Madaxweynaha maamulka galmudug Axmed Cabdi Kaariye
Qoorqoor ayaa kulan la yeeshay maanta qaar ka mid ah saaxiibbada beesha
caalamka,waxaana kulankaan looga hadlay arrimo la xiriira doorashooyinka
Soomaaliya iyo shirka wadatashiga qaranka ee la filayo in ay isugu yimaadaan
dhinacyada Soomaalida 20-ka bishaan.
Mas’uuliyiinta saaxiibada beesha caalamka ayaa ka kala
socday Qaramada Midoobay, Midowga Afrika, Midowga Yurub iyo Igad.
Dhawaan ayay
ahayd markii raysal wasaaraha dowladda federaalka Soomaaliya Maxamed Xuseen
Rooble uu shaaciyay shirka wadatashiga qaranka kaas oo looga arrinasanayo
doorashooyinka la filayo in ay dalka ka dhacaan.
Madaxweynaha Tanzania oo qaadday talaabo uu diiddanaa madaxweynihii iyada ka horeyay
Xigashada Sawirka, Aqalka Madaxtooyada Tanzania
Madaxweynaha Tanzaniya Saamiya Suluhu Xasan ayaa markii
ugu horeysay kasoo muuqatay munaasabad dadweyne iyadoo xiran wajir xir ama face
Mask.
Madaxweynihii iyada ka horeeyay, John Magufuli oo geeriyooday bishii Maarso ayaa marwalba inkirsanaa cudurka wuxuuna diidi jiray inuu wajiga xirto si uu uga taxadaro fayaraska
karona.
Ms Saamiya waxay xirtay wajiga iyadoo joogta gudaha iyo meel ka baxsan dalka Tanzaniya gaar
ahaanna toddobaadkan mar ay booqasho laba maalmood ah ay ku tagtay dalka
Kenya.
Munaasabad ka dhacday magaalada Daaru Salaam ee caasimadda dalka Tanzaniya jimcihii, waxay kula kulantay in badan 800 oo ah dad waaweyn oo ka kala yimid qaybaha dalka .
Waxay u sheegtay in dadka waaweyn ay khatar ugu jiraan
cudurka loona baahanyahay in la taxadaro si looga badbaado.
Tan iyo markii ay xukunka la wareegtay, haweenaydaan 61
jirka ah kama aysan baqin inay muujiso
inay diyaar u tahay inay qaaddo waddo ka duwan tii Mr Magufuli marka ay
timaaddo xirashada waji xirka iyo la tacaallida cudurka.
Waxay sameysay guddi khubaro ah oo kala taliya xaaladda
Covid-19 ee wadanka iyo tillaabooyinka lagama maarmaanka u ah si dadka loo
badbaadiyo.
Qaraxyo gaystay dhimasho iyo dhawaac oo Kaabul ka dhacay
Xigashada Sawirka, EPA
Saraakiisha dalka Afghanistan ayaa sheegay in ugu yaraan 25 qof dilay in ka
badan 50 kalana lagu dhaawacay qarax
ka dhacay meel u dhow iskuul ku yaalla caasimada Afghanistan ee Kabuul.
Warbaahinta maxalliga ah ayaa sheegtay in qaraxyo waaweyn
oo is xigxigay ay ka dhaceen galbeedka magaalada una dhow dugsi sare oo ay
dowladdu maamusho laguna magacaabo Sayeed-ul-Shuhada.
Weriyeyaasha ayaa sheegaya in ardayda ay ka baxayeen
iskuulka markii ay qaraxyadu dhaceen. Sawirro la soo dhigay baraha bulshada
ayaa muujinaya boorsooyinka iskuulka oo laga tagey iyo burburka gaariga ku
gubtay wadada agteeda.
Degmada ku taalla galbeedka Kabuul waxaa ku nool inta
badan bulshada Shiicada ah ee Hazara kuwaas oo si isdaba joog ah u
bartilmaameedsanayeen sanadihii la soo dhaafay kooxda isugu yeerta dowladda
Islaamka ee IS.
Cuntada iyo Ramadaanta
Walaac laga muujiyay isku dhacyada ka dhacay masaajidka Qudus
Xigashada Sawirka, Reuters
Qoraalka sawirka, Qalalaasaha ka dhacay gudaha masaajidka Qudus
Xiisad ayaa
ka taagan bariga magaalada Qudus iyo daanta galbeedka xilli lagu guda jiro
bisha barakeysan ee Ramadan.
Waxaa xalay ay
isku dhacyo ka dhaceen xaafadda lagu magacaabo Sheikh Jarrah, halkaasi oo
qoysas Falastiiniyiin ah ay wajahayaan in laga raro ka dib kiis maxkamadeed oo
muddo dheer socday.
Xalay
boooliiska Israa’iil ayaa qaaday tallaabo ay kala dambeynta ku soo
celinayaan ka dib markii ay dibadbax dhigeen kumannaan qof oo misaajidka Al
Aqsa ku soo tukaday salaadda taraawiixda .
Madaxwaynaha
Falastiniyinta, Mahmoud Abbas ayaa cambaareyay waxa uu ugu yeeray
“weerarada dambiga ah” halka kooxda Xamaas ay Israa’iil uga digeen cawaaqib
xumada ka dhalan karta ficiladooda.
Mareykanka,
Qaramada Midoobey, Midowga Yurub iyo dalal kale ayaa dhankooda ugu baaqay
dhammaan dhinacyada in ay daganaan muujiyaan oo ay is xakameeyaan.
Midowga Yurub
ayaa wax aanan la aqbali Karin ku tilmaamay xiisadda sii kordhaysa ee ka taagan Daanta Galbeed iyo magaalada Qudus.
Maamulka
madaxwayne Biden oo dhankooda walaac ka muujiyay iska hor imaadyadani ayaa ku
cadaadinaya Israa’iil in aysan fulin howlaha dadka Falastiiniyinta goobtaasi
looga rarayo.
Ururka Jaamacadda Carabta ayaa dhankooda ugu baaqay beesha caalamka
in ay arrintan soo faragaliyaan si looga hortago in dadkaasi si qasab ah looga
raro xaafadda lagu magacaabo Sheikh Jarrah .
Isku dhacyadii
u dambeeyay waxaa ku dhaawacmay 17 kamid ah askarta Israa’iil.
Israa’iil ayaa xoog ku haysata bariga magaalada Qudus tan iyo wixii ka dambeeyay dagaalkii carabta iyo Israa’iil sanadkii 1967.
Wadaad caan ka ah Itoobiya oo dowladda ku eedeeyay inay xasuuq ka geysatay Tigray
Xigashada Sawirka, AFP
Qoraalka sawirka, Itoobiya waxay beenisay in tacaddiyo ay u geysatay dad rayid ah
Madaxa ugu sarreeya kaniisadda Orthodox ee dalka Itoobiya ayaa ku eedeeyay dowladda inay xasuuq ka geysatay gobolka Tigray.
Wadaadkan oo lagu magacaabo Abune Mathias ayaa sheegay in dowladda habeen iyo maalinba ay ka shaqeyneysay sidii ay u burburin laheyd gobolka.
Wadaadka oo qudhiisu kasoo jeedo Tigray ayaa sheegay in uu is xakameynayay markii uu dagaalka ka qarxay gobolka, waana markii ugu horreysay uu ka hadlo xaaladda Tigray.
Wuxuu intaas ku daray in xitaa xasuuq laga fuliyay gudaha kaniisado.
Dowladda Itoobiya waxay ku adkeysatay inay beegsaneysay hoggaanka TPLF balse aysan wax dhibaato ah u geysan shacabka.
Weerar lagu qaaday saldhig ciidamada Mareykanka ay ku leeyihiin Ciraaq
Ciidamada Mareykanka ee ku sugan dalka Ciraaq ayaa sheegay in diyaarad Drones ah ay weerar ku qaaday saldhig ay ku sugnaayeen ciidamo Amerikaan ah.
Waxaana lagu soo warramayaa in weerarka uusan wax khasaare ah geysan balse uu burburiyay qeybo kamid ah dhismo ku yaallay saldhigga ciidamada cirka ee Ceyn Al Asad ee dhaca galbeedka gobolka Anbar.
Waa markiii afaraad oo diyaarad aan duliye wadin ama madaafiic lagu weeraro saldhigyada ciidamada Mareykanka ee Ciraaq.
Xigashada Sawirka, Reuters
Qoraalka sawirka, Weeraro ayaa horey uga dhacay saldhigga ciidamada cirka ee Ceyn Al Asad ee Ciraaq
Ma laga yaabaa in Mareykanka uu soo rido gantaalka baxsadka ah ee shiinaha?
Xigashada Sawirka, Getty Images
Mareykanka
wuxuu Khamistii sheegay inay si dhaw ula socdaan halka uu maray gantaalka balse
haatan aysan qorshaha ugu jirin inay soo ridaan gantaalka baxsadka ah ee
Shiinaha.
“Waxaan
ku rajo wenahay in uu ku dhici doono dhul isla markaana uusan waxyeello u
geysan doonin dadka” ayuu yiri wasiirka gaashaandhigga Mareykanka Lloyd Austin.
Wuxuu
intaas ku daray “Waxaa lagu rajo weyn yahay in uu kusoo dhaco badda ama dhul
lamid ah”
Raadaarada sida dhow
ula socda gantaalka wayn ee Shiinaha waxay qiyaasayaan halka la filayo dhulka
ee uu ku dhaci doono.
Gantaalkan wayn ee lagu magacaabo Long March-5b, oo ah sida
gaari qaadi kara xamuulka, waxaa bishii la soo dhaafay loo diray saldhigga
cusub ee Shiinaha uu ka sameystay hawada sare.
Balse, gantaalka oo ku soo wajahan dhulka, hadda waa la xakameyn
waayay. Waa gantaalkii labaad ee ugu wayn ee la xakameyn waayay ee dhulka ku
soo dhaca, 30 sano gudahood.
Putin: Tallaalka Ruushka waa mid laisku haleyn karo sida qoriga AK 47
Xigashada Sawirka, Reuters
Qoraalka sawirka, Madaxweyne Putin wuxuu sheegay in tallaalka uu soo saaray dalkiisa uu yahay mid laisku haleyn karo oo amni ah
Madaxweynaha Ruushka Vladimir Putin ayaa ka dhawaajiyay in
tallaalka uu soo saaray dalkiisa uu yahay mid laisku haleyn karo sida hubka AK
47.
Wuxuu hadalkan ka sheegay xilli uu Khamistii shir la lahaa Ra’iisul
Wasaare ku xigeenka Ruushka Tatyana Golikova.
Putin
wuxuu isbarbardhig ku sameeyay xilliggii maamulkii Soviet-ka oo uu hubka Kalashnikov
ahaa mid caan ah oo ilaa iyo maanta si weyn loo adeegsado.
Wuxuu carabaabay hadal uu horraan jeediyay dhakhtar kasoo jeedo
Austria kaas oo horraantii sanadkan ka hadlay waxtarka tallaalkan.
Saameynta ka dhalatay roobabka ka da'ay Muqdisho
Taariikh nololeedka xildhibaan Cabdullaahi Sheekh Ismaaciil oo Muqdisho ku geeriyooday
Waxaa gelinkii danbe ee shalay magaalada Muqdisho ku geeriyooday Alle ha u naxariistee, xildhibaan Cabdullaahi Sheekh Ismaaciil, oo horey u soo noqday Ra'iisul wasaare ku xigeen iyo wasiirka arimaha dibadda, haatanna ahaa xildhibaan ka tirsan golaha shacabka .
Xildhibaanka oo xilal kala duwan soo qabtay, muddo badanna ku soo jiray siyaasadda Soomaaliya ayaa la sheegay in uu maalmahaanba xanuunsanaa.
Taariikhda marxuumka ayaa waxaa BBC uga warramay Cabdikariin Xaaji Cabdi Buux oo ah xoghayaha guud ee golaha shacabka Soomaaliya.
Soomaaliya: “Xiriirka diblumaasiyadeed ee Kenya ma khuseeyo dacwadda badda”
Ra’iisul Wasaare ku xigeenka Soomaaliya Mahdi Maxamed
Guuleed ayaa sheegay in xiriirka diblumaasiyadeed ee Kenya iyo Soomaaliya ay
tahay arrin gaar ah oo aanan khuseyn muranka badda ee ka dhex taagan labada
dal.
Wuxuu intaas ku daray in dacwadda khilaafka badda ay go’aan
ka gaari doonto maxkamadda Caddalladda Adduunka isla markaana ay sugayaan go’aan
kama dambeys ah.
“Xiriirka diblumaasiyadeed ee labada dal waa arrin gaar ah”
ayuu ku yiri qoraal oo soo dhigay barta Twitter-ka.
Dhawaan ayay aheyd markii dowladda Soomaaliya ay ku dhawaaqday in ay dib usoo celisay xiriirkii
diblomaasiyadeed ee ay la lahayd Kenya, kaas oo hakad ku jiray muddo dhowr
bilood ah.
Go'aankan ayaa lagu
sheegay bayaan wadajir uga soo baxay labada dhinac oo uu warfidiyeenka u
aqriyay wasiir ku xigeenka warfaafinta Soomaaliiya.
Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.
Digniin: BBC macluumaadka ku qoran bog kale masuul kama ahan
Dhammaadka X boggan
As-salaamu Caleykum, kusoo dhawaada tebinta tooska ah ee aan idiin kuugu soo gudbinno wararkii ugu dambeeyay soomaalida iyo caalamka.
Waa maalin Sabti ah taariikhda waxay ku beegantahay 8-da bisha May sanadka 2021-ka.
