You’re viewing a text-only version of this website that uses less data. View the main version of the website including all images and videos.
ਨਿਊਯਾਰਕ ਵਿੱਚ ਮੌਤਾਂ ਦਾ ਅੰਕੜਾ 10 ਹਜ਼ਾਰ ਪਾਰ ਹੋ ਗਿਆ ਹੈ, ਪਰ ਇਸ ਸਮੇਤ ਛੇ ਹੋਰ ਸੂਬਿਆ ਤੋਂ ਪਾਬੰਦੀਆਂ ਹਟਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਕੋਵਿਡ-19 ਇੱਕ ਤੋਂ ਦੂਜੇ ਵਿਅਕਤੀ ਤੱਕ ਫ਼ੈਲਦਾ ਹੈ। ਇਹ ਖੰਘਣ ਤੇ ਛਿੱਕਣ ਸਮੇਂ ਨਿਕਲਦੇ ਛਿੱਟਿਆਂ ਰਾਹੀਂ ਫ਼ੈਲਦਾ ਹੈ। ਜਦੋਂ ਦੂਜਾ ਵਿਅਕਤੀ ਇਨ੍ਹਾਂ ਤੁਪਕਿਆਂ ਨੂੰ ਸਾਹ ਰਾਹੀਂ ਅੰਦਰ ਲੈ ਲੈਂਦਾ ਹੈ।
ਕੋਰੋਨਾਵਾਇਰਸ ਨਾਲ ਪਹਿਲਾਂ ਤੁਹਾਨੂੰ ਬੁਖ਼ਾਰ ਹੁੰਦਾ ਹੈ। ਪੂਰੀ ਖ਼ਬਰ ਪੜ੍ਹਣ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।
ਮਨੁੱਖੀ ਅਧਿਕਾਰ ਕਾਰਕੁਨ ਤੇ ਖੱਬੇਪੱਖੀ ਵਿਦਵਾਨ ਗੌਤਮ ਨਵਲੱਖਾ ਨੇ ਆਈਐੱਨਏ ਅੱਗੇ ਆਤਮ-ਸਮਰਪਣ ਕੀਤਾ ਹੈ।
ਗੌਤਮ ਨਵਲੱਖਾ ਨੂੰ ਮਾਓਵਾਦੀਆਂ ਦਾ ਸਮਰਥਕ ਸਮਝਿਆ ਜਾਂਦਾ ਹੈ।
01 ਜਨਵਰੀ 2018 ਵਿਚ ਪੂਣੇ ਦੇ ਭੀਮਾ ਕੋਰੇਗਾਂਓ ਦੀ ਹਿੰਸਾ ਦੇ ਮਾਮਲੇ ਵਿਚ ਨਵਲੱਖਾ ਨੇ ਆਤਮ ਸਮਰਪਣ ਕੀਤਾ ਹੈ।
ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ ਨਾਗਰਿਕ ਅਧਿਕਾਰ ਕਾਨੂੰਨ ਦੇ ਕਾਰਕੁਨ ਗੌਤਮ ਨਵਲਖਾ ਨੇ ਐੱਨਆਈਏ ਸਾਹਮਣੇ ਸਰੰਡਰ ਕਰ ਦਿੱਤਾ ਹੈ। ਸਾਲ 2018 ਦੇ ਭੀਮਾ ਕੋਰੇਗਾਂਵ ਮਾਮਲੇ ਵਿੱਚ ਉਨ੍ਹਾਂ ਨੇ ਸਰੰਡਰ ਕੀਤਾ ਹੈ।
ਐੱਨਆਈਏ ਨੇ ਆਨੰਦ ਤੇਲਤੁੰਬਡੇ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਹੈ। ਥੋੜ੍ਹੀ ਦੇਰ ਵਿੱਚ ਉਨ੍ਹਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
ਸੁਪਰੀਮ ਕੋਰਟ ਨੇ ਗੌਤਮ ਨਵਲਖਾ ਅਤੇ ਆਨੰਦ ਨੂੰ ਮੰਗਲਵਾਰ ਨੂੰ ਸਰੰਡਰ ਕਰਨ ਦੇ ਹੁਕਮ ਦਿੱਤੇ ਸਨ। ਸੁਪਰੀਮ ਕੋਰਟ ਨੇ ਗੌਤਮ ਨਵਲਖਾ ਦੀ ਕੋਰੋਨਾਵਾਇਰਸ ਮਹਾਮਾਰੀ ਦਾ ਹਵਾਲਾ ਦੇਣ ਵਾਲੀ ਅਰਜ਼ੀ ਖਾਰਿਜ ਕਰ ਦਿੱਤੀ ਸੀ।
ਗੌਤਮ ਨਵਲਖਾ ਪਿਛਲੇ ਚਾਰ ਦਹਾਕਿਆਂ ਤੋਂ ਮਨੁੱਖੀ ਹਕੂਕ ਅਤੇ ਸ਼ਹਿਰੀ ਹਕੂਕ ਦੇ ਕਾਰਕੁਨ ਹਨ। ਉਹ ਪੀਪਲਜ਼ ਯੂਨੀਅਨ ਫਾਰ ਡੈਮੋਕਰੇਟਿਕ ਰਾਈਟਸ (PUDR) ਦੇ ਕਈ ਵਾਰ ਸਕੱਤਰ ਰਹੇ ਹਨ।
ਭਾਰਤ-ਪਾਕਿਸਤਾਨ ਵਿੱਚ ਅਮਨ ਦੀ ਵਕਾਲਤ ਕਰਨ ਵਾਲੇ ਪੰਜਾਬ ਵਿੱਚ ਲਗਾਤਾਰ ਆਉਂਦੇ ਰਹੇ ਹਨ ਅਤੇ ਵੱਖ-ਵੱਖ ਮੌਕਿਆਂ ਉੱਤੇ ਦੇਸ਼ ਭਗਤ ਯਾਦਗਾਰੀ ਹਾਲ ਜਲੰਧਰ, ਪੰਜਾਬੀ ਭਵਨ ਲੁਧਿਆਣਾ ਅਤੇ ਬਰਨਾਲਾ ਵਿੱਚ ਅਹਿਮ ਮੁੱਦਿਆਂ ਉੱਤੇ ਬੋਲਦੇ ਰਹੇ ਹਨ।
ਬੀਬੀਸੀ ਲਈ ਗੁਰਪ੍ਰੀਤ ਚਾਵਲਾ ਦੀ ਰਿਪੋਰਟ: ਗੁਰਦਾਸਪੁਰ ਵਿੱਚ ਕੋਰੋਰਨਾਵਾਇਰਸ ਦਾ ਪਹਿਲਾ ਪੋਜਿਟਿਵ ਮਾਮਲਾ ਸਾਹਮਣੇ ਆਇਆ ਹੈ।
ਜਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਮੁਤਾਬਕ ਇਹ 60 ਸਾਲਾ ਵਿਅਕਤੀ ਜਲੰਧਰ ਰਹਿੰਦੇ ਆਪਣੇ ਇੱਕ ਰਿਸ਼ਤੇਦਾਰ ਦੇ ਸੰਪਰਕ ਵਿੱਚ ਆਇਆ ਸੀ ਜੋ ਕਿ ਕੋਰੋਨਾਵਾਇਰਸ ਦਾ ਪੌਜਿਟਿਵ ਸੀ।
ਹੁਣ ਮਰੀਜ਼ ਦੇ ਪਿੰਡ ਦੀ ਸਕਰੀਨਿੰਗ ਸ਼ੁਰੂ ਕੀਤੀ ਜਾ ਰਹੀ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਭਾਸ਼ਣ ਬਾਰੇ ਕਾਂਗਰਸ ਨੇ ਕਿਹਾ ਹੈ ਕਿ ਦੇਸ ਸੱਤ ਗੱਲਾਂ ਬਾਰੇ ਰੋਡਮੈਪ ਚਾਹੁੰਦਾ ਹੈ।
ਪੀਐੱਮ ਮੋਦੀ ਨੇ ਮੰਗਲਵਾਰ ਨੂੰ ਸੰਬੋਧਨ ਦੌਰਾਨ ਕਿਹਾ ਕਿ ਉਹ ਸੱਤ ਗੱਲਾਂ ’ਤੇ ਦੇਸ ਦਾ ਸਾਥ ਚਾਹੁੰਦੇ ਹਨ।
ਸੁਰਜੇਵਾਲਾ ਨੇ ਕਿਹਾ ਕਿ ਮੋਦੀ ਜੀ ਗੱਲਾਂ ਬਹੁਤ ਹੋ ਗਈਆਂ ਪਰ ਕੋਰੋਨਾ ਨਾਲ ਲੜਨ ਦਾ ਰੋਡੇਮੈਪ ਕੀ ਹੈ?
ਰਣਦੀਪ ਸੁਰਜੇਵਾਲਾ ਨੇ ਅਰਥਚਾਰੇ ਸਬੰਧੀ ਕਈ ਸਵਾਲ ਕੀਤੇ।
ਜੋ ਦਰਸ਼ਕ ਹੁਣੇ ਸਾਡੇ ਨਾਲ ਜੁੜੇ ਹਨ, ਉਨ੍ਹਾਂ ਲਈ ਹੁਣ ਤੱਕ ਦੀ ਅਪਡੇਟ-
ਯੂਕੇ ਵਿੱਚ ਕੋਰੋਨਾਵਾਇਰਸ ਦਾ ਪ੍ਰਭਾਵ ਜਾਣਨ ਲਈ ਮੰਗਲਵਾਰ ਸ਼ਾਮ ਨੂੰ ਬੈਠਕ ਹੋਵੇਗੀ।
ਯੂਕੇ ਵਿੱਚ ਲੌਕਡਾਊਨ ਦਾ ਚੌਥਾ ਹਫ਼ਤਾ ਹੈ ਅਤੇ ਵਿਦੇਸ਼ ਮੰਤਰੀ ਡੋਮਿਨਿਕ ਰਾਬ ਦਾ ਦਾਅਵਾ ਹੈ ਕਿ ਸਰਕਾਰ ਇਸ ਹਫ਼ਤੇ ਪਾਬੰਦੀਆਂ ਹਟਾਉਣ ਬਾਰੇ ਵਿਚਾਰ ਨਹੀਂ ਕਰ ਰਹੀ।
ਇੱਕ ਛੇ ਮਹੀਨੇ ਦੀ ਬੱਚੀ ਦੇ ਕੋਰੋਨਾਵਾਇਰਸ ਪੌਜ਼ਿਟਿਵ ਹੋਣ 'ਤੇ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।
ਤਕਰੀਬਨ 12 ਫੀਸਦ ਫਾਇਰਫਾਈਟਰ ਅਤੇ ਕੰਟਰੋਲ ਰੂਮ ਸਟਾਫ ਖੁਦ ਹੀ ਆਈਸੋਲੇਸ਼ਨ ਵਿੱਚ ਹਨ।
ਪੰਜਾਬ ਵਿੱਚ ਦੋ ਹੋਰ ਕੋਰੋਨਾਵਇਰਸ ਦੇ ਪੌਜ਼ਿਟਿਵ ਕੇਸ ਸਾਹਮਣੇ ਆਏ ਹਨ। ਇੱਕ ਮਾਮਲਾ ਜਵਾਹਰਪੁਰ ਦਾ ਹੈ ਜਿਸ ਦੇ ਸੈਂਪਲ ਦੁਬਾਰਾ ਭੇਜੇ ਗਏ ਸਨ।
ਇਹ ਉਸੇ ਪਰਿਵਾਰ ਨਾਲ ਸਬੰਧਤ ਹੈ ਜਿੱਥੇ ਕੋਰੋਨਾਵਾਇਰਸ ਦਾ ਪੌਜ਼ਿਟਿਵ ਮਾਮਲਾ ਪਹਿਲਾਂ ਹੀ ਹੈ।
ਇੱਕ ਹੋਰ ਕੋਰੋਨਵਾਇਰਸ ਦਾ ਪੌਜ਼ਿਟਿਵ ਮਾਮਲਾ ਮੰਡੀ ਖਰੜ ਤੋਂ ਸਾਹਮਣੇ ਆਇਆ ਹੈ ਜੋ ਕਿ ਕੋਰੋਨਾਵਇਰਸ ਮ੍ਰਿਤਕ ਦਾ ਹੀ ਸਪਰਕ ਕੇਸ ਹੈ।
ਮੋਹਾਲੀ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ ਪੌਜ਼ਿਟਿਵ ਮਾਮਲੇ 56 ਹਨ।
ਹਾਕੀ ਇੰਡੀਆ ਨੇ ਲੌਕਡਾਉਨ ਦੇ ਐਲਾਨ ਤੋਂ ਬਾਅਦ ਤੈਅ ਕੀਤੀਆਂ ਸਾਰੀਆਂ ਕੌਮੀ ਚੈਂਪੀਅਨਸ਼ਿਪਸ ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਹੈ।
ਚੀਨ ਵਿੱਚ ਸੋਮਵਾਰ ਨੂੰ 89 ਨਵੇਂ ਮਾਮਲੇ ਸਾਹਮਣੇ ਆਏ। ਇਹ ਵਾਧਾ ਹੋਇਆ ਹੈ ਰੂਸ ਦੇ ਹੇਲੋਂਜੀਆਂਗ ਸੂਬੇ ਤੋਂ ਚੀਨ ਪਰਤਣ ਵਾਲੇ ਲੋਕਾਂ ਕਾਰਨ ਜੋ ਕਿ ਸਰਹੱਦ ਨਾਲ ਲੱਗਦਾ ਹੈ।
ਚੀਨ ਦੇ ਨੈਸ਼ਨਲ ਹੈਲਥ ਕਮਿਸ਼ਨ ਮੁਤਾਬਕ 89 ਨਵੇਂ ਮਾਮਲਿਆਂ ਵਿੱਚੋਂ 86 ਬਾਹਰੋਂ ਆਏ ਲੋਕਾਂ ਦੇ ਮਾਮਲੇ ਹਨ ਜਦੋਂਕਿ ਤਿੰਨ ਸਥਾਨਕ ਹਨ।
ਸੀਸੀਟੀਵੀ ਚੈਨਲ ਮੁਤਾਬਕ ਇੰਨ੍ਹਾਂ ਵਿੱਚੋਂ 79 ਚੀਨੀ ਲੋਕ ਹਨ ਜੋ ਕਿ ਰੂਸ ਤੋਂ ਪਰਤੇ ਹਨ। 65 ਲੋਕਾਂ ਵਿੱਚ ਤਾਂ ਕੋਰੋਨਾਵਾਇਰਸ ਦੇ ਲੱਛਣ ਵੀ ਨਹੀਂ ਸਨ।
ਚੀਨ ਨੇ ਹਾਲ ਹੀ ਰੂਸ ਨਾਲ ਬਾਰਡਰ ਬੰਦ ਕਰ ਦਿੱਤਾ ਹੈ।
ਬੰਗਲਾਦੇਸ਼ ਦੇ ਸਿਹਤ ਮੰਤਰੀ ਜ਼ਾਹਿਦ ਮਲੇਕ ਨੇ ਮੰਨਿਆ ਹੈ ਕਿ ਕੋਰੋਨਾਵਾਇਰਸ ਦਾ ਕਮਿਊਨਿਟੀ ਟਰਾਂਸਮਿਸ਼ਨ ਹੋਇਆ ਹੈ ਕਿਉਂਕਿ ਦੇਸ ਨੇ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਰਿਕਾਰਡ ਕੇਸ ਦਰਜ ਕੀਤੇ ਹਨ।
ਸ਼੍ਰੀਲੰਕਾ ਅਤੇ ਨੇਪਾਲ ਅੱਜ ਲੌਕਡਾਊਨ ਵਿਚਾਲੇ ਆਪਣੇ ਰਵਾਇਤੀ ਨਵੇਂ ਸਾਲ ਦੇ ਤਿਓਹਾਰ ਮਨਾ ਰਹੇ ਹਨ। ਇਹ ਜਸ਼ਨ ਆਮ ਤੌਰੇ ’ਤੇ ਸ਼ਾਨਦਾਰ ਅਤੇ ਕਾਫੀ ਰੌਲੇ ਵਾਲਾ ਹੁੰਦਾ ਹੈ ਪਰ ਇਸ ਸਾਲ ਨਹੀਂ।
ਸ਼੍ਰੀਲੰਕਾ ਵਿੱਚ ਵਾਇਰਸ ਦੇ 217 ਮਾਮਲੇ ਸਾਹਮਣੇ ਆਏ ਹਨ, ਜਦੋਂਕਿ ਨੇਪਾਲ ਵਿੱਚ ਅਧਿਕਾਰਤ ਤੌਰ ‘ਤੇ ਸਿਰਫ 13 ਕੇਸ ਦਰਜ ਕੀਤੇ ਗਏ ਹਨ।
ਪੰਜਾਬ ਸਰਕਾਰ ਨੇ ਕੋਰੋਨਾਵਾਇਰਸ ਤੋਂ ਬਚਾਅ ਲਈ ਖੇਤਾਂ ਅਤੇ ਮੰਡੀਆਂ ਵਿੱਚ ਸਾਵਧਾਨੀਆਂ ਵਰਤਣ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ।
ਸਿਰਫ਼ ਉਹੀ ਕਿਸਾਨ ਮੰਡੀਆਂ ਵਿੱਚ ਆਪਣੇ ਫਸਲ ਲੈ ਕੇ ਆ ਸਕਦੇ ਹਨ ਜਿਨ੍ਹਾਂ ਨੂੰ ਆੜ੍ਹਤੀਆਂ ਵੱਲੋਂ ਹੋਲੋਗਰਾਮ ਦੀ ਪਰਚੀ ਦਿੱਤੀ ਗਈ ਹੋਵੇ।
ਟਰੈਕਟਕ ਉੱਪਰ ਡਰਾਈਵਰ ਤੋਂ ਬਿਨਾ ਹੋਰ ਕੋਈ ਵਿਅਕਤੀ ਨਾ ਬੈਠੇ।
ਖੇਤਾਂ ਅਤੇ ਮੰਡੀਆਂ ਵਿੱਚ ਬਿਲਕੁੱਲ ਵੀ ਨਾ ਥੁੱਕਣ।
ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਵੱਲੋਂ ਦੇਸ ਦੇ ਸੰਬੋਧਨ ਦੀ ਅਲੋਚਨਾ ਕੀਤੀ ਹੈ।
ਕਾਂਗਰਸ ਦੇ ਬੁਲਾਰੇ ਅਭਿਸ਼ੇਕ ਮਨੂਸਿੰਘਵੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇ ਭਾਸ਼ਨ ਵਿੱਚ ਬਿਆਨਬਾਜ਼ੀ ਤੋਂ ਇਲਾਵਾ ਕੁਝ ਨਹੀਂ ਸੀ।
ਸਿੰਘਵੀ ਅਨੁਸਾਰ, ਮੋਦੀ ਨੇ ਨਾ ਹੀ ਗਰੀਬਾਂ ਅਤੇ ਨਾ ਹੀ ਮੱਧ ਵਰਗ ਲਈ ਕੋਈ ਆਰਥਿਕ ਪੈਕੇਜ ਦਾ ਐਲਾਨ ਕੀਤਾ।
ਉੱਥੇ ਹੀ ਪੀ. ਚਿਦੰਬਰਮ ਨੇ ਟਵੀਟ ਕਰਕੇ ਕਿਹਾ, "ਗਰੀਬਾਂ ਨੂੰ ਆਪਣੇ ਲਈ ਖੁਦ ਹੀ 21 + 19 ਦਿਨਾਂ ਲਈ ਰੋਟੀ ਖਾਣ ਲਈ ਛੱਡ ਦਿੱਤਾ ਗਿਆ ਹੈ, ਜਿਸ ਵਿੱਚ ਅਮਲੀ ਤੌਰ 'ਤੇ ਭੋਜਨ ਮੰਗਣਾ ਵੀ ਸ਼ਾਮਲ ਹੈ। ਪੈਸੇ ਹਨ, ਭੋਜਨ ਹੈ, ਪਰ ਸਰਕਾਰ ਪੈਸੇ ਜਾਂ ਭੋਜਨ ਜਾਰੀ ਨਹੀਂ ਕਰੇਗੀ।"
ਦੇਸ ਦੇ ਕਈ ਸੂਬਿਆਂ ਵਿੱਚ ਮਾਸਕ ਪਾਉਣਾ ਲਾਜ਼ਮੀ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਆਪਣੇ ਸੰਬੋਧਨ ਦੌਰਾਨ ਮਾਸਕ ਪਾਉਣ 'ਤੇ ਜ਼ੋਰ ਦਿੱਤਾ।
ਕੀ ਮਾਸਕ ਕੋਰੋਨਾਵਾਇਰਸ ਤੋਂ ਬਚਾਅ ਸਕਦਾ ਹੈ?
ਰੇਲਵੇ ਤੋਂ ਬਾਅਦ ਹਵਾਬਾਜ਼ੀ ਮੰਤਰਾਲੇ ਨੇ ਵੀ ਐਲਾਨ ਕੀਤਾ ਹੈ ਕਿ ਸਾਰੀਆਂ ਦੀ ਘਰੇਲੂ ਅਤੇ ਕੌਮਾਂਤਰੀ ਉਡਾਣਾਂ 3 ਮਈ, 2020 ਤੱਕ ਮੁਅੱਤਲ ਰਹਿਣਗੀਆਂ।
ਲੌਕਡਾਊਨ ਦੇ ਵਧਣ ਤੋਂ ਬਾਅਦ ਭਾਰਤੀ ਰੇਲਵੇ ਨੇ ਸਾਰੀਆਂ ਪੈਸੰਜਰ ਟਰੇਨਾਂ ਨੂੰ 3 ਮਈ ਤੱਕ ਸਸਪੈਂਡ ਕਰ ਦਿੱਤਾ ਹੈ।
ਯਾਨਿ ਕਿ ਪ੍ਰੀਮੀਅਮ ਟਰੇਨਾਂ, ਮੇਲ/ਐਕਸਪ੍ਰੈਸ ਟਰੇਨਾਂ, ਪੈਸੰਜਰ ਟਰੇਨਾਂ, ਸਬ-ਅਰਬਨ ਟਰੇਨਾਂ ਸਾਰੀਆਂ ਹੀ ਪੈਸੰਜਰ ਟਰੇਨਾਂ 3 ਮਈ ਤੱਕ ਨਹੀਂ ਚੱਲਣਗੀਆਂ।
ਪਾਕਿਸਤਾਨ ਵਿੱਚ ਹੁਣ ਤੱਕ ਅਧਿਕਾਰਤ ਤੌਰ 'ਤੇ ਕੋਵਿਡ -19 ਦੇ 5,707 ਕੇਸ ਸਾਹਮਣੇ ਆ ਚੁੱਕੇ ਹਨ। ਪਾਕਿਸਤਾਨ ਨੇ ਐਲਾਨ ਕੀਤਾ ਹੈ ਕਿ ਦੇਸ ਵਿੱਚ ਕੌਮਾਂਤਰੀ ਸਰਹੱਦ ਦੋ ਹੋਰ ਹਫ਼ਤਿਆਂ ਲਈ ਬੰਦ ਰਹੇਗੀ।
ਇਸ ਫੈਸਲੇ ਦਾ ਐਲਾਨ ਦੇਸ ਦੇ ਗ੍ਰਹਿ ਮੰਤਰਾਲੇ ਨੇ ਟਵੀਟ ਰਾਹੀਂ ਕੀਤਾ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਵਿਦੇਸ਼ੀ ਪਾਕਿਸਤਾਨੀ ਨਾਗਰਿਕਾਂ ਨੂੰ ਕੋਰੋਨਾਵਾਇਰਸ ਰਾਹਤ ਫੰਡ ਲਈ ਪੈਸੇ ਦਾਨ ਕਰਨ ਦੀ ਅਪੀਲ ਕੀਤੀ ਹੈ।
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਮੋਗਾ ਦੇ ਸਿਵਲ ਹਸਪਤਾਲ ਵਿੱਚ ਸਟਾਫ਼ ਨਰਸ ਪਵਨਦੀਪ ਕੌਰ ਨਾਲ ਗੱਲਬਾਤ ਕੀਤੀ।
ਉਨ੍ਹਾਂ ਨੇ ਡਾਕਟਰਾਂ, ਨਰਸਾਂ ਤੇ ਪੈਰਾਮੈਡਿਕਲ ਸਟਾਫ਼ ਦਾ ਹਾਲ-ਚਾਲ ਜਾਣਿਆ।
ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ ਗੁਜਰਾਤ ਵਿੱਚ ਕੋਰੋਨਾਵਾਇਰਸ ਦੇ 45 ਨਵੇਂ ਪੌਜ਼ਿਟਿਵ ਮਾਮਲੇ ਸਾਹਮਣੇ ਆਏ ਹਨ।
ਇਸ ਤਰ੍ਹਾਂ ਗੁਜਰਾਤ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ 617 ਪੌਜ਼ਿਟਿਵ ਮਾਮਲੇ ਹੋ ਗਏ ਹਨ।