Prince Philip: Kwa nini BBC huripoti habari za vifo vya baadhi ya watu wa familia ya Kifalme kwa kina?

Habari zinaonekana tofauti leo. Tovuti za BBC na taarifa za habari zinaangazia mada moja tu kwa kina, hakuna taarifa za mambo ya kimzaha au mepesi yanayoonekana au kusikika mahali popote, na sauti ya msomaji wa habari ina huzuni.

Mabadiliko haya yanatokea kwa sababu mshiriki mwandamizi wa familia ya kifalme ya Uingereza amefariki.

Ikiwa umekuwa ukitazama au kusoma habari leo utajua tayari kwamba ni mume wa Malkia, Prince Philip, mmoja wa washiriki wa kifalme wanne ambao kifo chake BBC inaripoti kwa njia hii.

Wengine ni Malkia Elizabeth II, mtoto wake na mrithi, Prince Charles (Mkuu wa Wales), na mtoto wake, na anayefuata urithi wa kiti cha ufalme , Prince William (Mtawala wa Cambridge).

Inaweza kuonekana kuwa BBC inachukulia kifo hiki kwa uzito zaidi kuliko mashirika mengine ya habari, kwa nini ni hivyo?Kwa nini vifo katika familia ya kifalme ni jambo kubwa sana kwa BBC?

Kwa nini vifo katika familia ya kifalme ni jambo kubwa sana kwa BBC?

Malkia Elizabeth II ndiye kiongozi wa kifalme aliyehudumu kwa muda mrefu zaidi nchini - amekaa kwenye kiti cha ufalme kwa miaka 69.

Yeye ndiye mkuu wa nchi ya Uingereza na nchi nyingine 15.

Yeye pia ni Mkuu wa Jumuiya ya Madola, muungano wa hiari wa nchi huru 54, karibu zote ambazo hapo awali zilikuwa chini ya utawala wa Uingereza. Ana maana kubwa kwa Umma wa Uingereza na zaidi.

Mtu katika familia ya kifalme Uingereza anapokufa, vyombo vya habari ulimwenguni huzingatia sana. BBC inafanya kila juhudi kupata matangazo yake sawa, na kwa sababu nzuri sana.

BBC haifadhiliwi na serikali ya Uingereza, lakini moja kwa moja na watu wa Uingereza kupitia njia ya ushuru inayoitwa ada ya leseni.

Njia hii ya ufadhili inataka kuhakikisha uhuru wa wahariri na habari kwenye shirika.

BBC lazima ioneshe thamani kwa walipa ada ya leseni, na maslahi ya umma katika familia ya kifalme yameoneshwa mfululizo kwa miaka mingi huko Uingereza.

Wakati mama wa Malkia Elizabeth - anayejulikana kama Mama Malkia - alipokufa mnamo 2002, zaidi ya waombolezaji 100,000 walipiga foleni kwa siku zaidi ya tatu wakati alikuwa amelala katika Jumba la Westminster ili kutazama mwili wake .

Inakadiriwa kuwa zaidi ya watu milioni moja walikuwa wamekaa msururu barabarani na milioni 10 walitazama kwenye runinga wakati jeneza lake lilipopelekwa mahali pake pa kupumzika huko Windsor. Vyombo vya habari vya ulimwengu viliangazia hafla hiyo kwa undani pia.

Labda hii haishangazi, kwani habari zinazohusu washiriki wa familia ya kifalme huonekana kuwa na thamani kubwa kustahili kupewa uzito katika nyanja ya utoaji habari ulimwenguni kote .Matukio mengine ya kifalme yamekuwa na wasikilizaji/wafuatiliaji wanaokadiriwa kuwa zaidi ya bilioni moja.

Kuieleza kwa urahisi zaidi ni kwamba habari hizo huwa kubwa na BBC huzichukulia hivyo.

"Masuala ya Kifalme yangali yanavutia watu kwa njia ambayo" mtu mashuhuri tu hawezi "hafanyi hivyo," anasema Mwandishi wa BBC kuhusu mambo ya Kifalme Jonny Dymond. "Ni vigumu kubainisha kwanini.

Lakini bado kuna kitu kwa watu wengi ambacho hufurahiya habari za familia za kifalme , hata ikiwa mioyoni mwao wanajua kuwa ni upuuzi kidogo katika nyakati hizi za kisasa."

BBC World Service inaweza kutegemewa kuwa sehemu ya kupata habari hizo wakati kama huu.

"Kifo cha mwanachama mwandamizi wa familia ya kifalme ni habari ya kufuatiliwa sana na watu kote ulimwenguni.

''Kama Shirika la Utangazaji la Uingereza, mamia ya mamilioni ya watazamaji, wasikilizaji na wasomaji ulimwenguni watakuja kwetu wakitarajia kuona undani wa kina zaidi wa habari za hafla kama hiyo, '' anasema Mdhibiti wa Habari za Lugha za WS Tarik Kafala.

BBC huripoti namna gani kifo cha mmoja wa wanafamilia wa Kifalme wa Uingereza?

Jambo la kwanza ambalo watazamaji wa BBC wanaweza kugundua ni kwamba waliona habari kwanza mahali pengine. Hii ni kwa sababu BBC hailengi kuwa ya kwanza kuripoti habari hii, lakini inataka kuhakikisha kuwa inaripoti kwa usahihi.

Ripoti inaweza kuonekana kama tangazo rasmi kuliko taarifa ya hivi punde. Mashirika mengine ya habari yanaweza kuwa na picha za kuvutia macho, lakini ripoti ya BBC inapaswa kuwa na kipimo chenye msisitizo wa kukumbuka maisha ambayo yametuacha.

BBC inaweza isiripoti habari nyingine mara tu baada ya kifo kutangazwa, na habari za ucheshi ama nyepesi zinaweza kuondolewa kutoka kwa tovuti na habari za runinga na redio.

Lakini chochote kingine unachoweza kuona kwenye ukurasa wa tovuti au kusikia kwenye matangazo, katika saa chache baada ya kutangazwa kwa kifo cha kifalme, itakuwa kama taarifa kuu za matangazo ya BBC .

Kwanini Mwanamfalme Philip alitazamwa kwa namna hii?

Ni kweli kwamba Prince Philip hakuwa kwenye mstari kurithi ufalme - ambao mtoto wake mkubwa yupo mstari wa mbele kuchukua - na hakuwahi kuwa na cheo cha mfalme.

Hiyo ni kwa sababu huko Uingereza, mwanamke anayeolewa na mfalme anaweza kutumia jina la kuitwa malkia, lakini wanaume ambao wanaoa katika familia ya kifalme hawawezi kutumia jina la mfalme.

Hii inaweza tu kutumiwa na watawala wa kiume.

Lakini amekuwa rafiki wa mara kwa mara wa Malkia Elizabeth tangu walipooana mnamo 20 Novemba 1947. Amekuwa mshirika wa kifalme aliyehudumu kwa muda mrefu katika historia ya Uingereza na jukumu lake la msingi lilikuwa kumsaidia.

Walikuwa timu kwa kiwango ambacho Malkia alikuwa akianza hotuba zake zote na "Mume wangu na mimi…".

"Kwa kweli, amekuwa nguvu yangu na msingi miaka yote," alisema kwa kusikitisha katika hotuba ya maadhimisho yao ya miaka 50 ya Harusi yao.

'Na mimi, na familia yake yote, na hii na nchi zingine nyingi, tuna deni lake zaidi kuliko atakavyodai, au tutajua milele. "

Je, dhana hii ya Umuhimu wake inastahili kuangaziwa hivi kwa kifo chake ?

"Huu ni ufalme wa mwisho kabisa wa ulimwengu na Philip - akiandamana na Malkia na kusafiri peke yake - ameona na kuonekana karibu kila kona ya ulimwengu," Dymond anasema.

"Yeye ni mtu mashuhuri ulimwenguni, na mmoja wa wakwanza."