Madaxweyne Farmaajo oo Itoobiya u safray

Tebin toos ah

1. 4 Oktoobar 2021Israail oo ku eedeysay Iiran inay ka dambeysay shirqool ka dhan ah maal-qabeen rer Israail ah

   Xafiiska Ra’iisul wasaaraha Israa’iil Naftali Bennett ayaa ku eedeeyay Iiraan inay ka dambaysay shirqool la sheegay in lagu doonayay in lagu khaarajiyo maal -qabeen u dhashay Israa’iil oo ku sugnaa Qubrus.

   Xafiiska Mr Bennet ayaa isku deyygan khaarijin ku tilmaamay mid argigixiso ah oo ay dowladda Iiran amarkeeda lahayd.

   Mr sagi ayaa loo sheegay in lagu raadjoogo saas awgeedna uu ka baxsaday dalka qubrus ka hor inta weerarka lagu qaadin, dowladda iiran ayaa eedeymahaasi ku tilmaamtay kuwo aan raad iyo sal ytoona lahayn. Dhacdadan ayaa la sheegay in loo qabatay nin kasoo jeeda dalka Azerbaijani balse watay basaboor rush waxaana lagu qabtay barstool aan dhawaaqeeda la maqlayn.

2. 4 Oktoobar 2021Hannaanka ay ku shaqeeyan barnaamijyada Shirkadda Facebook oo hawada ka maqan

   Waxaa hoos u dhacay dhamaan barnaamiyada Shirkadda Facebook ay leedahay, sida Whatsapp, Facebook iyo Instagram.

   Shirkadda Facebook ayaa sheegtay inay ka shaqeynayaan sidii dib ay hawada ugu soo celin lahayeen.

   whatsapp ayaa waxay qortay ‘’Waxaan la soconnaa in dadka qaar ay dhibaato kala kulmayaan barnaamijyada WhatsApp xilligan. Waxaan ka shaqeyneynaa inaan wax walba caadi ku soo celinno sida ugu dhaqsaha badan.

   Waad ku mahadsan tihiin dulqaadkiina’’

3. 4 Oktoobar 2021UN: Liibiya waxaa ka dhacay dambiyo ka dhan ah aadanaha

   Ergadii ugu horreysay ee xaqiiqo raadinta Qaramada Midoobay ee Liibiya ayaa Warbixinteeda kusoo gabagabeysay in xadgudubyada noqon kara dambiyo dagaal iyo dambiyo ka dhan ah aadanaha laga geysto dalka oo dhan.

   Warbixinta ayaa ku eedeysay dhammaan dhinacyada ku lugta leh colaada liibiya - oo ay ku jiraan waddamada dibadda iyo dagaalyahannada shisheeye inay geystan xadgudubyo.

   Warbixinta ayaa faahfaahinaysa sida skoolada, cisbitaallada iyo guryaha loo weeraray iyadoo kooxo hubaysan oo kala duwan ay u dagaallamayaan gacan ku haynta Libya. Warbixinta ayaa sidookale sharaxaysa sida qaxootiga iyo dadka magangalyo doonka iyaguna ay dhibana ugu yihiin tacadiyo iyo jirdil maalin walba loogu geysto xabiyada qarsoon ee liibiya.

4. 4 Oktoobar 2021Maxkamadda Boqortooyada ee dalka Urdun ayaa wax xaqiiqda ka fog ku tilmaantay eedeymaha loo jeediyay Boqor Abdullah

   Dokumentiyada qaabilsan maaliyadda ee lasoo dusiyay waxay muujinayaan qaabka qarsoodiga ah ee hantida uu uggu keydsaday dalka UK boqorka Urdun, taas oo ka badan 100 malyan oo doolar.

   Waxaa la ogaaday shirkado shisheeye oo ku yaalla British Virgin Islands iyo meelo kale in loolla baxsado canshuurta, taasoo uu adeegsaday boqorka Cabdullaahi II bin Al-Xuseen, si uu iibsado 15 guri, tan iyo markii uu xilka qabtay sanadkii 1989.

   Waxaana kamid ah hantidaas guryo ku yaalla deegaanka Malibu ee gobolka California, dalka Mareykanka oo ay ku baxday 50 Malyan oo lacagta giniga ah iyo guryo kale uu ka iibsaday London iyo deegaanka Ascot ee dalka UK.

   Maxkamadda Boqortooyada ee dalka Jordan ayaa wax xaqiiqda ka fog ku tilmaantay eedeymaha loo jeediyay Boqor Abdullah ee ku saabsan in qasri lagu qiimeeyay in ka badan 100 milyan oo doollar. War ka soo baxay maxkamadda ayaa lagu sheegay in hantida aan loo bandhigin bulshada sababo ammaan dartood.

5. 4 Oktoobar 2021Guddiga amniga Laascaanood oo sheegay inaanan lagala tashan masaafurinta dadka laga tarxiiley magaaladaasi

   Waxaa isa soo taraya tirada dadka laga masaafurinayo magaalada Laascaanood, iyadoo kuwii uggu danbeeyey ay gaareen deegaanka Xarfo, oo u dhaxeeya deegaanka Burtinle iyo magaalada Gaalkacyo ee Puntland.

   Dhanka kale, guddiga amniga ee magaalada Laascaanood, ayaa sheegay iney ka xun yihiin dadkaas dhawaan laga tarxiiley magaalada.

   Guddiga ayaa intaa ku darey inaanan lagala tashanin masaafurinta dadkii la dhoofiyey, oo badankood la sheegay iney kasoo jeedaan deegaanada Koonfur Galbeed ee Soomaaliya.

   Caaqil Ismaaciil Cali Axmed, oo ah guddoomiyaha guddiga amniga, ayaa carabka ku dhuftey in gobolka Sool ee magaalada Laascaanood, ay Soomaali oo dhan ku nooshahay, oo aaney jirin Soomaali Soomaali ka xigta.

   Caaqilka ayaa sidoo kale xusay in ciidamada Somaliland ay baabuurta dadka lagu daabulayey ku saartey dadkii ay tarxiishay qori caaraddiis.

6. 4 Oktoobar 2021Boqolaal muhaajiriin ah oo u tahriibayey Yurub oo lagu qabtey dalka Libya

   Shan boqol oo muhaajiriin ah, kuwaasoo isku dayayey iney galaan qaaradda Europe axaddii, ayaa waxaa qabtey ciidamada ilaalida xeebaha Libya, iyadoo ay wali socoto qabqabasho balaaran oo la xiriirta muhaajiriinta.

   Muhaajiriintan ayaa waxaa qabtey ciidamada ilaalada xeebaha ee dalka Libya, iyadoo la aaminsan yahay iney kusii jeedeen dhanka iyo Europe.

   Doon lagu ciriiriyey dad gaarayey shan boqol oo qof, iyo mid kale oo aheyd caag la buufiyey oo ay saarnaayeen konton qof, ayaa la qabtey, ka gadaal markii ay cilad ku timid matoorkeedii.

   Hey’adda qaxootiga u qaabilsan Qaramada Midooay, ayaa sheegtay in dadkii laqabtey ay intooda badan u kala dhasheen dalalka Bangladesh, Somalia, Sudan iyo Suriya.

   Tani ayaa timid maalmo kaidb, markii qof la diley, halka daraasiin kalana ay ku dhaawacmeen intii lagu guda jirey hawlgal booliis, taasoo laga fuliyey galbeedka Libya, goob caan ku ah dadka soo galootiga ee magan galya doonka ah. Kumanaan kun dad gaaraya ayaa lagu xirey hawlgalkan, illaa iyo intii uu bilawdey.

   Jimciyadda Quruumaha Kadhaxeysa, ayaa cambaareysay isticmaalista awoodda xad dhaafka ah, taasoo ka dhan aheyd dadka magan galyo doonka ah.

   Uggu yaraan 4,000 oo qof, ayaa illaa iyo haatan lagu xirey, hawlgalkii lagu sifeynayey inta badan goobaha sida Gargaresh, oo ku taalla magaalada caasimadda ee Tripoli.

   Wadankan ku yaalla waqooyiga Africa, ayaa waxaa kajira qalalaase illaa iyo sanadkii 2011-kii, iyadoo uu yahay goobaha ay inta badan dadka u tahriibaya Yurub ay sii maraan, kuwaasoo ka yimaada dalalka ka hooseeya Saxaraha, iyagoo naawilaya iney gaaraan qaaradda Europe.

7. 4 Oktoobar 2021Ra’iisal wasaare Rooble oo u amba baxey dalka Qadar

   Ra’iisal wasaaraha xukuumadda federaalka Soomaaliya, Maxamed Xuseen Rooble, ayaa u amba baxey dalka Qatar.

   Ra’iisal wasaare Rooble, ayaa ka helay casuumad rasmi ah amiirka Qadar, Sheikh Tamim bin Hamad Al Thani.

   Safarka ra’iisal wasaare Rooble, ayaa lagu micneeyey adkeynta xiriirka labadda dal ee walaalaha ah ee Soomaaliya iyo Qadar.

   Safarka ra’iisal wasaaraha ayaa kusoo beegmay maanta oo Isniin ah, iyadoo sidoo kale Madaxweynaha Soomaaliya Maxamed Cabdullaahi Farmaajo uu u amba baxey dalka Itoobiya.

8. 4 Oktoobar 2021Madaxweynaha Soomaaliya oo Addis Ababa kaga qeyb galaya caleema saarka ra'iisal wasaare Abiy Ahmed

   Madaxweynaha Soomaaliya Maxamed Cabdullaahi Farmaajo, ayaa gaarey magaalada Addis Ababa, oo uu kaga qeyb galayo caleema saarka xukuumadda cusub ee ra’iisal wasaare Abiy Ahmed ee dowlada Itoobiya.

   Farmaajo ayaa kamid ah madaxda lagu marti qaadey ka qeyb galka munaasabadda caleema saarka xukuumada cusub ee Itoobiya, iyadoo ay ku ququlayaan marti sharafka magaalada xarunta ah ee Addis Ababa.

   Madaxweynaha Farmaajo ayaa la filayaa in kulamo la qaato wufuudda ka socota dalalka ka qeyb galaya munaasabaddan, si arrimo badan oo Soomaaliya iyo dalalkaasi quseeya ugga wada xaajoodaan.

   Safarka ayaa madaxweynaha waxaa ku weheliya Wasiirka Wasaaradda Qorshaynta Mudane Jamaal Maxamed Xasan, Wasiirka Wasaaradda Gaashaandhigga Mudane Xasan Xuseen Xaaji iyo Agaasime Kuxigeenka Guud ee Madaxtooyada JFS Mudane Cabdi Nuur Maxamed Axmed.

   Xigasho: Villa Somalia

9. 4 Oktoobar 2021Nin sawir-gacmeed uu ku sheegay nabi Muxammad NNKH sameeyay oo shil gaari ku dhintay

   Farshaxaniiste u dhashey Sweden, oo sameeyey sawir gacmeed uu ku sheegay nabi Muxammad NNKH, ayaa ku geeriyoodey shil baabuur, sida ay sheegtay warbaahin maxalli ah.

   Lars Vilks, ayaa lagu soo waramayaa inuu la socday gaari ay leeyihiin booliiska, kaas oo ku dhacey baabuur weyn, meel u dhaw magaalada Markaryd, ee koonfurta Sweden.

   Laba sarkaal oo booliis ah, ayaa sidoo kale ku dhintey shilkaas, iyadoo darawalkii gaariga uu isaguna soo gaarey dhaawac.

   Vilks, oo ahaa 75 sano jir, waxaa ilaalo joogto ah u sameeyay, markii ay soo gaareen hanjabaado ah in la dilayo, ka gadaal markii uu sameeyey sawir gacmeedka.

   Sawir gacmeedka, ayaa la daabacey sannadkii 2007-dii, taas oo ay u arkeen Muslim badan inay tahay danbi iyo meel ka dhac tahay, in sawir toos ah laga sameeyo nabi Maxamad NNKH.

   Sidoo kale, tani ayaa ku soo beegantay markii farshaxaniiste kale oo u dhashey Denmark, oo isna sawiray wax uu ku sheegay nabi Muxammad NNKH.

   Booliiska ma aysan soo saarin aqoonsiga dadkii ku dhintey shilkii baabuur ee dhacey axaddii, laakiin lamaanaha ama xaaska Vilks, ayaa u xaqiijisay geerida wargeyska Dagens Nyheter.

   War uu soo saarey booliiska, ayaa lagu sheegay in aaney wali cadeyn sida uu u dhacey is jiirista baabuurta, balse ma jirto wax tilmaamaya in shilkani ay ku lug leeyihiin dad kale.

10. 4 Oktoobar 2021Kooxo mucaarad ah oo dad ku afduubtey galbeedka Itoobiya

    Koox mucaarad ah oo Itoobiyaana, ayaa afduubtey uggu yaraan 145 qof oo rayid ah, gobolka galbeedka ee Beninshangul-Gumuz.

    Afduubkan ayaa yimid ka gadaal markii halkaasi uu dagaal culus ku dhex marey ciidanka ammaanka iyo dagaal yahano mucaarad ah, iyadoo markaasi ay barakaceen dad kumanaan gaaraya.

    Guddiga ay magacawday dowladda ee qaabilsan xuquuqda aadanaha, ayaa sheegay in kooxda isku magacawdey dhaq dhaqaaqa dimuqraadiyada dadka Gumuz, ay ka afduubeen dad rayid ah goobta la yiraahdo Sedal.

    Dagaalka ayaa waxa uu dhex marey ciidamada gobolka ee ammaanka iyo kooxda mucaaradka, isagoo socdey muddo, wuxuuna soo gaarey illaa iyo axaddii ina dhaaftey

    Dadka barakacey ayaa u baahan gargaar degdega, iyadoo ayjiraan caqabado badan, sidaasi waxaa qorey guddiga iyo warbaahinta maxaliga.

    Gobolka Beninshangul-Gumuz ayaa waxaa ku yaalla biyo xireenka weyn ee Itoobiya, iyadoo ay hala keeyeen dagaallo dhex maraya ciidamo ammaanka iyo dagaal yahanada mucaarad oo iska soo hojeeda sanadihii uggu danbeeyey.

11. 4 Oktoobar 2021Taiwan oo uggu deeqday qalabka naqaska Somaliland

    Taiwan ayaa uggu deeqday qalabka naqaska dadka ka kaalmeeya jamhuuriyadda iskeed uggu dhawaaqdey madax banaanida ee Somaliland, si loogga caawiyo la dagaalanka cudurka safmarka ee Covid19, sidaasi waxaa laga soo xigtey warbaahin iyo ilo diblomaasiyadeed.

    Matooro ay sameeyeen Taiwan, ayaa lagula wareejiyey wasaaradda caafimaadka magaalada Hargeysa 3-dii bishan ee October.

    Taiwan ayaa kal hore uggu deeqday Afxirisyada, mashiinada naqaska dadka ka caawiya, dawada gacmaha la isaga masaxo iyo waxyaabo kale oo lagula dagaalo cudurka Covid19.

    Labada maamul oo aaney aqoonsan hey’adda Qaramada Midoobay, ayaa ku heshiiyey bishii July sanadkii 2020-ka iney sameystaan xiriir saaxiibtinimo, si ay u wadaagaan qiyamka guud iyo xoriyadda, taasoo ka careysiineysa Shiinaha, oo u arka Taiwan gobol falaaga ah.

12. 4 Oktoobar 2021Kuraasta uggu danbeysa aqalka sare ee HirShabelle oo maanta lagu tartamayo

    Magaalada Jowhar ee xarunta maamulka Hirsahbeelle, ayaa waxaa maanta ka dhacaya doorashada labo kursi, oo kamid ah Aqalka Sare ee Barlamaanka Federaalka, kuwaasoo horey dibu dhac ugu yimid doorashadooda.

    Labada kursi mid kamid ah, ayaa doorashadiisa la qabtey 18-kii bishii September, balse markii lagu dhawaaqi lahaa natiijada wareega koowaad qalalaase iyo buuq uu hareeyay.

    Xildhibaannada codeynayey ayaa qaarkood waxey saluugeen qaabka tirinta codadka, taasoo keentay in la joojiyo doorashada, muddana ay qaadato xalinta khilaafka ka dhashey tartanka kursigaasi.

    Kursigaasi waxa maanta ku tartamaya saddex murashax, oo u gudbay habeenkii qalalaasuhu dhacay wareega labaad, kuwaasoo kala ah Cabdulqaadir Xanafi Sheekh Bashiir, Cali Shacbaan Ibraahim iyo Cabdalla Cabdi Xuseen.

    Kursiga ugu dambeeya ee sideeda kursi ee Hirshabeelle ku leedahay Aqalka Sare, waxaa ku tartami doona maanta Naciimo Ibraahim Yuusuf iyo Samsam Cabdillaahi Axmed.

13. 4 Oktoobar 2021Abiy Ahmed oo loo dhaariyey ra’iisal wasaaraha Itoobiya

    Abiy Ahmed, ayaa mar kale loo dhaariyey ra’iisal wasaaraha Itoobiya shanta sano ee soo socota, doorasho in mudda ah soo jiitantey natiijadeedana dhawaan lasoo saarey.

    Ra’iisal wasaaraha, ayaa dhaarintiisa kadib, lagu wadaa inuu soo dhiso gole wasiiro oo cusub, ka gadaal markii ay dhacdey doorasho la isku khilaafey bishii June ee ina dhaaftey.

    Xisbiga Barwaaqo ee Ra’iisal Wasaare Abiy Ahmed, ayaa ku guuleystay aqlabiyadda doorashada baarlamaanka, taasoo u gogol xaartey in dib loo doorto.

    Xubnaha uu ka koobnaan doono Golaha Wasiirada, ayaa la rajeynayaa iney ka turjumi doonto, halka ay dowladda cusub ka istaagi doonto dagaalka ka socda gobolka Tigreega.

    Xubnaha qaar ee mucaaradka, ayaa la filayaa iney qeyb ka noqdaan xilalka Golaha Wasiirada ee cusub.

    Baarlamaanka ayaa furmey, iyadoo maantaba ay sameeyeen dhaarinta Guddoomiyaha Golaha Baarlamaanka, Ra’iisal Wasaaraha iyo Guddoomiyaha Aqalka Saraba.

14. 4 Oktoobar 2021Dhibaatada shaqaale yaraanta UK maxaa lagu tilmaami karaa?

    Ra’iisal wasaaraha Britain, ayaa difaacey siyaasaddiisa ku aadan soo galootiga, iyadoo ay sii kordhayso gabaabsiga la xiriira shaqaale xirfad leh, oo ka hawl gali kara qeybaha kala duwan kaabi kara dhaqaalaha dalkaas.

    Boris Johnson, ayaa sheegay inaaney jirin meel looggu noqdo waxa uu uggu yeeray siyaasadihii ahaan jiray muhaajiriin aan xakameysneyn, markaasoo Ingiriisku uu xubin ka ahaa Midowga Yurub.

    Wuxuu qirey in covid-19 uu s ba'an u saameyay qyabo kala duwan isla markaana uu sababay gabaabsiga shaqalaaha illaa iyo inta laga gaarayo dhamaadka sanadkan, laakiin wuxuu ku adkeystay in Ingiriisku ay tahay inuu maal galiyo shaqaale cusub.

    Arrintaan ayuuku tilmaamey iney aheyd wixii ay u codeeyeen dadka reer Britain, markii ay dhiibteen codkooda sanadihii 2016-kii iyo 2019-kii. Waxaan umurtaasi ka wareysanay Maxamed hareeri oo falanqeeya arrimaha siyaasada iyo dhaqaalaha Yurub wuxuu u Waramay Wariyaha BBC-da Xasan Cali Geelle.

15. 4 Oktoobar 2021Madaxweyne Farmaajo oo Itoobiya u safray

    Madaxweynaha Soomaaliya, Maxamed Cabdullaahi Farmaajo ayaa u safray dalka Itoobiya halkaas oo uu kaga qeybgalayo munsaabadda dhaarinta Abiy Axmed oo shan sano oo kale Ra’iisul Wasaare ka sii ahaan doono dalkaas.

    Doorashada Itoobiya ka dhacday ayaa ahayd mid uu muran badan ka dhashay waxaana qaadacay asxaabta siyaasadda, taas oo guul wayn siiyay xisbiga PP ee Abiy uu hoggaaminayo.