TOOS, Trump: Haddii xadgudubyada xabbad joojinta ay sii socdaan, Jamhuuriyadda Islaamiga ah ma sii jiri doonto

Tebin toos ah

1. 5 Daqiiqadood ka horKuwait oo cambaaraysay weerarada Iran ee dalkeeda

   Wasaaradda Arrimaha Dibadda Kuwait ayaa si kulul u cambaareysay weerarka cusub ee Iran, iyadoo ku tilmaantay mid xadgudub cad ku ah madax banaanida dalkeeda.

   Saacado ka hor, Ilaalada Kacaanka ayaa sheegay in iyaga oo ka aargoosanaya weerarkii “shanta saldhig ee xeebta” ay la beegsadeen gantaallo iyo diyaaradaha aan duuliyaha lahayn ee Mareykanka saldhigyada Kuweyt oo uu ku jiro saldhigga Cali Al-Salem.

   Wasaaradda arrimaha dibadda Kuwait ayaa bayaan ay soo saartay ku tiri: “Dowladda Kuwait waxa ay cambaareyneysaa oo ay si adag u cambaareyneysaa xadgudubka soo noqnoqday ee Iran ay ku qaaday Kuwait Sabtidii”.

2. 28 Daqiiqadood ka horSideed isaga ilaalin kartaa in lagaa jabsado WhatsApp-kaaga?

   

   Xigashada Sawirka, .

   Burcadda Internet-ka ayaa weli sii wada inay beegsadaan dadka isticmaala WhatsApp-ka ayna afduubtaan akoonnadooda, iyaga oo iska dhigaya saaxiib kuna weydiinaya nambarrada sirta.

   Arrintan sanado ayay jirtay balse weli way sii wadaan inay dadka siraan, iyadoo dhibbanayaashu ay baraha bulshada ku wadaagayaan sheekooyinkooda.

   Faahfaahinta ku dhufo lifaaqa hoose

   Sideed isaga ilaalin kartaa in lagaa jabsado WhatsApp-kaaga?

3. 52 Daqiiqadood ka horIran oo ku tilmaantay weerarrada Mareykanka "xadgudub qaawan" oo lagu sameeyay heshiiska

   Wasaaradda Arrimaha Dibadda Iran ayaa soo saartay bayaan ay ku sheegtay in weerarrada Maraykanku ay yihiin “xadgudub cad” oo ka dhan ah is-afgaradkii labada dal ee lagu soo afjarayay dagaalka, isla markaana ay adkeeyeen “xaqa ay u leeyihiin difaaca madax-bannaanida dalka.”

   Wasaaraddu waxay bayaankeeda ku sheegtay in Iran ay “muujinayso go’aankeeda adag ee ay ku difaacayso madax-bannaanida iyo midnimada dhuleed ee dalka.”

   Iyadoo cambaareyneysa duqeymaha cirka ee Maraykanku fuliyay aroornimadii Axadda, 27-ka July, Wasaaradda Arrimaha Dibadda ee Iran ayaa tiri: “Maraykanku wax qiime ama kalsooni ah ma siiyo ballanqaadyadiisa, jebinta heshiisyaduna waa dabeecadda nidaamkan.”

4. Saacad ka horTirada dhimashada dhul-gariirka Venezuela oo korodhay

   

   Xigashada Sawirka, Getty Images

   Saddex maalmood kadib markii laba dhulgariir oo xooggan ay ku dhufteen dalka Venezuela, waxaa weli socda hawlgallo ballaaran oo gurmad iyo samatabixin ah.

   Tirada dhimashada ee la xaqiijiyay ayaa gaartay 1,400 qof, iyadoo dad badan weli la la’yahay.

   Isla markaana, waxaa sii kordhaya caro iyo niyad-jab ay muujinayaan shacabka ku aaddan jawaabta dowladda ee masiibada.

   Weriyaha BBC ee magaalada La Guaira, oo ah meesha sida ugu daran u saameysay, ayaa sheegay in xaaladdu aad u liidato, isla markaana aan la garanayn tirada dadka weli ku hoos jira burburka dhismayaasha dumay.

   Kooxaha gargaarka caalamiga ah ayaa sidoo kale gaaray goobta, waxaana weli si joogto ah, habeen iyo maalin, u shaqeynaya kooxaha samatabixinta ee ka kala yimid Mexico, Brazil iyo dalal kale si ay u taageeraan hawlgallada gurmadka iyo badbaadinta.

   Warar dheeraad ah:

   Ingiriis oo qorshe cusub u samaynaya qaxootiga doonaya in galaan dalkiisa

   Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

   Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

5. Saacad ka horXulka Qaranka Iran oo ka haray Koobka Adduunka

   

   Xigashada Sawirka, Getty Images

   Ciyaartii u dhexeysay xulalka Aljeeriya iyo Austria' ee wareegga guruubyada Koobka Adduunka ayaa ku dhammaatay barbaro 3–3 ah, natiijadaas oo meesha ka saartay rajadii ugu dambeysay ee xulka qaranka Iran uu ugu gudbi lahaa wareegga 16 kooxood.

   Marko Arnautović ayaa Austria' u dhaliyay goolkii ugu horreeyay daqiiqaddii 28-aad, halka Belkhali uu Aljeeriya u keenay goolka barbaraha daqiiqaddii 45-aad.

   Marcel Sabitzer ayaa mar kale Austria' hoggaanka u dhiibay daqiiqaddii 55-aad, balse Riyad Mahrez ayaa u barbareeyay Aljeeriya.

   Aljeeriya ayaa dhalisay goolkii saddexaad daqiiqaddii 90+3, hase yeeshee Austria' ayaa barbaraha la timid daqiiqaddii 90+5.

   Natiijadan ayaa sababtay in Iran ay ku guul-darreysato inay ka mid noqoto saddexda kooxood ee ugu sarreeya guruubyada, sidaas darteedna ay ka harto tartanka Koobka Adduunka.

   Warar dheeraad ah:

   Ingiriis oo qorshe cusub u samaynaya qaxootiga doonaya in galaan dalkiisa

   Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

   Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

6. 2 Saacadood ka horMowjad cusub oo weerarro ah oo lagu qaaday Baxrayn iyo Kuwait

   Kadib is-weydaarsiga weerarrada u dhexeeya Iran iyo Maraykanka, Wasaaradda Arrimaha Gudaha ee Baxrayn ayaa ku dhawaaqday in dalka laga hawlgeliyay seeriga digniinta.

   Tani waa markii labaad saacadihii u dambeeyay oo wasaaraddu soo saarto digniin, iyadoo shacabka ka codsatay inay galaan goobo ammaan ah.

   Telefishinka Al Arabiya iyo warbaahinno ka tirsan Iran ayaa sidoo kale sheegay in qaraxyo laga maqlay dalka Kuwait.

   Ciidanka Ilaalada Kacaanka Iran (IRGC) ayaa hore u sheegay inay gantaallo ballistic ah iyo diyaarado aan duuliye lahayn (drones) ku weerareen saldhigga ciidamada Maraykanka ee Ali Al-Salem ee Kuweyt iyo xarunta Ciidanka Badda Shanaad ee Maraykanka ee Baxrayn.

   Weerarkii Maraykanka ee waaberigii maanta lagu qaaday munaarad isgaarsiineed oo ku taalla Sirik, iyo goobo kale oo ku yaalla Qeshm iyo Bandar Lengeh, ayaa loo arkaa inuu bilow u ahaa wajigii ugu dambeeyay ee is-weydaarsiga weerarrada u dhexeeya Iran iyo Maraykanka.

   Taliska Dhexe ee Ciidamada Maraykanka (CENTCOM) ayaa sheegay in weerarradaas ay jawaab u ahaayeen weerar ay Iran ku qaaday markab shidaal siday oo marayay Marinka Hormuz.

   Labada dal ayaa midba midka kale ku eedeeyay inuu jebiyay is-afgaradkii xabbad-joojinta ee lagu gaaray Islamabad.

   Warar dheeraad ah:

   Ingiriis oo qorshe cusub u samaynaya qaxootiga doonaya in galaan dalkiisa

   Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

   Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

7. 2 Saacadood ka horNetanyahu: Heshiiska lala galay Lubnaan wuxuu dhabar jab ku yahay Iran iyo Xisbullah

   

   Xigashada Sawirka, Reuters

   Ra’iisul Wasaaraha Israa’iil, Benjamin Netanyahu, ayaa soo dhaweeyay heshiiska ay Lubnaan iyo Israa’iil gaareen, kaas oo uu dhexdhexaadiyay Maraykanku, isagoo ku tilmaamay "guul taariikhi ah" oo uu sheegay inay "dhabar-jab ku tahay Iran iyo Xisbullah."

   "Shalay, kaddib wada-hadallo toos ah oo dhex maray Israa’iil iyo Lubnaan, waxaan gaarnay heshiis taariikhi ah oo u soo hoyday dowladda Israa’iil. Heshiiskani waa dhabar-jab ku ah Iran iyo Xisbullah," ayuu Netanyahu ku yiri khudbad laga baahiyay telefishinka.

   Netanyahu ayaa sidoo kale ku celiyay in ciidamada Israa’iil ay sii joogi doonaan waxa uu ugu yeeray "aagga amniga", oo ah dhul ay ciidamada Israa’iil ka sameeyeen gudaha Lubnaan, qiyaastii 10 kiiloomitir u jira xadka.

   Ra’iisul Wasaaraha Israa’iil ayaa yiri: "Waxaan sii joogi doonnaa aaggan ilaa Xisbullah iyo kooxaha kale ee aan u aqoonsannahay argagixisada hubkalaga dhigayo."

   Waxa uu intaas ku daray: "Maraykanka iyo Lubnaan labaduba waxay aqoonsadeen xaqa Israa’iil u leedahay inay sii haysato aag amni oo ku yaalla gudaha dhulka Lubnaan inta ay lagama maarmaan u tahay xaqiijinta amnigeenna."

   Isagoo hadalkiisa sii wata ayuu yiri: "Waxaan sii joogi doonnaa aaggan amniga ilaa Xisbullah iyo dhammaan ururrada argagixisada hub laga dhigayo, isla markaana aysan jirin wax khatar ah oo Israa’iil uga imanaya dhulka Lubnaan."

   Warar dheeraad ah:

   Ingiriis oo qorshe cusub u samaynaya qaxootiga doonaya in galaan dalkiisa

   Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

   Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

8. 3 Saacadood ka horCENTCOM: Diyaaradaha dagaalka ee Mareykanka ayaa duqeeyay 10 bartilmaameed oo militari oo Iiraan leedahay oo ku yaalla agagaarka Marinka Hormuz.

   Taliska dhexe ee mareykanka ee CENTCOM ayaa ku shaacisay qoraal ay soo dhigeenbarta X in diyaaradaha dagaalka ee ciidamada badda iyo kuwa cirka ee Mareykanka ay weerao ka fuliyeen Iran.

   Qoraalka ayaa lagu sheegay in la beegsaday10 bartilmaameed oo ciidamada Iran ay ka sameysteen dhowr goobood oo ku yaala marinka Hormuz iyo agagaarkeeda fiidnimadii Sabtida.

   Taliska dhexe ee Mareykanka ayaa sheegay in duqeymahan ay jawaab u ahaayeen weerarkii ay diyaaradaha aan duuliyaha lahayn ee Iran ay ku qaadeen markabka Kiko.

   Warar dheeraad ah:

   Ingiriis oo qorshe cusub u samaynaya qaxootiga doonaya in galaan dalkiisa

   Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

   Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

9. 3 Saacadood ka horGolaha khubarada Iran oo soo saaray bayaan ku saabsan xiisadda Iran iyo Mareykanka

   

   Xigashada Sawirka, NurPhoto via Getty Images

   Golaha Khubarada ee Hoggaamiyaha Sare ee Iran ayaa soo saaray bayaan ka kooban 10 qodob, iyagoo ugu baaqay wafdiga Iran ee wada-hadallada inay ku dhegganaadaan waxa ay ku tilmaameen "khadadka cas" ee Hoggaamiyaha Jamhuuriyadda Islaamiga ah, isla markaana ay ka saaraan arrinta xuquuqda nukliyeerka Iran ajandaha wada-hadallada.

   Qayb kale oo ka mid ah bayaanka ayaa Donald Trump iyo Benjamin Netanyahu loogu tilmaamay "dhiig-miirato", waxaana loogu baaqay dadka awood u leh inay gaaraan inay dilaan.

   Bayaanka ayaa sidoo kale lagu sheegay in dib loo furo Marinka Hormuz, iyadoo Israa’iil ay weli ku sugan tahay qaybo ka mid ah dhulka Lubnaan, ay tahay "xadgudub ka dhan ah ballanqaadyadii mas’uuliyiinta" iyo "khalad istaraatiiji ah."

   Golaha Khubarada ayaa sidoo kale ku baaqay in Iran ay sii haysato gacan ku haynta Marinka Hormuz, la siiyo magdhow, dib loogu soo celiyo hantida la xayiray, laga qaado cunaqabateynta, isla markaana ciidamada Maraykanka laga saaro gobolka.

   Ugu dambayn, goluhu wuxuu ku baaqay in si degdeg ah looga jawaabo xadgudub kasta oo lagu sameeyo heshiiska is-afgaradka, wuxuuna ka digay in wada-hadallada aan la wiiqin ama la carqaladayn

10. 4 Saacadood ka horTrump: Haddii xadgudubyada xabbad joojinta ay sii socdaan, Jamhuuriyadda Islaamiga ah ma sii jiri doonto

    

    Xigashada Sawirka, Reuters

    Madaxweynaha Maraykanka, Donald Trump, ayaa ku dhawaaqay bartiisa Truth Social in diyaaradaha Maraykanku ay weerareen bakhaarro lagu kaydiyo gantaallada iyo diyaaradaha aan duuliyaha lahayn ee Iran, iyo sidoo kale xarumo raadaar oo ku yaalla xeebaha.

    Mr Trump ayaa sheegay in weerarradan la fuliyey sababo la xiriira waxa uu ku tilmaamay "ku xadgudubka soo noqnoqday ee Iran ay ku samaynayso heshiiska xabbad-joojinta."

    Wuxuu ka digay in ay iman karto waqti uusan Maraykanku mar dambe u dhaqmi karin "si caqli ku dhisan," islamarkaana lagu khasbi doono inuu "dhammeystiro hawlgalka milatari ee uu si guul leh u bilaabay."

    Madaxweynaha Maraykanka ayaa hadalkiisa ku daray: "Haddii taasi dhacdo, Jamhuuriyadda Islaamiga ah ee Iran mar dambe ma jiri doonto."

    Warar dheeraad ah:

    Ingiriis oo qorshe cusub u samaynaya qaxootiga doonaya in galaan dalkiisa

    Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

    Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

11. 4 Saacadood ka horIran oo duqeyn la beegsatay Baxrayn iyo Kuwait

    Sarkaal ka tirsan dowladda Maraykanka ayaa u sheegay Reuters in Iran ay fiidnimadii Sabtida ridday gantaallo iyo diyaarado aan duuliye lahayn oo ku garaacday dalal deris ah, oo ay ku jiraan Baxrayn iyo Kuwait

    Sarkaalkan, oo codsaday inaan magaciisa la shaacin, ayaa sheegay in xaaladdu ay weli is beddeleyso, balse ilaa hadda aan la soo sheegin wax khasaare naf ah oo soo gaaray ciidamada Maraykanka ama burbur weyn oo ku yimid xarumaha Maraykanka ee Bariga Dhexe.

    Ciidanka Ilaalada Kacaanka Iran (IRGC) ayaa hore u sheegay inay gantaallo ballistic ah iyo diyaarado aan duuliye lahayn la beegsadeen saldhigyada ciidamada Maraykanka, oo ay ku jiraan saldhigga Ali al-Salem ee Kuwait iyo xarunta Ciidanka Badda ee Shanaad ee Maraykanka ee Baxrayn.

    Warar dheeraad ah:

    Ingiriis oo qorshe cusub u samaynaya qaxootiga doonaya in galaan dalkiisa

    Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

    Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

12. 27 Juunyo 2026Duufaanno wata biriq ayaa dib u dhigay boqolaal duulimaad oo ka socday Heathrow iyo Gatwick

    

    Xigashada Sawirka, Getty Images

    Boqolaal duulimaad oo garoomada diyaaradaha ee Heathrow iyo Gatwick ee London ayaa dib loo dhigay iyadoo hay'adda xakamaynta hawada ee UK ay ka digtay in hakadku uu sii socon doono ilaa Axadda.

    In ka badan 900 oo duulimaad oo soo galaya iyo kuwa baxaya oo ka dhacaya labada xarumood ee safarka ayaa dib loo dhigay ilaa 11 saacadood, tira kalena waa la joojiyay, sida uu sheegay FlightAware oo ah raadiyaha, kuwaas oo badankoodu ay sabab u yihiin duufaanno.

    NATS, oo ah hay'adda xakamaynta hawada ee UK, ayaa sheegtay in xaaladaha cimilada ee xun ay la macno tahay in diyaaradaha loo baahan yahay inay "ka fogaadaan meelaha ay dhibaatadu saameysey oo ay kala fogaadaan" taasina ay saameyn doonto duulimaadyada "harsan Sabtida iyo habeenka".

    Gatwick iyo Heathrow waxay kula taliyeen rakaabka inay hubiyaan xaaladda duulimaadyadooda shirkadaha diyaaradaha ka hor inta aysan safrin.

    In ka badan 474 duulimaad oo ka imanaya ama ka baxaya Heathrow ayaa dib loo dhigay ilaa hadda, iyo 439 kale oo gudaha iyo dibadda uga baxaya Gatwick, sida laga soo xigtay FlightAware.

    Dib u dhaca duulimaadyada ay saameysay way kala duwan yihiin. Guddiga soo degitaanka tooska ah ee Heathrow ayaa muujinaya duulimaad British Airways ah oo ka imanaya Santiago, Chile, kaasoo la filayay inuu dego 10:00 BST laakiin hadda lama filayo inuu yimaado ilaa 21:00 fiidnimo caawa.

    Hay'adda duulista hawada ee Yurub oo dhan ee Eurocontrol ayaa muujineysa dib u dhaca ugu daran ee xakamaynta hawada ee hawada u dhaxaysa koonfur-bari England iyo waqooyi-galbeed Yurub, halkaas oo ay hadda dul hoganayaan daruuraha duufaantu.

    Warar dheeraad ah:

    Ingiriis oo qorshe cusub u samaynaya qaxootiga doonaya in galaan dalkiisa

    Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

    Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

13. 27 Juunyo 2026Iiraan oo sheegtay in Mareykanku uu si "aan cadaalad ahayn" ula dhaqmay intii lagu jiray Koobka Adduunka

    

    Xigashada Sawirka, EPA

    Tababaraha xulka qaranka Iiraan, Amir Ghaleh Noei, ayaa sheegay in Mareykanka uu si "aan cadaalad ahayn" ula dhaqmay xulka dalkiisa intii lagu jiray Koobka Adduunka, wuxuuna ugu baaqay FIFA inay soo farageliso mustaqbalka.

    Kooxda Iiraan ayaa ka qayb qaadanaysa Koobka Adduunka iyadoo la eegayo xiisadda u dhaxaysa iyaga iyo Mareykanka iyo Israa'iil.

    Xerada tababarka kooxda ayaa laga raray Arizona una guuray Tijuana, Mexico, ka hor inta uusan tartanku bilaaban, ciyaartoyduna waxay la kulmeen xayiraado safar intii uu socday tartanka.

    Labadii kulan ee ugu horreeyay ee ay ku ciyaareen Los Angeles, ciyaartoyda Iiraan waxaa loo ogolaaday inay soo galaan Mareykanka hal maalin ka hor ciyaarta, waxayna ku qasbanaadeen inay baxaan isla maalintaas ciyaarta, sida ku xusan shuruudaha fiisahooda.

    Kooxda qaranka Iiraan ayaa barbaro la gashay ciyaartii ugu dambeysay ee Group G oo ay la yeesheen Masar iyagoo ku kala baxay barbaro 1-1 ah, si loo hakiyo rajadooda u soo bixitaanka wareega 32aad.

    Xayiraadaha safarka ee ciyaarta Seattle ayaa la fududeeyay, taasoo u saamaxday inay yimaadaan laba maalmood ka hor waqtigii loogu talagalay, laakiin waxay ku qasbanaadeen inay ku laabtaan Tijuana ciyaarta ka dib.

    "Waxaan jeclaan lahaa inaan ciyaartoydayda ku iraahdo: Waan ku faanayaa. Waxa ay dhalinyaradan, ciyaartoydan, gaareen waa in taariikhda lagu qoraan, sababtoo ah dalka martida loo yahay si aan cadaalad ahayn ayuu noola dhaqmay. Iyadoo ay jiraan dhibaatooyinkan oo dhan, waxaan awoodnay inaan si fiican u ciyaarno, adduunkuna wuxuu ku faanayaa Iiraaniyiinta iyo kooxdeenna."

    "Waxaan ka codsanayaa FIFA: ha u ogolaanin dalalka martida loo yahay inay si la mid ah sidan ula dhaqmaan ciyaartoyda iyo kooxaha Koobka Adduunka ee soo socda," ayuu raaciyay.

    Warar dheeraad ah:

    Ingiriis oo qorshe cusub u samaynaya qaxootiga doonaya in galaan dalkiisa

    Koobka Adduunka: Masar oo u gudubtay wareegga labaad, halka Ciraaq iyo Sacuudigu ay ku hareen wareegga koowaad

    Muran ka dhashay Iskuullo ku yaalla gobol ay Soomaalidu wax ka dagto oo qasab ka dhigaya barashada Baybalka

14. 27 Juunyo 2026Xero ay leeyihiin kurdiyiinta Ciraaq oo la duqeeyay

    

    Xigashada Sawirka, .

    Ilo dhanka ammaanka ah ayaa u sheegay wakaaladda wararka ee Reuters Sabtidii in diyaarad aan duuliye lahayn ay bartilmaameedsatay xero ay leeyihiin kooxda mucaaradka Kurdiyiinta Iran ee waqooyiga magaalada Erbil ee dalka Ciraaq.

    Wararka ayaa intaasi ku daraya in aan la ogeyn khasaaraha ka dhashay weerarka, maadaama xerada ay horay uga barakaceen.

15. 27 Juunyo 2026Lubnaan ayaa sheegtay in diyaaradaha aan duuliyaha lahayn ee Israel ay weerar ku qaadeen Nabatieh

    Wakaalada wararka ee dalka Lubnaan ayaa sheegtay maanta oo Sabti ah in diyaarad nooca aan duuliyaha lahayn ee Israel ay duqeysay gobolka Nabatieh ee koonfurta Lubnaan.

    Duqeymahan cirka ah ayaa la sheegay maalin kadib markii Israa’iil iyo Lubnaan ay kala saxiixdeen heshiis dhanka ammaanka ah oo uu garwadeen ka yahay Mareykanka kaas oo looga gol leeyahay in lagu dhimo xiisadda ka taagan xuduudka ay wadaagaan labada dal ka dib dagaallo bilo ah iyo rasaas xudduudda ah oo ay la galeen Xisbullah.

    Lubnaan iyo Israa’iil ayaa heshiiskan ku tilmaamay tallaabadii ugu horreysay, oo ay ku waajibtay Xisbullah inay hubka ka dhigaan, ciidamada Israa’iilna ay ka baxaan Lubnaan.

    Ilaa hadda ma cadda sida uu u dhaqan geli doono heshiiskaasi. Xisbullah ayaa sheegtay in aysan la shaqeyn doonin.

16. 27 Juunyo 2026Bahrain ayaa cambaareysay weerarrada diyaaradaha aan duuliyaha lahayn ee Iran ay ku qaadeen dalkeeda

    

    Wakaaladda wararka ee Baxrayn ayaa sheegtay in dalkaasi uu cambaareeyay weeraradii diyaaradaha aan duuliyaha lahayn ee Iran ay ku qaadeen dhulkooda Sabtidii, waxayna sheegeen in dalku uu xaq buuxa u leeyahay inuu difaaco sharafta iyo ammaanka dhulkiisa.

    Iran ayaa horay u sheegtay in ay weeraro ku qaaday saldhigyo lala xiriirinayo ciidamada Mareykanka ee ku sugan gobolka, balse ma aysan sheegin halka ay duqeynta ka geysatay, mana aysan tilmaamin goobta la bartilmaameedsaday.

17. 27 Juunyo 2026Dibadbaxyo ayaa ka qarxay koonfurta Beirut ka dib heshiiskii Lubnaan iyo Israa'iil

    Muuqaal laga duubay saqdii dhexe ee Sabtidii koonfurta Beyruut ayaa muujinaya dibadbaxayaal iyo wadayaasha mootooyinka oo isugu soo baxay waddooyinka, calankana lulaya, ka dib markii Lubnaan iyo Israa’iil ay kala saxiixdeen heshiis lagu soo afjarayo dagaalka u dhexeeya Israel iyo Hezbollah.

    Wakaaladda wararka ee Reuters ayaa ku tilmaantay goobta muuqaalkan laga duubay inay tahay duleedka koonfureed ee Beirut iyadoo baartay calamadaha, baararka korontadda, iyo qaabka waddooyinka, waxayna barbardhigtay sawirrada dayax gacmeedka iyo kaydka.

    Si kastaba ha ahaatee, wakhtiga saxda ah ee muuqaalka la duubay si buuxda looma xaqiijin.

    Wakaalada wararka ee Reuters ayaa ka warantay mudaharaadka habeenkii jimcaha, waxaana muuqaalkii hore oo muuqaal ah aan laga helin online ilaa 26-kii June.

    Lubnaan iyo Israa’iil ayaa heshiiskan ku tilmaamay tallaabadii ugu horreysay, oo ay tahay in Xisbullah ay hubka ka dhigaan, ciidamada Israa’iilna ay ka baxaan Lubnaan.

    Ilaa hadda ma cadda sida uu u dhaqan geli doono heshiiskaasi. Xisbullah ayaa sheegtay inaysan u hogaansami doonin.

18. 27 Juunyo 2026Hooyo dhimatay iyada oo gabadheeda ka bad baadinaysa dhulgariir ka dhacay Venezuela

    

    Xigashada Sawirka, Instagram

    Hooyo u dhalatay dalka Venezuela ayaa dhimatay iyadoo ka bad baadinaysa cunugeeda dhul gariir ku dhuftay dalkaasi, sida ay sheegeen ciyaartoyga kubbada cagta Héctor Bello iyo warbaahinta gudaha.

    Bello ayaa ku soo qoray Instagram-kiisa in "jacaylkiisa qaaliga ah", oo ay warbaahinta Venezuela u aqoonsatay xaaskiisa Andrea, ay badbaadisay nolosha gabadhooda dhawaan dhalatay intii lagu jiray dhulgariirkii weynaa. "Waxaan ka sheekayn doonaa sheekada sida aad u badbaadisay, jacaylkayga - sidaad naftaada ugu biimaysay gabadheena, sidaad u ahayd haweeney geesi ah oo aan waligeed ka tagin, xitaa markaad neeftaada qaadatay," Bello ayaa soo qoray.

    Samatabbixiyeyaasha ayaa wali sii wada baadigoobka burburka dadkii ka badbaaday laba dhulgariir oo ku dhuftay caasimadda Caracas, halkaas oo ay ku dhinteen ugu yaraan 920 qof in ka badan 3,000 oo kalena ay ku dhaawacmeen.

19. 27 Juunyo 2026Tirada dhimashada dhulgariirkii Venezuela ayaa gaartay 920

    

    Xigashada Sawirka, Reuters

    In ka badan 900 oo qof ayaa la xaqiijiyay in ay ku dhinteen 3,360 kalena ay ku dhaawacmeen dhul gariir ka dhacay dalka Venezuela, sida ay sheegtay dowladda, iyadoo samatabbixiyeyaashu ay wadaan baadigoobka dad badbaaday.

    Dadka dhaawacmay ayaa lagu daweynayaa goobo caafimaad oo macmal ah, kaddib markii tobaneeyo dhismo oo ku yaalla waqooyiga dalkaas ay waxyeello kasoo gaartay labadii dhul-gariir oo ay ku jirto caasimadda Caracas.

    Sarkaal sare oo ka tirsan dowladda ayaa sheegay in boqollaal samatabbixiyaal caalami ah ay dalka soo gaareen, qaar kalena ay jidka ku soo jiraan.

    Laba dhul gariir oo xoog badan ayaa ku dhuftay Venezuela ilbiriqsiyo gudahood midba midka kale Arbacadii.

    Dhulgariirkii labaad oo cabirkiisa lagu qiyaasay 7.5 ayaa ahaa midkii ugu xooganaa ee dalkaasi ku dhuftay muddo qarni ah.

    Aagga La Guaira, oo ku yaalla waqooyiga caasimadda Caracas, ayaa ah meelaha ugu daran, sida ay saraakiishu sheegeen. Dad badan ayaa weli la la'yahay, iyadoo saraakiisha ay ka cabsi qabaan in dhimashadu ay kororto xitaa iyadoo ay socdaan gurmadka.

20. 27 Juunyo 2026JD Vance: gacan kahdal wuxuu la kulmi doona gacan kahdal

    Madaxweyne ku xigeenka Mareykanka JD Vance ayaa uga digay Iran inay la kulmi doonto "gacan kahdal" haddii ay qaado weeraro kale.

    Digniintan ayaa timid, kadib, markii ay Milliteriga Maraykanka ku dhawaaqeen inay duqaymo ka fuliyeen dalka Iiraan, iyagoo ka jawaabayay Weerar ay Iiraan ku qaadday Markab kuwa xamuulka qaada ah.

    Mr. Vance waxa uu ku soo qoray shabakada xiriirka bulshada ee X: “Iran waxa ay saxeexday heshiiska xabbad joojinta, waana ku adkaysannay, haddii ay isku khilaafaan sida loo dhaqangelinayo heshiiska, way nala soo xidhiidhi karaan, laakiin rabshado waxay la kulmi doonaan gacan kahdal.

    Waxa uu tixraacayaa heshiis is-afgarad ah oo la saxiixay oo ujeeddadiisu tahay in lagu soo afjaro ku dhawaad ​​afar bilood oo dagaal ah.