ਲਾਇਵ ਪੰਨੇ ਨੂੰ ਵਿਰਾਮ! ਧੰਨਵਾਦ, ਵਿਧਾਨ ਸਭਾ ਚੋਣਾਂ ਨਾਲ ਸਬੰਧਤ ਇਸ ਲਾਇਵ ਪੰਨੇ ਨੂੰ ਅਸੀਂ ਇੱਥੇ ਹੀ ਵਿਰਾਮ ਦਿੰਦੇ ਹਾਂ। 17 ਫਰਬਰੀ ਨੂੰ ਸਵੇਰੇ ਮੁੜ ਹਾਜ਼ਰ ਹੋਵਾਂਗੇ। ਤੁਹਾਡਾ ਸਭ ਦਾ ਧੰਨਵਾਦ
ਅੱਜ ਦੇ ਅਹਿਣ ਘਟਨਾਕ੍ਰਮਾਂ ਦੇ ਵੇਰਵਾ ਇਸ ਤਰ੍ਹਾਂ ਹੈ:
- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪਠਾਨਕੋਟ ਵਿਚ ਰੈਲੀ ਕੀਤੀ ਅਤੇ ਭਾਜਪਾ ਲਈ ਪ੍ਰਚਾਰ ਕੀਤਾ
- ਸੁਖਬੀਰ ਬਾਦਲ ਨੇ ਬਰਨਾਲਾ ਵਿਚ ਰੈਲੀ ਕੀਤੀ ਅਤੇ ਕਾਂਗਰਸ ਹਾਈਕਮਾਂਡ ਨੂੰ ਚੰਨੀ ਦੇ ਬਿਆਨ ਉੱਤੇ ਮਾਫ਼ੀ ਮੰਗਣ ਲਈ ਕਿਹਾ।
- ਪੂਰੇ ਪੰਜਾਬ ਵਿਚ ਜਿੰਨੇ ਸਿਆਸੀ ਝੂਠੇ ਪਰਚੇ ਉਹ ਰੱਦ ਕੀਤੇ ਜਾਣਗੇ- ਕੇਜਰੀਵਾਲ ਦਾ ਐਲਾਨ
- ਮੋਦੀ ਸਰਕਾਰ ਨੇ 84 ਕਤਲੇਆਮ ਦੇ 30 ਸਾਲ ਤੋਂ ਖੁੱਲੇ ਘੁੰਮ ਰਹੇ ਕਾਤਲਾਂ ਨੂੰ ਜੇਲ੍ਹੀਂ ਡੱਕਿਆ- ਇਰਾਨੀ
- ਕਵੀ ਅਤੇ ਆਮ ਆਦਮੀ ਪਾਰਟੀ ਆਗੂ ਕੁਮਾਰ ਵਿਸ਼ਵਾਸ ਦੇ ਕੇਜਰੀਵਾਲ ਬਾਰੇ ਵਿਵਾਦਿਤ ਬਿਆਨ ਤੋਂ ਬਾਅਦ ਪਾਰਟੀ ਉੱਪਰ ਕਾਂਗਰਸ ਸਮੇਤ ਵਿਰੋਧੀ ਦਲ ਹਮਲੇ ਕਰ ਰਹੀਆਂ ਹਨ।
- ਆਪ ਨੇ ਵਿਸ਼ਵਾਸ ਦੇ ਬਿਆਨ ਵਾਲੇ ਵੀਡੀਓ ਨੂੰ ਫਰਾਡ ਦੱਸਿਆ ਹੈ।
- ਭਗਤ ਰਵਿਦਾਸ ਦੇ ਜਨਮ ਦਿਹਾੜੇ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਵੱਖ-ਵੱਖ ਸਿਆਸੀ ਆਗੂਆਂ ਨੇ ਇਸ ਸੰਬੰਧ ਵਿੱਚ ਧਾਰਮਿਕ ਸਮਾਗਮਾਂ ਵਿੱਚ ਹਾਜਰੀ ਭਰੀ।
- ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਕਿਹਾ ਹੈ ਕਿ '84 ਸਿੱਖ ਕਤਲੇਆਮ ਦੇ ਮੁਲਜ਼ਮਾਂ ਨੂੰ ਕਾਂਗਰਸ ਨੇ 30 ਸਾਲ ਤੱਕ ਬਚਾਅ ਕੇ ਰੱਖਿਆ ਪਰ ਮੋਦੀ ਸਰਕਾਰ ਨੇ ਉਨ੍ਹਾਂ ਨੂੰ ਸਜ਼ਾ ਦਵਾਈ।
- ਕੇਜਰੀਵਾਲ ਨੇ ਮੋਹਾਲੀ ਵਿੱਚ ਕਿਹਾ ਕਿ ਪੂਰੇ ਪੰਜਾਬ 'ਚ ਪਰਚਾ ਰਾਜ ਹੈ, ਜਿੰਨੇ ਪੁਰਾਣੇ ਝੂਠੇ ਪਰਚੇ ਇਨ੍ਹਾਂ ਨੇ ਕੀਤੇ ਹੋਏ ਹਨ ਉਹ ਰੱਦ ਕੀਤੇ ਜਾਣਗੇ।
