Muxuu ku saabsan yahay safarka Madaxweyne Xasan ee Norway?

Ku soo dhowaada tebinta tooska ah.

Kooban

Ten Hag oo sii ahaanaya maamulaha Man Utd
Ururro caalami ah oo ku baaqay joojinta mamnuucidda xijaabka ee orod-yahannada Faransiiska
Mareykanka oo soo jeediyay qorshe kale haddii uu fashilmo qaraarka xabbad-joojinta Gaza
Dalal badan oo Yurub ku yaalla oo qaati ka taagan kaneecada

Tebin toos ah

Fatuma Maalim

10 Juunyo 2024Sacuudiga ayaa ganaaxaya dadka jabiyo qeynuuanda xajka
Xigashada Sawirka, Reuters
Ganaax iyo ciqaab ayaa la saarayaa dadka ku xadgudbaya nidaamka xajka sida ay sheegtay dowladda Sacuudiga.
Wasaaradda arrimaha gudaha ayaa bilowday in ay hirgeliso qeynuuno la xiriira xadgudubka xajka iyo awaamiirtiisa. Waa olole soconaya laga soo bilaabo labadii bishan ilaa iyo 20-ka bishan June.
Dadka aan haysan ogolaashaha xajka ee lagu arko magaalada Makah, gobolka bartamaha iyo goobaha barakeysan ayaa ka mid ah dadka uu saameynayo xeerkan. Sidoo kale waxaa ku jira kuwa geynaya xujeyda ee aan haysan ogolaasho ay dadk ku geeyaan.
Wasaaradda arrimaha gudaha Sacuudiga ayaa ugu baaqday dhammaan muwaadiniinta iyo dadka kale ee yimid dalka in ay u hoggaansamaan qeynuunada iyo awaamiirta Xajka
10 Juunyo 2024Diyaarad uu la socday madaxweyne ku xigeenka Malawi ayaa la la’yahay
Waxaa socda baadigoobka diyaarad la waayay uu la socday madaxweyne ku xigeenka dalka Malawi Saulos Chilima.
Diyaaradda ayaa radaarka laga waayay tobankii subaxnimo waqtiga dalkaasi, ilaa markaa kaddibna waa la la’aa.
Warsaxaafadeed dowladda Malawi ay soo saartay ayaa lagu sheegay in diyaaradda oo aheyd tan ciidamada dalka oo ay la socdeen madaxweyne ku xigeenka iyo sagaal kale aysan imaan garoonka caalamiga Mzuzu.
Madaxweynaha ayaa joojiyay safar uu ku tagi lahaa jasiiradaha Bahamas, waxa uuna dalbaday in ha’yadaha gobolka iyo kuwa caalamiga ay sameeyaan howlo baaris iyo samatabixin degdeg ah si loo helo diyaaradda
10 Juunyo 2024Khilaafka Qaramada Midoobay iyo Israel ayaa sii xoogeystay
Xigashada Sawirka, EPA
Khilaafka u dhexeeya Israel iyo Qaramada Midoobay ayaa sii xogeystay kaddib markii militeriga Israel ay Qaramada Midoobay ku dartay liiska kuwa ku xadgudubo carruurta.
Ergeyga Israel ee Q.M. ayaa si qarsoodi ah bannaanka u soo dhigay warkan ka hor inta aan golaha ammaanka liiskan la horgeyn.
Ra’iisulwasaaraha Israel, Benjamin Netanyahu, wuxuu sheegay in Qaramada Midoobay ay tahay mid khiyaali ku jirta. Afhayeen u hadlay xoghayaha guud ee Qaramada Midoobay ayaa sheegay in ujeedka ka dambeeya warbixintan ay tahay mid hufan oo si fiican looga shaqeeyay.
Xadgudubyada waxaa ku jira iskuullo iyo isbitaallo la weeraray iyo gargaar la horistaagay. Afhayeenka sidoo kale wuxuu dhaliilay ergeyga Israel ee warbixinta sida qarsoodiga ah ku bixiyay. Wuxuu ku tilmaamay wax laga naxa oo aan la aqbali Karin.
Dhanka kale xoghayaha arrimaha dibadda Mareykanka, Anthony Blinken, ayaa ka tagay Qaahira maanta. Waxay aheyd booqasho sideed maalmood uu gobolka ku marayay taas oo looga doodayay xabad joojin ka hirgasha Gaza.
Shir jaraa’id uu qabtay Kaddib kulanka uu la yeeshay madaxweyne Cabdulfitax El-sisi, waxa uu ugu baaqay dowladaha Carabta in ay cadaadis saaraan Xamaas
10 Juunyo 2024In ka badan 80 qof oo lagu dilay bariga Congo
Xigashada Sawirka, Reuters
Tirada dhimashada ayaa gaareysa 41 kaddib weerarkii ay xagjiriinta jimcihii ku soo qaadeen tuulooyin ku yaal bariga Jamhuuriyadda Dimuqraadiga Congo sidaasina waxa sheegay afhayeen u hadlay ciidamada Congo.
Tirada guud ee lagu dilay gobolka ilaa iyo talaadadii ayaa ka dhigeysa in ay gaarto 80 qof.
Afhayeenka militeriga gobolka waqooyiga ee Congo Mak Hazukay ayaa sheegay in weeraradii jimcihii ee tuulooyinka Masala, Mapasana iyo Mahini ay fuliyeen xubno ka tirsan ciidamada Isbahaysiga dimuqraadiga ee ADF.
ADF oo xaruntooda ay tahay bariga Congo waxay sheegeen in ay isbahaysi la yihiin kooxda la baxday Dowladda Islaamka, waxayna fuliyeen weeraro joogto ah iyagoo xasiloonidarro ka abuuray gobolka oo kooxo badan oo xagjiriin ah ka dagallamaan.
Kooxda ayaa ka soo jeeda dalka dariska la ah ee Uganda, waxaana la rumeysan yahay in ay ka dambeeyeen dhowr weerar oo ka dhacay gobolka oo ay ku jiraan kan tuulada Masawau halkaasi oo 17 qof lagu dilay.
10 Juunyo 2024Isbitaalkii ugu dambeeyay magaalada El-fasher Sudan oo la xiray
Xigashada Sawirka, Reuters
Dhakhaatiirta mid ka mid ah isbitaalada magaalada hareereysan El-fasher ee Sudan ayaa sheegay in lagu qasbay in ay xiraan isbitaalka ka hor inta aan la weerarin.
Hay’adda MSF ayaa gacanta ku haysay isbitaalka, wuxuuna ahaa sida hay’adda sheegtay isbitaalka kaliya ee magaalada ka shaqeynaya ee la keeno dhaawacayada.
Dhowr maalmood ayaa la sheegayay in isbitaalka ay ku soo dhacayeen madaafiic sababay dhaawac iyo dhimasho. Goobjoogayaal ayaa sheegay in ciidamo ka tirsan askarta RSF ay soo galeen magaalada.
Sabatigii isbitaalka ayey rasaas ku fureen, waxayna bililiqeysteen daawo, qalab caafimaad iyo gaari kuwa gurmad degdegga. Sidoo kale waxay weerareen shaqaalaha isbitaalka.
“Dagaalka dartiisa shaqaalaheena ma aysan awoodin in ay cadeeyaan dhimashada iyo dhaawaca”.
Hay’adda MSF waxay sheegtay in hadda isbitaalka u xiran yahay maadama uu dagaalka ku soo dhawaaday.
Ciidamada dowladda Sudan waxay dagaal kula jireen sanadkii la soo dhaafay kuwa RSF, waxaana sidoo kale lagu eedeeyay xadgudubyo baahsan
10 Juunyo 2024Maalinta kama dambeysta ah ee ay Xujeyda ku tegi karaan Sacuudiga oo la gaaray
Xigashada Sawirka, SNTV
Maanta oo ah Isniin waa maalintii ugu dambeysay ee dowladda Sacuudiga ay u asteysay maalinta ugu dambeysay ee Xujeydu ay uga imaanayaan dunida ayna tagayaan dalkaas si ay u gutaan waajibaadka Xajka ee sanadkan.
Maanta saqda dhexe 12:00, Isniin xilliga Sacuudiga, ayay dowladdu sheegtay inay xirmi doonaan lixda garoon ee dalkaas.
Arrintan ayaa waxay ku qasbeysaa dalalka ay tirada ugu badan ee Xujeydu ka imaaneyso inay soo dhammeystiraan safarka Xujeyda kahor muddada kama dambeysta ah.
Garoomaha sanadkan loo qoondeeyay inay Xujeyda kusoo degaan ayaa ku kala yaalla magaalooyinka Riyadh, Jeddah, Medina, Dammam, Taif, iyo Yanbu'u.
10 Juunyo 2024Xubin sare oo ka tirsanaa Golaha Dagaalka Israa'iil oo is casilay
Xigashada Sawirka, Reuters
Wasiirkii Golaha Dagaalka Israa'iil Benny Gantz ayaa isaga tegay dowladda degdegga ah iyadoo ay tan muujineyso kala qeybsanaan baahsan oo ay sababeen qorsheyaasha kadib dagaalka Gaza ee Raysal Wasaare Benjamin Netanyahu.
Mar uu ka hadlayay shir jaraa'id oo uu ku qabtay magaalada Talaabiib oo uu shalay kaga dhawaaqay is casilaaddiisa, ayaa Mr Gantz wuxuu ku sheegay in go'aankiisa uu gaaray uu ahaa mid aad ugu adag.
"Nasiib darro, Mr Netanyahu wuxuu naga hor istaagayaa gaaridda guusha dhabta ah, taasoo ah marmarsiyada xasaradda xanuunka badan ee socota," ayuu yiri.
Gantz oo ay dadka qaar u arkaan mid loollan adag ugu jira awoodda Israa'iil, ayaa ugu baaqay Mr Netanyahu inuu muddo u qabto doorashada.
Mr Netanyahu ayaa ku jawaabay bartiisa X: “Benny, tani maaha waqtigii laga bixi lahaa lolaha, tani waa waqtigii lagu biiri lahaa ciidamada."
Mr Gantz ayaa mucaarad siyaasadeed ku ah Mr Netanyahu wuxuuna hore uga tirsanaa Ciidamada Difaaca Israa'iil (IDF).
10 Juunyo 2024Muxuu ku saabsan yahay safarka Madaxweyne Xasan ee Norway?
Xigashada Sawirka, SNTV
Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ayaa gaaray magaalada Oslo ee caasimadda Norway, halkaas oo si diirran loogu soo dhaweeyey.
Madaxweynaha iyo wafdigiisa ayaa waxaa u bilaabatay booqasho shaqo oo saddex maalmood qaadaneysa.
Sida ay baahisay warbaahinta qaranka, madaxweynaha ayaa wadahallo laba geesood ah la yeelanaya Ra'iisul Wasaaraha Norway si loo xoojiyo xiriirka istiraatiijiyadeed ee labada dal. Sidoo kale Madaxweynaha ayaa la kulmi doono Jaaliyadda Soomaaliyeed ee dalka Norway.