Iiraan oo soo saartay warqad ay ku dalbanayso in Trump la xiro

Tebin toos ah

1. 29 Juunyo 2020Soomaaliya oo xil sare ka heshay Qaramada Midoobey

   

   Xigashada Sawirka, Safaaradda soomaaliya ee Mareykanka

   Tobonaan sanno kaddib Soomaaliya waxaa loo doortay Madaxweyne ku-xigeenka Golaha loo dhan yahay ee Qaramada Midoobey gaar ahaan fadhi xileedka 75-aad,waxaa xilkaas loo doortay Danjiraha dowladda Soomaaliya u fadhiya Qaramada Midoobay, Abuukar Daahir Cusmaan (Abuukar Baalle).

   Soomaaliya ayaa 33 sanno kaddib dib u heshay kursigan.

   Ka bood X boggan

   Oggolow X macluumaadka

   Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

   Aqbal horayna u soco

   Digniin: BBC macluumaadka ku qoran bog kale masuul kama ahan

   Dhammaadka X boggan

2. 29 Juunyo 2020

   Saamaynta uu ku yeeshay Korona maalmaha dabaaldaga xoriyada Soomaalida,Fadlan ra’yigaagana ka soo dhiibo.

3. 29 Juunyo 2020Iiraan oo soo saartay warqad ay ku dalbanayso in Trump la xiro

   

   Dowladda Iiraan ayaa soo saartay warqad ay ku weydiisanayso booliska caalamiga ah ee Interpol inay xiraan madaxweynaha dalka Maraykanka Donald Trump, iyo tobanaan qof oo kale oo ay aaminsanyihiin inay ka dambeeyeen dilkii Janaraal Qaasim Suleymaan.

   Janaraal Qaasim Suleymaan, oo ahaa madaxa cutub kamid ah ciidamada ilaalada kacaanka ee dalka Iran oo lagu magacaabo Quds ayaa horaan sanadkan lagu dilay gantaallo ay diyaaradaha aan duuliyaha lahayn ku rideen garoonka diyaaradaha magaalada Baghdad ee dalka Ciraaq.

   Dacwad oogaha guud ee Tehran Cali Alqasimehr ayaa Isniintii sheegay in Trump iyo 30 qof oo kale ee ku lug lahaa dilkii Qaasim Sulaymaani ay wajihi doonaan “dacwado la xiriira dil iyo argagixiso” sida lagu sheegay bayaan ay soo saartay wakaaladda wararka ee ISNA.

   Dilka Janaraal Qaasim Suleymaan ayaa waxa sheegatay Wasaaradda gaashaandhiga ee Mareykanka.

4. 29 Juunyo 2020Deni oo laga dalbaday inuusan ka qeybgelin kulanka uu ku baaqay Farmaajo

   

   Baarlamaanka maamulka Puntland ayaa madaxweyne Siciid Cabdullaabi Deni ka dalbaday inuusan ka qayb gelin kulankii maamul goboleedyada ee madaxweynaha Soomaaliya Maxamed Cabdullaahi Farmaajo uu horay ugu baaqay.

   Warsaxaafadeed ka soo baxay golaha wakiilada ee Puntland ayaa lagu xusay inay ka soo horjeedan tallaabooyin ay ku tilmaameen inay yihiin kuwa "sharci darra " ah oo ay qaadeen baarlamaanka Federaalka ee Soomaaliya sida dhamaystirka xeerarka doorashooyinka Qaranka iyo hadal jeedintii Guddoomiyaha Guddiga doorashooyinka Qaranka.

   

   Xigashada Sawirka, .

   

   Xigashada Sawirka, .

5. 29 Juunyo 2020Fayraska korona oo aad ugu fidaya dalka Maraykanka

   Fayraska korona ayaa ku soo laba kacleeyey oo haatan aad ugu fidaya dalka Maraykanka waxaanay tirada dadka uu ku dhacay haatan gaadhay in ka badan laba milyan iyo badh qof.

   Waxaa laga soo sheegayaa gobollo dalkaa ku yaal tiro badan oo hor leh oo uu ku dhacayo cudurku waxaanay arintaasi cabsi badan ku abuurtay khubarada caafimaada iyo dadka caadiga ah ee Maraykanka labadaba.

   Hadaba maxaa loo aanayn karaa aritan Dr Cabdiraxmaan Maxamed Madar oo ka hawl gala isbitaalka HCMC oo ku yaal magaalada Minneapolis ee dalka Marakanka ayaa iiga waramay.

6. 29 Juunyo 2020Booliska: Nimankii weeraray suuqa waa la dilay

   Saraakiisha amniga ee dalka Pakistan ayaa sheegay inay dileen afar nin oo weerar ka gaysatay suuqa weyn ee sarifka eek u yaalaKarachi.

   Wararka ayaa sidoo kale sheegaya in laba qof oo kale halkaas lagu dilay.

   Masuuliyadda weerarka ayaa waxa sheegtay Ciidamada xornima-doonka ee Balochistan.

   Dablayda weerarka gaysatay ayaa bam gacameed ku tuuray albaabka weyn ee dhismaha suuqa.

7. 29 Juunyo 2020Maxay tahay sababta uu Sheekh Maxamed Ibraahim Kenyaawi ugu biiray barta ay dhalintu ku badan tahay ee TikTok?

8. 29 Juunyo 2020Weerar lagu qaaday suuqa sarifka Pakistan ee ku yaalla Karachi

   

   Xigashada Sawirka, Getty Images

   Rag hubaysan oo weerar ku qaaday suuqa sarifka ee Pakistan ee ku yaala magaalada Karachi, ayaa ugu yaraan dilay laba qof qaar kalana halkaas ku dhaawacay, sida ay warbaahinta dalkaas sheegtay.

   Dablayda weerarka gaysatay ayaa bam gacameed ku tuuray albaabka weyn ee dhismaha suuqa.

   Wararka ayaa sheegaya in booliska ay dileen qaar ka mid ah dablaydaan hubaysan, balse uu weli weerarka socdo.

   Weli ma cadda tirada ay yihiin nimanka dhismaha weeraray iyo waxa ay damacsanaayeen.