Tebin toos ah
Madaxweynihii hore ee Puntland, Cabdiraxmaan Faroole oo hadda ah xubin ka tirsan Aqalka Sare ee Soomaaliya ayaa ka hadlay tanaasulka doorashada.
Wuxuu tilmaamay in arrinta ay tahay xuquuq dastuuri ah, dadkana ay go'aansan karaan.
Xigashada Sawirka, Getty Images
Dacwad oogeyaasha federaalka ee dalka Jarmalka ayaa sheegay in ay xireen nin British ah oo ka shaqeynayay safaaradda Britain ee magaalada Berlin, isagoo loo heysto tuhun la xiriira inuu u basaasayay Ruushka.
Ninkan - oo magaciisa ay kusoo gaabiyeen David S – ayaa la sheegay in ugu yaraan hal mar warqado ay ku qoran tahay xog u gudbiyay qof ka mid ah sirdoonka Ruushka, kaddibna uu lacag ka qaatay.
Waxaa Talaadadii lagu xiray magaalada Potsdam, maanta ayaana la filayaa in la horgeeyo garsooraha baaraya kiiskiisa.
Waxaa baaritaan lagu sameeyay gurigiisa iyo goobta uu ka shaqeeyo.
Arrintan waxay daba socotaa baaritaanno ay si wadajir ah u wadaan booliska Jarmalka iyo Britain.
Taliska booliska Britain ayaa xaqiijiyay xarigga ninkaas, waxayna intaas ku dareen in uu yahay 57 jir.
Ra’iisul Wasaaraha Soomaaliya Maxamed Xuseen Rooble iyo wafdi uu hoggaaminayo oo shalay gaaray dalka Kenya ayaa Mombasa kula kumay madaxweynaha Kenya Uhuru Kenyatta oo ay kaga wada hadleen arrimo ku saabsan xoojinta xiriirka diblumaasiyadeedee labada dal.
Wuxuu la kulmay Ra’iisul Wasaaraha jaaliyadda Soomaaliyeed ee magaalada Mombaasa si gaar ah ganacsatada oo ka mid ah dadka ugu badan ee uu saameeyo xiriirka xumaada ee labada dhinac.
Haddaba Cabdiraxmaan Yuusuf Sheekh oo ah guddoomiyaha Jaaliyadda Soomaaliyeed ee magaalada Mombaasa oo ka mid ah mas’uuliyiinta la kulmay Ra’iisul Wasaare Rooble ayaa BBC uga warramay kulankaas iyo waxyaabaha ay kala hadleen.
Xigashada Sawirka, OPM Somalia
Ra'iisul Wasaaraha Soomaaliya, Maxamed Xuseen Rooble, oo booqasho ku jooga dalka Kenya ayaa la kulmay madaxweyne Uhuru Kenyatta.
Waxay ka wadahadleen arrimo ay kamid yihiin xoojinta xiriirka diblumaasiyadeedee labada dal.
Bishii November ee sannadkii 2019-kii, waxaa Nairobi ku kulmay Uhuru Kenyatta iyo Maxamed Cabdullaahi Farmaajo, waxayna wada saxiixdeen heshiis lagu soo afjari lahaa khilaafka labada dhinac.
Heshiiskaas oo aan dhaqan gelin wuxuu u qornaa sidan:
24 qof oo isku qoys ahaa ayaa dhintay kadib markii ay cuneen cunto looga shakiyay inay sumeysneyd.
Arrintan waxay ka dhacday tuulo Danzanke ee dhacda waqooy galbeed Nigeria.
Wasiirka caafimaadka ee gobolka Sokoto Cali Inname ayaa weriyeyaasha u sheegay in qoyska ay ku khaldameen maaddooyinka beeraha lagu bacrimiyo oo ay u maleeyeen cusbo oo markii dambe cuntada ay ku darsadeen.
Balse labo xubnood oo ka tirsanaa qoyska oo dhadhamiyay cuntada ayaa haatan lagu daweynaya cisbitaal ku yaalla halkaas.
Kadib dhacdadan, waxay saraakiisha gobolka kula taliyeen shacabka in maaddooyinka sunta ah ay dhigtaan goobaha aysan yaallin raashiinka.
Magaciisu waa Aways Abuukar, waxa uu ka mid yahay dadka loo yaqaano Albino ama uu dubkooda ka maqanyahay maaddooyinka midabka u yeela, waxana uu ku noolyahay magaalada Muqdisho.
BBC-da ayaa kula kulantay xaafadda Xamar Weyne ee caasimadda Soomaaliya, isaga oo ku iibinaya miis gaari gacan ku rakiban , alaabaha uu ku iibiyana waxaa ka mid ah farmaajaha la marsado rootiga iyo waxyaabo kale.
Dibadda Isbitaalka Digfeer ee magaalada Muqdisho waxaa isu soo bax ka dhigay ehellada todobo qof oo shalay lagu dilay gobolka Shabeellada Hoose kadib markii uu dagaal dhaxmaray ciidamada AMISOM gaar ahaan kuwa dalka Uganda iyo kuwa Al-Shabaab.
Ehellada dadka la laayay ayaa ku eedeeyay ciidamada Uganda inay si bareer ah u dileen todobada qof oo ay dhamaantood ku sheegeen inay ahaayeen rayid aan waxba galabsan.
Ehelladu waxa kaloo ay sheegeen inaan la aasin doonin maydadka inta ay caddaalad ka helayaan.
Maydadka todobada qof ayaa hadda lagu hayaa qaboojiyaha isbitaalka Digfeer, iyadoo xalayna baaris loogu diray xarunta dambi baarista booliska ee magaalada Muqdisho.
Qaar kamid ah qoysaska dadkii shaley lagu dilay Shabeellaha Hoose ayaa BBC u sheegay in meydadka aanan la aasi doono tan iyo inta caddaaladda ka helayaan.
"Dowladda waa inay kasoo jawaabtaa codsigeena, intaa umadda waxay maanta meeshan isugu timid waa in aan caddaalad helnaa..waxaan usoo banaanbaxnay oo aan meeshan u nimid meydka aan u aasi la'nahay caddaalad baan u baahanahay" ayuu yiri Axmed Maxamuud Xaashi oo walaalkii kamid ahaa dadkii lagu dilay Golweyn.
Cabdiraxmaan Maxamed Maxamuud Faroole ayaa loo doortay doorashada Aqalka Sare ee maamulka Puntland.
Cabdiraxmaan Faroole ayaa helay 54 cod, wuxuu ka guuleystay Maxamed Cismaan Colaad.
Madaxweynihii hore ee Puntland, Cabdiraxman Faroole wuxuu ka tirsan yahay baarlamaanka uu muddo xileedkiisa dhammaaday.
ilaa dadka la doortay waxaa kamid ah Maxamed Cali Cismaan majiino iyo Maxamed Cali Yuusuf Gaagaab inkasta oo doorashada Aqalka Sare ee Puntland ay weli socoto.
Xigashada Sawirka, PLTV
Waxaa hadda si rasmi ah u bilaabtay doorashada Aqalka Sare ee maamulka Puntland xilli ay codeynayaan xildhibaanada baarlamaanka maamulkaas.
Qaar kamid ah musharraxiintii u tartameysay doorashadan ayaa tanaasulay.
Musharraxiinta ayaa khudbad ka jeediyay goobta ay doorashada ka socota.
Waxaana lagu wadaa in maanta la shaaciyo xildhibaanada Puntland ku matali doonto baarlamaanka Aqalka Sare ee Soomaaliya.
Xigashada Sawirka, Puntland TV
Waxaa maanta lagu wadaa in magaalada Garowe ay ka dhacdo doorashada xubnaha Aqalka Sare ku matalaya Puntland.
Madaxweyne Siciid Cabdullahi Deni ayaa soo saaray liiska 22 murashax oo u taagan hanashada 11-ka kursi ee ay Puntland ku leedahay aqalka sare.
Liiska ayaa waxaa ka maqan 9 kamid ah xubnaha ka tirsan baarlamaanka uu muddo xileedkiisa dhammaaday.
Madaxweynaha Galmudug, Axmed Cabdi Kaariye QoorQoor ayaasoo saaray liiska musharraxiinta 6 kursi oo kamid ah 8-da uu maamulkaas ku leeyahay baarlamaanka Aqalka Saree e Soomaaliya.
Labada kursi ee dib loo dhigay ayaa kala ah kuwa ay hadda ku fadhiyaan Cabdi Xasan Cawaale Qeybdiid iyo Cabdiwaaxid Cilmi Goonjeex.
Siyaasiyiinta laga reebay liiska ayaa waxaa kamid ah gudoomiye kuxigeenka 1-aad ee senate-ka Abshir Maxamed Axmed (Abshir Bukhaari).
Doorashada lixdaas kursi ayaa lagu wadaa inay dhacdo Khamiista berri ah.
Xigashada Sawirka, .
Xigashada Sawirka, .
Asalaamu Caleykum
Kulanti wacan kusoo dhawaada tebinta tooska ah oo aan idiin kuugu soo gudbinno wararkii ugu dambeeyay soomaalida iyo caalamka.
Qoraalkii ku saabsanaa in “Uhuru Kenyatta uu dalbaday in laga wadahadlo khilaafka xuduudda badda” ayaa wax laga bedelay.
Qoraalka oo Facebook la soo dhigay ayaa hadda laga saaray qeybtii ku saabsanayd muranka xuduudda badda.
Qoraalkii hore waxaa ku jiray: Uhuru wuxuu dalbanayaa in “si saaxiibtinimo ah xal looga gaaro khilaafka xuduudda badda” ee labada dal u dhexeysa, kaas oo yaalla Maxkamadda Caalamiga ah ee Cadaaladda (ICJ).
Ra'iisul Wasaaraha Soomaaliya, Maxamed Xuseen Rooble ayaa maanta la kulmay madaxweynaha Kenya, Uhuru Kenyatta oo ku qaabilay madaxtooyadiisa magaalada Mombasa.
War-saxaafadeed ka soo baxay xafiiska Ra'iisul Wasaaraha Soomaaliya ayaa lagu sheegay in Rooble uu adkeeyay in "muranka badda ee u dhexeeya Soomaaliya iyo Kenya aysan haba yaraatee wax wadahadal ah ka geli Karin, isla markaana lagu xallin doono go'aanka Maxkamadda Caddaaladda Adduunka ee ICJ."
Xigashada Sawirka, SOCIAL MEDIA
Xigashada Sawirka, OPM Somalia
War-saxaafadeed ka soo baxay xafiiska Ra'iisul Wasaaraha Soomaaliya ayaa lagu sheegay in Rooble uu ku adkeystay in aysan ka hadleynin arrinta khilaafka xuduudda badda.
Qoraalka ka soo baxay xafiiska Ra'iisul Wasaaraha ayaa lagy yiri: "Ra'iisul Wasaaraha Soomaaliya ayaa adkeeyey in arrinta muranka badda ee u dhexeeya Soomaaliya iyo Kenya aysan haba yaraatee wax wadahadal ah ka geli Karin, isla markaana lagu xallin doono go'aanka Maxkamadda Caddaaladda Adduunka ee ICJ."
"Eng. Rooble wuxuu xusay in booqashadiisa ay tahay mid lagu adkaynayo xiriirka labada dowladood oo uu ay ka dhaxeeyaan arrimo badan, kuwaas oo u baahan in laga wada xaajoodo."
Qoraal la soo dhigay bogga madaxtooyada Kenya ee Facebook ayaa lagu sheegay in madaxweynaha Kenya, Uhuru Kenyatta uu soo dhoweynayo soo celinta xiriirka labada dal.
Wuxuu sidoo kale dalbaday in “si saaxiibtinimo ah xal looga gaaro khilaafka xuduudda badda” ee labada dal u dhexeysa, kaas oo yaalla Maxkamadda Caalamiga ah ee Cadaaladda (ICJ).
Uhuru Kenyatta ayaa maanta Mombasa kula kulmay Ra’iisul Wasaaraha Soomaaliya, Maxamed Xuseen Rooble oo booqasho ku jooga Kenya.
Afhayeenka Xukuumadda Soomaaliya, Maxamed Ibraahim Macallimuu, oo maanta la hadlay BBC Somali wuxuu meesha ka saaray in laga wada hadlayo arrinta badda, inta uu Rooble booqashada ku joogo Kenya.
War-saxaafadeed ka soo baxay xafiiska Ra'iisul Wasaaraha Soomaaliya ayaa lagu sheegay in Rooble uu adkeeyay in "muranka badda ee u dhexeeya Soomaaliya iyo Kenya aysan haba yaraatee wax wadahadal ah ka geli Karin, isla markaana lagu xallin doono go'aanka Maxkamadda Caddaaladda Adduunka ee ICJ."
Qoraal la soo dhigay bogga twitter-ka AMISOM ayaa lagu sheegay in xilli ay ciidamada Uganda ilaalinayeen waddada wayn ee isku xirta Beledul-amiin iyo Golwayn ee Shabeellaha Hoose, in Al-Shabaab ay weerar gaadmo ah soo qaadeen.
AMISOM ayaa lagu eedeeyay in dad rayid ah ay ku "laayeen" meesha uu weerarka ka dhacay agteeda.
Gudoomiyaha Deegaanka Shalambood, Nuur Cusmaan Raage oo BBC Somali la hadlay ayaa AMISOM ku eedeeyay in dadkaas rayidka ah ay dileen.
"Inta indhaha ka xireen ayey ku fariisiyeen miino ka dibna way ku qarxiyeen", ayuu yiri Nuur.
Balse Qoraalka AMISOM waxaa ku xusan: "Intii is difaacidda ay socotay, 7 argagixiso ayaa lagu dilay, kuwa kalena waa lagu dhaawacay, hubna waa la soo qabtay."
"AMISOM waxay bogaadineysaa geesinimada iyo howlgalka degdegga ah ee askarteeda oo mid ka mid ah uu ku dhaawacmay", ayaa ku xusan qoraalka.
Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.
Dhammaadka X boggan
Xigashada Sawirka, State House of Kenya
Xigashada Sawirka, State Hose of Kenya
Xigashada Sawirka, State House of Kenya
Xigashada Sawirka, State House of Kenya
Gobolka Mudug ayaa laga soo sheegayaa in dad rayida ah oo la socday mooto bajaaj ay ku qaraxday miino wadada dhinaceeda la dhigay meel aan sidaa uga fogeyn deegaanka Bacaadweyn.
Dad ku sugan Bacaadweyn ayaa BBC-da u sheegay in toddobo qof oo isugu jira dumar iyo carruur oo la socday moota bajaajta ay dhinteen, mooto wadihiina uu soo gaaray dhaawac culus. Illaa hadda ma cadda sababta loo beegsaday dadka la socday mooto bajaajta.
Maxamed Cabdullahi Nuure, oo xaaskiisa ay kamid ahayd dadkii saarnaa mootadaas ee miinada ku dhintay, ayaa ka waramaya sida ay wax u dhaceen.
Xigashada Sawirka, State House of Kenya
Madaxweyne Uhuru Kenyatta iyo Ra’iisul Wasaaraha Soomaaliya ee Kenya booqashada ku jooga iyo wafdi labada dhinac ka socda ayaa maanta wada hadallo lagu xoojinayo xiriirka labada dhinac ku yeeshay xarunta madaxtooyada ee magaalada Mombasa, sida ay qortay madaxtooyada Kenya.
Labada wafdi ayaa ka wada xaajooday dhowr arrimood oo muhiim ah oo ku saabsan danaha labada dal ka dhaxeeya, oo ay ugu weyn tahay soo celinta xiriirka diomaasiyadeed ee Nairobi iyo Muqdisho.
Kenya iyo Soomaaliya ayaa sanadkii 2015 qalinka ku duugay Guddiga Iskaashiga (JCC). Guddiga ayaa wuxuu ka shaqeynayaa iskaashiga labada dhinac ee arrimaha ganacsiga, socdaalka, gaashaandhigga iyo ammaanka.
Magaalada Jigjiga ee deegaanka Soomaalida ayaa waxaa ka taagan walaac ku aaddan saameynta ka dhalan karta daadad laga cabsi qabo inay ka dhashaan roobabka deyrta oo qaarkood si wanaagsan uga curtay deegaanno ku xeeran magaalada.
Durbadiiba labada tog ee magaalada ayaa biyo keenay, waxaana ay qaadeen oo illaa hadda la la' yahay wiil yar. Walaaca ugu badan ayaa waxa uu haystaa dadka danyarta ah, sida uu warbixintan ku eegayo weriye Ismaaciil Buurgaabo oo ku sugan Jigjiga.
