Dleastanasan

A' lorg agus ag obrachadh còmhla ri sgrìobhadairean sgriobt. A' feuchainn chleasaichean airson pàirtean agus a' taghadh an neach as fheàrr airson an caractar a chluich. A' clàradh na thèid dhan phrògram. Ag obair còmhla ris an innealadair fuaim airson cleasaichean a chlàradh anns an stiùidio. A' cur fuaim no ceòl a bharrachd ri na thèid a chlàradh anns an stiùidio. A' toirt gach pìos ri chèile ann am prògram do sgoiltean.

Prìomh uidheamachd

Sgriobt math, sgioba agus cleasaichean math agus a bhith comasach air gàire a dhèanamh!

Clàr-obrach

Dh' obraich mi air measgachadh mòr de phrògraman rèidio, a' preseantadh, a' riochdachadh agus uaireannan a' dèanamh teatha! Riochdaich mi làrach-lìn do gach aois bho Na Tweenies gu feadhainn airson deugairean. Sgrìobh mi sgriobtan airson a' phrògraim telebhisein Balamory cuideachd.

Pròiseact as inntinneach air an do dh'obraich thu bho chionn ghoirid

Na prògraman rèidio mu Shìona, nach eil fhios agad! Sgriobtaichean sgoinneil agus e spòrsail a bhith ag obrachadh orra. Bha stiùidio mìorbhaileach ùr dràma againn an turas seo cuideachd. Mar sin, dh' atharraich mi fear de na sgriobtaichean gus am faigheamaid air an greabhal anns an stiùdio a chleachdadh airson fuaim ruith a dhèanamh. Uill, ma tha an stuth agad…