ER linaloundwa na uwezo wa kushambulia tena na kulinganisha picha. Block 1J ni uboreshaji unaopendekezwa ili kufanya Harpoon iweze kushambulia nchi kavu na baharini, hivyo basi kuondoa hitaji la SLAM na harpoon ya kawaida.

Toleo la Block 2 ndilo jipya zaidi katika operesheni ya muundo wa silaha hiyo. Vipengele vipya ni pamoja na kuboreshwa kwa ulengaji bora. Inatarajiwa kuanza kutumika mwaka wa 2017, Harpoon kizazi kijacho ina ina safu iliyoboreshwa, kutokana na injini isiyotumia mafuta na vichwa vyepesi vya vita. Ni silaha inayopigania kutumiwa sana na wanamaji wa marekani hususana katika meli za kivita kama ile ya Freedom class.

Kwenye meli, Harpoon kawaida hurushwa kutoka kwa 'mikono ya pweza' ya meli

Harpoon ilihusika katika vita kwa mara ya kwanza mnamo 1980 katika Vita vya Iran-Iraq. Tangu wakati huo, imetumika pia katika migogoro ya US-Libya ya 1986, 1988 operesheni za Marekani katika Ghuba ya Uajemi, na mashambulizi kadhaa ya ajali.

Kwasasa, takriban mataifa 30 yanamiliki Harpoon,zikiwemo Australia, Korea Kusini, Kanada, Brazili, Saudi Arabia, Pakistani, Misri, Marekani, Taiwan, Ujerumani, Uturuki, Israel, India, Japan, na Uingereza.