ਕਾਬੁਲ ਤੋਂ ਭਾਰਤੀਆਂ ਨੂੰ ਕੱਢਣ ਦੀ ਮੁਹਿੰਮ ਵਿੱਚ ਤੇਜ਼ੀ, ਕਈ ਉਡਾਣਾਂ ਭਾਰਤ ਪਹੁੰਚ ਰਹੀਆਂ ਹਨ
ਕਾਬੁਲ ਵਿੱਚ ਫਸੇ ਭਾਰਤੀਆਂ ਨੂੰ ਕੱਢਣ ਮੁੰਹਿਮ ਵਿੱਚ ਤੇਜ਼ੀ ਆ ਗਈ ਹੈ।
ਇੱਕ ਉਡਾਣ ਬੀਤੀ ਰਾਤ ਦੁਸ਼ਾਂਬੇ ਰਾਹੀਂ ਨਵੀਂ ਦਿੱਲੀ ਪਹੁੰਚ ਹੈ, ਉੱਥੇ ਹੀ ਦੋਹਾ ਅਤੇ ਕਾਬੁਲ ਤੋਂ ਦੋ ਉਡਾਣਾਂ ਆ ਰਹੀਆਂ ਹਨ।
ਦੇਰ ਰਾਤ ਕਤਰ ਵਿੱਚ ਭਾਰਤੀ ਦੂਤਾਵਾਸ ਨੇ ਟਵੀਟ ਕਰ ਕੇ ਜਾਣਕਾਰੀ ਦਿੱਤੀ, “135 ਭਾਰਤੀਆਂ ਦੇ ਦਲ ਦਾ ਪਹਿਲਾ ਜਥਾ ਕਾਬੁਲ ਤੋਂ ਦੋਹ ਪਹੁੰਚਿਆ ਸੀ, ਜਿਸ ਨੂੰ ਅੱਜ ਰਾਤ ਭਾਰਤ ਭੋਜਿਆ ਜਾ ਰਿਹਾ ਹੈ।।”
“ਦੂਤਾਵਾਸ ਦੇ ਅਧਿਕਾਰੀਆਂ ਨੇ ਕੌਂਸੂਲਰ ਅਤੇ ਲੌਜਿਸਟਿਕ ਸਹਾਇਤਾ ਦਾ ਭਰੋਸਾ ਦਿਵਾਇਆ ਤਾਂ ਜੋਂ ਸੁਰੱਖਿਅਤ ਵਾਪਸੀ ਹੋਵੇ। ਅਸੀਂ ਕਤਰ ਅਤੇ ਬਾਕੀ ਸਬੰਧਿਤ ਪ੍ਰਸ਼ਾਸਨ ਵੱਲੋਂ ਇਸ ਨੂੰ ਯਕੀਨੀ ਬਣਾਉਣ ਲਈ ਧੰਨਵਾਦ ਕਰਦੇ ਹਾਂ।”
ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਟਵੀਟ ਕਰ ਕੇ ਜਾਣਕਾਰੀ ਦਿੱਤੀ ਹੈ ਕਿ ਤਾਜਿਕਸਤਾਨ ਤੋਂ 87 ਭਾਰਤੀਆਂ ਨੂੰ ਲੈ ਕੇ ਏਅਰ ਇੰਡੀਆ ਦਾ ਜਹਾਜ਼ ਨਵੀਂ ਦਿੱਲੀ ਪਹੁੰਚ ਰਿਹਾ ਹੈ।
ਉਨ੍ਹਾਂ ਨੇ ਟਵੀਟ ਵਿੱਚ ਲਿਖਿਆ, “ਅਫ਼ਗਾਨਿਸਤਾਨ ਤੋਂ ਭਾਰਤੀਆਂ ਨੂੰ ਘਰ ਲਿਆਂਦਾ ਜਾ ਰਿਹਾ ਹੈ। ਏਅਰ ਇੰਡੀਆ 1956 ਉਡਾਣ 87 ਭਾਰਤੀਆਂ ਨੂੰ ਤਾਜਿਕਸਤਾਨ ਤੋਂ ਨਵੀਂ ਦਿੱਲੀ ਲੈ ਕੇ ਆ ਰਹੀ ਹੈ। ਦੋ ਨੇਪਾਲੀ ਨਾਗਰਿਕਾਂ ਨੂੰ ਵੀ ਕੱਢਿਆ ਗਿਆ ਹੈ। ਦੁਸ਼ਾਂਬੇ ਵਿੱਚ ਸਾਡੇ ਦੂਤਾਵਾਸ ਨੇ ਸਹਾਇਤਾ ਕੀਤੀ ਹੈ। ਇਸ ਤੋਂ ਬਾਅਦ ਹੋਰ ਉਡਾਣਾਂ ਆਉਣ ਵਾਲੀਆਂ ਹਨ।”
ਇਸ ਤੋਂ ਬਾਅਦ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਟਵੀਟ ਕੀਤਾ ਕਿ ‘ਬਚਾਅ ਮੁਹਿੰਮ ਜਾਰੀ ਹੈ ਅਤੇ 168 ਯਾਤਰੀਆਂ ਨੂੰ ਲੈ ਕੇ ਭਾਰਤੀ ਹਵਾਈ ਸੈਨਾ ਦੀ ਵਿਸ਼ੇਸ਼ ਉਡਾਣ ਕਾਬੁਲ ਤੋਂ ਦਿੱਲੀ ਆ ਰਹੀ ਹੈ, ਜਿਸ ਵਿੱਚ 107 ਭਾਰਤੀ ਨਾਗਰਿਕ ਵੀ ਹਨ।”