ਟੀ-20 ਵਿਸ਼ਵ ਕੱਪ: ਭਾਰਤ ਨੇ ਪਾਕਿਸਤਾਨ 'ਤੇ ਸ਼ਾਨਦਾਰ ਜਿੱਤ ਤਾਂ ਹਾਸਲ ਕੀਤੀ ਪਰ ਇਹ ਸਬਕ ਸਿੱਖਣ ਦੀ ਲੋੜ ਹੈ

ਲਾਈਵ ਕਵਰੇਜ

ਜਸਪਾਲ ਸਿੰਘ

1. 12 ਫ਼ਰਵਰੀ 2023ਭਾਰਤ ਨੂੰ ਪਹਿਲੀ ਸਫ਼ਲਤਾ ਦਿਵਾਉਣ ਵਾਲੀ ਦੀਪਤੀ ਬਾਰੇ ਦਿਲਚਸਪ ਗੱਲ

2. 12 ਫ਼ਰਵਰੀ 2023ਭਾਰਤ ਨੂੰ ਮਿਲੀ ਪਹਿਲੀ ਸਫ਼ਲਤਾ, ਦੀਪਤੀ ਸ਼ਰਮਾ ਨੇ ਲਿਆ ਪਹਿਲਾ ਵਿਕਟ

   ਦੀਪਤੀ ਸ਼ਰਮਾ ਨੇ ਭਾਰਤ ਨੂੰ ਪਹਿਲੀ ਸਫ਼ਲਤਾ ਦਿਵਾਈ ਹੈ। ਦੀਪਤੀ ਨੇ ਪਾਕਿਸਤਾਨ ਦੀ ਸਲਾਮੀ ਬੱਲੇਬਾਜ਼ ਜਾਵੇਰੀਆ ਖ਼ਾਨ ਨੂੰ 8 ਦੌੜਾਂ ਦੇ ਸਕੋਰ ਉੱਤੇ ਆਉਟ ਕਰ ਦਿੱਤਾ। ਫਾਈਨ ਲੈਗ ਉੱਤੇ ਉਨ੍ਹਾਂ ਦਾ ਕੈਚ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਲਿਆ।

3. 12 ਫ਼ਰਵਰੀ 2023ਵਿਰਾਟ ਕੋਹਲੀ ਨੇ ਭਾਰਤੀ ਖਿਡਾਰਨਾਂ ਨੂੰ ਆਪਣੇ ਅੰਦਾਜ਼ ਵਿੱਚ ਦਿੱਤਾ ਗੁੱਡ ਲੱਕ

4. 12 ਫ਼ਰਵਰੀ 2023ਹਰਲੀਨ ਦਿਓਲ ਸਮ੍ਰਿਤੀ ਮੰਧਾਨਾ ਦੀ ਥਾਂ ਟੀਮ ਵਿੱਚ

   ਸੱਟ ਕਾਰਨ ਬਾਹਰ ਹੋਈ ਸਮ੍ਰਿਤੀ ਮੰਧਾਨਾ ਦੀ ਥਾਂ ਪੰਜਾਬਣ ਕੁੜੀ ਹਰਲੀਨ ਦਿਓਲ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਬਾਰੇ ਟਾਸ ਵੇਲੇ ਭਾਰਤੀ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਜਾਣਕਾਰੀ ਦਿੱਤੀ

5. 12 ਫ਼ਰਵਰੀ 2023ਪਾਕਿਸਤਾਨ ਨੇ ਜਿੱਤਿਆ ਟਾਸ, ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ

6. 12 ਫ਼ਰਵਰੀ 2023ਭਾਰਤ ਬਨਾਮ ਪਾਕਿਸਤਾਨ: ਸਮ੍ਰਿਤੀ ਮੰਧਾਨਾ ਤੋਂ ਬਗੈਰ ਖੇਡੇਗੀ ਭਾਰਤੀ ਟੀਮ

   ਭਾਰਤ ਦੀ ਟੀਮ ਇਸ ਵੇਲੇ ਉਨ੍ਹਾਂ ਦੇ ਉਪ ਕਪਤਾਨ ਸਮ੍ਰਿਤੀ ਮੰਧਾਨਾ ਤੋਂ ਬਗੈਰ ਪਾਕਿਸਤਾਨ ਦੇ ਖਿਲਾਫ਼ ਮੈਦਾਨ ’ਤੇ ਉਤਰੇਗੀ। ਸਮ੍ਰਿਤੀ ਮੰਧਾਨਾ ਨੂੰ ਵਾਰਮਅਪ ਮੈਚ ਵਿੱਚ ਉਂਗਲੀ ਦੀ ਸੱਟ ਲਗ ਗਈ ਸੀ।

   ਈਐੱਸਪੀਐੱਨ ਕ੍ਰਿਕ ਇਨਫੋ ਅਨੁਸਾਰ ਟੀਮ ਮੈਨੇਜਮੈਂਟ ਵਲੋਂ ਕਿਹਾ ਗਿਆ ਹੈ ਕਿ ਸਮ੍ਰਿਤੀ ਵੈਸਟ ਇੰਡੀਜ਼ ਦੇ ਖਿਲਾਫ਼ ਦੂਜੇ ਮੈਚ ਲਈ ਫਿੱਟ ਹੋ ਜਾਣਗੇ।

7. 12 ਫ਼ਰਵਰੀ 2023ਭਾਰਤ ਬਨਾਮ ਪਾਕਿਸਤਾਨ: 'ਕੁੜੀਆਂ ਦੇ ਮੈਚ 'ਚ ਬਹੁਤ ਛੱਕੇ ਵੱਜਦੇ ਨੇ'

   'ਹੁਣ ਤਾਂ ਮੁੰਡੇ ਵੀ ਕੁੜੀਆਂ ਦੀਆਂ ਤਰੀਫਾਂ ਕਰਦੇ ਹਨ, ਸ਼ਫ਼ਾਲੀ ਵਰਮਾ ਬਾਰੇ ਕਹਿੰਦੇ ਕਿੰਨਾ ਵਧੀਆ ਖੇਡਦੀ...' ਆਈਸੀਸੀ ਮਹਿਲਾ ਟੀ20 ਵਿਸ਼ਵ ਕੱਪ ਵਿੱਚ ਭਾਰਤ ਪਾਕਿਸਤਾਨ ਦੇ ਮੁਕਾਬਲੇ ਬਾਰੇ ਕੀ ਕਹਿੰਦੀਆਂ ਇਹ ਪੰਜਾਬਣ ਖਿਡਾਰਨਾਂ

   ਰਿਪੋਰਟ- ਅਰਵਿੰਦ ਛਾਬੜਾ, ਸ਼ੂਟ- ਮਯੰਕ ਮੋਂਗੀਆ, ਐਡਿਟ- ਅਸਮਾ ਹਾਫ਼ਿਜ਼

8. 12 ਫ਼ਰਵਰੀ 2023ਕ੍ਰਿਕਟ ਦੀ ਪਿੱਚ ਉੱਤੇ ਬਣੇ ਉਹ ਰਿਕਾਰਡ ਜੋ ਔਰਤਾਂ ਨੇ ਮਰਦਾਂ ਤੋਂ ਪਹਿਲਾਂ ਬਣਾਏ

   ਕ੍ਰਿਕਟ ਪ੍ਰੇਮੀਆਂ ਨੂੰ ਮਰਦਾਂ ਦੇ ਕ੍ਰਿਕਟ ਰਿਕਾਰਡ ਬਾਖੂਬੀ ਯਾਦ ਰਹਿੰਦੇ ਹਨ। ਸ਼ਾਇਦ ਅਜੇ ਉਹ ਟਾਈਮ ਦੂਰ ਹੈ ਜਦੋਂ ਔਰਤਾਂ ਦੇ ਖੇਡਾਂ ਬਾਰੇ ਵੀ ਖੂਬ ਚਰਚਾ ਹੋਵੇਗੀ।

   ਤੁਹਾਨੂੰ ਸ਼ਾਇਦ ਯਾਦ ਹੋਣਾ ਕਿ ਕਿਹੜੇ ਮਰਦ ਕ੍ਰਿਕਟਰ ਨੇ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ ਹਨ, ਕਿਸ ਨੇ ਸਭ ਤੋਂ ਵੱਧ ਸੈਂਕੜੇ ਬਣਾਏ ਹਨ ਜਾਂ ਕਿਸ ਨੇ ਸਭ ਤੋਂ ਪਹਿਲਾਂ ਦੋਹਰਾ ਸੈਂਕੜਾ ਬਣਾਇਆ ਸੀ।

   ਹੁਣ ਅਸੀਂ ਤੁਹਾਨੂੰ ਇੱਥੇ ਉਨ੍ਹਾਂ ਮੁਕਾਮਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਔਰਤਾਂ ਨੇ ਮਰਦਾਂ ਤੋਂ ਪਹਿਲਾਂ ਕ੍ਰਿਕਟ ਦੀ ਪਿੱਚ ਉੱਤੇ ਹਾਸਲ ਕੀਤੇ ਹਨ। ਉਨ੍ਹਾਂ ਬਾਰੇ ਜਾਣਨ ਲਈ ਇੱਥੇ ਪੜ੍ਹੋ ਪੂਰੀ ਰਿਪੋਰਟ

9. 12 ਫ਼ਰਵਰੀ 2023ਪਾਕਿਸਤਾਨ ਦੀ ਖਿਡਾਰਨ ਸਿਦਰਾ ਅਮੀਨ ਦੇ ਘਰ ਪਹੁੰਚੀ ਬੀਬੀਸੀ ਪੰਜਾਬੀ ਦੀ ਟੀਮ

10. 12 ਫ਼ਰਵਰੀ 2023ਕੀ ਤੁਹਾਨੂੰ ਔਰਤਾਂ ਦੇ ਕ੍ਰਿਕਟ ਬਾਰੇ ਇਹ ਗੱਲ ਪਤਾ ਹੈ?

11. 12 ਫ਼ਰਵਰੀ 2023ਮਹਿਲਾ ਟੀ-20 ਵਿਸ਼ਵ ਕੱਪ ਬਾਰੇ ਕੁਝ ਖ਼ਾਸ ਗੱਲਾਂ

    • ਦੱਖਣੀ ਅਫ਼ਰੀਕਾ ਵਿੱਚ 10 ਫਰਵਰੀ ਤੋਂ ਟੀ-20 ਵਿਸ਼ਵ ਕੱਪ ਖੇਡਿਆ ਜਾ ਰਿਹਾ ਹੈ।
    • ਵਿਸ਼ਵ ਕੱਪ ਦੇ ਜ਼ਿਆਦਾਤਰ ਮੈਚ, ਸੈਮੀ ਫਾਈਨਲ ਤੇ ਫਾਈਨਲ ਕੈਪਟਾਊਨ ਦੇ ਨਿਊਲੈਂਡਜ਼ ਕ੍ਰਿਕਟ ਗਰਾਊਂਡ ਵਿੱਚ ਖੇਡੇ ਜਾਣਗੇ। ਪਾਲ ਸ਼ਹਿਰ ਵਿੱਚ ਵੀ ਕੁਝ ਮੈਚ ਖੇਡੇ ਜਾਣਗੇ।
    • ਇਸ ਦੇ ਨਾਲ ਹੀ ਪਹਿਲਾਂ ਪੋਰਟ ਆਫ ਐਲਿਜ਼ਾਬੈਥ ਦੇ ਨਾਂ ਨਾਲ ਜਾਣੇ ਜਾਂਦੇ ਗੇਅਬੇਹਾ ਵਿੱਚ ਵੀ ਮੈਚ ਹੋਣਗੇ।
    • ਇਸ ਵਿਸ਼ਵ ਕੱਪ ਵਿੱਚ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਇਨ੍ਹਾਂ ਨੂੰ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ।
    • ਦੋਵੇਂ ਗਰੁੱਪਾਂ ਤੋਂ ਦੋ-ਦੋ ਟਾਪ ਟੀਮਾਂ ਅੱਗੇ ਸੈਮੀਫਾਇਨਲ ਲਈ ਜਾਣਗੀਆਂ। ਸੈਮੀਫਾਈਨਲ ਮੈਚ 23 ਤੇ 24 ਫਰਵਰੀ ਨੂੰ ਖੇਡੇ ਜਾਣਗੇ। ਫਾਈਨਲ ਮੈਚ 26 ਫਰਵਰੀ ਨੂੰ ਖੇਡਿਆ ਜਾਵੇਗਾ।
    • ਅੱਜ ਦੇ ਮੁਕਾਬਲੇ ਵਿੱਚ ਭਾਰਤ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਸੱਟ ਕਾਰਨ ਨਹੀਂ ਖੇਡ ਰਹੇ ਹਨ।

12. 12 ਫ਼ਰਵਰੀ 2023

    ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ਉੱਤੇ ਤੁਹਾਡਾ ਸਵਾਗਤ ਹੈ। ਮਹਿਲਾ ਟੀ-20 ਵਿਸ਼ਵ ਕੱਪ ਦਾ ਆਗਾਜ਼ ਹੋ ਚੁੱਕਿਆ ਹੈ। ਅੱਜ ਭਾਰਤ-ਪਾਕਿਸਤਾਨ ਵਿਚਾਲੇ ਮੈਚ ਹੋਣ ਜਾ ਰਿਹਾ ਹੈ। ਇਸ ਪੇਜ ਰਾਹੀਂ ਤੁਹਾਨੂੰ ਅਸੀਂ ਇਸ ਮੈਚ ਨਾਲ ਜੁੜੀ ਹਰ ਅਹਿਮ ਅਪਡੇਟ ਦੇਵਾਂਗੇ।