Dleastanasan

Nuair a cho-dhùineas am BBC gu bheil iad ag iarraidh prògram air cuspair sònraichte, tha e an urra riumsa obrachadh a-mach dè bu chòir a dhol dhan phrògram agus dè dh'fheumas mise a chruthachadh airson a thoirt gu bith.

Airson seo a dhèanamh, feumaidh mi uaireannan sgrìobhadairean agus cleasaichean a lorg agus sgriobtan a chlàradh ann an stiùidio. Uaireannan eile, 's e preseantair agus eòlaichean air a' chuspair a tha a dhìth. Feumar rannsachadh a dhèanamh air a' chuspair mus tèid agallamh a chlàradh. Bidh mi an uairsin a' sgrìobhadh agus a' clàradh sgriobt còmhla ris a' phreseantair agus a' gearradh an stuth gus prògram a dhèanamh. Bidh mi tric a' cur ceòl no fuaimean ris a' phrògram gus am bi e inntinneach èisteachd ris.

Prìomh uidheamachd

Clàradair Nagra agus bataraidhean gu leòr.

Clàr-obrach

Thòisich mi ag obair aig a' BhBC ann an Roinn an Ionnsachaidh mar Neach-cuideachaidh Rèido. Tha mi air an t-uabhas a dhèanamh o nuairsin; a' riochdachadh agus a' stiùireadh prògraman telebhisein. Tha mi an-dràsta ag obair nam Riochdaire Rèidio. A' dèanamh prògraman do Radio Scotland agus Radio 4.

Pròiseact as inntinniche air an do dh'obraich thu bho chionn ghoirid

Bha na prògraman rèidio mu Shìona dùbhlanach ach chòrd e rium gu mòr gu robh dràma air a mheasgachadh le fiosrachadh eile annta airson diofar phàirtean den sgeulachd innse. Chòrd e rium a bhith a' taghadh clann airson na prìomh caractaran a chluich (bha mi a' faireachdainn coltach ri Simon Cowell ach tha mi an dòchas gu robh mi snog). Agus bha spòrs againn a' clàradh nan dràmathan anns an stiùdio.