ਤੁਹਾਡਾ ਧੰਨਵਾਦ
ਬੀਬੀਸੀ ਪੰਜਾਬ ਦੇ ਇਸ ਲਾਈਵ ਪੰਨੇ ਨੂੰ ਅਸੀਂ ਇੱਥੇ ਹੀ ਵਿਰਾਮ ਦੇ ਰਹੇ ਹਨ। ਕੱਲ੍ਹ ਸਵੇਰੇ ਨਵੀਆਂ ਅਤੇ ਤਾਜ਼ਾ ਖ਼ਬਰਾਂ ਨਾਲ ਮੁੜ ਮੁੜ ਹਾਜ਼ਰ ਹੋਵਾਂਗੇ, ਉਦੋਂ ਤੱਕ ਦਿਓ ਇਜਾਜ਼ਤ।
ਜਾਂਦੇ ਜਾਂਦੇ ਇੱਕ ਨਜ਼ਰ ਹੁਣ ਤੱਕ ਦੀਆਂ ਸੁਰਖ਼ੀਆ ਉੱਤੇ
- ਪੰਜਾਬ ਵਿੱਚ ਖਾਲਿਸਤਾਨ ਦੀ ਕੋਈ ਲਹਿਰ ਨਹੀਂ , ਪੰਜਾਬ ਸਰਕਾਰ ਨੇ ਚੰਗਾ ਕੰਮ ਕੀਤਾ ਤੇ ਕੇਂਦਰ ਨੇ ਮਦਦ ਕੀਤੀ
- ਸਿੱਖ ਕੈਦੀਆਂ ਦੇ ਮੁੱਦੇ ਉੱਤੇ 27 ਅਪ੍ਰੈਲ ਨੂੰ ਅਕਾਲ ਤਖ਼ਤ ਉੱਤੇ ਇਕੱਠ ਸੱਦਿਆ
- ਮੋਦੀ ਸਰਨੇਮ ਦੇ ਮਾਮਲੇ ਵਿੱਚ ਪਟਨਾ ਹਾਈਕੋਰਟ ਵਿੱਚ ਰਾਹੁਲ ਦੀ ਪਟੀਸ਼ਨ
- ਰਾਜਨਾਥ ਸਿੰਘ ਨੇ ਸੁਖਬੀਰ ਬਾਦਲ ਨੂੰ ਫੋਨ ਕਰਕੇ ਪ੍ਰਕਾਸ਼ ਸਿੰਘ ਬਾਦਲ ਦੀ ਖ਼ਬਰਸਾਰ ਲਈ
- ਹਰਪਾਲ ਚੀਮਾ ਨੇ ਕਿਹਾ ਕਿ ਕਾਂਗਰਸ ਦੇ ਰਾਜ ਵਿੱਚ ਭ੍ਰਿਸ਼ਟਾਚਾਰ, ਰੇਤ ਅਤੇ ਟਰਾਂਸਪੋਰਟ ਦਾ ਮਾਫ਼ੀਆ ਚੱਲਦਾ ਸੀ। ਉਸ ਵੇਲੇ ਚਰਨਜੀਤ ਚੰਨੀ, ਰਾਜਾ ਵੜਿੰਗ ਅਤੇ ਨਵਜੋਤ ਸਿੰਘ ਸਿੱਧੂ ਕੈਪਟਨ ਦਾ ਸਾਥ ਦੇ ਰਹੇ ਸਨ।
- ਪੰਜਾਬ ਕਾਂਗਰਸ ਦੇ ਆਗੂ ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਉੱਤੇ ਤਿੱਖਾ ਸ਼ਬਦੀ ਹਮਲਾ ਕਰਦਿਆਂ ਉਨ੍ਹਾਂ ਨੂੰ ‘‘ਪੰਜਾਬ ਵਿੱਚ ਰੇਤ ਅਤੇ ਕੇਬਲ ਮਾਫ਼ੀਆ ਦਾ ਪ੍ਰਮੁੱਖ ਕਰਾਰ ਦਿੱਤਾ ਹੈ।’’
- ਰਾਹੁਲ ਗਾਂਧੀ ਨੇ ਮਕਾਨ ਖਾਲੀ ਕਰਨ ਤੋਂ ਬਾਅਦ ਕਿਹਾ, “ਭਾਰਤ ਦੇ ਲੋਕਾਂ ਨੇ 19 ਸਾਲ ਲਈ ਮੈਨੂੰ ਇਹ ਘਰ ਦਿੱਤਾ ਸੀ। ਮੈਂ ਉਹਨਾਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। ਇਹ ਸੱਚ ਬੋਲਣ ਦੀ ਕੀਮਤ ਹੈ। ਮੈਂ ਸੱਚ ਬੋਲਣ ਲਈ ਹਰ ਕੀਮਤ ਦੇਣ ਲਈ ਤਿਆਰ ਹਾਂ।”
- ਸੱਤਿਆਪਾਲ ਮਲਿਕ ਤੇ ਗੁਰਨਾਮ ਚਢੂਨੀ ਨੇ ਆਪਣੀ ਗ੍ਰਿਫ਼ਤਾਰੀ ਦਾ ਕੀਤਾ ਦਾਅਵਾ, ਤਾਂ ਦਿੱਲੀ ਪੁਲਿਸ ਨੇ ਕਿਹਾ ਆਪੇ ਆਏ ਹਨ ਥਾਣੇ, ਜਦੋਂ ਚਾਹੁਣ ਚਲੇ ਜਾਣ
- ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਨੇ ਅਮ੍ਰਿਤਪਾਲ ਸਿੰਘ ਦੀ ਪਤਨੀ ਕਿਰਨਦੀਪ ਕੌਰ ਨੂੰ ਅੰਮ੍ਰਿਤਸਰ ਹਵਾਈ ਅੱਡੇ 'ਤੇ ਰੋਕ ਕੇ ਪੁੱਛਗਿੱਛ ਕਰਨ ਦੀ ਨਿੰਦਾ ਕੀਤੀ ਹੈ