Maxay dibadbaxayadii maalmahan ka socday Minnesota ka badeleen nolosha Soomaalida?

Tebin toos ah

1. 3 Juunyo 2020War deg deg ah, Xidigtii kubadda koleyga Soomaaliya Faay Aweys oo goordhaweyd geeriyootay

   Xidigtii kubadda koleyga Soomaaliya Faay Aweys, ayaa goordhaweyd ku geeriyootay Muqdisho.

   Allaha unaxaristee waxay kamid ahayd xidigihii kooxdii LLPP Jeenyo intii aanay dhicin dawladii hore.

   Dagaaladii sokeeye ka dib waxay qayb ka ahayd gabdhihii ciyaari jiray ee kaalinta weyna kulahaa soo nooleynta ciyaarta kubada koleyga Soomaaliya.

   

2. 3 Juunyo 2020Shiinaha oo Mareykanka uga digay arrin isaga lagu eedeynaayay

   

   Xigashada Sawirka, Reuters

   Shiinaha ayaa mar kale Maraykanka ku dhaleeceeyey midab takoor iyo cunsurimo xilli ay dalkaas ka socdaan dibadbaxyo ballaaran oo looga soo horjeedo dilka nin madow oo aan hubaysnayn.

   “Waxaan rajaynaynaa in dowladda Maraykanka ay qaadi doonto tallaabooyin ay ku fulinayso waajibaadka ay beesha caalamka uga dalbanayso joojinta fuquuqa iyo ku xadgudubka dadka lagada tirada badanyahay.” Ayuu yiri Zhao Lijian, oo ah afhayeenka wasaaradda arrimaha dibadda ee dalka Shiinaha.

   Shiinaha “ Wuxuu mar walba ka soo horjeeda xadgudubyada dhanka midabtakoorka,” ayuu ku daray Zhao.

   Hase yeeshe, dowladda Shiinaha ayaa qudheeda si weyn loogu cambaareeyey falalka la xiriira cunsurinimada.

   Dad Afrikaan ah ayey dhawaan dowladda Shiinaha ku qasabtay inay galaan karantiil, waxay muddo laba isbuuc ah ku noolaayeen jidadka magaalada Guangzhou iyaga oo aan haysan meel ay ku hoydaan.

   Shiinaha ayaa sidoo kale lagu eedeeyey inay meel ku xireen malaayiin Muslimiinta Uighurs.

3. 3 Juunyo 2020Ma u xiistay maqaayadaha?. Haddaba waxaa jira hab cusub oo maqaayadaha adduunka qaar ay dhaqangaliyeen

4. 3 Juunyo 2020Maxay dibadbaxayadii maalmahan ka socday Minnesota ka badeleen nolosha Soomaalida?

   Minnesota dibadbaxayadii ka socday maalmahan ayaa badalay nolosha dadka gobolkaas.

   Waxaan warbaxin idiinka diyaarinay qodabadii ugu saamaynta badnaa ee ay kaciyeen xiisadahaasi iyo sida ay dibadbaxyada qayb uga yihiin dhalinyarada Soomaaliyeed ee Minnesota ku koray ama kuwa ku dhashayba .

   Hoos ka dhagayso warbaxintan uu Siyad Said Salah ka soo diray halkaas.

5. 3 Juunyo 2020Nin Hargaysa joogo oo dowladda hoose ku dacweeyey lo’ laga xiray

   Waxa muddoba cabasho waday nin dan yar ah oo ku nool magaalada Hargaysa oo sheegay in uu ka cabanayo dhibaato uu ka tirsanayo dawladda hoose ee magaalada.

   Laba neef oo uu lahaa ayaa ku jiray lo’ ay dawladda hoose ee magaalada ka dhex ururisay oo ay sheegtay in aan la ogolaayn in magaalada xoolaha lagu sii daayo.

   Lo’daas oo afartameeyo neef ahayd dhawr bilood xero ku jirtay.

   Cali Cabdi Cumar oo ah ninka eeda ka tirsanayo dawladda hoose ayaa cabashadiisa u gudbiyey dawladda hoose, maxkamadda iyo xarunta baarlamanka oo isaga oo ubadkiisii wata ay is hor tubeen.

   Waryaha BBC-da ee magaalada Hargaysa Sidiiq Burmad ayaa la kulmay.

6. 3 Juunyo 2020Mudaharaadyada Maraykanka oo sii xoojiyey cabsida Korona

   Wakaaladda wararka ee Associated Press news ayaa falaanqayn ay samaysay maalmihii la soo dhaafay ku sheegtay in korona uu aad ugu faafay 25 xaafadood oo ay ka socdeen dibadbaxyada looga soo horjeedo dilkii loo gaystay George Floyd.

   Waxaa jirta cabsi laga qaba inay kiisaska cusub kor u kacaan, iyada oo dadka mudaharaadaya ay buuxiyeen jidadka aysanna ku dhaqmaynin taloobooyinka lagula tacaalayo faafidda cudurka korona..

   Waxaa ilaa hadda Maraykanka laga diwaangeliyay 1.8 milyan oo kiis, halka dhimashadana ay dhaaftay 106,000.

   

   Xigashada Sawirka, AFP

7. 3 Juunyo 2020

   Kulanti wacan akhyaarta halkan nagala socotaay kusoo dhawaada tebinta tooska ah oo aan idiin kuugu soo gudbinno wararkii ugu dambeeyay soomaalida iyo caalamka.